Sunday, September 10, 2006

ده حلمنا نرقص كلنا

من 10 سنوات كنت علي قناعة ان الوحدة العربية ستتحقق قريبا و بالفعل تحققت و علي اكمل وجة فممكن سيادتك تتفضل في شارع الهرم بمصر المحروسة لتري ابناء الخليج و الاردنين و البنانيين و الفلسطنين اخر انسجام و حلاوة اجتمعو علي مائدة واحدة فوقها راقصة مصرية اشبة بانثي جحش عشرو اغداقها بالتبرعات العينية و المادية لاجل خاطر الكفاح المحزم وربما يلسع احدهم الحس الوطني و يقوم بتقبيل الرقاصة

اما اذا كان ربنا فاتحها عليك و قاعد في دبي و في بحبوحة من العيش فتكتشف ان العرب مش مكفيهم الوحدة مع نفس جنسهم بل توسعو حتي دول الاتحاد السوفيتي ففي دبي وحدها اكثر من 500 فندق تعمل فيها الاف الروسيات في مهنة الوحدة و تقريب الثقافات بين العرب و بما اننا ذكرنا شارع الهرم فلابد ان نذكر شارع الرقة الفاخر ومنطقة
نايف ومنطقة المطينة و ليس المجال الان لذكر اماكن الوحدة في جميع الدول العربية
الرئيس المفدي حامي حمي العرب و الافارقة و المنايفة مبارك وعد اسرائيل بانة يرجعلهم الجنديين اذا خرجو من لبنان و خفو ايديهم علي الفلسطنيين .تصريح ينقط محتاج واحدة معددة تلطم علي وشها ببرطوشة و انا بانادي اسرائيل ارجعي يا عبلة متسمعيش كلام الهبلة يعني ما هو وعد بعدم حبس الصحفيين في قضايا نشر و نص الصحفيين اللي اعرفهم مرمين في المعتقل و النص التاني جالة سلس بول من خضة وش الفجر
أعرب رئيس الوزراء الياباني جونيشيرو كويزومي عن تفهمه "غضب" تل أبيب لخطف "حزب الله" جنديين اسرائيليين، ودعا الاسرائيليين والفلسطينيين إلى العيش معاً لتحقيق الازدهارالراجل دة علي الارجح أمة من مصر وكالة البلح علي وجة التحديد الفلسطنين قربو يخلصو و دة يقولك عيشو مع بعض و التعايش مع الاخر و المهاجر و حاحا و تفاحة انا حاسس هاقوم الصبح الاقي الفلسطنين مش موجودين غير في السوق السودة و تعرف تشترية بطلوع الروح و تلفة في ورق جرايد و تطلع بية علي بيتكو تفرجو للولية و العيال و يقعدو يفعصو فية لحد متطلع روحة
إن السيدة العظيمة المنصفة العادلة مادلين أولبرايت علي سن ورمح فعلت نفس الشيء, وقفت أمام عدسات أجهزة الاعلام عقب القصف الاسرائيلي لمناطق السلطة الفلسطينية, قصف من الجو ومن البحر ومن البر, قصف بالصواريخ والبوارج والدبابات, مقابل قصف فلسطين بأحجار يقذفها أطفال في عمر الزهور, وقفت السيدة الفاضلة أولبرايت ودعت الاسرائيليين والفلسطينيين الى ضبط النفس. أي نفس ياولية يا عظيمة يا عادلة يا محايدة يا حلوة؟ ندر علي لما اشوفك متعلقة من لغاليغك في جهنم هادعوكي لضبط النفس
المقدر الجديد رئيس الوزراء الاسرائيلي ايهود اولمرت قال لاهل جنوب لبنان روحوا علي الشمال احنا هانضرب الجنوب يا جدعان كل لبناني سحب الولية و الانجال و جري علي الشمال و هوب راح ضارب الشمال غالب الظن ان الحمار
اللي ترجم الانذار ترجم غلط و الجدع كان قصدة هايضرب الشمال
فاصل و مش هاواصل
:هزيها براحة براحة .. تفضلي على طول مرتاحة
هزيها بشويش بشويش ..... خلي الشعب يعيش

11 comments:

  1. &^*%*%^#%^&%^$&%$^&

    تم حذف التعليق لوجود الفاظ ابيحه

    ReplyDelete
  2. هو مين اللي حذف
    انا ولا انت ولا امن الدولة ...؟؟؟

    ReplyDelete
  3. ملك التصميمWednesday, 13 September, 2006

    مشكلة كبيرة إن الواحد يتكلم في حاجة مش عارفها كويس
    و المشكلة الأكبرأنه يتكلم بأسلوب مستهزء كما لو كان العالم ببواطن الأمور
    و بعدين أنت جعان صفه و الا حال

    ReplyDelete
  4. تصدق يا ملك التصميم ان فعلا من اكبر المشاكل و احمرها
    اعتقاد الشخص انة عالم ببواطن الامور
    بس تعمل اية بقي حكمة ربنا علشان كل من هب و دب و عرف الفرق بين الكيبورد و غطا التواليت كتبلة كلمتين وقالك انا فهامة عصري
    ونصب نفسة خبير شؤن سياسية

    ReplyDelete
  5. انا مش فاهمة انتا ازي تكفر ناس مسلمة... زياها زيك... بتقول " لا اله الا الله.. و ان محمدا رسول الله "" .... يعني من الاخر كل الي فالحين فيه احنا المسلمين ان نفضل نكفر بعض و خلاص ... اعتقد ان اليهود ليهم حق يعملو اللى بيعملوه فينا ... هوا احنا فلحين نعمل حاجة غير اننا نكفر بعض؟؟؟؟؟؟؟؟؟

    ReplyDelete
  6. عزيزتي مش فاهمة واضح انك فعلا مش فاهمة او مش فاهم مش هاتفرق
    الجهل بالشيء مش عيب لكن الغباء هو اللي عيب
    روحي يا بنتي الكليات قربت
    تدخل ذاكريلك كلمتين

    ReplyDelete
  7. عيب عليك يااكسلانس

    الدار امان عالاخر وانا قفلت البلاعات كلها مخصوص عشان موضوع امن الدوله ده

    ReplyDelete
  8. الحج جعان اللي عمره ما شبع
    والله بدعيلك من عمق اعماق قلبي ان ربنا يكون في عونك يابني

    ده تعليقات الناس هنا تجيب شلل خماسي والله
    مش عارف انتا مستحمل ازاي
    ولا الحاجة مش فاهمة اللي بتقولك انتا بتكفر الناس
    يا شيخة اتنيلي ..وابقي اقري الاول ولا الواد التاني بتاع العالم ببواطن الامور
    بواطن ايه ورجلين ايه يا ابو بواطن
    بقولك ايه
    روح استحمى ياض ..
    يالا اقول ايه
    سلام يا جعان

    ReplyDelete
  9. معاك حق واللهي , واضح ان كل واحد قرأ موضوع في مكان مختلف عن اللي قبلة و قرروا كلهم يردوا على مواضيعهم هنا

    خلطبيته

    ReplyDelete
  10. ههههههه انت عاوز تعمل ايه فى الناس وعاوز تعمل ايه فى الجنود لو مصر مقلتش كده يبقى مش مصر يا سيد
    الا قولى هما الناس اللى فوق دول بيعلقوا على ايه حد هنا ولا فيه حتى تانيه هههههههههه

    ReplyDelete

بعبع وقول اللي في نفسك يا خويا