Monday, August 28, 2006

جعان افندي في السجل المدني

السلام علي من اتبع الهدي و البلغة لمن هوي

من كام يوم كدة قلت اروح السجل المدني اغير اسمي المهم و بعد طابور استمر 14 ساعة لمسافة 7 كيلومتر مربع :( وصلت الي الموظف المسئول وبعد ان نطقت بالشهادتين و المعوزتين قلتلة في ادب الملائكة.. لو سمحت يا باشا انا عايز اغير اسمي... :ang:بصلي الموظف من فوق لتحت و هو يغتصب سانتدوتش طعمية .. نعم يا افندي ما هي ناقصاك عايز تغير اسمك لية؟؟ اسمك الجحش و لا ابوك اسمة المفش..؟؟ابتلعت الاهانة واحسست بطعم الحموضة وقلتلة في هدوء مسعور... لا يا استاذ بس انا عايز اغير اسمي و اخلية انا جعان.. -نعم يا خويا جعان اية يالا غور من وشي بدل ما افتحلك نافوخك

وقرن القول بالفعل و اتجة نحوي بمفك انجليزي معتبرواطلقت ساقي للريح و فتحت علي الزراعي في اثناء هروبي من الموظف المخبول ابن المجنونة اخذت افكر بصوت عالي مين اللي قال ان اسم انا جعان ملوش معني؟؟؟؟؟ انا لما اقول انا جعان مش قصدي الاكل و الشرب ولكني قاصد الجوع المعنويالذي يعاني منة اغلب الشعوب العربية........بالبلدي كدة فين المستشفيات و المهزلة اللي اسمها التــأمين الصحي ;) اذن انا جعان علاج فين التعليم السليم القادر علي خلق جيل سوي مثقف؟؟؟ ;) اذن انا جعان ثقافةفين الهوا النضيف و الاوزون اللي انخرم؟؟ اذن انا جعان اوزونفين الشوارع الاءدمية و عبور المشاة؟؟ ;) اذن انا جعان مطبات قصدي شوارعفين استاد نضيف اتظاهر فية بمزاج؟؟ اذن انا جعان استاد

فين ام محمد علشان تغسل الغيارين فين .... وفين.... فين حاجات كتير اوي.............. بييييييييب بيب بيب بييييييييييييييييييب بيب بييييييييييييبسيارة مسرعة وصاحبها صارخا.وسع يا حمار من وسط الشارع.....امشي علي جنب با خروف جتكو نيلة مليتو البلد

8 comments:

  1. انت جعان وانا كمان
    فين وفين وفين
    وجون وجون وجون على رأي حسام

    ReplyDelete
  2. انت شكلك كنت مقضيها كرة شراب فترة لا باس بها من عمرك

    ReplyDelete
  3. مش انت بس اللى جعاااااااان .... على كده تلات تربع البلد هتروووح تغير اسمها
    و بس شوووكرن

    ReplyDelete
  4. الله بجد خبت الخلاصة

    شكل الراجل بتاع السجل المدنى كان بيحسبك تقصد سندوتش الطعمية اللى فى أيدية

    ولو على كدة يبقى أحنا فى مجاعة من سنيييين وهستمر سنيييييين

    تحياتى

    ReplyDelete
  5. اصل الصراحة السنتدوتش كان طالع من عيني يا اباصيري

    ReplyDelete
  6. الناس جعانه ومع ان الاكل موجود بس هتنيها جعانه ربنا يشبع شعب مصر الغلبااااااااااااااان

    ReplyDelete
  7. انت بتغلط فى الخرفان ليه مش عيب ها الراجل ده لازم يتادب وبعدين ما البلد فيها كل حاجه اقولك روح اعمل اعتصام فى اوتيل فايف ستار هههههههه

    ReplyDelete
  8. ههههههههههههههههههههههههههههه
    موضوع دمه خفيف اوي

    :D

    ReplyDelete

بعبع وقول اللي في نفسك يا خويا