Monday, September 18, 2006

عزيزي الشاعر... اتلهي علي عينك



ااذا كان احدكم من هواة الشعر سواء جاهلي ,حداثي او حلواني او حتي فيومي وللاسف قريحتة جافة كحلق صائم
ففي سبع خطوات سوف تكون شاعر يشار الية بالبنان و بالحذاء ان اراد
اما اذا كنت تعتقد نفسك شاعرا عالم بامور الشعر و بتتنطتت علي اقرانك الغلابة معدومي الشعر
فاتلهي علي عينك و اقرا الموضوع لاخرة
طريقة الاستعمال
يفضل ان يكون معاك حد كبير و انت بتكتب الشعر ثانيا يحبذ انك تكون لابس جلبية علشان تكون واخد راحتك علي الاخر
بجانبك منديل محلاوي-قزازة سبرتو-كبريت-5 بيضات-بيكنج بودر ..
اية دة..؟؟!!
معلش دي حلقة طبق اليوم
نرجع لموضوعنا صلي علي النبي
اولا
اختر فِكرة عبثية لا تهُمُ أي شَخص "حَبَذا لو كَانَت الفِكرَة من عَالم المَخْلوقات غير البَشرية"
مثال: غزل بين جحش و انثاة؛ موت نملة وهي تحمل قطعة سكر؛ خرتيت يتثاءب؛ كلب يهوهو.. إلى آخره
ثانيا
في البداية.. وجه طاقاتك لوصف المشهد الماثل أمامك بطريقة واضحة.
مثال:كانت بغلة بيضاء جميلة تسير أمامي وهي تحمل حزمة فجل لذيذة
؛ فاجأتها سيارة سوداء قبيحة وقامت بقتلها سقطت الفجلة..إني حزين..
ثالثا
احذف الأسماء الدالة على الشخصيات.مثال:كانت بيضاء جميلة تسير أمامي حاملة قطعة لذيذة وهاجمتها قبيحة وقتلتها سقطت الحزمة..إني حزين..
رابعا
احذف كل ما يُمكن أن يَجعل القارئ يفهم القصة لعبكلة الدنيا و خليها سودة في خلقتة
مثال:كانت تسير أمامي.. هاجمها القبح وخطف الحياة من بين يديها.إني حزين..
خامسا
الجملة المبنية للمجهول أمر أساسي في الشعر الحداثي.. استخدمه بكثرة.مثال:سُيِرَت نَحو المَوْت.. اغتِيلَت بيدِ الغَدْر وسُلِبَتِ الحَيَاةُ مِن بَيْن يَدَيْها.حُزنٌ يَسْكُننِي..
سادسا
قم بإضافة إيحاءات جنسية.مثال:سَارَتْ عَارِيَةً نَحو المَوْت.. نَهَشَ المَوتُ أثْدَائِها قَبْلَ أَنْ تَسْكُبَ جَمَالَ عَبيرها بَيْن
يَدَيْه..حُزْنٌ يَنْهَشُنِي..
سابعا
اقرأ ما كتبت..إذا فهمت حاجة يبقي انت فاشل فأعد الخطوات أعلاه كَرّة أُخرى..إذا لم تفهمه..فلا تبتأس يا عزيزي فقد بداء عصرك كشاعر يشار الية بالفجل و الرمان
و استعد لنيل جائزة البوليتزر في الشعر بس هات معاك حاجة تاخد فيها و يفضل كيس علشان متنقطش
اسأل الله بدلا من ان يكون في الوطن العربي 10 مليون شاعر ان نكون 312 مليون شاعر
و الله الموفق
ملحوظة
لا اضمن لك الحصول علي نتائج اكيدة لكن يفضل ان يكون قرائك من مرتادي المصحات النفسية و مصابي الفصام
وسلس البول والعشي الليلي ويفضل ان تكون علاقتة باللغة العربية محصورة في كلمتي بابا و ماماو انجغغ
في حالة فشلك الذريع بالرغم من سهولة توضيح الامرارجع للمكونات المذكورة اعلاة و قم بفقش الخمس بيضات علي ام راسك و رشة بكينج بودر و ادلق نص قزازة السبرتو علي نافوخ السيادة و اشرب النص الاخر وولع في نفسك ثم انتظر 20 دقيقة و تقدم ساخنا مع الشاي
المنديل المحلاوي علشان تحطة تحت فنجال الشاي
ملحوظة تانية
اذا البلية لعبت معاك ووجد شخص اكثر تخلفا منك وعملك الكلام الفاضي دة اغنية و فيديو كليب و دة وارد في الزمن الاغبر دة
يجب ان تصر اصرارا شديدا انك تطلع في الكليب لابس المنديل المحلاوي وواقف علي طشت مقلوب و اللي رايح و اللي جاي في الكليب يناولك علي قفاك
منقول من منتدي الساخر بتصرف مني

37 comments:

  1. يا عم جعانأنا قريت الكلام ده في موقع الساخر



    يا ريت يعني تبقى تشير للمكان اللي " بتلطش " منه اخارك اللولبية دي


    ثم يا مولانا... تعرف ايه عن الحداثة انت اصلا عشان تخوض فيها ..او تندفع

    هو انت مش سبت هناك خلاص....طيب أمال فيه ايه
    :)

    فاهمني انت

    ReplyDelete
  2. انت محتاج تنفخ نضارتك شوية شكلها نايمة
    ما هو مكتوب اني ناقل الموضوع من الساخر بتصرف في الاخر
    متستعجلش كدة يا هندزة :)

    ثم انا اعرف عن الحداثة كتيييييييير
    زرت قبل كدة مركز تأهيل احداث السيدة
    و اعرف ان الحداثة دي تيجي بعد المراهقة علطول

    وهناك و هنا اية
    كلهم اولادي و عماتي و خالاتي
    نورت المدونة يا بشمهندس

    ReplyDelete
  3. يا راجل


    طب و حياة البطاطا ما خدت بالي


    ..
    عموما خلفية الحداثة عندك انا كنت متوقعها :)

    و خصوصا موضوع المراهقة...اللي بيجي بعدها.. النضج...

    أو الن__ط __ ح

    ..

    بلد شهادات بصحيح !!

    ReplyDelete
  4. انت بهدلت الشعرا كده يادكتور جعان
    بس تسلم، ضحكتني من قلبي

    ReplyDelete
  5. !هوه مين بيروح فين

    منور يا حاج

    طيب

    افلق انا بقي

    ReplyDelete
  6. دى وصفة سهلة جوى جوى

    ReplyDelete
  7. تصدق وصفات حلوة وسهلة كمان يلا بينا ننفذها
    أم أحمد
    كل سنه وانت طيب

    ReplyDelete
  8. شعاع يضئ ليرسم ظلالا على الحائط الباكى
    وبكاءه النمل
    ينساب كيد عاشق على الخصر المرمرى
    تحدق فى عيونه..لترى الوطن
    والوطن الهلامى الآتى من عيون النمل
    يسأل عن عاهره تهدى السقاء لعابر
    أتم اليتم كرئة زجاجيه..بلا مسام
    عين طافيه هى عين المسيخ..كتب على الجبين "س ح ر"
    والمسحور هو أنا..تائه فى ظلال الردى والشبق
    أرأيت الشبق!..و ما أدراك ما الشبق!
    حمرة الغسق..فيها العاشق قد غرق
    هل ساءلت عن النفق..نفق مسحور
    فيه نهر قد اندلق...وغطينى وصوتى يا اماااااه

    نسيت أقولك حلوه المدونه يا جعان
    إمضاء: رغيف عيش..هيق هيق هيق

    ReplyDelete
  9. هو البيض بتفقش كله و لا ناخد الصفار بس و نحطة قبل مأظفار الموت تنهش في حواري الوجدان بينما تلثم قبلات الغدر أصداء اللئام و لا بعده و بعدين لو معنديش منديل محلاوي ينفع كلينيكس و لا الشعر هيتحرق مني ...... أمال الحاجات ديه مهمة جدا

    ReplyDelete
  10. This comment has been removed by a blog administrator.

    ReplyDelete
  11. خالد عبد القادر
    تتربي وتنضج البطاطا في عزك
    ابقي غطيها بليل علشان تكبر وتربرب

    ReplyDelete
  12. امير في بلاد الجعانين
    ينساب كالقلم المبين
    على القفى
    للمدعين


    جعان باشا...انا عارفه انت حاقد ع الشعرا ليه
    حسد طبعا
    طب لو مصدقني حط ايدك على راسك كده!

    ReplyDelete
  13. مشورونا وراكم فى المدونات كداهو

    جايين نسلم ياعمنا

    كل سنة وانت طيب :)




    طوووووول عمرى مابفهمش حاجة فى المدونات:(

    1:59 PM

    ReplyDelete
  14. انا بتخنق اوي من الناس اللي بتصطاد قراميط دي..
    الاس كلها ماشية على راسها بطحة بتنأح عليها..لو حد عطس يقوموا يحسسوا ع البطحة ويردوا انهم يتفوا عليه..
    ايه ده؟؟
    لا وكل واحد موجه قرون استشعار بطحته ناحية ناس معينة..
    اتكلموا بقى في اي حاجة فهو اكيد المقصود..اومال هي البطحة هتكدب..
    معلش يا starvimg..

    ReplyDelete
  15. طبعا مش عايزة اقول لك ان حرف النون بايظ في كي بوردي ومن الوضح ان الnكمان
    بقى غارب بعيدة عن القاهرة!!!معلش ضحكتكوا عليا يومها.. جهل بقى معلش:)

    ReplyDelete
  16. علي فكرة مدونتك حكاية
    انا فصصتها حتة حتة لو انت اللي كاتب الموضوعات دي ده انت تبقي ماحصلتش وخصوصاً شريط الإ هداءات اللي تحت
    كل سنة وانت طيب
    أم أحمد

    ReplyDelete
  17. يا استاذة منار
    الشعرا متبهدلين لوحدهم
    كل الحكاية اني حدفت زلطة يعني

    ReplyDelete
  18. خد عندك عينه من الناس الي طبقت الموضوع بتاعك وبقو شعراء يشار لهم بالنبابيت :
    http://www.saheel.net/index.php/akwad_aquas/

    ReplyDelete
  19. ايه بس الوصفه الفظيعه دي :)

    جعان كل سنه وانت طيب

    ReplyDelete
  20. انت تايه لية يا عم احمد
    تعال اقعد في الفسحة شوية

    ReplyDelete
  21. elgharep
    متهيألي مفيش اسهل من كدة مش حارمكو من حاجة


    الست ام احمد كل سنة و انتي طيبة
    و احمد بخير عقبال ما تشوفية شاعر قد الدنيا

    ReplyDelete
  22. hakonamatata
    طب ما الوصفة جابت نتيجة هيلة اهي
    انت نموذج حي علي التجربة دي

    ReplyDelete
  23. شوف يا جيفارا يا خويا
    البيض لازم يكون بصفارة و بياضة و بالفرخة اللي باضتها ان امكن

    ReplyDelete
  24. مدونه ديه ولا مطبخ بس مش مشكلة كلو ماشي بس الوصفة ديه تموت الشعرا مش تساعدهم لان الشعر موهبة مش عجة
    وسلامي لكل اللى في المطبخ احم اقصد المدونة

    ReplyDelete
  25. يا خراشى على كدة انتوا بتجيبوا الكلام دة منين؟؟؟

    ReplyDelete
  26. يا خراشى على كدة انتوا بتجيبوا الكلام دة منين؟؟؟

    ReplyDelete
  27. looooool

    hilarious wallahy!!

    الموضوع ده و التاج اللي قبله و المدونة كلها زي العسل

    هههههه

    كل سنة و انت طيب

    عن اذنك ح اروح اجرب موضوع الشعر الزجلو كليب ده هههه

    ReplyDelete
  28. ياعم كل سنة وانت طيب وياريت تشبع في رمضان ... بالليل بس مش بالنهار
    ورمضان كرييييم
    عبدو

    ReplyDelete
  29. بما انك مبتردش علي المازنجر

    كل سنه وانت طيب يا كبير

    ReplyDelete
  30. ست الحكيمة الشيماء
    نورتي يا ست الكل وسلامة دماغك
    وعلي فكرة حطيتي ايدي علي راسي و اتظفلطت :(

    ReplyDelete
  31. nour لما تكوني جاية تاني اديني خبر و انا ابعتلك عربية بسواق

    ReplyDelete
  32. أول مرة يا اسلام أدخل مدونتك ألاقيك طايح في الشعراء ؟
    على كل انا منكرش أبدا ان فيه شعر كتير ينطبق عليه وصفك ده بحذافيره
    بس البقاء لما يستبقيه الناس لانه نجح في ملامستهم ... والوصول اليهم بمنتهى البساطة وبلا مبالغة وبكونه شعر فقط _ وهذا يكفيه _وليس بمحاولات الاختلاف للاختلاف او لحيازة اللقب
    هذا ما يبقى بلا تصنيف او قاعدة

    وطبعا كونك عرفت تضحكني فده العادي بتاعك وكوني سعيدة في مدونتك فده العادي بتاعي في أي موضوع بتطرحه
    كل سنه وانت طيب

    ReplyDelete
  33. والنبى من قبل مااقرا وانا عارفه ان الجيران هايسألوا مين عندكو فطسان م الضحك

    متابعه سيادتك يا فندم من قهوة كتكوت وقلت اكيد له مدونة

    واخيرا وجدتهااااا :D

    والله ياعمو جعان انت من الناس اللى ربنا خلقها عشان تخلى غيرها يبتسم

    ربنا يجعله فى ميزان حسناتك ويجعله تكفير لذنوب التريقه اللى بتهرى بيها جتت المصريين

    قول آميين

    بالاذن بقى عشان اعمل فضايح فى العمارة وصوتى يجلجل ضحك وسخسخه:D

    اه صحيح

    كل سنة وانت طيب

    ReplyDelete
  34. السلام عليكم
    اولا انا اول مرة اقرا المدونات دي وبصراحة كنت فاكرة الموضوع اتفه من كدة
    ده انتوا طلعتوا ناس جامدة اوي


    علي فكرة يا جعان....المواضيع مبهرة
    ضربت اعلاميي مصر بالقديمة يا راجل
    بس ناقصك موضوع مهم اوي
    احداث العنف في حديقة الحيوان-الجامعة- لو محتاج تفاصيل هتلاقي وصور وحركات بس انت شاور
    دلوقتي اقتنعت ان فيه كلام كتير افضل من السكات

    ReplyDelete
  35. جميل الموضوع يا دكتور بس انا شايف ان 5 بيضات كتير علي الموضوع خليهم 19 ومتقلقش من الانفلونزا

    ReplyDelete
  36. جعان جعان بس رياضى كلامك حلو قوى بس فية ناس ما بيجبهاش الكلام عايزنا نفضل اغبياء واللى هما عايزينة حصل

    ReplyDelete
  37. حرررررررام ده انت شلفطت وبوظت ونيله وصفه الكيك الا ملاقيش عندك وصفه الكيكه اللى بتنط دي
    هههههههههههه
    لا بجد كده لو كملت مدونتك على اخر الليل هروح العباسيه على طول

    ReplyDelete

بعبع وقول اللي في نفسك يا خويا