Monday, August 28, 2006

يوم مشينا بالسليب في صحراء الهايكستب






الموت علينا حق و الجيش علينا حق فا الي كل اسرة لا يعرف ابنها الحق فلترسلة الي حيث لا يعرف الحق

مقدمة الموضوع مهداة من الروائي الكبير سعيد الملط
و الحاصل علي جائزة نادي الباكابورت للقصة القصيرةوعضو اتحاد البلابيص بالسيدة ورئيس جمعية عنكب شد واركب لأدب الاطفال و الحائز علي نيشان هز يا وز من جمعية ام بطة للشعر العشوائي
وصدرت لة مجموعة قصصية للكبار بعنوان:...ام رحاب وعالم ما وراء السحاب.مصرع صرصار في وضح النهار.شد السيفون يا محروس احسن المية بتخر.
وبعض المؤلفات العلمية بعنوان:..... تعلم قانون الجاذبية وانت قاعد عالطبلية.نظرية النسبية مع طنط بهية.هل الارض كروية وشك في الحيط و قفاك ليا
وهذة كانت نبذة قصيرة لحياة طويلة مليئة بالعطاء لكاتب اثري حياة الكثيرين فلتدعو لة عزيز القاريء بالرفاء و البنين و ان ربنا يفك سجنة.......وهنيالك يا فاعل الخير
اقسم بالله العظيم وقائع هذة المهزلة حقيقية تحدث كل عام علي ارض مصر المخروبة...واذا وجد تشابة في الاشخاص او الوقائع فهو ليس من قبيل الصدفة ربما توجد بعض الشطحات العنترية والاضافات السحلبية لكنها من قبيل ترطيب الجو الخانق للحقيقة....
بعض الملاحظات:الهايكستب هو مكان تجمع اكثر من مليون شاب سنويا من جميع انحاة مصر المعمورة(المعمورة دي مصيف زي العجمي كدة) لتقديم انفسهم للتجنيد الاجباري
السلب:بكسر السين و اللام هو قطعة من ملابس الرجال( زي السروال بس اصغر شوية )
مرت علي وقائع القصة عدة اعوام لا اريد ان اتذكر عددها حتي لا اموت كمدا بعد ما حصلت علي بكالوريوس السياحة و الفنادق وقامت امي العزيزة بوضع الشهادة في صدر حجرة المسافرين و بجانبها صورة مرسومة باليد لطفل يقضي حاجتة في قصرية و ينظر في بلاهة للرسام(اغلب الظن انة اخويا الصغير في مرحلة مبكرة من عمرة)ولمت عليا الناس ووزعت المغات والبلح الامهات قعدت جنبي و باست وشي وخدي وقالت في سعادة شديدة مازلت مندهشا لسسبها الي الان.....مبروك يا ضنايا حجتك خلصت خلاص و اخدت البكالوريوس فاضل العروسة بقي و اشوف احفادي يا ابني...نظرت اليها وقلت في هيام المتخلفين...يا حاجة العروسة موجودة بس الواحد يشتغل وبعد كدة ربنا يفرجها..واذا بصوت من ورائي اتضح بعد ان فوقت من اغمائتي انة خالي يقول....وناوي تعمل اية في الجيش يا جعجع يا حبيبي؟؟؟التفت الية و قلت...جيش اية يا خالو.. اشم نفسي الاول..!اجابني في استهزاء نفس اية يا ابو نفس دة انت قدامك شهر بالكتير تخلص ورقك و تروح الهايكستب تسلم نفسك...وتعرف يعني اية الرجولة علي حق...نظرت الي امي في غيظ قائلا في سري...كان يوم مدوحس يوم ما اخوكي جة زارنا (مدوحس يعني لما يكون عندك دمل في صباعك و بعد كدة يبقي خراج و يدوحس)المهم ذهبت السكرة وجائت الفكرة و بدات في مساعي قاتلة لتخليص ورقي بدءا من شهادة الي الميلاد الي صحيفة الحالة الجنائية مرورا بشهادات التخرج من حضانة و اعدادي و ثانوي واذا امكن شهادة نحو الامية...(صحيفة الحالة الجنائية شهادة من الحكومة تثبت انك راجل مسايس ولسانك حلو و مش بتاع لبط)وفي رحلتي هذة قابلت اصناف من البشر الواحد كان يشوفهم في التلفزيون في مسلسل الساعة 8 مثلا و انا بجيب صحيفة الحالة الجنائية وبما اني من ساكني مدينة نصر فكان اغلب رواد القسم من ساكنيها و المناطق المحيطة من مصر الجديدة و نادي هليوبليس و الشمس و الزهور قلة من رواد النادي الاهلي
و كما جرت العادة لازم الموظف المسؤول يقوم بوضع الزفت و الشحم علشان ياخد بصمة ايديكو بعد كدة تمسح ايديك في اي حيطة دة لو لقيت حيطة نضيفة...المهم واد جنبي يوشك علي البكاء و يقول للموظف...هو يا عمو لازم احط ايدي في الكاكا دي؟؟؟ يرد الموظف في سعار متماسك ويجز علي اسنانة ايوة ياخويا لازم تحط ايدك في الكاكا علشان الحكومة عايزة كدةو باذن واحد احد لما تدخل الجيش عيشتك هتبقي كاكا في كاكا يمسك الموظف يد الشاب و يضعها في الشحم و يأخذ بصماتة علي الصحيفة... ويسقط الشاب ارضا عند رؤية منظر اصابعة....وينظر الي باقي الطابور في هيستريا قائلا....اللي بعدددددة...ويضع كل الشباب يدهم في الكاكا لوحدهم...المهم مرت الايام سريعة كالعادة عند انتظار وقوع البلاء وجاء اليوم المشهود للذهاب الي صحراء الهايكستبولحسن الحظ ان ربنا اكرمني و عندي عربية ولا كان زماني محشور مع امثالي من المجرورين من قفاهم الي الجيش في الميكروباظات ولكني كنت متفائلا فما ان وصلت و لقيت احد المجندين يقترب مني قائلا...الفسحة ورا يا استاذ حط العربية هناك.....حطيت العربية و انحشرت بين قوافل مجندين المستقبل....واتجهنا الي مصيرنا المجهول ..واكتشفنا ان موقع التقديم يبعد 3 كيلومتر في عمق الصحراو من رفق الحكومة بنا خصصت لنا اتوبيس ليقلنا واذا بي اجد نفسي امام اتوبيس يبدو انة كان يخص واحد من كفار قريش المهم اتشاهدت و نطيت وسط المطحنة مش هقدر احكي الاحداث داخل الاتوبيس حتي لا نخدش حياء البعض لكني اكاد اقسم شوفت البعض ينزل من الاتوبيس و تكاد الدموع تسقط من عينية اة بالمناسبة حتي لا يظن البعض الظنون...انا طولي حوالي ال 188 واتمتع ببواقي جسد رياضي بسبب ممارستي للرياضات العنيفة من اول رفع كوزين الاسمنت وضرب ولاد الجيران و في بعض الاحيان ضرب الجيران نفسهم فكان الكثير منهم يفكر 1000 مرة قبل الاحتكاك بي المهم لقيت كمسري اي والله كمسري و بيقول تذاكر يا اساتذة ..... تذاكر .... تذاكر فقولتلو ...دي تذاكر اية؟؟؟اجابني في قرف شديد...امال انت عايز تركب ببلاش؟؟؟هممت بدق نافوخة لكني تراجعت و اخدت التذكرة بقي اقطع تذكرة علشان ادخل الجيش..؟؟؟؟؟؟ المهم المشهد كالاتي و الله علي ما اقول شهيد...نزلت الافواج من الاتوبيس و تجد البعض معاة كيس زبالة كبير مليان سنتدوتشات جبنة و فول يقوم ببيعها.... و ينادي و يقول...فول و جبنة ......الحق يا مجند اخر وجبة يا مجند.....المهم تجاوزت بتوع الفول و بياعين السجاير الفرط و الكيلوباترا البوكس ووصلنا الي قدس الاقداس و علي الجانبين علي الحيطان تلاقي كلمات مائثورة و حكم علي سبيل المثال لا الحصر....الموت او الشهادة.......مت شهيدا و لا تعش جبانا النصر او الشهادة .....الشجاع يموت مرة واحدة و الجبان يموت 1000 مرة... الجندية شرف و رجولة يا ولاد الكلب...(دي من عندي)طبعا بعض من الذين شافوا العبارات دي في اللي وقع من طولة و في اللي عملها علي روحة اما البعض و يعتقد انهم من صعيد مصر المبارك قلعو الجلابية و البلغة وصرخوا باعلي صوتهم :...لبيك اللهم لبيك....حي عالجهاد...واشتد الحماس بالبعض و اخذ الناقة وشرخ محاولا العبور الي العراق....المهم بعد ان هداء الجميع ...ظهر لنا ظابط شاب يبدو علية الاحترام و الادب وقال لنا في مودة...صباح الخير طبعا انتو كلكو ولاد ناس و جامعيين فياريت تساعدونا علشان تخلصو بسرعة وتروحو بالسلامة...يا صول فتحي لم الورق منهم انا سمعت الكلمتين دول و قلبي انفتح و قلت ما ضاقت الا لما فرجت وقلت يا رب يسر...اقف طابور يا متعلم انت وهو احنا مش فاضينلوكو خلص يالاااااااااااااااااااااااااااااااااا منك لة...كان دة صوت الصول فتحي و اغلب الظن ان احد جدودة كان من قوم عاد او ثمود ووقفنا طابور اجدع من طابور العيش...وتم لم الورق منا وجرجرونا الي مكان يطلق علية الاستراحة علشان ما طولش عليكو انا وصلت منطقة التجنيد الساعة 7 الصبح دخلنا الاستراحة الساعة 11 و جلسنا في انتظار الكشف الطبي و النفسي ويشتمل علي1.النظر2.الوزن3.الطول4.العظم واي تشوهات جسدية5.اختبار قدرات ذهنية و نفسية
المهم يقوم احد المجندين القدامي بمناداة الاسماء حسب ترتيب سنة الميلاد و يدخلو عالكشف الطبي وتتكون المجموعة من حوالي 100 شاب في شرخ الشباب يتم ادخالهم في حجرة مساحتها 6 في 5 متر او اكثر قليلا كل اللي فات كوم واللي حصل في الاودة دي كوم....نظر العسكري المسئول عنا الينا وقال في هدؤ شديد....يلا يا استاذ انت وهو كل واحد يقلع هدومة ويحطها في الكيس اللي استلمة فيتقدم واحد من الشباب الفرافير شوية و يسئال في خجل الانثي.؟ينفع اقعد بالبنطلون لو سمحتم؟؟؟ينظر لة العسكري في برود و يرد في هدوء غريب..لا يا استاذ مينفعش لازم تقلع و تفضل بالسلب...المهم طبعا احنا لا استلمنا كياس و لا نيلة بقي منظرنا شر البلية مايضحك شباب زي الورد قالعين ملط الا ما يستر عوراتهم وشايلين الجزم في ايد و الهدوم في ايد ودخلنا حجرة اوسع ووجدنا زملاءنا في الكفاح العاري المهم عملنا الكشف الطبي و النظر و السمع و العظم طبعا الحاجات دي بتكون عبارة عن تمرجي برتبة لواء في الجيش يمر مرور الكرام علينا يعني بيكشف بالنظر كدة ....و طبعا بيتم اختيار ضخام الجثة لترشيحهم سواء صاعقة او مظلات او ضفادع بشرية و انتهي الكشف الطبي و تلاة النفسي و هو عبارة عن ورقة فيها 3 اسئلة
1.اذكر اسمك بالكامل2.اذكر تاريخ ميلادك 3.ما هي هواياتك
و بعد الاجابة الصحيحة تكون صحيح نفسيا بشهادة الدولة بالرغم ان كان في واحد جنبي كان حاطط صباعة في مناخيرة و بيلعب فيها محاولا تذكر اسم امة...
الحاجات التي لا تازال علقة بنافوخي... في كشف النظر كان في واحد جنبي نظرة ناقص 5 او والله ناقص 5 و العين التانية ناقص 4 يا دوب شايف بطنة وكان حاطط أمل ياخد اعفا وعلي حظ امة الاسود الجيش بياخد لغاية ناقص 9في كشف العظام كان معانا واحد تخين اوي لا يقل عن 140 كيلو باي حالو واضح زي الشمس ان مصاب بالتصاق الفخذين المهم الدكتور عدي علينا و بص للواد شوية و بعد كدة مشي و كمل كشف المهم الواد جري عالدكتور و يكاد يبوس ايدة و يقولة..يا دكتور انا عندي التصاق في الفخذين يا فندم...ينظر لة في اشمئذاذ و يكاد يهشة من امامة...لا انا شايف انك سليم..و الله يا فندم انا ملتصق حتي شوف سيادتك و يقترب منة علشان يفرجة الالتصاق ويبتعد الدكتور في قرف صارخا في بعض العساكر ..شيلو الواد العبيط دة من قدامي يصرخ الملتصق في شبة جنون مختلط بالضحك انا ملتصق يا عالم انا ملتصق يا ناس حتي شوفو اهوة الالتصاق انا حتي مش عارف امش يو يقوم العساكر بسحبة و يلصقوة باقرب شجرة....ينتهي الكشف و نلبس هدومنا و كل واحد فينا يتحاشي النظر في وجة زميلة.....ونخرج الي الخلاء في انتظار معرفة مصيرنا وهل سندخل الجيش ام سنعفي او سيؤجل ويسود الصمت المكان اذ يخرج العسكري المسؤل عن التبليغ بوضعك من التجنيد...في صوت جهوري
جندي مجند زكي زكي زكي ظابط احتياط جندي مجند خلف الله خلف خلاف مجندجندي مجند محمد محمد محمد محمدين سلاح المدفعية جندي مجند جعان احمد جعان سلاح الصاعقة ضفدع بشري يأخذني الذهول بضع لحظات و...لااااااااااااااااااااااا ضفدع لاااااااااااااااااااااااااااا ضفدع لاااااااااااا لااااااااااااااااااجعان جعان يا ضنايا فوق يا حبيبي خير الهم اجعلة خير دة كابوس ولا اية يا ضنايا؟؟؟؟انظر حولي مندهشا .؟...
انا فين ؟ انتي مين؟ مين دة ..؟. اية لية؟؟؟لا حولا ولا قوة الا بالله الواد عقلة خف بقي بيحلم بالجيش ليل نهارقوم يا ابني اغسل وشك وروح شغلك الساعة بقت 9قولتلك قبل كدة مفيش بني ادم ياكل صنية مكرونة بالبشمل فرخة قبل ما ينام

53 comments:

  1. انا كمان علي وشك اركب ام الخلول عشان اخدم الوطن.............همال اشحت في وسايط من دلوقتي....انا مش عارف ايه علاقة شرب ميه فيها فران ميته، و اكل في حشرات، و معمله غير ادميه من واحد بالعفيه بيكتب اسمه بالرجوله،،،،

    ReplyDelete
  2. يا سيدي ربنا يكرمك و تركب الحلزونة زي علية القوم
    و العلاقة وثيقة طبعا بين المية ام فران و خدمة الوطن

    و علي رائي المثل الجيش زي الجواز و مش كل اللي داخل الجيش بيدخل متطوع

    ReplyDelete
  3. This comment has been removed by a blog administrator.

    ReplyDelete
  4. ههههيييه الجيش علينا حق
    تصدق ان ده نفس الي حصلي في الزقازيق صحيح جيش اسطمبات.
    بس الحمدلله خدنا الشهادة لم يصبه الدور
    عقبال كل السامعين يا رب

    ReplyDelete
    Replies
    1. طيب انت امرك سهل انا خريخ كليه حقوق بنى سويف تجنيد المنيا وعامل عمليتين تفتيت وعمليح جراجيه بالكليه اليمنى وعمليه الزايده وعندى 5 حصاوى تانى واحده فى جيب الكليه اليمين كانت مساحتها 2 بقت 8سم و4 حصاوى بالحالب كل وحده مساحتها2 او2.5 سم المشكله ان رحت الحلميه لجنه عليا 14 مره سفر وتعب ومصاريف حوالى2500 جنيه والمستشار بتاع المسال يقول الحصاوى مبطلعش من الجيش المشكله يا فندم انا عارف بس يا فندم اى مجهود ببذله او قله مياه بتعب طب انا ممنوع اقل حاجه من لعب الكورة اديلى حوالى سنه فقال اييييييييييييييييييييييه؟ مصر محتاجاك ياولدى كرهنى فى ولدى اللى بيقولها عبدالحليم وسلاح ايه كمان بعيد عنك مدفعيه
      ياعم عالعموم هى سنه تتقضى بالطول والعرض وانت اللى بتقرى الرساله نصيحه من اخ تمها ولو اسف فى التعبير اللى هقوله لو طلعو دينك لازم تقضيها ومتفكرش والله هتعدى زى اى سنه وربنا يحرص بلدنا لان مش هتحس بالكلمه دى الاربنا يقدر تشوف مصر فى ايد ناس تانيه

      Delete
  5. أنت بتتريق على أتوبيس كتيبة المدفعية 768 المخصص لنقل المجندين من الشارع إلى الهايكستب و ال بيدفعوك ربع جنيه تذكره علشان تركبه و اللا على أتوبيس النقل العام ال كان شكمانه فاتح على الكابينة و تذكرته 50 قرش باسعار 1999؟

    فكرتني بالكشف كمان. بعد ما قلعنا و حطينا هدومنا على الأرض و دخلنا قاعة كبيرة مساحتها ييجي 15 × 20 متر، جا طبيب يبص على عضامنا و يشوف ال عنده كساح و ال عنده عاهة و الملتصق، و بعدها كان المفروض نخرج من باب جانبي علشان نتجه إلى عيادة النظر و الطول و الوزن، و الباب دا واقف عليه طبيب شبه ساويرس كدا و ماسك سماعة في إيده و ما بيتحركش: مسؤوليتك أنك تعدي عليه و تضبط شمال صدرك على السماعة و تاخد نفس و تلمح طرف عينه و هو بيلمحلك أنك تنصرف من قدامه.

    ReplyDelete
  6. منقوع فى قرفك يا بلدWednesday, 01 November, 2006

    لا ادرى لماذا كل هذا العناء
    بداية من مجرد التفكير فى انك تخلص ورق الجيش و كلكم عارفين انك على متطلع انت ورقه فى اى مصلحه لازم تطلع روحك الاول و تتعامل كما لو كنت بتشحت منهم دا حتى الشحات بيلاقى شوية عطف و شفقه ممكن تقول بنتعامل زى الجربان
    كله بيتعامل معاك بقرف لا نهائى
    حتى تظن انك فعلا جربان و المية قاطعه عندكم من يجى عشرين سنه
    المهم بعد ما تطلع روحك يجى مية مرة
    تخلص ورقك ومتلحقش تتنهد حتى
    و تلاقى نفسك المفروض تروح منطقة التجنيد
    هناك تلاقى المعاملة اتغيرت كتير عن المصالح الحكومية
    تحس بصراحه انه ناقص يحطولك عسكرى على البوابه يتف عليك
    و عسكرى يضربك على قفاك
    و مش بعيد عسكرى يجرجرك من شعرك لحد جوه
    و اول ما تدخل يبدا مسلسل الاستنزاف
    لازم تشترى مجله القوات المسلحه اجبارى
    و مش عارف لازم تاخد كام مكنه حلاقة علشان تنفع الكانتين
    اجبارى برده مش عارف ليه
    و بعدين تحس ان انت فى يوم الحشر الاعظم
    تلاقى كل كلب اجرب بيتنطط و يتنك عليك مش فاهم الناس دى طمعت فى النقص اللى فى الدنيا خدتة ليهم و لا ايه
    و بعد ما تسلم ورقك و ربنا يفتحها فى وشك
    تلاقى الكشف الطبى
    ادفع نص عمرى و اعرف ليه الكشف الطبى
    دكتور بيكشف عليك بمجرد النظر فى كل حاجه هو دكتور واحد بيكشف كل التخصصات راجل عبقرى انه يعرف كل التخصصات طبعا
    و العبقريه بعينها انه يكشف بالنظر
    المهم بعد كل المهزله
    و اللى يلطم يلطم
    اللى مش بيشوف اصلا
    و اللى و اللى و اللى
    و الدكتور عايز يخلى مسئوليته
    و عايز تطلع روح اجرى
    و اعرف ناس بتدخل و هى اصلا متنفعش خالص و بعدين يقعد سنه و لا حاجه بيجرى على لجان الرفد الطبى
    المهم فى الاخر
    رضينا بالذل و المرمطه و قلة الادب دى
    تيجى فى الاخر ماما مصر عايزانا فى ايه بعد كل ده
    فى كلام فارغ و قلة ادب
    و اتحدى لو حد فى جيش اتعلم حاجه واحده مفيده ممكن تنفعه لو دخل حرب
    ذل و قلة ادب على الفاضى
    و كلها مسرحية
    و كفاية عليكم كده
    علشان انا متعقد
    و مش عايز اعقدكم معايا

    على فكره انا اتصيت سنتين و نص
    ضابط احتياط
    ودى لوحدها لو حكيت عنها مأساه و قله ادب لا متناهية
    و بدون فايدة للبلد
    و اسأل مجرب

    و شكرا يا مصر
    و ابقى قابلينى لو حد بقى عنده انتماء ليكى

    ReplyDelete
    Replies
    1. انا عندى امنتماء و عارف انك كذاب

      Delete
    2. انا عندي استمناء

      Delete
  7. اول امبارح روحت الهايكسزفت
    فعلا اشتريت بون غصبن عني بخمس خنيه مع اني كنت مصور كل الاوراق حوالي خمس نسخ
    وبعد كده حطونا فيي الانتظار عباره عن مدرجات كبيره معموله من الطوب وغير مريحه بالمره وفعلا اضريت اققعد حوالي 5 ساعات بدون فعل اي شي مجرد انتظار
    وطبعا اشترينا مجله القوات المسلحه بالاجبار
    والعسكري عمل معايا خناقه لاني مكنتش عايز اشتريها
    هي اسمها مجله النصر مطبوعه بالالوان وعلي اول صفحه صوره الرئيس كبيره وهي مجله تافهه ولكن حكم القور
    وبعد كده لاني متزوج من اجنبيه قالوالي انتا دواعي امنيه استنا الصول بتاع الدواعي الامنيه اللي هياخدك يخلصلك الورق وده كلفني حوالي انتظار 3 ساعات كمان داخل الاستقبل
    وطبعا شباب الواسطه كانو رايحين جايين كل واحد ماشي معاه عسكري بيخلصله ورقه بسرعـه ومالوش دعوه بالطوابير ومحدش يقدر يفتح بوقه
    بعد كده اكتشفت اننا ال ايه فاقد دفعه يعني متاخر عن ميعادي لان المندوب اللي في قسم الشرطه اداني ميعاد غلط وطبعا مقدرتش اثبت لان مندوب التجنيد بيقولكل تعال يوم كذا اخلصلك ورقك ومش بيديك اي ورقه تثبت انه قالك كده فطبعا سلمت امري لله
    والموظف وهو راجل ملتحي معظم اللي راحو الهايكستب يعرفوه رمالي الورقه وقالي روحي اشتكيه يلا بالسلامه
    رجله عذاب تاني يوم لاجراء كل الفحوص وبعد كده استلام ال 110جند وبعد كده ادوني ميعاد علشان اروح المخابرات اللي هتحدد هاخش جيش او لا
    ولو قالوالي هتخش مش هستنا الارجاء لاني فاقد
    دفعه يعني لابس لابس
    نصايح صغيره للاخوه اللي هيروحو

    يا ريت كله يتاكد كويس من ميعاد مندوب القسم لانهم مساطيل هناك وممكن تخش الجيش بسببهم
    احلق شعرك قصير ودقنك والا هتضر تحلق زيي عند حمار هيخرب راسك
    لو تعرف واسطـه انشلا عسكري في الهايكستب ممتتردش واطلب منه مساعده باي تمن
    لو هتقف في طابو تصوير المستندات حاول تسلك نفسك مع اي عسكري بدل الركنـه لمده ساعه واكتر
    خد معاك سجاير لان الكنتين مفيهوش الا كيلوبترا حقيره وكمان بتخلص بسرعه
    خد معاك اكل علشان الكانتين مفيهوش الا فطير وبيبسي كانز وبسكوت
    انزل من البيت بدري علشان تلاقي مواصلات للهايكستب
    لو عسكري مد ايديه عليك او زعق في وشك متسكتلوش ومتخافش لانك لو سيبته بس يحط ايديه علي كتفك هيبهدلك
    اطلب من الست الوالده تدعيلك وانتا نازل !!!!

    ReplyDelete
  8. حوار جامد كيك , انا كنت هموت من الضحك , خصوصا الواد الملتصق الي زي ده

    ReplyDelete
  9. بجد بجد حرام عليك
    انا هموت بسببك ياجعان
    انا اول مرة اشوف المدونة بتاعتك بس كدة حرام انا ورايا امتحان وم عارفة اقوم ازاكر قبل ماخلصها
    محدش بقى بيشوفك فى هريدي ليه؟

    ReplyDelete
  10. حسين
    انا الدور ما اصابش اللي قدامي
    اصابني انا :(

    ReplyDelete
  11. ألِف
    تقريبا الدكتور اللي بتكلم علية
    طلع ميت
    وكان مسندة عسكري
    وهو اللي بيلعبلة حواجبة

    ReplyDelete
  12. منقوع فى قرفك يا بلد

    بعد ما عرفت انك كنت ظابط احتياط
    مفيش حاجة اقولهالك
    غير
    روح انت من الاحرار يا منقوع

    ReplyDelete
  13. بخصوص موضوع العناوين المستخدة هنا: ارجو منك حذف لفظ الجلالة من هذة العناوين لانه يجب تقديس هذا الاسم لذلك لا يجب اقرانه بهذا الشكل مع "ام الخلول" مثلا .. طبعا انت لا تقصد ذلك لكن
    هذا لا يجب سواء بقصد او بدون تقديسا للفظ الجلالة.

    بخصوص موضوع الصعايدة:
    اولا انا مش صعيدى
    لكن حديثك عنهم غير مؤدب بالمرة
    اولا: لازم تعرف انك لو عندك رجولة صبي صعيدى فقط يبقي انت راجل فعلا.
    ثانيا: و هو الاهم الصعايدة اخواتنا.
    ثالثا: لابد ان تعرف ان موضوع النكت علي الصعايدة دي فكرة قديمة هدفها تشوية ناس كويسة جدا و اصحاب اخلاق و دين.

    ReplyDelete
  14. يا جماعة انا ليا تعليق على موضوع الجيش والهايكستب .. انا خريج مدارس لغات واداب انجليزى .. يعنى كنت شاب مرفهه خالص .. اتجندت من حوالى 13 سنة .. يعنى الموضوع كان اصعب من الى بتحكوا عليه دلوقتى .. والكام كيلو الى انتم ركبتوا فيهم اتوبيس زبالة .. احنا اخدناهم مشى وما كانش فيه كنتين من اصله فى الهايكستب .. موش علب كانز بيبسى زى ما بتقولوا .. اتجندت فى تشكيلات قتالية بسبب ضخامة جسمى .. واتاخدت من الدار للنار .. تدريبات قاسية .. ومعاملة غير آدمية بالمرة .. مجرد انك تبص جنبك فى التدريب معناه طابور ذنب .. تتلف بتلات بطاطين فى عز الحر فى شهر 7 وتجرى حوالين الجندارى 45 دقيقة .. ودة حصل معايا مرة واتنين وتلاتة .. بهدلة يا جماعة بعدها بهدلة .. كانوا بيلموا الكلاب من الشوارع ويضربوها بالنار واحنا واقفين طوابير ويسيبوها يومين تلاتة لغاية ما تعفن ويخلوك تحضن الكلب المعفن دة وتزحف به .. اخدنا طوابير اعاشة .. فيران وتعابين وفراخ صاحية .. عملوا كل حاجة معانا .. حالتى النفسية اتدهورت وماقدرتش استحمل .. تقريبا انهرت ورفضت حتى اقابل اهلى فى الزيارة يوم الجمعة .. وقتها قعد معايا عقيد فى المركز وقالى جملة كانت مفيدة جدا ليا .. قالى "يابنى احنا تشكيلات قتالية .. يعنى اول مجموعات تشتبك من العدو .. عاوزنا نطبطب عليكم ونقعدكم فى الظل وندلع فيكم .. وبعد كدة لا قدر الله تحصل حرب وتروحوا تضيعوا فيهاوما تاخدوش فى ايد العدو دقايق وبعديها نلاقيهم فى القاهرة .. ولا ننشف عضمكم وقلوبكم ونخليكم وحوش وقت الجد تاكلوا اعداءكم وتمنعوهم من انهم يحتلوا بلدنا ويبدهلوا اهلنا .. يابنى احنا بتدريباتنا القاسية ديا بنحافظ عليكم .. لما تدريبكم يبقى اقوى واقسى من تدريبات اعداءنا تقدروا تغلبوهم وترجعوا لاهلكم سالمين" .. انا ياما اتجرحت وانا بتدرب .. لغاية دلوقتى ببص للجروح الى فى ايديا بفخر بينى وبين نفسى لانى استحملت .. والنهاردة بعد 13 سنة بقولكم "ايوة العقيد دة كان عندة حق فى كل كلمة .. يكفى انى اتعلمت حاجات كتيرة فى الفترة القصيرة الى قضيتها فى الجيش .. يكفى انهم علمونى اكون راجل ما اخفش .. انى اثق فى نفسى وفى قدراتى وفى مشيئة الله سبحانه وتعالى ..انى وقت الجد ما اترددش واخد قرارى مهما كان صعب وانفذه .. لما والدى توفى من 9 سنين .. والدتى واخواتى انهاروا وقتها وانا الوحيد الى وقفت .. حضرت غسل ابويا بنفسى وشيلت خشبته على كتفى ودفنته بنفسى ووقفت اخد العزاء وخلصت كل حاجة لوالدتى واخواتى .. كنت بنتقطع من جوايا نفسى كنت ابكى زى اخواتى .. بس ما كانش ينفع .. كان لازم اكون راجل واقف لابويا .. نسيت اقولكم يا جماعة ان والدى كان رتبه فى فى مكان يرأس وزارة الدفاع نفسها .. ومع ذلك اتجنتدت فى تشكيلات قتالية وخدمت فى جيش ميدانى كمان .. ويوم ما قائد الوحدة بتاعتى عرف والدى مين اتخض وكلم والدى فى التليفون وقاله "والله يافندم ما كنتش اعرف انه ابنك .. بكرة الصبح يبقى عند سيادتك فى البيت" .. رد والدى وقاله "لو كنت عاوزه فى البيت ماكنتش دخلته الجيش من اصله وجبتله اعفاء .. بس انا عاوز ابنى يبقى راجل زيه زى زمايله .. وانا دخلته الجيش علشان تعلموه يبقى راجل" .. وقد كان ياجماعة .. الله يرحمك يا والدى علمتنى صح.

    ReplyDelete
  15. السلام عليكم جميعا
    اولا احب اقول ان اسلوبك مش جيد في الكتابة ثانيا حضرتك متوقع ايه من الجيش يعني عايزينهم يجبولك بسكويت وشيكولاه ثالثا لما يجبولك شيكولاه وبسوكيت وتيجي حرب بلدك اللي مستهزئي بيها دي (الحرب بتجي بالدور بص على العرق فلسطين والايران عن قريب)حضرتك بقى لما يشرف جندي اسرائيلي بلدنا اللي حضرتك نازل ترياه عليها باسلوبك الظريف وليس اكثر هاتعمل ايه يابسكوتة ؟؟؟؟ لازم تكون ارجل من كدا

    ReplyDelete
  16. السلام عليكم ورحمه الله وبركاته اولا الاسلوب مسخره وضحكت جدااااااا لدرجه انى نسيت نفسى والاكل شاااط ثانيا اتمنى من الله القادر على كل شئ ان كل شباب مصر يدخلو الجيش حتى اللى هما ليهم اعفى بدل ما هما قاعدين على النت وقرفنا ليل مع نهاااااار يمكن يسترجلو شويه

    ReplyDelete
  17. السلام عليكم ورحمه الله وبركاته اولا الاسلوب مسخره وضحكت جداااااا لدرجه انى تسيت الاكل وشاااااط ثانيا اتمنى من الله العلى القدير ان كل شباب مصر يدخلو الجيش ويتبهدلو حتى اللى عندهم اعفى بدل ماهما طول اليوم على النت قرفناااا يمكن يسترجلو شويه ويرجع زمن الرجوله

    ReplyDelete
  18. السلام عليكم ورحمه الله وبركاته اولا الاسلوب مسخره وضحكت كتيييير ومعجبنيش طريقه الكلام على مصر ثانيا اتمنى من الله العلى القدير ان كل شباب مصر يدخلو الجيش ويتبهدلو حتى اللى عندهم اعفى عشان يعرفو الرجوله ايه ويرجع زمن الرجاله ويسلط عليهم المنايفه فى الجيييش وهما اللى هيتوبوهم

    ReplyDelete
  19. الله يكون في عونكم الحمد لله اني بنت
    بس ياريت تشيل الجمل البذيئة اللي حضرتك حططها عشان احترام لفظ الجلالة اللي حضرتك كتبه وبعدين لازم تشوفو الصعب لان في اصعب منه

    ReplyDelete
  20. يعني انت اساسا ربنا كرمك ومعاك عربية وشهادة كويسة وساكن في منطقة راقية وبتتكلم بالطريقة دي لا بجد مش عارفه اقولك ايه بجد ؟؟؟؟
    الله يكون في عونكم كلكم بس صدقوني دا لمصلحتنا وبكرة تعرفوا ليه
    وياريت ياكابتن جعان مش تتكلم باسلوب السخرية دا
    وبعدين ابتدى تخاف شوية عشان دلوقتي اي امين شرطة تافه يقدر يلبسيك قضية ارهاب
    خاف بقى ياحلو على نفسك لاتتعلق من الذى نجاك منه الله

    ReplyDelete
  21. جعاااااااااااااااااان اطلب تعليق على البنات اللي بعتلوك تعليقات دول

    ReplyDelete
  22. مجهولة
    ربنا يعينكم ويكرمكم كلكم بدخول الجيش ياااااااااااااااااااارب

    ReplyDelete
  23. والله يا حعان يا ابنى لا انتا جعان ولا حاجحة بس القصة وما فيها مش جربت المرمتطه بجد واهى فرصة تتمرمت فى حياتك مره من نفسك ويكون لك درس فى الحياه اللى احنا عايشنها دى
    بس على فكره اخوك قلب من الجيش اهو على اكام يوم وكنت اتمنى بجد ان ادخله مع المرمطه بتاعته لانى قديم فى المرمطه وصاحب عيا بس اهوا
    غاوى تعب تقول ايه

    ReplyDelete
  24. الجيش المصري بيعامل الناس معاملة غير ادمية فعلا والي بيشكرو فية دول ناس ادمنو الأهانة من شدة القهر النفسي ذي الشخص الي يتعرف للأغتصاب و يدمنو فيما بعد وبعدين ما الجندي الأمريكي مرفهه و بياكل اكل راقي وعايش في نعيم وساعة الجد عندهم القدرة يفشخو اي بلد يحاربوها و الأمثلة حولينا كتير اهانة الجندي وازلالة عمرها ما تعمل منة راجل

    ReplyDelete
  25. يابنى اللى حصلك ده ميجيش واحد لعى مليون من اللى حصلى لأننا قمنا بمعارك فى منطقة التجنيد ولا معارك عنترة العبسى فى صحراء اليمن واهانونا وضربونا وضربناهم وأشياء كثيرة جدا موجودة على الرابط ده
    www.ghiboba.blogspot.com

    ReplyDelete
  26. والله أسلوبك جامد موووووووووت في الكتابة, أنا اتعرفت على مدونتك من تقرير كدة في احدى المواقع عن المدونات, و أسلوبك الممتع ده خلاني أقرأ كل المواضيع هنا في يوم واحد بس مع اني مش من هواة القراءة
    ربنا يكرمك و يهدي بلدنا دي
    وإوعى تفكر إنك تبطل كتابة
    أنا أصلا رايح الجيش في يناير المقبل ومع اني خايف وقلقان بس الموضوع ده مخلانيش أبطل ضحك بأمانة :D

    ReplyDelete
  27. بسم الله الرحمن الرحيم
    مدونة رائعة رائعة رائعة . . حبيت بس انى اضيف للموضوع دة بالذات لانى ليا مع الجيش قصة هروب مقصودة و اللى بيقولك مينفعش بيقول و خلاص المهم انا كنت فى كلية تجارة السنة التانية و حصلت ظروف مرض و وفاة والدى و اضطررت للعمل و مع الاسف اهملت الكلية حتى فصلت منها لانى كنت اعمل بالنهار و الليل و ذهبت لاقدم اوراقى فطبعا قالولى انت مؤهل متوسط ليك 3 سنين . . المهم مشيت فى اجراءتى عادى من غير ما يكون فيه اى ورق ليا و من غير ما اكشف او الكلام دة و انا بحاول ادور على ثغرة او اى حاجة . . . لان ال 3 سنين دول لو انا هاتبهدل و اتمرمط المرمطة دة برة هابقى مليونير فى ال 3 سنين دول . . . المهم الحل بسيط خالص و هو انك تنتظر الى سن 30 سنة ثم تتقدم تخلفات و تدفع غرامة فى حدود من 2000 الى 5000 جنية مصرى ياخدوهم بالهنا و الشفا حاليا انا 28 سنة و عندى محل كومبيوتر مبيعات و بسافر و بروح و باجى محدش بيبخ معايا طول ما انا فى حالى و الحمد لله . . . لان بصراحة المناظر و المعاملة فعلا غير ادمية مع كل خالص احترامى للاخ صاحب الرد العقيد اللى قالوة و شرحلوة لية المعاملة كدة . . . انا حتى بفكر اخد دورة فى مركز خارجى اسمها تاهيل الكليات الحربية . . . هنا بقى بقول ممكن تتدرب بخشونة تنضرب تتعذب بس باسلوب احترافى لو حد شاف الفيلم بتاع ديمى مووور لما اتطوعت فى البحرية الامريكية الفيلم اسموة g i jane

    الحمد لله على كل شىء و اللى يحب يكلمنى ايميلى

    GOLD3700@Yahoo.com

    ReplyDelete
  28. الجيش ندانى

    أنا الجيش ندانى و مئدرشى .. يا مصر أمشى معبرشى
    جيلك يا بلدى مبنفضشى .. نديتينى و نداكى ميتوصفشى
    يابن بلدى تعالى متكسلشى .. دا ابوك خدمك خدمة متتعوضشى
    جبلك اخ متستعبطشى .. و تئول كل دا حوار محصلشى
    الجيش مستنى يللا متخفشى .. هتئضى الخدمة على طول و تمشى
    ترد الجميل لبلدك متتهربشى .. دى مصر يبنى متتئدرشى
    فى الهايكستب متتنططشى .. من الفجر هناك متسهرشى
    اسمع الكلام متتفزلكشى .. ائلع البس متتكسفشى
    فى الكشف الطبى متمسلشى .. و تئول اه يا ضهرى يا بطنى يا كرشى
    ؤئف صح متتعوجشى .. هتدخل هتدخل متحولشى
    هيرحلوك هما متتعبشى .. على مركز تدريب مئولكشى
    اوعى تئول وسايط متخبطشى .. هو دا نصيبك متعيطشى
    من اول يوم متتصدمشى .. هى دى المعاملة متتجنينشى
    هيشتموك و يهزئوك متسمعشى .. ؤئف ثابت متتحركشى
    لو كان على الجيم متئلئشى .. هيظبطوك جوه متزعلشى
    من غير فلوس متدفعشى .. ئولتلك جميلها ميتئدرشى
    استرجل شوية متدلعشى .. اغسل و امسح متتكدرشى
    ميه سئعة سوخنة متفرئشى .. دى اوامر عليا متتكسرشى
    اليوم باسبوع ايوه متستغربشى .. دى دنيا تنيا متفكرشي
    نيو رولز جوه متتسدئشى .. خليك راجل اوعى متستحملشى
    أيام فيها هتبئى نبطشي .. هتشوف فيها اللى ميتشفشى
    هتلبس بيادة متتخيلشي .. وتئول كان فين أيام الكوتشي
    هتاكل اكل ميتبلعشى .. الخلطة السودة مع الطرشى
    متحولش معاه مبيتهضمشى .. وتبئا مصيبة لو منزلشى
    دولابك مفتوح متسبشى .. وتقول انا هنا متسرئشى
    خليك عادى متعشى .. دى عالم ضيعه مبترحمشى
    تدريبك يخلص متطفشى .. على سلاحك تتوزع متتئخرشى
    مفيش اجزات متتحيلشى .. خليك عزيز متتزليلشى
    نصيحة منى متحورشى .. خليك مؤدب متئبحشى
    لو عملوا ايه متتهورشى .. ؤعد ساكت متتكلمشى
    لو ظابط زعئلك متئوحشى .. وئولو حاضر معلشى
    دى ايام و تعدى متئفشى .. هتشوفو بره متستعجلشى
    هانت يبنى متزهئشى .. يومين كمان متتخنئشى
    دى مصر الغالية متتكبرشى .. عشنها نموت منترديدشى
    خلاص يا بلدى مبتعبشى .. عشان ترابك اصحى منمشى
    بخدم ايه ده ميتحسبشى .. كفاية نيلك اللى مترتشنى

    تم هذا العمل بواسطة جندى مجند إسلام عاطف
    l.o.o.k.a@hotmail.com

    ReplyDelete
  29. احسن تستاهلوا بقى علشان متعملوش فيها سبع كرنبات فى بعض وتقولوا الرجاله مش عارف ايه بس يبك الطوله هيبه برضه

    ReplyDelete
  30. الى الان وللاسف مفهوم اكتر المصريين عن الحرب والرجولة مفهوم متخلف وغبي وغير عقلاني
    الانسان المدني هيفضل مدني طول عمره حتى لو قعد في الجيش سنة ولا تلاتة
    لو في عدو هجم على اي بلد العدو ده بيكون جيش كامل مدرب مش بيكون شباب جامعيين قضو فترة اجبارية عسكرية
    ثانيا بخصوص الرجولة ناس كتير حرامية وواطيين بيدخلو الجيش وبيطلعوا منه وهما بردو حرامية وواطيين
    ثالثا خدمة الوطن بتكون في مجالات كتيرة ولكن للاسف الانسان العسكري مش بيشوف خدمة الوطن الا في العسكرية وطبعا بيفرض رايه على الشعب كله
    ولكن لو احنا عقلانيين زي دول اخرى كان ممكن يكون في خدمة اجبارية للوطن في مجالات كتيرة ومتعددة وفعلا تساهم في بناء الوطن مش تدخل سنة وتفتكر انك خلاص بقيت زيك زي جيوش العالم اللي مدربة بشكل حقيقي
    احنا انهزمنا في 67 ولكن في 73 انتصرنا وكان النصر بفضل الله ثم بجيش حقيقي مش شوية عيال بيتمرمطو بحجة انهم يبقو رجالة ويدافعو عن الوطن

    ReplyDelete
  31. ah .. ham yed7ak wee ham yebaki... ana ta2deemi kaman kam youm ya regala!

    ReplyDelete
  32. شركة تنظيف منازل بالخبر تعد افضل شركة تنظيف بالخبر حيث تقدم جميع خدمات تنظيف المنازل والشقق والفلل والمجالس والكنب والسجاد والموكيت بافضل جودة وارخص الاسعار بالاعتماد علي كافة الادوات والامكانيات الجديثة والمتطورة فتعد افضل شركة تنظيف مجالس بالخبر بالاضافة الي تقديم العديد من خدمات التنظيف الاخري التي يحتاجها اهالي محافظة الجبر والدمام من تنظيف وصيانة مسابح وتنظيف مطابخ وتنظيف وصيانة المكيفات اي ان شركة المثالي جروب تعد افضل شركة تنظيف بالخبر
    فلدينا

    شركة تنظيف بالخبر

    شركة تنظيف مسابح بالخبر
    شركة صيانة مسابح بالخبر

    شركة تنظيف كنب بالخبر
    شركة تنظيف مطابخ بالخبر
    شركة تنظيف مكيفات بالخبر

    كما توفر شركة المثالي جروب بالمنطقة الشرقية فروعها يجميع محافظات المنطقة الشرقية لتقديم خدمات التنظيف علي اكمل وجة من الدقة والتيميز فتوفر افضل شركة تنظيف منازل بالقطيف وخدمات تنظيف المسابج وصيانتها بالدمام والمنطقة الشرقية فلدينا

    شركة تنظيف منازل بالقطيف
    شركة تنظيف بالقطيف

    شركة تنظيف مسابح بالدمام
    شركة تنظيف مسابح بالقطيف
    شركة صيانة مسابح بالقطيف

    ReplyDelete

  33. شركة تنظيف منازل بالجبيل هي احدي فرع شركة المثالي جروب للتنظيف بالمنطقة الشرقية حيث تقدم لعملائها افضل خدمات التنظيف ومكافحة الحشرات بالجبيل البلد والجبيل الصناعية بالاعتماد علي كافة الاساليب الحديثة وخبرة عشرات السنوات بمجالات التظيف فمع شركة تنظيف بالجبيل تستطيعون الحصول علي منزل نظيف معقم امن خالي من الحشرات فاذا اردتم تنظيف المنزل لاحل سوي شركة تنظيف شقق بالجبيل فهي افضل شركة تنظف بالجبيل ولم نغفل عن خدمات التنظيف الاخري فلدينا الخدمات الاتية

    شركة تنظيف فلل بالجبيل
    شركة تنظيف مجالس بالجبيل
    شركة تنظيف بيوت بالجبيل

    شركة تنظيف مسابح بالجبيل
    شركة صيانة مسابح بالجبيل
    شركة تنظيف خزانات بالجبيل

    كما توفر الشركة خدمات مكافحة الحشرات ورش المبيدات بالضمان باستحدام اقوي المبيدات الالمانية ذات الجودة والقدرة الهائلة علي ابادة الحشرات وبلا رجعة فلا تترددوا بالاتصال بشركة مكافحة حشرات بالجبيل

    شركة مكافحة حشرات بالجبيل
    شركة رش مبيدات بالجبيل

    ReplyDelete
  34. نقدم لكم شركة المثالية للتنظيف بالاحساء الشركة الرائدة في تقديم جميع خدمات التنظيف الشاملة للمنازل والشقق والفلل والمجالس والكنب والسجاد والموكيت والمفروشات بجميع مدن ومحافظات المنطقة الشرقية بالمملكة العربية السعودية فتعد شركة المثالية للتنظيف بالاحساء افضل شركة تنظيف بالاحساء حيث تقوم بجميع خدماتها بالاعتماد علي كافة الادوات والاساليب والحديثة بالاضافة الي خبرة عشرات السنوات بمجالات التنظيف ومكافحة الحشرات ورش افضل انواع المبيدات الامتة والفعالة فلدينا شركة المثالية لمكافحة الحشرات بالاحساء والمتخصصة في مكافحة جميع انواع الحشرات وابادتها ابادة تامة بالضمان باستخدام اقوي انواع المبيدات الامنة والفعالة وذات الجودة الدقة العالية فتقدم ابادة الحشرات بافضل جودة وارخص الاسار فحقا هي الشركة المثالية للتنظيف بالاحساء فهي حقا افضل شركة تنظيف ومكافحة حشرات بالاحساء والجبيل وباقي محافظات المنطقة الشرقية بالمملكة العربية السعودية كما توفر الشركة خدمات نقل العفش والاثاث بالمنطقة الشرقية فلدينا افضل شركات نقل الاثاث بالمنطقة الشرقية

    شركة نقل عفش بالاحساء
    شركة نقل عفش بالجبيل

    شركة تسليك مجاري بالجبيل
    شركة شفط بيارات بالجبيل
    شركة كشف تسربات المياه بالجبيل

    ReplyDelete
  35. شركة تاج لتسليك المجارى بالدمام 0551844053 والاعتماد على حل كافة مشاكل انسداد مواسير الصرف الصحى
    شركة تسليك مجارى بالدمام
    نعمل على حل مشاكل انسداد الحمامات والمطابخ واذابة الدهون المتراكمه ويوجد تسليك للبيارات مع تنظيفها مع الضمان 3 شهور تمتلك
    افضل المعدات الحديثة والادوات التى تجعلنا دائما فى طليعة شركات التسليك بالدمام ولا تقل اهمية عن شركة طيوب لتسليك المجارى بالدمام
    شركة تسليك مجارى بالقطيف
    شركة تسليك مجارى بالخبر
    شركة تسليك مجارى بالجبيل
    شركة تسليك مجارى بصفوى وسيهات وراس تنورة
    شركة تسليك مجارى بالاحساء
    شركة طيوب لتسليك المجارى بالدمام
    شركة طيوب لتسليك المجارى بالقطيف
    شركة طيوب لتسليك المجاري بالخبر
    شركة رش مبيد بالدمام والخبر

    ReplyDelete
  36. شركة تاج لمكافحة الحشرات بالمملكة العربية السعودية 0551844053 من اوائل الشركات التى تتميز بالقضاء على الحشرات ابادة فورية
    وتامه مع الضمان القضاء على كافة انواع الحشرات الزاحفه والطائرة (النمل - الصراصير -البق - الثعابين_ الوزغ_ النمل الابيض _ الفئران
    ويوجد قسم خاص وعروض هائله لرش الدفان ومكافحة النمل الابيض بالدمام والرياض
    شركة مكافحة الحمام بالدمام والخبر
    شركة مكافحة حشرات بالدمام
    شركة مكافحة حشرات بالقطيف
    شركة مكافحة حشرات بالجبيل
    شركة مكافحة حشرات بالخبر
    شركة مكافحة النمل الابيض بالدمام
    شركة رش دفان بالرياض
    شركة مكافحة حشرات بالرياض
    شركة مكافحة الحمام بالجبيل والقطيف
    شركة مكافحة حشرات بالاحساء

    ReplyDelete

  37. توفر الشركة لعملاؤها الكرام الكثير من خيارات و برامج عمليات تنظيف المنازل
    شركة تنظيف منازل بالجبيل
    وخبرتنا العملية و استطلاعنا الدائم لسوق خدمات تنظيف الشقق يؤكد لكم عملاؤنا الكرام انكم حتما ستجدون ما يناسب
    احتياجاتكم ضمن شرائحنا المختلفة والمتعددة المصممة خصيصا لتلبى مختلف احتياجاتكم فى اعمال تنظيف المنازل بالجبيل
    تنظيف المنازل بالقطيف انتشر بكثرة بين الناس لضمان الحصول على افضل اسعار تنظيف الشقق ذلك لأن شركات التنظيف لديها من
    العمالة ما يكفي لأنجاز المهام فى اقل مدة زمنية، ايضاَ كل شركة تنظيف من المفروض ان يتوفر بها ماكينات تنظيف مخصصة فى
    تنظيف الفلل و تنظيف القصور ونظافة المنازل وكل ماكينة تنظيف تقوم بمهام معينة يصعب على ربة المنزل القيام بها بمفردها
    مثل تنظيف القماش و لهذا يفضل إسناد المهمة إلي افضل شركة تنظيف منازل بالقطيف شركة تاج الافضل دائما 0551844053
    شركة تنظيف بالجبيل
    شركة تنظيف سجاد بالجبيل
    شركة تنظيف شقق بالجبيل
    شركة تنظيف فلل بالجبيل
    شركة تنظيف مجالس بالجبيل
    شركة تنظيف منازل بالقطيف
    شركة تنظيف مجالس بالقطيف
    شركة تنظيف سجاد بالقطيف
    شركة تنظيف شقق بالقطيف

    ReplyDelete
  38. خدمات شركة ركن الامثل بمدينة الدمام 0502644550

    شركة ركن الامثل للخدمات المنزلية بالدمام وتقدم الشركة افضل ما لديها فى خدمات الصيانة والبحث دائما عن كافة الحلول للمشاكل
    الموجودة لدي عملائها الكرام ومنها شركة تسليك مجاري بالدمام
    وتختص الشركة دائما بكونها من افضل وارخص الشركات الموجودة بالدمام ك ارخص شركة تسليك مجاري بالدمام
    ومن خدمات شركة ركن الامثل بمدينة الدمام ومنها على سبيل المثال :
    شركة طيوب لتسليك المجاري بالدمام
    شركة طيوب للمجاري
    شركة مكافحة حشرات بالدمام
    شركة كشف تسربات المياه بالدمام
    شركة تنظيف مجالس وكنب بالدمام والخبر

    ReplyDelete
  39. خدمات شركة ركن الامثل بمدينة الجبيل 0502644550

    تقدم شركة ركن الامثل افضل العروض والخصومات بعملائها بمدينة الجبيل ومن خدماتنا التى تشمل تقديم كافة الخدمات المنزلية ومنها :
    شركة تنظيف منازل بالجبيل
    وغيرها من الخدمات المنزلية التى تهدف دائما الي العناية والتركيز على كافة مشاكل عملائنا الكرام

    شركة تسليك مجاري بالجبيل
    شركة تنظيف خزانات بالجبيل
    شركة مكافحة حشرات بالجبيل
    شركة رش مبيدات بالجبيل
    شركة كشف تسربات المياه بالجبيل
    شركة تنظيف سجاد بالجبيل
    شركة تنظيف شقق بالجبيل
    شركة تنظيف فلل بالجبيل
    شركة تنظيف مجالس بالجبيل

    ReplyDelete

  40. خدمات شركة ركن الامثل بمدينة القطيف 0502644550

    شركة ركن الامثل من افضل الشركات التى تقدم الخدمات المنزلية بشكل كامل ونهائي ومنها تسليك المجارى وتنظيف
    شامل للمنازل والشقق والفلل شركة تسليك مجاري بالقطيف
    كافضل شركة لتسليك المجاري بالمنطقة الشرقيه وتنظيف وشفط البيارات بالقطيف من خلال احدث السيارات وتسليك لبلاعات وصفايات الحمامات
    والمطابخ مع اضافة المواد الخاصة لتفتيت واذابة الدهون ارخص شركة تسليك مجاري بالقطيف

    ومن الخدمات المنزلية المقدمة من شركة ركن الامثل بالقطيف ومنها على سبيل المثال :

    شركة طيوب للمجاري بالقطيف
    شركة طيوب لتسليك المجاري بالقطيف
    شركة مكافحة حشرات بالقطيف
    شركة كشف تسربات المياه بالقطيف
    شركة كشف تسربات المياه بالاحساء
    شركة كشف تسربات المياه بسيهات وراس تنورة

    ReplyDelete

بعبع وقول اللي في نفسك يا خويا