Friday, December 22, 2006

الحبيب الجفري من انت..؟؟؟

الموضوع المرة دي عبارة عن تساؤلات شغلت بالي لفترة طويلة
عن الداعية الحبيب بن علي الجفري

ولمن لا يعلم هو ابن نائب رئيس اليمن الأسبق
لا انكر علية علم او تدين لكن سرت عنة الشائعات كما تسري النار في الهشيم
فتارة هو شيعي وتارة سلفي و بعض قال وهابي
لكن برامجة التلفزيونية تنفي ما سبق
و انتهي الامر بترحيلة خارج مصر والامر لمن لا يعلم الواقعة ان رائد في أمن الدولة قام بزيارتة في منزلة وقبلها بدقائق تم قطع خط الموبايل الخاص بة
واخبرة بأنه مطلوب منة مغادرة مصر الليلة ولحد يومنا دة هو مممنوع من دخول مصر علي ما اذكر كان في زيارة لليبيا و نزل مطار القاهرة ترانزيت 8 ساعات وطلب من امن الدولة ان يذهب للحسين و يصلي ثم يعود ليلحق بالطائرة فرفض طلبة تماما
ويقال من الاسباب المؤدية لترحيلة حضور بعض الشخصيات الفنية زي علاء مرسي والفنان علاء ولي الدين ويسرا وغيرهم و اخري سياسية
وفي مقولة اخري ان ايمن نور المرشح السابق علي مقعد الرئاسة و المسجون الحالي دعاة الي منزلة لاقامة مجالس ذكر وعلم
و كرر نفس الطلب من مستشار بحضور المدعي العام و كذلك الدكتور أسامة الحوفي بحضور رئيس مجلس الشعب
وان كان هناك بعض الاشياء المثيرة للاقاويل مثل حضورة دعوة للاحتفال في منزل رجل الأعمال المصري المهندس كمال الكتاتني وتصادف وجود خالد الجندي وهو ليس فوق الشبهات خاصة بعض ظهورة علي القناة الاولي المصرية في رمضان
يوميا و لمدة ثلاثون يوما ليؤدب جموع المسلمين المصريين علنا ودعوتهم لتعامل باخوة مع النصاري من باب ولازم تتلمو يا بقر
كفاية كدة كسفتونا
ولاني مقتنع ان اللي بيطلعو علي القناة الاولي لازم تكون الحكومة منشكحة منهم علي الاخر
المهم كثير من الناس اجمعو انة صوفي وللاسف بعض الافرع المنبثقة من الصوفة تعيش في عالم و كون اخر
وسوف اتي علي ذكر بعض غرائبهم التي حضرتها شخصيا في موضوع اخر

وقع في طريقي تسجيل بة الحبيب الجفري علي الارجح انة كان في احتفال يوم عاشوراء او المولد النبوي
مع العلم انة أمر مبتَدع لم يفعله الرسول صلى الله عليه وسلم، لو كان مستحبا لفعله الرسول صلى الله عليه وسلم في حياته، لأمر به الصحابة، لأمر به أبو بكر، لأمر به عمر، لأمر به عثمان، لأمر به التابعين
ملحوظة:"باحتفالات الطرق الصوفية بالمولد يتهيأ لهم أن النبي صلى الله عليه وسلم يحضر ويتركون له مكانا خاليا وبهذا ينتقلون من بدعة العمل إلى بدعة الاعتقاد
في الفيلم جماعة منسلطنين اخر سلطنة وتنطيط لا ادري اهذا ما اوصي بة الرسول
ولم ينكر الحبيب الجفري الامر عليهم الا انة امر احد باغلاق الكاميرا
تعالو نشوف

46 comments:

  1. والله يا اسلام
    الراجل ده من زمان مش برتاحله

    طريقته في الكلام وفي القاء الهطب عليها علامات استفهام كبيرة

    بس انا مش مع تكفيره ولا تفسيقه
    لاننا لو فتحنا الباب ده مش هنخلص
    لان في مواقع زي موقع سحاب على سبيل المثال
    مسبتش عالم او داعية مش عاجبهم
    الا لما كفروه او فسقوه او بدعوه او او او

    وده غلط
    بس انا مع ابداء النصح ليه وتوجيهه للاخطاء اللي بيقع فيها

    ReplyDelete
  2. حسبي الله وتعم الوكيل
    اللي بعملوه دة لا اساس له ف الدين ولا القران ولا السنة
    غير انهم تشبهوا باليهود في اقامة شاعئرهم
    عندما يتلون الكتاب المقدس امام حائط المبكي
    كدة كدو انا اصلا مش بحب خالد الجندي وبكره جدا
    لاني بعتبره انسان منافق
    ومن الشيوخ اللي بتأمر بامر الحاكم وليس بامر الله
    حسبي الله ونعم الوكيل مرة تانية

    ReplyDelete
  3. انتوا مجموعة من الجهلة ، مش عارفين هما بيعملوا ايه يا جهلة؟ ده اللي اوصى به مولانا كيرك هاميت
    اسمه هيدبانجنج يا جهلة ، اتعلموا امور دينكم بقى
    http://en.wikipedia.org/wiki/Head_banging

    ReplyDelete
  4. هما أحرار
    إيه المشكلة يعني

    ReplyDelete
  5. انا بصراحة من زمان مش بأحب الراجل ده لغاية ماكرهته . والسبب البلاوى اللى عاملها راجعوا معايا اللينك ده

    http://www.almijhar.net/

    وانا عندى فيديوهات للى بيحصل فى المجالس الصوفية تمت فى حضوره

    وربنا يهديه

    ReplyDelete
  6. واحـــد مـــــن الـنـــاس
    طبعا محدش من سلطتة انة يكفر دة او غيرة
    الموضوع كلة من اجل القاء الضوء ليس الا

    ReplyDelete
  7. smraa alnil
    صدقيني الفيديو دة اقل حاجة
    ان شاء الله في موضوعات قادمة
    هاسرد بالتفصيل
    بدعهم ولقائاتهم ماذا يتم فيها
    من بدع وامور ضلال لا يتخيلها عقل وما انزل الله بها من سلطان

    ReplyDelete
  8. صوفي بلا شك

    ربنا يهدي الجميع

    وجود مثل هذه الافكار والخزعبلات من اسباب تأخرنا فعلا ..

    شوف كام واحد منهم فاكر انه كده بيخدم الدين ... جهد كبير جدا ضائع .. وشوف كام واحد من العلماء الفاهمين بيضيع مجهود في التحذير منهم ودعوتهم ..

    ReplyDelete
  9. ya black day
    howa ay 7ad keda el nas tesada2o we yegro warah

    salam

    ReplyDelete
  10. مش عرفه هاتعرفنى ولا لا بس انا قلت لازم ابعت لاستاذى واللى بصراحه عرفت منه يعنى ايه مدونه بس اوعى تضحك عليا

    ReplyDelete
  11. همممم
    معلش يا اسلام

    صوفى ولا اى شئ....... الجفرى من اكتر الشخصيات اللى بحترمها
    وتقدر انها تدخل قلبك بسهولة جدا

    كفاية بساطته فى الحديث

    ياريت كل شيوخنا زيه كدة

    ReplyDelete
  12. الحقيقة يا ابو ملك انا هحكيلك خبرتي الشخصية اهو من باب كون المدونات مطرح لطرح الخبرات الشخصية: اول ما دخلت قهوة كتكوت كنت وقتها قضيت حوالي خمس سنين ف اليمن وحاجة وكل حاجة يعني ...اتعرفت على ناس كتير ومن ضمنهم بنت اما عرفت اني مصرية وبشتغل ف اليمن او سؤال ليها كان ؟؟ تعرفي الحبيب الجفري ؟
    الغريبة ياعم ان محدش ف اليمن يعرفه الا من ظهوره على شاشة دريم.. ولا زال الكلام ده ساري بعد مرور ست سنوات على سؤال الاخت..
    القصد هو هل فعلا ان حكومتنا العتيدة تشجع على خزعبلات الدين وتلم لدينا ؟كل ما خف حمله ورخص ثمنه حتى ف بلده الام..
    كل سنة وانت طيب

    ReplyDelete
  13. I liked the rhythm, and the banging gamve a laugh Lol.

    على فكرة مش كل الصوفيين هبل كدة فى ناس ليهم شعر فى حب الله تحفة :]. عن الحبيب انا عمرى مافهمت اى حاجة من اى برنامج ليه. كنت اكنى بسمع أساطير بالظبط . بس بدل أمن الدولة طرده من البلد يبقى راجل تمام التمام و لازم نحييه:]

    ReplyDelete
  14. Tarek
    هما احرارا ايوة
    لكن في مشكلة طبعا
    واذا كنت لم تلاحظ المشكلة فعلا
    يبقي اكيد انت عندك مشكلة

    SPRING
    مش عارف ارد اقولك اية
    انا عارف انك بتهزر

    ReplyDelete
  15. سعد
    انا فعلا عارف موقع المجهر
    وكنت بصيت علية كام بصة
    بس بصراحة
    دة موقع معمول مخصووووص
    لتفنيد حقائق الجفري فقط
    واقول فقط
    بزمتك مش حاجة تقلق

    ReplyDelete
  16. الديب
    يا طارق هو صوفي بلا شك
    لكن المصيبة ان المريدين للاسف الشديييييد ليسو بجهلة
    بل و الله يعلم اني صادق
    في احدي الجلسات الصوفية اصطحبني صديق
    وودت في الجلسة من هو وكيل نيابة ورجل اعهمال و مهندس بنرول وطبيب
    منهم من عاش خارج مصر طوال حياتة
    واول ما رجع وقع في حجر الصوفية
    وكانت ليلة عجب
    هاوردها قريبا

    ReplyDelete
  17. ام العيال
    انتي جاية تصوتي و بالافرنجي كمان
    انت شكلة مزقزقة من ال
    CIA
    الفلكة يا جااااااااااااابر

    ReplyDelete
  18. رفقه عمر
    دة كلام يا هنا ازاي ما اعرفكيش
    سعدت انك انضميتي لعالم المدونين
    وا ن شاء الله تستمري
    وتبتدعي
    ربنا يعينا بقي :)

    ReplyDelete
  19. Lasto-adri *Blue
    عزيزتي احنا وقعنا كدة في نقطة خطيرة
    شوفي الجفري لا انكر انة راجل بيدخل القلب بسهولة
    وانة بكاء نواح اثناء قصة امور عن الرسول صلي الله علية و سلم
    لكن هل كلام مطابق لشريعة و منهج الرسول ام لا
    دي نقطة الخلاف
    يجب عليكي و علي اي شخص
    مثقف واعي
    ان يفرق ما ينساق الية بقلبة وما يتبعة بعقلة
    الجفري خالف الكثير
    يكفي ان تجمعات الصوفة بها ما يعف اللسان عن ذكرة
    ليس معني انة شخص محبب
    انة علي حق لا الومك علي تصديقة
    ولكن الوم عليكي عدم البحث عن حقيقة اي شخص يتحدث بلسان الدين

    ReplyDelete
  20. لا تعليق فعلا يا زميلي العزيز (جعان)

    ReplyDelete
  21. ست الحكيمة الشيماء
    منورانا والله يا دكترة
    وتم رش الارض كلوروفيل ودهن الحيطان بيسلفون
    بس اية مدونة النص نص دي جديدة
    امال دماغك اللي كانت وجعاكي راحت فين.؟؟؟
    هو للاسف مصر بقت مقلب شيوخ العالم
    اي حد يريد الشهرة فليتجة الي مصر
    احنا بلد عاملة زي السوق الحرة
    مغنين رقاصات اي حاجة
    حتي بياعي الحمير البلدي علي انها لحمة بتلو
    فمصر تفتح زراعيها لكل من هب و دب
    ربنا يستر

    ReplyDelete
  22. جعاااان باشا

    كل سنة وانت طيب يا فندم .. يعيد عليك وعلينا وعلى امة محمد الايام بخيير يا خويا هذا اولا

    ثانيا الحبيب الجفري شفتله حلقتين صدفه اما العيال كانوا راضيين عليا وسايبنلى الريموت العب ف الدش شويه من نفسى .. انا عموما برتاح للشيوخ القدام او بتوع ال 20 سنة اللى فاتوا اكتر من اى حد دلوقتى ..

    ثالثا .. عملت مدونة باركلى بقى " السمايل اللى بيتنطط "

    تحيتى

    ReplyDelete
  23. مش عارف يا جعان
    هوا غريب بصراحه
    و فعلا ازاى يحتفل بالمولد مع انه بدعه!!
    الله اعلم

    ReplyDelete
  24. انا شايفة اللى حصل فى الفيديو ده شئ عادى جدا لأن ده من ضمن طرق الصوفية .. ومن زمان اوى واحنا عارفين إن الحبيب على متصوف .. واعتقد ان ده الوقت اللى لازم نتغاضى شوية عن الفروق اللى بيننا ونبقى كلنا مسلمين بنعبد رب واحد وبنصلى لقبلة واحدة ورسولنا واحد .. بغض النظر عن طرقنا المختلفة .. عاوزين نتحد ولو مرة واحدة ياناس

    ReplyDelete
  25. spellz
    انا مقلتش ان الصوفة بجميع طرقها هبل
    لكن هل الله في انتظار اشعار في حبة
    اليس في القرأن كفاية ؟؟

    ReplyDelete
  26. منورة يا نداااااااا

    ReplyDelete
  27. ست no0r هانم
    منورانا والله
    نتمني ان العيال و ابوهم يكونو راضيين عنك دوما كدة
    و مبروك مدونة الحرامية الجديدة
    دة انتي مش هاتلاحقي

    ReplyDelete
  28. MiMo
    اهو كل حاجة واضحة

    ReplyDelete
  29. Human
    استغربت لرأيك جدا
    طبعا اتحاد المسلمين واجب
    ما اختلفناش
    لكن لما يكون الفرق عقائدي
    يبقي اسمحيلي في مشكلة خطيرة

    ReplyDelete
  30. أنا شخصياً مش بحب التصنيف .. ده سنى وده شيعى وده صوفى .. المفروض كلنا مسلمين ، لكن طالما فى إختلافات وزى ما بتقول عقائدية ، شايفة انه مش هيفيد اوى لما ننقد بعض خصوصاً فى الوقت ده ... أنا مثلا مش مع الاسلوب اللى تعبدوا بيه فى الفيديو ده وعارفة انه تصوف ، بس طالما انا مش هقدر اخليهم يبطلوا يبقى معملش حاجة او اروح أناقشهم هما شخصياُ وافهم منهم ... لكن بجد إحنا فى أمس الحاجة للوحدة فى الوقت ده بالذات

    ReplyDelete
  31. Human
    اة في نقطة محتاجة توضيح
    غرضي من المدونة ليس الحل ولكن القاء ضوء
    والله يا فندم اللي عايز يروح يناقش يكلمني و انا اديلة عناوينهم و اماكن تجمعهم ويتصرفو مع بعض :)

    للاسف انا حضرت بعض لقائاتهم
    اقل ما يوصف الحدث انة مسخرة دينية
    لا يقبلها اي مسلم موحد عاقل
    و سوف ادرج ما حدث في مدونة قريبة

    ReplyDelete
  32. يا جمعاه بلاش نخبط فى نفسنا(المسلمين فى بعض يعنى)--

    بصوا وشوفوا الكلاب ولاد الكلاب دول بيقولوا ايه
    http://nakneef.blogspot.com
    ياريت المثقفين دينيا يدخلوا يردوا
    ولو حد مش مثقف دينيا بلاش يدخل

    ReplyDelete
  33. Eng
    الموقع دة يديرة مجموعة من الملحدين العرب
    وتأثيرة لا يتجاوز جدار الانترنت و هتلاقي غالب اللي بيتفرجو علية بيشتمو فيهم
    و من الغباء ان حد يضيع مجهودة في النقاش معاهم لان دة مش هدفهم و طرقهم و الاعيبهم معروفة واضح انك لسة جديد في الانترنت
    اما مسألة اننا بنعض في بعض
    يعني سيادتك معني كدة اي واحد يألف اي بدعة في الدين نسيبة يهجص علشان مسلم
    واضح ان سيادتك محتاج تتعمق في قرأءاتك شوية

    ReplyDelete
  34. الجفري
    صوفي من اقطابهم
    لكنه ذكي بنظرة واحده يفهم ما تريد و يتكلم معك انه متفق معك و لا يوجد خلاف و اذا كان رايك ان الطواف بالقبور غلط و هو لسه طايف هيوافقك خصوصا اذا كنتم لوحدكم
    بس الناس اتعودت و هو بيأخذ بايديهم
    و لا ننسا انه شيعي يأخذ بالتقية

    ReplyDelete
  35. إخواني..
    إستخدموا مخكم اللي ربنا هايسألكم عليه..
    دول ناس بيذكروا الله.. لا بيرقصوا ولا بيعملوا جنس جماعي ولا بيتفرجوا على سعد الصغير..
    بيذكروا الله لا خلاف على انه عمل خير.. الطريقة وكونها جديدة أو مبتدعة أو أي حاجة تانية هي تسمى نقطة خلاف.. اسمعوا واقروا وشغلوا مخكم عشان تفهمو.. قبل ما تقرروا ان كان وحش والا حلو.

    ReplyDelete
  36. الحبيب الجفري

    سمي الحبيب لان اهل اليمن يلقبون ذلك اللقب لاي رجل دين عالم و تلقب بالجفري تيمنا بمعلمه الجفري في مكة المكرمة

    هو من الصوفيين الذين يحاولون نشر الصوفية بدون تصريح بها و لذلك يهتبر منهجه من المناهج الباطنية لانه اخفى ما بنفسه كالشيعة و الدروز

    ReplyDelete
  37. أنا عديت بالصدفة على المدونة وعجبنى شكلها ولأنى مهتم بموضوع التصنيفات اللى ماشية اليومين دول وبترسم فهمنا لهويتنا وباقصد تحديدا التصنيف الدينى زى سنى شيعى مسلم مسيحى والحاجات دى وده موضوع دراساتى يعنى ولا مؤاخذه عشان محدش يزعل
    المهم القول هنا إنك يا أخ واحد جعان ومتزعلش من لغتى يعنى مبتفهمش وماشى ورا بتوع الكلام الفارغ اللى بيقول ده شيعى إلحق اقفشه
    أنا مش متدين زي أغلبكو بس أعرف إن الصوفية من أهل السنة والجماعة وعشان متلخبطش، طول عمرهم موجودين فى مصر وليهم كتبهم وهما على فكرة بيشكلو أكبر تنظيمات للمجتمع المدنى، ولو كانو شيعة كانو قالوا واخونا اللى اتكلم عن التقية معلشى يعنى يروح يقرا شوية ويسيبه من كلام اخونا بتوع السعودية اللى بيتكلموا عن الروافض والكالم الفاضى ده، بصراحة تامة الحبيب سمعته أكتر من مرة وعجبنى اسلوبه وتبحره العلمى وفهمه للمعانى الكامنة فى الحب الصوفى وعدم تجاوزه واتفاقه على المعلوم من الدين بالضرورة وعدم انكاره لسنن النبى يعنى م الاخر راجل داعية محترم وباضيف على صديقنا اللى قال ان اسلوبه ساحر انه ساحر لأنه عالم حقيقى ومتسامح فى قوله واعرف انه كذلك فى فعله
    يعنى محتاجين يا جماعة نفهم يعنى ايه صوفية ومتزعلش يا واحد جعان لو قلتلك كلامك عن ان القرآن يكفى للتقرب إلى الله كلام مقلهوش النبى نفسه وبتتمسح فى القرآن رغم ان ادعية النبى كتير منها لم يكن من القرآن بل قاله النبى بنظمه هو كأن يقول اللهم انى اشكو اليك ضعف قوتى وقلة حيلتى وهوانى على الناس انت رب المستضعفين وانت ربى الى من تكلنى الى بعيد يتجهمنى ام ...
    صح، وعلى فكره كلامك مش مضبوط لأن كبار علماء المسلمين عبر التاريخ كتبوا اشعار المديح فى النبى ص وفى الذات الالهية ولو كانو يعلمون انه زائد وغير مرغوب ما كانو فعلوه صح يا أخ
    اما الطقوس التى يؤديها المتصوفين ففيها كتب تثبت صحتها واقرها الكثيرين من علماء الازهر الثقات يا عمنا ولو فيه شطط لدى بعض الفرق الناس لازم توضحه أما الحضرة وترتيل الاشعار والغناء الصوفى فكلام حضرتك فيه بصراحة تافه ونزق ومحتاج اعادة نظر منك ومن اخوانا المتأثرين بالسلفية ويا سيدى متزعلش ومتبقاش تتفرج على الجفرى تانى
    وابقى قابلنى

    ReplyDelete
  38. كوب لبن
    انا عايز افهم الكلام دة عن معرفتك الشخصية بي
    يعين امام الناس برأي وامامك برأي؟؟

    ReplyDelete
  39. Anonymous و وجع دماغ

    انتو الاتنين محتاجين
    دروس عقيدة وفقة و سنن النبي
    قبل ان يخرج من افواهكم ما يدل علي ضحالة فكركم
    ومدي تدني حوارك
    فا منين بتقولي متزعلش و منين تقولي انت مبتفهمش
    ثانية
    انعمت علي باني من متبعي المنهج السلفي
    و لبستني السلطانية علي كيفك
    عذرا مدونتي ليست لنقاش الفاضي مع امثالك
    اذا اردت اثبات وجهة نظر لك
    روح اعملك مدونة العب فيها

    ReplyDelete
  40. الرقـم المسلسل 5179
    الموضوع مظاهر الاحتفال بالمولد والحركة في الذكر
    التاريخ 03/04/2007
    الـمـفـتـــي أمانة الفتوى




    السؤال

    اطلعنا على الطلب المقدم من/ ................. بتاريخ 2/ 4/ 2007م
    المقيد برقم 489 لسنة 2007م المتضمن:
    ادعى بعض خطباء الجمع ببلدتنا أن:
    1- الاحتفال بالمولد النبوي غير مشروع.
    2- السير بالموكب وحمل الأعلام والضرب بالدفِّ من أجل المولد غير مشروع.
    3- عمل ليلة احتفالية بالمولد غير مشروع.
    4- شراء الحلوى وإهدائها لمناسبة المولد غير مشروع.
    5- الوقوف في حلقات الذكر والتمايل فيها غير مشروع.
    6- إطلاق لقب "سيدي" على الأولياء غير مشروع.
    فما حكم ذلك؟




    الجواب

    الاحتفال بذكرى مولد النبي صلى الله عليه وآله وسلم يعد من أفضل الأعمال وأعظم القربات؛ لأنه تعبير عن الفرح والحب له صلى الله عليه وآله وسلم، ومحبته أصل من أصول الإيمان، وقد صح عنه صلى الله عليه وآله وسلم أنه قال: "لاَ يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ". رواه البخاري .
    والمراد من الاحتفال المشروع بذكرى المولد النبوي هو تجمع الناس على الذِّكْر، والإنشاد في مدحه والثناء عليه صلى الله عليه وآله وسلم، وإطعام الطعام صدقة لله، إعلانًا لمحبة سيد الخلائق رسول الله صلى الله عليه وآله وسلم، وإعلانًا بالفرح بيوم مجيئه الكريم إلى دنيانا صلى الله عليه وآله وسلم .
    والاحتفال بمولده صلى الله عليه وآله وسلم هو من قبيل الاحتفاء به، والاحتفاء به صلى الله عليه وآله وسلم أمر مقطوع بمشروعيته؛ فهو النعمة الكبرى على العالم، وشكر النعم مطلوب محمود لا يلام فاعله بل يحمد ويشكر.
    وقد سن لنا رسول الله صلى الله عليه وآله وسلم بنفسه الشريفة جنس الشكر لله تعالى على ميلاده الشريف، فقد صح أنه كان يصوم يوم الاثنين ويقول : "ذَلِكَ يَوْمٌ وُلِدْتُ فِيهِ" رواه مسلم من حديث أبي قتادة رضي الله عنه ، فهو شكر منه عليه الصلاة والسلام على منة الله تعالى عليه وعلى الأمة بذاته الشريفة ، فالأولى بالأمـة الائتسـاء به صلى الله عليه وآله وسلم بشكر الله تعالى على منته ومنحته المصطفوية بكل أنواع الشكر.
    والاحتفال بيوم المولد بما ذكرنا مما درج عليه سلفنا الصالح منذ القرن الرابع والخامس، ونص على مشروعيته غير واحد من الأئمة والعلماء في مصنفات مستقلة أو ثنايا كتبهم، منهم: أبو شامة المقدسي شيخ الإمام النووي، وابن الحاج في المدخل، والحافظ ابن حجر شارح البخاري، والجلال السيوطي في رسالة مستقلة سماها "حسن المقصد في عمل المولد".
    وقد نقل الصالحي في ديوانه الحافل في السيرة النبوية "سبل الهدى والرشاد في هدْي خير العباد" عن بعض الصالحين: أنه رأى النبي صلى الله عليه وآله وسلم في منامه، فشكى إليه أن بعض الناس يقول ببدعية الاحتفال بالمولد الشريف، فقال له النبي صلى الله عليه وآله وسلم: "من فرِح بنا فَرِحْنا به" ، والرؤيا وإن كان لا يثبت بها حكم شرعي إلا أنها يُسْتَشهَد بها فيما وافق أصول الشرع الشريف.

    وما اعتاده الناس من شراء الحلوى والتهادي بها، فهو أمر مباح في ذاته، لم يقم دليل على المنع منه أو إباحته في وقت دون وقت، لا سيما إذا انضم إلى ذلك مقصد صالح كإدخال السرور على أهل البيت أو صلة الأرحام، فإنه يكون حينئذ أمرًا مستحبًا ومطلوبًا يثيب الشرع على مثله، والقول بتحريمه أو المنع منه ضرب من التنطع المذموم.

    وأما ما جرى عليه العمل في بعض الأنحاء من عمل موكب يسير فيه المحتفلون بالمولد حاملين رايات التي يُنْتَقَش عليها بعض الشعارات الدينية، ويتغنون فيها بالمدائح النبوية والقصائد الزهدية فلا حرج فيه طالما خلا عما ينافي الشرع من الاختلاط المذموم ونحوه.
    وإذا كان الضرب بالدف فى إعلان النكاح أمر أجازه الشرع من باب إظهار الفرح بالنكاح، وفيه حديث الترمذي: "اَعْلِنُوا هَذَا النِّكَاح، واِجْعَلُوه في المَسَاجِد، واِضْرِبُوا عَلَيْه بالدَُفُوف"، فاستعمال الدف لإظهار الفرح بمولد خير الأنام أولى وأحرى، وجواز ذلك كله مشروط بمراعاة الأدب المطلوب شرعًا في مثل هذا المقام.

    وأما بخصوص الوقوف في حلقات الذكر والتمايل في أثنائه، فنقول: إن الله تعالى طلب الذكر من المسلمين مطلقًا فقال: {يَا أَيُّهَا الَّذِينَ آَمَنُوا اذْكُرُوا اللَّهَ ذِكْرًا كَثِيرًا} [الأحزاب: 41]، وقال مادحًا عباده المؤمنين: {الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ} [آل عمران: 191]، وعن أبي موسى الأشعري رضي الله عنه أن النبي صلى الله عليه وسلم قال: "مثل الذي يذكر ربه والذي لا يذكر ربه مثل الحي والميت" رواه البخاري، وروى الترمذي وابن ماجه من حديث عبد الله بن بسر رضي الله عنه أن رجلا قال: "يا رسول الله إن شرائع الإسلام قد كثرت علي فأخبرني بشيء أتشبث به، قال: لا يزال لسانك رطبًا من ذكر الله"، فالحث على الذكر جاء على لسان الشرع الشريف مطلقًا، فالأصل أنه لا يقيد بحال دون حال أو بوقت دون وقت.
    ولما كان الشرع لم ينه عن الوقوف أو الحركة أثناء الذكر، كان ذلك على الأصل من الإباحة، طالما التزم الذاكر السكينة والوقار أثناء الحركة، ولم يأت بما يتنافى والأدب المطلوب مع حضرة الله تعالى أثناء الذكر، وكان على مدَّعي المنع أوالتحريم إقامة الدليل على دعواه التي تخالف الأصل.
    ويتأكد الجواز إذا كانت الحركة قد صدرت عن الذاكر قهرًا وغلبة، كأن يندمج في الذكر فيصيبه حال من الوجد، فتصدر منه الحركة دون قصد لها، كما قال الشاعر:


    وإني لتعروني لذكراك هزة كما انتفض العصفور بلله القطر


    وقد روى الحافظ أبو نعيم في الحلية عن الإمام علي رضي الله عنه أنه قال في وصف الصحابة رضي الله عنهم: "إذا ذكر الله مادوا كما تميد الشجرة في يوم ريح فانهملت أعينهم حتى تبل ثيابهم يوما ً"، وهذا الأثر صريح في أن الصحابة رضي الله عنهم كانوا يتحركون حركة شديدة في الذكر.
    وقال العلامة ابن كمال باشا من علماء الحنفية لمَّا استفتي عن هذه المسألة:



    ما في التواجد إن حققتَ من حرج ولا التمايل إن أخلصتَ من باس
    فقمتَ تسعى على رِجْلٍ وَحُقَّ لمن دعاه مولاه أن يسعى على الراس

    والخلاصة أنه طالما انضبط الذكر بالأدب، وعدم تحريف ألفاظ الذكر بما يفسد معناها فلا يظهر معنى في المنع.

    أما بخصوص إطلاق السيادة فإن كان المسوَّد هو النبي صلى الله عليه وآله وسلم فإن ذلك مشروع مطلوب بإجماع المسلمين، وقد أخبر عن نفسه الشريفة بذلك فقال صلى الله عليه وآله وسلم : « أَنَا سَيِّدُ وَلَدِ آدَمَ » وفي رواية « أَنَا سَيِّدُ النَّاسِ » متفق عليه ، وأمرنا الله سبحانه وتعالى بتوقيره وتعظيمه فقال: {لِتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلاً} [الفتح: 9] ومن توقيره تسويدُه، كما قال قتادةُ والسُّدِّيُ: "وتوقروه": وتُسَوِّدُوهُ.
    وأما إطلاق السيادة على غير النبي صلى الله عليه وآله وسلم من المخلوقين فهو كذلك أمر مشروع بنص الكتاب والسنة وفعل الأمة خلفًا عن سلفٍ من غير نكير.
    قال تعالى عن سيدنا يحيى عليه السلام: {فَنَادَتْهُ المَلائِكَةُ وَهُوَ قَائِمٌ يُصَلِّى فِى المِحْرَابِ أَنَّ اللَّهَ يُبَشِّرُكَ بِيَحْيَى مُصَدِّقًا بِكَلِمَةٍ مِّنَ اللَّهِ وَسَيِّدًا وَحَصُورًا وَنَبِيًا مِّنَ الصَّالِحِينَ} [آل عمران: 39] قال الإمام القرطبي : "ففيه دلالة على جواز تسمية الإنسان سيدًا، كما يجوز أن يُسمِّى عزيزًا أو كريمًا" اهـ.
    وأما السنة: فقول النبي صلى الله عليه وآله وسلم في شأن الحسن والحسين عليهما السلام: "الْحَسَنُ وَالْحُسَيْنُ سَيِّدَا شَبَابِ أَهْلِ الْجَنَّةِ" أخرجه الترمذي والحاكم وصححاه.
    وقوله صلى الله عليه وآله وسلم فيما رواه البخاري في شأن الحسن بن علي عليهما السلام: "إِنَّ ابْنِي هَذَا سَيِّدٌ".
    وقوله صلى الله عليه وآله وسلم عن سعد بن معاذ رضي الله عنه -مخاطبًا الصحابة الكرام-: "قُومُوا إِلَى سَيِّدِكُمْ" أخرجه البخاري.
    وأما فعل الأمة: فمنه قول عمر رضي الله عنه عن أبي بكر الصديق وبلال رضي الله عنهما: "أَبُو بَكْرٍ سَيِّدُنَا وَأَعْتَقَ سَيِّدَنَا" أخرجه البخاري.
    والنقول في مثل هذا كثيرة سمعها الصحابة من غير نكير ولا معارضة، فكان ذلك بمثابة الإجماع السكوتي منهم على مشروعيتها، وهو حجة كما تقرر في الأصول.
    وعليه فإن إطلاق السيادة على أهل البيت وأولياء الله الصالحين أمر مشروع، بل هو مطلوب شرعًا لما فيه من حسن الأدب معهم والتوقير والإجلال لهم، والنبي صلى الله عليه وآله وسلم يقول: "لَيْسَ مِنَّا مَنْ لَمْ يُجِلَّ كَبِيرَنَا وَيَرْحَمْ صَغِيرَنَا وَيَعْرِفْ لِعَالِمِنَا حَقَّهُ" رواه أحمد والحاكم وصححه عن عبادة بن الصامت رضي الله عنه.
    والله تعالى أعلم.

    ReplyDelete
  41. لقد اقمت عليكم الحجة من الكتاب و السنة و من دار الأفتاء المصرية فليكم اقامة الحجة على من مثلة.

    و لاتكونوا كمن قال فيهم الشاعر

    يخاطبنى السفيهة بكل قبح فأكرة أن أكون له مجيبا

    يزداد قبحاً و أزداد حلماً كعود زادة الأحراق طيباً

    ReplyDelete
  42. ahlan megردا على أخى الكريم
    غفر الله له و رده إلى الحق ردا جميلا أقول
    إن الإحتفال بالمولد النبوى بدعه
    للاسباب التالية: ذكر الحافظ بن كثير فى "البداية و النهاية " (11\172) أن الدولة الفاطمية -الباطنية- المنتسبة إلى عبيد الله بن ميمون القداح اليهودى و التى حكمت مصر من (357 - 567هجرى) هم من أحدثوا الإحتفال بالمولد النبوى وأكد على ذلك المقريزى رحمه الله فى كتاب المواعظ و الإعتبار (1\490) و الشيخ محمد المطيعى مفتى الديار المصرية فى كتاب : "أحسن الكلام فيما يتعلق بالسنة و البدعة و الأحكام" (ص 44-45) إذن فأول من أحدث هذا الأمر هم العبيديون أحفاد عبد الله بن سبأ ولا يمكن أن يفعلو ذلك محبة لؤسول الله (ص) ولكن لغرض اخر
    والأصل أخى الكريم أن العبادات تكون من سياق السنة وهدى الرسول (ص) و الصحابة رضى الله عنهم أجمعين وهذا الإحتفال :
    1- لم يفعله رسول الله صلى الله عليه وسلم ولا أصحابه وهم أحب الخلق لرسول الله
    2- كما سبق ذكره أن أول من إحتفل هم الفاطميون
    3- فيه مشابهة للنصارى الذين يحتفلون بميلاد المسيح عليه السلام وقد نهى رسول الله عن مشابهتهم
    4- قال رسول الله صلى الله عليه وسلم "لاتطرونى كما أطرت النصارى بن مريم إنما أنا عبد فقولوا عبد الله ورسوله "
    5-قال الإمام مالك رحمه الله " من إبتدع فى الإسلام بدعة يراها حسنة فقد زعم أن محمد (ص) خان الرسالة"
    ويوجد أخى الكريم تفصيل وشرح مستفيض فى هذا الأمر على لسان العلماء فى الرابط التالى أرجو أن تطلع عليه و أسأل الله أن يهدينى و إياك إلى الحق إنه ولى ذلك و القادر عليه ,وماكن من صواب فمن الله وحده وماكان من خطأ فمنى ومن الشيطان الذى أعوذ بالله منه والسلام عليكم ورحمة الله
    الرابط : http://saaid.net/mktarat/Maoled/index.htm

    ReplyDelete
  43. كلام انا جعان صح ومش جايبه من عنده يا جماعه ما الفيديو موجود..مش بيتبلى عالراجل
    انا متفقه معاك جدا يا اسلام
    بس ايه المانع ناخد من الحبيب علمه الي ينفعنا ونترك سيئاته اليه
    دا رأيي
    عشان لو بصينا هنلاقي شيوخنا بشر ولو نظرنا الى الاخطاء قبل ما نتبع او نسمع مش هنتبع ولا نسمع لحد
    مدونه اكثر من رائعه يا اسلام

    ReplyDelete
  44. كتكوتة

    حقيقي منوراني
    بس انتي داخلة في مواضيع قديمة اوي
    تعالي شرفيني في الجديد

    ReplyDelete
  45. وانا مالى هعمله ايه ثم انت ايه اللى بيوديك الاماكن دي ها مش هتبطل بقى

    ReplyDelete

بعبع وقول اللي في نفسك يا خويا