Monday, August 28, 2006

مسح جوخ


اشكر كل من ساهم باخراج هذا العمل الي النور و خاصة وزارتي الاوقاف و المواصالات
وعمدة جمهورية كاتنجا المتحدة
و سوبر ماركت الايمان لصاحبة فتحي لانشون وولدة
الذي كان خير معين لنا و لم يبخل علينا و امدنا بجميع انواع الدخان
وفرن رحاب لصاحبة ابو نسمة الذي لم يبخل علينا بجميع وسائل الاشعال
و مطعم الكونت عبد الصمد وخالتة والذي لم يبخل علينا بخالتة
التي توفاها الله قبل ان يري هذا العمل النور
(غير انها كانت عامية فمعتقدش انها كانت هاتشوف حاجة )
اذا وجد اي تشابة بين الشخصيات المذكورة و اي شخصية حقيقية
او تشابة في الاحداث فهي بالتاكيد ليست من خيال المؤلف
لأن المؤلف باع خيالة في سوق الجمعة علشان يكمل قسط الموبايل:
و علي رأي الشاعر : بلدي و ان جارت علي عزيزة و اهلي و ان ضنوا علي كرام...
مش فاكر دة شاعر و لا جزار لأن الموضوع في ضان فا اغلب الظن انة جزار :

فا الي كل من ساهم في هذا العمل حسبي الله ونعم الوكيل

13 comments:

  1. عزيزي (جعان) ربنا يوفقك وربنا يكرمك يارب وربنا يبارك فيك

    وان شاء الله اعمالك كلها تبقى ممتازة ان شاء الله
    وربنا يكرمك

    تحياتي (نضدا)

    ReplyDelete
  2. ربنا يسترك يا اصيلة يا بنت الامرا
    والله نورتي المطرح
    بالله عليكو يا اخوانا تعملو زي الحجة ندا نادوني بانا جعان
    علشان حمير امن الدولة
    انا ورايا عيال اربيها

    ReplyDelete
  3. مبغوووووووووووووك




    no03'

    ReplyDelete
  4. ايه المدونة السكر هاي الله يباركلك فيها وتربرب و تكلبظ وتتملي بنات افكار

    عشتار

    ReplyDelete
  5. جعان يا جميل نسيت تشكر السيد مدير الامن والسيد مدير الاستاد
    كده مش حلو عشان صحتك

    ReplyDelete
  6. الله يخليكي يا عشتار
    وكلك نظر شوفي المدونة كدة بحاجة من طبيخ امبارح



    ابو مالك انا بعت برقية شكر تسلم باليد للسادة الافاضل اللي ذكرتهم

    ReplyDelete
  7. مدونة مش ممكنة بجد
    أنا مسبتش حاجة مقريتهاش

    ربنا يسعدك ويباركلك يارب

    :>:>:>:>

    ReplyDelete
  8. ههههههه
    يالله ما اخف دمو الشعب المصري

    ReplyDelete
  9. الله يكرمك يا سحابة المدونة نورت و متكسفيش خدي اللي يعجبك

    ايمان
    علي فكرة دة كدة انا اتقل دم في المصريين

    ReplyDelete
  10. انا صارلي فترة بقرأ في صفحات لكتاب مصريين ولا مدونة دخلتها الا ضحكت بشكل مش طبيعي حتى لما يكون الموضوع مش مضحك بتخلوه مضحك!!!
    الله يسعدكم كمان يا خويا:)

    ReplyDelete
  11. واحد من الناس

    بقولك يا جعان
    ربنا يوفقك يارب
    انتا دماغ بصحيح
    ربنا يحرسك يابني

    ReplyDelete
  12. خى الفاضل
    كنت بعمل تحقيق عن اسماء المدونات واسببها ولو تسمح عايزة اعرف السبب بتاعك؛ منتظراة على ميلى oheb_hegabee@hotmail.com

    ReplyDelete
  13. ده ايه ده انت مالك ومال فرن ابو رحاب طيب انا لو عارفه انه هيساهم فى ده كنت قفلته من بدري

    ReplyDelete

بعبع وقول اللي في نفسك يا خويا