Tuesday, August 29, 2006

وراء كل عظيم امرأة ماسكة ورك فرخة



مبروك يا بروفيسور الاختراع نجح و عملنا اول ست صناعية في العالم و تستطيع هذة النسخة نطق الكاف قاف و تستطيع النظر لسيدة اجمل منها دون ان تمسك في زمارة رقبتها و في نفس الوقت تستطيع شراء 6 فساتين فقط في الشهرمع مراعاة تناسق اللون الاصفر مع البدنجاني المحمرو من الاعجاز ان هذة النسخة تستطيع ان تتحكم في غضبها لمدة 30 دقيقة متواصلة و الاهم اننا قمنا بحذف بعض الكلمات من قاموسها زي يا دلعدي و يا ابن القديمة و امك تخينة اوييرد البروفيسور في تواضع...الحمدللة كلة بفضل ربنااحنا بالاختراع دة هنقدر نحل مشاكل ملايين الرجالة في العالم..الذين اصبحوا مكسحين و مقهورين يقولها البروفيسور و يغرق في بحر الذكريات ....يعود الموضوع الي 5 اعوام مضت عندما توحشت النسوان (النسوان لغة عربية فصحي)و اصبح لهم انياب و لا احد يعلم سبب هذا التحول الرهيب في الطباع النسوانية ربما هي الحرب الكيماوية ربما من كثرة استعمال ادوات الماكياج المضروبةلا احد يعرف السبب الحقيقي و اصبح من الطبيعي ان تجد بعضهن جالسات فوق شجرة المانجة اما جنينة الحيوانات بالجيزةمعها طفلها تقوم بتفليتة التفلية هي عملية بدائية اخترعها الانسان بدلا من الاستحمام و اقتبستها منة القرودو تقوم الام بمحاولة البحث عن القمل في رأس المحروس الصغير و تجدها تصرخ في سعادة اذا عثرت علي قملة في صحة جيدة حتي تطعمها لصغيرها الذي يصرخ محتجا يا ماما انا عايز قمل بالفراخ زي شريف صاحبي انا زهقت من القمل ابو ملح... واذا كنت سعيد الحظ قد تري عدة رجال اشداء من الخانكة يسحبون واحدة من اياهم علي بوزها محاولين وضع كمامة السعار علي وجهها و بين اسنانها قفا زوجها و يحاولون تخليصة منها و الزبد الابيض يتطاير من فمها محاولة عض هذا و البصق في وجهة هذا و ضرب احدهم بالشلوت وتسمعها تصرخ كالمنهوشة...- سيبوني انا مش مجنونة انا فلة و تقوم برقص رقصة المجنونة يابا يابا عالمجنونة... وتنتهي عملية القبض علي الزوجة بوضع قفا الزوج مكان وجهة و اصابة احد التمرجية بالشلل الرعاش و الاخر بالبواسير بسبب الشلاليت التي استقبلها و يتم وضع السيدة في احد الاقفاص مع مثيلاتها من المنهوشين حاول العلماء جاهدين ايجاد حل لهذة الكارثة و هو سعار النسوان حاول البعض علاجها بالكهربا فكانو يضعون سيدة منهوشة في طشت صفيح مع ايصال سلك كهربا عريان الي فم السيدة لمدة تتراوح الي 3 ايام مع رش الماء علي الطشت ولكن فشلت هذة الطريقة و ادت الي انقطاع الكهربا عن نصف الجمهورية و لم تؤدي هذة الطريقة سوي ان اكتشفت السيدات مدي حبهم للكهربا فاذا مررت في الشارع تجد مجموعة منهم حوالين عمود نور و كل واحدة حاطة سلك كهربا في بقها.اما عن مستوي الذكاء فقد حدث انخفاض شديد فا في عام 1900 نجد الطفل في الاعدادية جالسا بجوار الام يذاكر مادة الجغرافيا - ماما ماما -عايز اية يا حبيب امك- هي جبال الالب فين ياماما.؟؟؟تنظر الام نظرة العالمة بكل الالغاز..- اسأل ابوك هو اللي مابيحطش حاجة في مكانهاو في عام 2000و بعد تقدم التكنولوجيا و حصول النسوان علي جميع حقوقهم و شهادة نحو الامية و حق الجلوس في الحديقة الدولية نجد نفس الطفل و قد اصبح كهلا جالسا بجوار امة و قد اوشكت علي الاحتضار و خروج السر الالهي..فاكرة يا ماما لما قلتلك من 100 سنة هي جبال الالب فين؟؟؟ايوة فاكرة يا حبيبي و قلتلك روح اسأل ابوك هو اللي بيضيع كل حاجة...-مظبوط ياماما بس دلوقتي الزمن اتغير و انتي واخدة 16 شهادة نحو الامية تقدريتقوليلي هي جبال الالب فين؟؟تنظر الام نظرة متواضعة. انا ظلمت ابوك يا ضنايا روح بص عليها في الكومودينو اللي في الحمام ..و بالرغم من كل دلائل التخلف المتمثلة يصرون علي انهم اكثر تحمل من الرجل فنجد في احد المحاكم رجل يشتكي ان زوجتة تحب الفراخ بجنونو يريد ان يطلقها. و يقف اما القاضي و نجد الزوجة تقف بجانبة و بعض الريش يظهر من شعرهاو تقول الزوجة...- يا سيادة القاضي جوزي مقتنع ان انا مجنونة علشان بحب الفراخ..ينظر لها القاضي قائلا ..-ياسلام طيب ما انا كمان بحب الفراخ اوي... شااكوشتنظر السيدة في فرحة متخلفة و النبي يا بية انت اكيد هاتنبسط اوي تشوف المجموعة بتاعتي انا عندي 84 جوز فراخ في الدولاب لكل هذة الاسباب اصبح وراء كل عظيم امرأة ماسكة ورك فرخة

11 comments:

  1. جعان باشا
    انا شايفة انك طابخ نسوان بالفراخ
    والورك بعد الأكل للتحلية

    دايماً خفيف الظل ماشاء الله عليك

    ReplyDelete
  2. سيبك انتا
    اللينكات بتاعتك دى اللى ملهاش سوليوشن

    ReplyDelete
  3. بقى المدونة بقالها 5 تدوينات و انا ماعرفش؟؟؟؟؟؟
    مدونة جميلة جدا

    ReplyDelete
  4. إلاهى ياخدك يابعيد
    أنا هافطس من الضحك على وكستنا الكبيرة وذنبى فى رقبتك يا فتحى

    ReplyDelete
  5. يا بايي عليك لك من وين جايب كل هالعنصرية...
    بس بتعرف هاد بيدل انك بتعشقها لهالنسوان....

    كال نسوان كال

    عشتار

    ReplyDelete
  6. انتوا طابخين ايه النهاردة ؟

    ماتقولش فراخ

    اتاريك بتدلع البنت وبتقولها (كوكو)

    ههههههههههههههههههههه

    مدونة اكثر من رائعة

    للامام دائما وبالتوفيق ان شاء الله

    وانا لسه باتعلم تدوين ما تشوف المدونة بتاعتي لاني لسه اول يوم النهاردة باعملها

    ReplyDelete
  7. هو الواحد المفرو يرد علي الناس كلها ولا الدنيا بتمشي حلواني؟؟؟؟

    ReplyDelete
  8. يعنى جيت تشوف لو عندى نقانق , وانت عندك الفراخ دى كووووولها

    اه يا مفترى !

    ReplyDelete
  9. طيب ما بلاش انت يا صديقى تخيل اعكس بقى على غباء الرجاله فى المعامله يا سلام لو عملوا لنا رجاله تبطل هاتى وهاتى واعملى واعملى يااااااااا تبقى الدنيا بمبى يا مستفز

    ReplyDelete
  10. appy
    اية يا بنتي بتنكشي في القديم لية
    ما كنا حلوين

    انتي جاية تهيجي الجماهير عليا ولا اية

    اللي مات فات واحنا ولاد النهاردة
    الا مجموعة الحمام بالفريك بتاعتك اخبارها اية

    ReplyDelete
  11. عارف واحده يوم عيد ميلادها قاعده بتقرا البلوج بتاعك من الاول بزمتك دي حد عاقل ههههههههه هموت من الضحك مع انى قريته قبل كده والله لاعلق فى كل المواضيع بما انى قاعده فى البيت

    ReplyDelete

بعبع وقول اللي في نفسك يا خويا