Tuesday, September 12, 2006

التاج علينا حق

علي يد محضر من قبل الانسة الحاجة المبجلة اسلامي تم ارسال التاج دة واخطاري ان حتما ولابد اجاوب
والصراحة انتو الي جيبتوة لنفسكم
سين سؤال.
هل أنت عقلاني أكثر أم عاطفي؟
جيم جواب
بلا ادني شك انا بدنجاني اميل لورق العنب اتبع نداء القلب
صف شخصيتك فى خمس كلمات؟
صداع مزمن-محروق الدم غالب الوقت-بتاع جرايد-واسع الابتسامة كما المرضي النفسيين-كرامتي بتنقح علي دايما
اذا كان لكل انسان شبيه من الحيوانات, أى حيوان يشبهك؟
اعتقد العرنهخف الافريقي
ما هو لونك المفضل؟
السؤسؤي المائل للحمرة وطبعا الاسود الفاتح --------العرنهخف لونة سؤسؤي علي فكرة
هل أنت أجتماعى اكثر ام منعزل؟
منعزل؟؟؟؟ انا راضع علي مدينة نصر كلها
ماذا يشكل أصدقائك بالنسبه لك؟
والله الواحد بعد الجواز اصدقاؤة انحصرو في السوبرماركت و اللبان و الصيدلي و بيتزا و كنتاكي و كوك دور
و ابو احمد البواب اذا كان مزاجة رايق وضارب ام احمد و احمد علقة معتبرة
هل أنت مرتبط بعائلتك؟
انا مرتبط بمكان الغدا فا سواء المدام عندي طابخة او امي او حماتي طابخة فهناك توجد العائلة
هل أنت عصبى أكثر أم هادئ؟
انا اهلاوي وباكل اي حاجة اقصر مني و بتمشي علي اربع و في ظروف الاضطرار اللي بيمشو علي اتنين كمان
هل تفضل فصل الشتاء أم الصيف؟
هو في حد لسة بيشجع الصيف دة زية زي الزمالك بالظبط
متى أخر مره بكيت فيها؟ولماذا؟
من 3 ايام بعد دفع اخر فاتورة للموبايل
و من كتر ماصعبت علي خدمة العملا ادوني كاب هدية و 4 دقايق

20 comments:

  1. حرام عليك يا اسلام

    ! فطستني من الضوحك يا ريس

    اجمد حاجه بتاعت خدمه العملاء

    انت مشترك مع انهو حرامي فيهم ؟

    حوده فون ولا ام نبيل ؟

    ReplyDelete
  2. يا جاااااااامد:)
    ألف مبروك يا باشا عالمطونة..معلش جت متأخرة شوية لكن على ما تستوي يعني:)

    ReplyDelete
  3. ههههههههههههه
    انا مت م الضحك

    ReplyDelete
  4. This comment has been removed by a blog administrator.

    ReplyDelete
  5. ur answers are more than magnificent very very funny begad

    ReplyDelete
  6. بس ايه رأيك في التاج ده يا اسلام ..؟

    بيعور ,مش كدة ..


    كنت هابعتهولك , بس اللي حصل بقى



    بس حبيت ادحرج التماسي :D

    ReplyDelete
  7. ايه يامعلم .. المعادي وضواحيها صحيت علي صوتي وانا بضحك

    انت لسه بتدفع مخالفات مراتك وفواتير الموبايل؟
    انت مش كنت ناوي تبيع العربيه والموبايل بعد ولية العهد:)
    جهاد

    ReplyDelete
  8. مبروك المدونة يا اكس :)
    والتاج زي العسل ;)

    ReplyDelete
  9. يا حمادة انت مش شايف اعلان نصبة المحمول ولا اية
    حودة طبعا احنا بنشجع المستورد

    ReplyDelete
  10. حج يحي ابو العيش كلة
    الله يبارك فيك
    هي شاطت خلاص

    ReplyDelete
  11. عزيزتي بنت مصرية
    بعد الشر عليكي يا فندم
    الخشبة يا جاااااااااااابر

    ReplyDelete
  12. لا مؤاغزه يا معنمي

    العتب علي الجزر

    ربنا يخليلنا حوده ويخرب بيته بسرعه

    ReplyDelete
  13. يا ندا كل ما تعوزي تضحكي و تفكي قولي
    جازااااااااااااااار
    لو جة ابقي اعملي جنبة بسلة

    ReplyDelete
  14. le cher tulipe bienvenu
    دي حتة فرنساوية قرننة :)

    ReplyDelete
  15. نورت يا مش مقتنع
    و مالة التاج اللي يعجبك احدفة
    دحرجتك وصلت

    ReplyDelete
  16. ههههههههههههههههههههه
    وطبعا لما بتعطش بتشرب مية مبلولة بس بعد ما تبلها طبعا
    مش معقول تتشرب ناشفة يعنى
    :D

    ReplyDelete
  17. Human
    طبعا امال اية هو في حد يشرب مية ناشفة يعني
    دي حتي طعمها بيكون ماسخ

    ReplyDelete
  18. بصراحه معرفتش اكتبلك التعليق علي اي بوست لان مدونتك باختصار اكتر من رائعه يكفي اني لما بقراها بضحك من قلبي ربنا يكتبلك السعاده في حياتك
    انت علي فكره كنت من احد الاسباب اللي خلتني اعمل مدونه واحب اشكرك علي ده مع اني متتبعه قديمه لمدونتك بس مجهولهبالنسبه ليك لكن المره دي حبيت اكتبلك بس عشان اشكرك
    شكرا ليك

    ReplyDelete
  19. Tota
    يا فندم اولا مرحبا بكي في عالم التدوين
    ارجو انة يكون رحيم بك
    ثانيا انا سعيد اني اكون السبب في فنانة زيك انها تنشيء مدونة
    فانا مجرد وسيلة وعاجلا او اجلا كنتي ستنشئيها
    وفي انتظار اجن ابداعاتك
    بس انتي اديني رنة و انا اجي :)

    ReplyDelete
  20. ههههههه ايه الالوان دي وبعدين ايه راضع على مدينه نصر دي طيب طالما مفيهاش مصر الجديده يبقى انت منعزل شوفت قفشتك ازاي

    ReplyDelete

بعبع وقول اللي في نفسك يا خويا