Thursday, November 09, 2006

الزحار الجنسي في وسط البلد

طبعا كلنا سمعنا عن حالة الهياج الجماعي في وسط البلد
و طبعا كل دلدل دلوة
المهم نقلا عن احد القيادات ان ما حدث هو الاتي
الولية دينا الرقاصة اديتها وصلة معتبرة هي و بعض المشاركين في فيلمها الجديد لجذب الناس لدخول الفيلم
وتهجم الشبابا الخربان علي الولية الغلبانة دينا وتدخل رجال الامن الصناديد و حاشو الجرابيع عن المصونة دينا ووجهوهم علي الولايا في الشارع
المهم الشباب باظ علي الاخر وبقي يجري كالمسعور علي اي حاجة نتاية في الشارع بل ان بعض العربجية قامو بتهريب بعض الحمير البلدي النتي خارج منطقة السعار خوفا علي نسل الحمير
و اختلط الحابل بالنابل العاهرات لا يفرق بينهم و بين العفيفات
المهم ملحق فيلم صور من احدي البنايات في منطقة الزحار يتابع بعض ما حدث و تهاون الامن المعتاد
تابع فيالق الصيع لتري الضحية

و بناا علي بعض التوجيهات تم ايجاد حل ملائم للمتحرشين و هو الاتي

اللباس السوبر نوفا و دة بيلبسو كل من اتهم في قضية تحرش
يعني و كل واحد و مدة عقوبتة يعني ممكن واحد ياخد سنتين مع اللباس

او 5 سنين مع اللباس

وظيفتة اول ما الشخص تظهر علية بوادر تحرش يروح اللباس مديلة شحنة صاعقة 20 فولت لو ما اتردعش يزيد ل 80 ثم 250 ثم 1000 الي ان يصاب بعجز و في الحالة دي ممكن الست والدتة تستخدم اللباس في تحمير البطاطس و ان اهيب بالحكومة انها تعمم الاختراعات دي و عمل لجان تفتيش في اماكن التجمعات و الاتوبيسات يعني كل اتوبيس يركب فية مفتش للبسة معاة لبيسة زي بتاعة الجزم و يالا يا حضرات كل واحد ينزل البنلطون في تفتيش
ممكن واحد فلحوس يقولي طيب فلنفترض المتحرش المنفذ للعقوبة حب يقضي حاجتة يعني

طبعا احنا منسيناش الحكاية دي بيكون في فتحة مخصصة للامر دة

ولازم يقدم طلب قبليها بيوم و تحضر لجنة معها مفتاح اللباس الالكتروني
ويتم الفتح في حضور 3 ممثلين من اللجنة

و هذا و بالله التوفيق

29 comments:

  1. سلام عليكم

    جعان هاخد مسكن و أجيلك

    أشربلى شويه كافور
    ههههههه

    ReplyDelete
  2. عزيزي اس

    ياريت اللباس ده يتضمن طبقه تيفال زعران ... لأنه الشعب كله هياخد الالف عدل

    كما يرجي توفيره جميع الموديلات من بوكسر وسيلب وشرعي من ابو سلبه


    جعلكم الله ذخرا لمصر المقفوشه ووفقكم للسداد قبل الحبس

    ReplyDelete
  3. اول مرة اشوف الفيديو ده

    شئ محزن اوي

    اه يا بلد

    ReplyDelete
  4. رغم اقتناعي بأن ماحدث من دينا مهزلةو بكل المقاييس , فبعد ما سمعناه من شهود العيان (آخرهم دلوقتي حالا مع رولا خرسا) أن الأمر معتادكل عيد و أنها ليست المرة الأولى

    يعني لو دينا جزء من المهزلة , فهي ليست في الغالب سببا لها

    ReplyDelete
  5. رغم اقتناعي بأن ماحدث من دينا مهزلةو بكل المقاييس , فبعد ما سمعناه من شهود العيان (آخرهم دلوقتي حالا مع رولا خرسا) أن الأمر معتادكل عيد و أنها ليست المرة الأولى

    يعني لو دينا جزء من المهزلة , فهي ليست في الغالب سببا لها

    ReplyDelete
  6. و تروح وتيجي لية يا عمدة تعال و انا اسكنك يا حبيبي :)

    ReplyDelete
  7. عزيزي اح
    لا تكلك كل انواع اللبسة متوفرة
    ومقاسات مختلفة للعائلات
    مع الحرص علي استيراد موديلات مبتلزقش
    مع طبعا الحفاظ علي حق

    كلبوظة لكن سمباتيك في فكرة اللباس الرادع

    ReplyDelete
  8. عزيزتي ابيفاف
    صدقيني و انا كمان اول مرة اشوف الفيديو دة

    ReplyDelete
  9. يا دوك نرمين ما انا قلت كدة من الاول دة انا اوعي علي الموضوع دة من اكتر من عشر سنين
    و الناس طايحة في الاعياد و المناسبات
    بل الاوسخ من ذلك ولا يعرفة الكثيرين
    ان هناك افعال تكون بين الرجال و بعضهم في المناطق الشعبية او الموالد في الاحياء الشعبية زي الحسين و السيدة و غيرهم
    و يكون الضحايا ابناء القري الوافدين لقضاء ايام العيد و العودة لقراهم بعد ذلك

    ReplyDelete
  10. انا جعان ازيك عامل اية
    حنقطع على بعض و لا اية بقي
    يعني انا ما صدقت الاقي سبوبة تطلعلي قرشين اخدلي بيهم اسبوعين في هيلمين فايد في اجازة نصف السنة تقوم انت تطلع اختراع جديد يشد الزباين؟
    تصدق احلى اقتراح ان اللي يقفشوه بيتحرش او بيعاكس ست يحلقوا له زلبطةو يجلدوه يوم الجمعة قدام مسجد الحي بتاعه كام جلدة من باب التعزير مش من باب الايلام
    حتلاقي الرجالة و الشوباااب ماشيين يسبحوا كلهم
    اصل احنا نخاف
    منختشيش
    ------------
    مجيلكش في حاجة وحشة ابدا البوست فعلا كان منقول و انا مش لقياه
    شيلاك لاقرب خناقة يا ريس
    ------
    تفطر معايا سميط و بيض؟

    ReplyDelete
  11. كلبوزة لكن سمباتيك ولا بقطع عليكي ولا حاجة
    لكن برضة سبوبة كويسة و نلم منها قرشين
    انا ورايا بنت عايز اجهزها

    انتي بس لما تعوزي حاجة
    قولي جازااااار
    لو محدش رد جربي حلبة باللبن

    ReplyDelete
  12. اول مرة اشوف حاجة مصورة live
    لكن مين اللي صور ؟

    وطبعا الشباب زي ما هو موجود في الفيديو كل الشباب اللي مش لاقي حاجة يعملها بيجروا علشان يتفرجوا

    والمشكلة كمان ان الامن فعلا تحس انه مهمته واحدة ومحددة فقط لا غير

    وهي الدفاع عن الاستاذة (دينا)


    تخيل اني لسه شايفة حالا صورة للاخت دينا على غلاف جريدة وهي لابسة (بدلة رقص شرقي ) والمشكلة ان البدلة مبتذلة جدا لدرجة تكاد تكون عارية جدا ومغرية جدا

    مما يجعلني اتسأل الست دي بتدفع ضرايب ؟
    وبتدفع ضرايب قد ايه ؟؟؟؟؟؟؟؟؟؟؟؟


    المفروض ياخدوا منها ضرايب ويعملوا منها مشروعات يشغلوا فيها الشباب اللي مش لاقي حاجة يعملها غير الفرجة

    لا حول ولا قوة الا بالله

    يارب اصلح حالنا جميعا يا رحمن وعافينا واعفو عنا يا ارحم الراحمين يارب

    ReplyDelete
  13. مش مهم مين اللي صور المهم هل هايفضل يصور كل عيد
    دينا بتدفع ضرايب طبعا و يقال ان نص جوامع مصر هي اللي بنياها
    يا ندا دينا فاتحة بيوت اكتر من اللي فاتحها مجمع التحرير :)

    ReplyDelete
  14. أولا ميرسي جدا علي إضافة لينك لمدونتي المتواضعة .
    ثانيا : انا عامل كاريكاتير عن الموضوع ده في المدونة يسعدني انكم تشوفوه وتشوفوا التعليقات المسخرة المكتوبة :)
    أشوفكم العيد الجاي بقى في وسط البلد.

    ReplyDelete
  15. عارف انا اول ما بشوف اي حاجة تمس الموضوع دة بتغاظ اوي وبتالم اوي بس انت خففت عليا المصيبة اللي احنا فيها
    وبعدين تعالي هنا عقاب ايه
    وفيدو ايه دة انا شفت فيديوهات مأساه
    والنبي خلينا ساكتة
    انا قلت يا جدعان احترف الصمت
    محدش مصدقني

    ReplyDelete
  16. bgad 7aga teksef ..el shabab f masr lazm yeghyer nazrto ll banat bm3ana en msh ay wa7da labsa body wala stretch teb2a mo3ksetha sa7...lazem ykooon feh 3efa w adb f el nazra ll bent..msh keda wala eih...el banat 3omrha makant ll sexual pleasure w bas..el bent zayaha zay el wald mn 7a2ha t5rog f aman w terg3 betha f aman mn gheer ma 7ad ye3aksha

    ReplyDelete
  17. اشرف باشا حمدي
    منور يا ريس
    انت داخل تسوق عندي في الموقع
    انا لازم اعمل كارتة علي المرور في المدونة كدة مش هاينفع
    دة محل اكل عيش

    ReplyDelete
  18. طب والله ياريت يستخدم اللباس ده زي حزام العفة اللي كان بيستخدم زمان.

    وان كنت أشك فمفعوله، زي ما انت عارف المصريين مبيغلبوش

    ReplyDelete
  19. smraa alnil
    هي الحكاية مش انهو فيديو اجمد او افظع
    يا عزيزتي لدي افلام موثقة
    بها افراد في اقسام شرطة يعذبون
    لدي عمليات اغتصاب بناء علي اوامر موجهة لجنود و الضحايا رجال و نساء

    المشكلة احنا محتاجين كام فيلم علشان الناس تفوق

    بالمناسبة مش احترفتي الصمت دة اخر موضوع في مدونتك
    جايو برضة تعملي دعاية عندي
    انتي اتعديتي من اشرف ولا اية

    ReplyDelete
  20. جعان .. الحق موقع مسخرة .. يستحق نظرة منك .. انت كده دخلت فى العناصر الاثارية ..
    http://thenewegypt.blogspot.com/

    ReplyDelete
  21. معلش لقيت شوية ابيات شعر ما تنفعش الا معاك يا جعان
    فى الحب بس من ناس متخصصة
    : المحامي
    كم يدعي حب الحبيبه مدعي في جلسة مرفوع باأربع
    ولدي من قول العدالة حاكم إني أحبك والشهود بأدمعي
    : مدرس الرياضيات
    إني أحبك حب السين للـــصـــاد فأنــت للعمر تبســـيــط لأعدادي
    جمع الأحبة عندي خيـر مســأله فكيف أجبر عندي كسرك العادي
    في قسمة الله أرزاق لنا طرحت ويــضـرب الله أمثـــالاً لما ازداد
    جذر المحبة تربـيـع لعشرتـــنــا وجدول الهم عندي رائح غــــادي
    : فوال
    حبيبتي بعينـهـا قلابـــه تـجر قـلبـي جر الـربـابــه
    تميس رقة بكل صحن قمراء تملي رغبة الغلابه
    : راعي غنم
    أهش الذئب من عينيك بالعصى يا خير من يمشي على الحشيش والحصى
    : صاحب بنشر
    لقد ملأ الهوى قـلـبي هــــواء ونسم خاطري مسمار طرفك
    تدور بي الهواجس دون جنط على عجل أفتش حول حرفــك
    تحيرني عفاريــت الليـــالـــي و ألقى الحل في تبديل بـلـفـــك
    ot5515.jpg
    : مصلح ساعات
    خــراشـة أنـت ياحـلم السـويـعـــات دقيقة اللحظ تـشـفـيـن الجــراحـــات
    إن كنت في السير ياعمري وصنقله فالتضبطي الوقت كم يغدو وكم يأتي
    تـأمـلـي الـدرب إمـا عــدت ثانــيــه فـالـلـعـقـارب صـــولات وجــــولات
    : مصور
    حمضت صورتك التي أحببتها ورأيت وجهك مشرقاً بفلاش
    ولما رأيت رؤسهـا مـحــروقــه فوراً نقات لغـرفـة الإنـعـاش

    ReplyDelete
  22. قلت جزر لحد ما صوتي اتنبح
    انت مختفي فين بقي
    و بعدين مش بحب الحلبة باللبن
    في نسكافية
    ---
    دون يا جعان
    ---
    صباح الخير

    ReplyDelete
  23. micheal mohsen
    الله ينور عليك
    بس واضح ان شعبنا او الشعوب العربية عامة
    قدامها وقت طويييييييييييل
    لحد ما تقدر تغير النظرة دي
    و اعتقد لحد ما الوقت دة يمر
    هايكون الستات انقرضو من كتر التحرش

    ReplyDelete
  24. متغيرة شوية
    اعتبر دة تأيد نسائي للاختراع
    طب علي بركة الله هابعتلك نسخة ديمو
    جربيها في ابن الجيران

    ReplyDelete
  25. eldoctor
    الموقع مسخرررررررررررررررة
    مش ممكن حاسس ان واحد قاعد بجلابية و جنبة ورقة و قلم وعمال يعد الانفار
    ويرص كلمتين
    ولا عداد بهايم

    واية الشعر الحلمنتيشي دة يا راجل
    انا ضحكت ضحك

    ReplyDelete
  26. دي حاجة مرعبة... أنا عمري ما مشيت في وسط البلد في العيد بس كده متهيألي محدش يمشي فيها أبدا. أعوذ بالله

    ReplyDelete
  27. انا مصدومة اوي
    مش عارفه ارود
    ايه الي بيحصل فينا دا؟
    شوارعنا مليانه بلاوي اه
    بس الي بيعمل كدا كنت بشوفه بيعمله وهو زي الحرامي الجبان
    مش كدا بجد مش كدا
    ايه البجاحه والمجاهرة والحيوانيه الي هما فيها دي
    شكرا يا اسلام على الفيديو الي وراني مصر بجد

    مايا

    ReplyDelete
  28. عيببببببببب دول مش نافع معاهم حاجه وبقت ظاهره مقرفه

    ReplyDelete

بعبع وقول اللي في نفسك يا خويا