Monday, September 25, 2006

الشيشة لا تزال في بقي

ها قد اتي رمضان و مستني ينزل المحطة الجاية و لكم من العجائب مرت عليا السنة الماضية في رمضان برضة وكنت قد نويت و النية لله الا اقترب من الشيشة طوال رمضان حتي يعينني الله و اطلقها بعد رمضان فكلما خرجت للشارع مساءا اتحاشي اماكن توجدها لكنها ابت الا ان اشم عبقها و هو يخترق خياشيمي نافذا الي تلافيف عقلي الرمادية التي تحولت الي خرطوم وزير من كثرة تعاطيها
الجديد بقي السنة دي الطاولة الحريمي فاذا انعم الله عليك بقرشين و الدنيا بحبحت معاك يمكنك ان تسهر حتي مطلع الفجر في احد المواخير المسماة بالكافية فاذا كنت من سعداء الحظ لوجدت في الترابيزة اللي جنبك فتاتين تلعبان الطاولة و ان كن لا يفقهان من قوانينها الا رمي الزهر او النرد للاخوة المتفلحسين لكن و الحق يقال لديهم من قواميس السباب ما لا اذن سمعت و لا خطر علي قلب بشر فينهال السباب علي الزهر المسكين لاعنين اباة و امة و جدة و عماتة الي ان يصلو الي الفيل المستخدم نابة في صنع الزهر و هذا هين ان قورن بصلاة التراويح في مسجد تصلي فية النساء فياويلك وسواد ليلك فلن يقبل منك صيام ولا قيام بسبب لعنك لخاش اللي جابوهم فتجد صراخ اطفال و صراخ امهاتهم لاسكاتهم يجعلك تعتقد انة يوم الحشر و قد اذهلو عما ارضعوا ووقعة ابوك طين ان فلت احد هؤلاء الشياطين الصغار من امة و انطلق الي مصلي الرجال طائحا بيمينة و شمالة في الراكعين و الساجدين و يا سلام ان كان من اللي لسة بيلبسو بمبرز و امة مديالة معلقة من طبيخ الفطار لتسبب في نجاسة الساحة حتي رمضان القادم و بمناسبة النجاسة كلة كوم و دة كوم في احد الجوامع المعروفة في منطقة مساكن شيراتون تصلي النساء في الفسحة وجدت بعض النساء تصلي و اخريات جالسات علي كراسي يسبحن قليلا و ينصتن قليلا لما يتلي و يضحكن كثيرا و بق كل واحدة مفشوخ علي وسعة فمنهن من هي عانس تبحث عن عريس لها او لابنتها او لخالتها التي فاتها القطر و داس و كلهن يفضفضن عن اوجاعهن فلما استفسارت عن سبب جلوسهن كدة بلا صلاة بين المصليات اجابوني معلش يا استاذ عندهم العادة بس جايين يسمعوا ( اللي ميعرفش اية هي العادة يروح يسأل حد كبير) سيدة قفشوها معاها كيس بة سنتدوتشات لحمة و 3 متر ممبارو قطايف عصافيرو كنافة شعرو لما سألوها اجابت ....اصلي بجوع بين الركعات فابضربلي سنتدوتش انا و العيال.

اما عن التلفزين في رمضان فحدث ولا حرج فيا ميت حلاوة علي الاخوات النسوان المذيعات و يا ميت فل علي برامج الخوازيق و المقالب اللي خلت الابن يعلق ابوة من رجلية في البكونة و ويقولة هارميك من البلكونة لو مجبتليش لامبرجيني ...و التي لا يعرف الاب معناها فيخبر ابنة بمنتهي البرائة طيب يا ابني الفلوس عندك في الكومودينو لو مكفتش بيعة شبكة امك بس و حياة النبي نزلني و بعد ان يدخلة يفاجئة بقولة اية رايك حلو المقلب دة تحب نزيع
اما عن المسلسلات فياسلام فتجد شيخ بلغ من العمر التسعين خريفا يجر فتاة واعية علي فحت البحر بيضة و زي لهطة القشطة و عمال يحب فيها و تحب فيةالتي ان ضغطت علي يدة لاصابتة بانفجار شرياني لشدة اندفاع الدم في عروق الغلبان و العيد و الصواريخ و البومب و حط البمب تحت سرير امك يالا علشان نخضها و نقطع خلف ابوك لاحسن البيت بقي زحمة اوي الي مسابقات عمل الكحك و ماراثون الافران و اللي يحرقلي صاج احرقلة عيلين و الشباب اللي ليل نهار واقف ادام يسرا و نادية يكاد ينهبل من البياض الصناعي و تلويحات الحكومة بالتجديدلازم الشباب يعتمد علي نفسة كفاية اعتماد علي الحكومةهي الحكومة هاتفك زنقة مين و لا مين جبتك يا مزنوق تعني لقيتك يا مزنوق عايز الي يزنقك كمان و كمان...
و اصبح مسلسل لكل مواطن ايشي سياسي من نوعية الطرابيش و اكتلني يا سليم
علي اجتماعي خلل علي عاطفي طرشي
و اهو كلة اكل عيش و عن اعلانات السمنة حدث ولا حرج
تخلي الواحد يعتقد ان مصر عايمة علي وش المورتة و الشعب يبلبط في السمنة
الواحد بعد كلة ساعة اعلانات بيتخن يجي كيلو
المخطط ان بعد 3 ايام اعلانات المتفرج يجيلة حالة تياسة مزمنة
رمضان فرصة للغرف من العمل الصالح و ليست علشان تقلب حلة المحشي علي بقك ما تنزلش غير و هي علي عروشها
ملحوظة:مش انا اللي في الصورة اللي فوق

28 comments:

  1. جميل جدا البوست ده و بيعرض حاجات فعلا حاصلة في مجتمعنا , ممكن تسميه الوجه القبيح لرمضان أو للمصريين بإعتبار إن رمضان ملوش ذنب و الناس هما اللي عايزين يتحرقوا بجاز وسخ

    ReplyDelete
  2. قال مش انت قال

    هيا نفس الودن وربنا

    اه صحيح ... مين لامبرجيني دي ؟؟الست ممثله برضه ؟


    رمضان كريم عبد العزيز يا برنس

    ReplyDelete
  3. thank's for this very sweety blog
    i like it
    mee to i like naji al ali and i feel that 7andhala is our symbol the symbol of the anger and rejection of this abominable politic and social reality
    u have now a large public of readers may god help u and ramadhan karim
    B*ANIS

    ReplyDelete
  4. رمضان ليس لة اوجة يا جيفارا
    لكن الناس مغيبة و مساقة كما البهايم لا جاز ولا كلور ولا اوكسي البمبي
    ربنا يهدي الجميع

    ReplyDelete
  5. انت اللي مبوظ سمعتي يا تهليس
    و الله ما انا
    بس هو معرفة برضة :)

    لامبرجيني دي قطايف
    انت مش كل موضوع تكتبلي اسمك الثلاثي

    ReplyDelete
  6. انا بقي مش بيغيظني في عمايل البشر في رمضان إلا الشيشة
    أيه ده؟ هو فيه كدة؟
    انا مش فاهمة ايه اللي بيحصل الناس ليه بتتهبل عليها كدة
    ده جيراننا ناس محترمين وتلاقي الواحد من دول مابيدخنش سجاير اساساً وتلاقيه في رمضان لازماًًً ولابد يحبس بالشيشة وهو عنده امراض وبلاوي
    يلا ربنا يهدي

    ReplyDelete
  7. موضوع اكثر من رائع والصورة جبااارة ... لقد استخدمتها كخلفية لسطح المكتب :)
    سعدت جدا باكتشافي لهذه المدونة الجميلة . وادعوكم لزيارة مدونة الكاريكاتير الخاصة بي
    http://www.caricatooz.blogspot.com/
    مع خالص حبي واحترامي
    د. أشرف حمدي

    ReplyDelete
  8. بصراحه الشيشه وحشانى اووى بس حنعمل ايه بقى ظروف على العموم انا جى مصر قبل العيد استنانى فى المطار نخمس سوا

    ReplyDelete
  9. B*ANIS
    بجد اخجلتم تواضعنا
    احنا فين و ناجي العلي فين
    يجي ساعتين بالطيارة

    ReplyDelete
  10. يا سحر
    ما جايز الدكتور كاتب لجاركو علي شيشة بعد الفطار
    متظنيش السوء بالراجل

    ReplyDelete
  11. يا دكتور اشرف
    انا اللي سعدت بزيارتك للمدونة
    عدي بعد الفطار هاتضرب احسن حجر تفاح في النت

    ReplyDelete
  12. يا عم عمر تعال انت بس و ملكش دعوة هاستقبلك في المطار بالشيشة

    ReplyDelete
  13. على فكره انا عجبنى اوى
    كتاباتك ودماغك
    لانها بجد نفس دماغى
    انا سعت بزيارتك
    وياريت تشرفنتى بالزياره

    ReplyDelete
  14. شر البلية مايضحك

    تسلم يا جعان وكل سنه وانت بالف خير ..(وبعيد عن الشيشه ياااااارب

    ReplyDelete
  15. حلو اوي الكلام ده بس مش فاهم انت عاوز ولا عاوزة تقولوا ايه تقصدوا يعني بلاش شيشة ؟
    اوكي بلاش شيشة ونمشيها زجاير ولا بلاش تراويح كمان ولا بلاش رمضان من اصله مش اريح برضه سؤال بريء ؟

    ReplyDelete
  16. عزيزي الساحر سعدت بمرورك و انا دلوقت باتصفح مدونتك فعلا

    ReplyDelete
  17. حقيقية نورتي المدونة يا زهرة
    الواحد بعيد عن الشيشة اهو المهم هي اللي تفضل بعيدة

    ReplyDelete
  18. مزاجانجي
    انا مش (عاوز) اوقول حاجة
    استعجبت من ردك لاني تابعت مدونتك و طريقة تعبيرك تدل علي عقل منفتح
    منذ متي يكتب الكًتاب و الهدف من ما يًكتب رسالة دائما او حث علي فعل امر
    انا بكتب لمزاجي يا مزاجانجي

    ReplyDelete
  19. س سؤال .. أجب
    فى سطور عرف الفرق بين
    1- الشيشه و الجوزه
    2- الفحم و القوالح
    3- شيشه التفاح و الكريز و الفراوله

    السؤال التانى

    إرسم رسم كروسى (كرسى معسل) للشيشه

    س الأخير

    فى السؤال السابق جت سيره المعسل .. ما هو المعسل و كيف يؤثر على الأدمغة

    نجاحاً سعيداً

    ReplyDelete
  20. ايه يا جعان يا زنديق
    بتشرب شيشة يا فاجر
    ثكلتك خالتك يا رجل
    هيا بنا الى بني عبس فل نقيم الحد على هذا الخنفور ((ايه خنفور دي )) المهم موضوع حلو ياباشا

    انا اسمي علي ودي مدونتي
    http://ali-x-man.blogspot.com/

    ReplyDelete
  21. بص انت عامل زى بس انا كل مااجى اقول البقين دول -بصراحه- محدش بيصدقنى وبيقولولى
    -ماتبس ياعم الشيخ الشرييييييييييييب
    عيال قللات الادب متربوش

    ReplyDelete
  22. س سؤال .. أجب
    فى سطور عرف الفرق بين
    1- الشيشه و الجوزه
    2- الفحم و القوالح
    3- شيشه التفاح و الكريز و الفراوله

    الشيشة للتشييش و الجوزة للتجويز
    الفحم اسود صلب القوالح في البداية بتكون جلة

    و اخيرا الفاكهة متوقفة علي تاريخ الانتاج


    فى السؤال السابق جت سيره المعسل .. ما هو المعسل

    اطلق لفظ المعسل بسبب ان الواحد بعد حجر المعسل لازم ياخد تعسيلة

    ReplyDelete
  23. يا معلم!
    هايل الاختراع دا علشان الكتم.
    شوف أنا معجب. مع أننا ما بنخترعش أي حاجة تساوي كرسي معسل، لكن عندنا القدرة أننا نلاقي لأي حاجة استخدام ما يكونش خطر لمخترعها على بال...قدرة.

    ReplyDelete
  24. كيف حالك ياجيعان يلا ماباقي على الفطور الا القليل
    حبيت اقول لك كل سنة وانت طيب
    وتهاني على الكتابة الرائعة
    مع الف سلامة
    رنوشة

    ReplyDelete
  25. هههههههه انت مالك ومال الشيشه تعالا وانا اديلك دروس فيها انت عارف انها تخصص بقى
    على فكره انا بلعب طوله بس اللى قدامي بيلعن اليوم اللى عرفنى فيه علشان بقعد اعد بس ايه مقولش لك حطي حط عوالم الا يعنى ايه حظ عوالم دي

    ReplyDelete
  26. 一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

    情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

    情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

    ReplyDelete
  27. 情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

    ReplyDelete

بعبع وقول اللي في نفسك يا خويا