Saturday, December 30, 2006

صدام و القصاص بيد الاصدقاء





موضوع محاكمة صدام و اعدامة هاتاخد راقات من المدونات و المنتديات كعادة العرب و كل يدلدل جردلة وزي ما رحت زي ما جيت صدام كان يستحق القتل سواء محاكمة او غيرها و ليس المجال الان لذكر فضائحة و جرائمة هو و اولادة و قوادة

فلا يخدعكم مظهر الرجل العجوز ذو اللحية المنمقة و الاعتداد بالنفس فما هي الا بقايا جبروت و بطش ابي الا تهتز صورتة
الامور لا تؤخذ بسطحية الامور السياسية اكبر و اكثر تعقيدا من هذا يبدو ان البعض نسي او تناسي المصريين العائدين في صناديق من العراق لذويهم و قتل الاكراد بالاسلحة المحرمة و غالبية من قتلو اطفال و نساء ووجدو في مقابر جماعية مربوطين في بعض و بعضهم بدون رقاب و امهات اغتصبو امام ابنائهم و ازواجهم و قتلو بعد ذلك
بل ان عشيرتة و جيشة لم يسلم من جرائمة بل ان العقاب في الجيش العراقي بلا شك مقتبس من جهنم
من اول تقطيع الاطراف و كسرها و الالقاء من فوق البنايات ووضع قنابل صغيرة ملاصقة للقلب و النحر كالخراف وكل ما لم ينزل الله بة من سلطان
ومئات القصص التي يعف اللسان عن ذكرها يبدو ان البعض تناسي ان كل هذا بامر و علم صدام حسين ليس لانة عربي نتعاطف معة فلا فرق الان بيد من طبقت العدالة سواء بيد الاصدقاء او بيد الاعداء فصدام اذا كان حوكم في اي دولة عربية لكان الان متنعم و انتهي الامر بتحويلة الي اللجوء السياسي و عاش 100 فل و عشرة حتي اخر يوم في عمرة التوقيت مش مشكلة تماما لان حسبما فهمت ان التوقيت كان بسبب بداية العام الجديد وليس لة علاقة بعيد الاضحي مصادفة ليس الا
وحسب وعود بوش سوف تنتهي محاكمة صدام قبل نهاية 2006
و قد صدق
المشكلة عند الناس اعدام صدام علي يد الامريكان ليس الا و ان العرب شعوب تستحق ما يحدث بها ودلائل الهمجية تتخذ ابدع صورها اذا القيادة الليبية تعلن الحداد و عطلة واعتبار صدام اسير حرب و شهيد والكويت كشعب انار الانورا واقام الافراح و اعادة صلاة الجنازة علي البعض فرحة بالتخلص من صدام والعالم كلة يشاهد تشتت العرب كما قطيع خراف اخافها ذئب
صدام عاجلا او اجلا كان سيعدم فلا فرق في التوقيت فقد تم استئناس العرب منذ زمن بعيييييييييد فلا فرق
ان تسلخ اضحية اخري المهم الدور علي مين الاختيارات عديدة ايران سوريا السودان و القائمة
مليئة لا فرق صدقوني
فصدام قامت امريكا بتمويلة عسكريا و ماديا من اجل القضاء علي الاكراد و الشيوعيين العراقيين لما اتسخدمها حاكموة و قتلوة
اعدامة كان لحل تضارب المصالح ليس الا ودفن اسرار لا يعلمها الا الله في قبرة
و ما ان قتلهم قامو بمحاكمتة علي قتلهم و ليست هذة النهاية بل هي مجرد البداية
لرؤية احدي المجازر الكردية عام 88

بعد مشاهدة الصور تخيلو انفسكم او اهلكم مكان اصحابها
لمن يسأل عن محاكمة عادلة لصدام فليري كيف كانت تتم محاكمات جنودة و شعبة
وهذا في اخرة لقري الاكراد بعد نشر غاز الاعصاب بها
بعض جرائم النظام الصدامي اتفرجو للاخر اصحاب القلوب الضعيفة يمتنعو













صورة ارشيفية اثناء تغير ملابسة قبل المحاكمة
قمت بقطع باقي الصورة لانة يظهر بالقطعة الداخلية فقط

52 comments:

  1. la7ad delwa2ty ana mesh 3aref asada2 saddam mogrem wala la2 kol wa7ed by2ol kesa shakl bas ana mota2aked eno el bedaya le magzara lel 3arab.

    ReplyDelete
  2. كل سنه وانت طيب استاذى ومثلى الاعلى فى عالم التدوين انا سعيدة جدا بتعليقك على انصر اخاك ظالما ودة امر يسعدنى انك تقرأ لى بس انا واحدة لا احب الاهانه لاى انسان من بشر مثله ايوة ربنا شرع القصاص من المخطئين ويكون ذلك لولى الامر بس انا كان يستحق العقاب وبالنسبه للمشاهد الموجودة لتعذيب صدام لمعرضيه احنا شوفنا العقاب بس هل نعلم ماذا فعل هذا الشخص ليستحق العقاب يعنى ربنا شرع قطع يد السارق فهل لو وجدنا سارق تقطع يدة قلنا ان الدين الاسلامى قاسى فى تشريعه استغفر الله العظيم وبعدين منظر اعدامه ونظرة التشفى والكلام اللى كان بيتقال من كل الموجودين وكلهم طبعا كانوا من الشيعه اللى فى الاصل لو قدروا يقتلوا كل من يكون من اهل السنه لفعلوا سواء عدوهم او صديقهم الكلام كان لايحق لهم ان يذكروة(الى الجحيم مقتدى مقتدى) يعنى هو ثأر شخصى وحقد الشيعه على السنه المعروف ان الحكم الذى اخذة علشان قضيه الدجيل الخاصه بالشيعه فين بقى قضيه الانفال الخاصه بالاكراد اللى هما اصلا سنه برضه المشكله انه المحكمه كانت كلها شيعه والحكام فى العراق شيعه يمكن لوكان فى مكان محايد كان يكون الحكم عادل وبعدين الاسلام وصى الرفق بالدبيحه عند ذبحها هل وجدت اى رفق عند شنق صدام وثانيا عند لقاء الانسان ربه يجب ان نذكرة برحمه ربنا لا نقول له الى الجحيم منذا يجرؤ يدخل هذا النار وهذا الجنه الا الله ايضا كل انسان له معارضون يرون انه اسوأ انسان سيدنا عثمان ابن عفان انظر ماذا فعلوا فيه معارضوة عند ما قتلوة رموا بجثته على مزبله و هل يستحق ثالث الخلفاء الراشدين ان يفعل به كدة سيدنا الحسين ومافعل به سيدنا عبدالله بن الزبير كلهم ماتوا على يد معارضوهم وبعدين مش يمكن صدام تاب خلال الثلاث سنوات اللى كان محبوس فيهم فى حديث للرسول صلى الله عليه وسلم عن توبه قاتل المائه قتل مئه وغفرالله له يعنى لو فعلا ذى مابيقولوا على صدام قاتل مش يمكن تاب اولا العراق بلد كبيير جدا ومتعدد الاعراق والمعتقدات يعنى بصراحه محتاج حزم عمرنا سمعنا عند حودث مثل هذه الفوضى فيه الا منذ سقوط بغداد المهم من كل هذا لا احب اهانه اى كائن بشرى اى كانت ديانته او معتقداته على يد بشر مثله اذا كان هناك قصاص فبدون اهانه الرسول الكريم وقف لجنازة يهودى ولما اعترض الصحابه قال اليست روح بشريه يعنى انا مش بدافع عن صدام لذاتيته ولكن عن انسان فى ذلك الوقت كان لا حول له ولاقوة سامحنى دوشت دماغك بس انت اللى علمتنى استحملنى بقى

    ReplyDelete
  3. معلش انا اسفه نسيت ااقول حاجه على فكرة هو نطق الشهادتين ومن علامات حسن الخاتمه النطق بالشهادتين مع انه كان ممكن يكون فى ذهول من الموقف وينسى قول الشهادتين خصوصا وكان كل اللى حواليه بيحاولوا يضغطوا على اعصابه وينرفزوة بس هو انطقه الله الشهادة انشاء الله نسال الله له المغفرة والعفو والرحمه

    ReplyDelete
  4. صدام مجرم..اة مجرم بس لوحدة..لأ و ستين لأ..الامريكان هما اللي اخترعوا صدام زي ما اخترعوا بن لادن و ازلامة..يبقي لية بقي وقت ما يخلصوا الغرض من لعبتهم يكسروها ميت حتة و يعاقبوا العرب جميعا (هنا أقصد احتلال العراق و تدميرها) و لهذا فأني أرفض بشدة تطبيق هذة العدالة العرجاء

    ReplyDelete
  5. رفقة عمر
    لك مني تحية فقد قلت ما وددت أن أقوله
    لماذا التشفي؟لماذا الإهانة؟لماذا الظلم والإذلال؟
    هل هم كاملون؟

    ReplyDelete
  6. مهما كان راجل ظالم وجبار و و و

    كل إعتراضى على التوقيت

    حسبنا الله ونعم الوكيل

    ReplyDelete
  7. انا معاك فى كل الى قلته رغم اعتراضى على مسألت المقابر الجماعية دى...

    لكن التوقيت غلط و الكلام الى اتقال غلط... دول ذى مايكون مصورين الإعدام عشان يعملوا فتنة اكبر بين السنة و الشيعة... واحنا وقعنا فيها ذى الجرادل(سورى)...

    صدام طول عمره كان علمانى و مكانش بيفرق غلا ما اعتقد فى الظلم و العدل...

    أصلا انا مش مشكلتى صدام مشكلتى انهم دبحوه يوم العيد و موتوه بسرعة قبل ما نعرف كل الحقيقة فين محاسبته على بقيت الجرائم و فين شهادته فى اتفاقه مع الأمريكان فى حربه مع إيران... فين حلابشا؟؟ فين كل حاجة؟

    صدام مات و ماتت معاه شهادات كتيرة كان من حق التاريخ يعرفها...
    كدة صوروا لكل العرب انه مقتلش غير 138 اللى اتحاسب عليهم و بس!!

    + إنشالله لو كان مجرم و قتال قتله و ما تابش و لا حتة قال الشهادتين و فيه العبر و أزيد شوية ... القانون بيقول يتحاسب و يتاخد رأيه و شهادته فى كل حاجة حصلت فى عهده!!! ....
    "ذى ما بنشوف فى الأفلام 3 إعدام 5 اشغال شاقة... مسائلة الى اشتركوا معاه... وهكذا.."

    اللى حصل ده كان سلق بيض مش محاكمة...

    أنا عارفة انوا مش من حقى ارد على حد كاتب تعليق عندك بس رد "رفقة عمر" شوية استفزنى.... أول حاجة الشيعة مسلمين زينا يعنى يندرجوا تحت بند انصر اخاك ... تانى حاجة الشيعة ذى السنة ذى الأكراد ذى اى طايفة او قومية فى العالم فيهم الكويس و الوحش و العادى ... مش معنى ان حد فيهم مجنون يبقى كلهم مجانين و مش معنى ان واحد منهم ساعد الأمريكان يبقى كلهم بيساعدوا الأمريكان والدليل لبنان... او اقولك أيام الإحتلال الإنجليزى للعراقق كان الشيعة لب امقاومة... الحكاية مش سنى و شيعى وللا حتى مسيحى ومسلم الحكاية مين بينصر الإحتلال اكتر وبيساعده فيقوم الإحتلال ينصر طائفته علا حساب الطوائف الأخرى و يحدث الفوضى و ينتصر!!!
    مش ملاحظين الوحيد الى بيناهض الأمريكان من الشيعة هو الى اتنطق اسمه عشان ينساق اكتر وراء الطائفية و ينضم للحلف "على ما أعتقد صدام قتل ابو مقتدى "

    ReplyDelete
  8. منور يا ابو جعان

    وكل عيد وانت جعان :D


    خلينا في الموضوع يا سيدي , دلوقتي التعاطف مع صدام دا مقصود من الادارة الامريكية انها تخلي من صدام "رمز" واحنا زي العادة بنقدس الرموز لدرجة العبادة .. ودي حاجة يلام عليها العقل العربي بصفة عامة , مش أفراد ..!

    المشكلة التانية بقى , رمزية اعدام صدام .., مافيش حد عنده اي نوع من انواع العدل يقر بأفعال صدام , ومجازره ... لكن انت شايف ان كرامة الناس اللي هو أهدرها دي .. رجعت بالإهانة الكبرى بإعدامه بالطريقة دي..؟

    أنا ماعنديش اي مانع ان صدام يحاكم محاكمة "عادلة" و "جادة" وتكون المحكمة "عراقية" مش أمريكية ..., ولو المحكمة أصدرت حكم بالاعدام .., أنا مش هايكون عندي اي اعتراض .. كل الاعتراض في هزلية المحكمة وأمركتها .., اللي حصل ده إهانة للعرب .., وكرامة الناس اللي أهانهم صدام مستحيل تسترد بإهانة أكبر ..! مستحيل ان امريكا تعدم صدام في بلادنا , وبتدخل سافر في شؤونا .., ونقول كرامة !!

    وفي النهاية , في سؤال بيلح عليا .., هو ملويوفيتش عمل ايه لم اتحاكم في لاهاي في سوسيرا على جرائمه ؟؟ :)

    اعدم ؟؟


    يلا يا جعان , شد حيلك عيد لحمة , عايز اشوفك شبعان بقى يا أخي :D:D:D

    ReplyDelete
  9. spellz
    انا مضطرة ارد وانا بعتذر للجعان بس اولا كل انسان حر فى رايه انتى بتقولى فى البوست الخاص بيكى انك بتكرهى صدام دى حريه شخصيه ليك فيه ناس كتير بتكرة الرسول صلى الله عليه وسلم لايوجد شخص اتفق عليه الجميع ثانيا الشيعه الا مارحم ربى وارجو ان تقرئى عنهم كويس العقيدة عندهم ضايعه خالص هل تقبلين بمن يسب الصحابه سيدنا ابو بكر وسيدنا عمر رضى الله عنهم وهل تسمعين عن وصفه السيدة عائشه ام المؤمنين بالزانيه وهل تعلمين انهم يكفرون اهل السنه وانهم يؤريدون ابادتنا اقرئى جديد فى عقيدتهم وشوفى هل انا فعلا ظلماهم واسفه ياستى انى استفزيتك بس كل واحد لازم يحترم مشاعر الاخر

    ReplyDelete
  10. عقبالك ياللي في بالي وفي بالنا كلنا



    عاوز اقول ان احنا برضة مش عايشين بنتمتع باعلام حر يعني امريكا وكل الدول العربية شجعت صدام يحارب ايران لدرء الخطر الفارسي عن حكام كراسي جزيرة العرب بمؤخراتهم الكبيرة و امريكا شجعتة لضرب الكويت لما تطاول علية الكوايتة وتنازعوا على الارض المحايدة واستفزوة بزيادة ضخ البترول منها
    و كلنا كنا بنقرأ الكلام دة أبن حرب الخليج الاولي لة مع إيران و كان كل العرب مساندين لة لانة كان يقود اقوي جيش عربي في المنطقة وقتها و حكاية غازات الاعصاب و الخردل و خلافة دي وقتها اعلنوا ان الايرانيين هم مجرمي الحرب وهم من ضرب القرى العراقية بهاو بالسلاح بالكيماوي
    والان امريكا تقول ان صدام هو من استخدمة ضد ايران والاكراد- آمين يا ماما أمريكا

    وعندما خشت امريكا من عراق صدام وبتشجيع من دول الخليج من قطر للسعودية للامارات فعملوا علية تمثيلية بالبلدي انة يضرب الكويت اللي بيستنزفوا بترول المنطقة المحايدة بينهم وبين العراق في ظل تصاعد النزاع
    الحدودي بينهم الي قمتة

    والأن لماذا لم تساند الدول العربية قطر التي احتلت السعودية مساحة شاسعه من الارض القطرية منذ عوام عدة واقتصرت مساحة قطر على شبة الجزيرة القطرية لو راجعتم خرائط قديمة انظروا مدى قرب قطر من الدمام السعودية في السابق

    ولماذا لا تحاربون ايران اليوم وهي تحتل ثلاثة جزر إماراتية منذ اكثر من خمسة عشر او عشرون عاماً

    ألم تأذن ماما أمريكا بعد

    بكرة أمريكا تضرب دولة سين اخرى وتقول انها السبب في كل الحروب والاحتلالات والعمليات الارهابية خلال العقدين السابقين
    وستنسون جميعا كل ما مضي وتشير اصابع اتهام اجهزتكم الاعلامية البناءة الي ما قامت بة تلك الدولة المستبدة من استخدام الاسلحة الكيماوية والمحظورة لضرب المعارضين و الاطفال والنساء في القرى النائية

    وسيتم تغيير التاريخ فيما مضى وسيتعدل ليوائم حرب المصالح القادمة

    لعنة الله عليكم يا من تزرعون رماح القتل والخيانة في أرض المحبه والسلام

    ReplyDelete
  11. ناس تانيه كتير كانت اولي من صدام بالمحاكمة وبحبل المشنقة
    ولما يكون في بلدي قطيع من الخونة في زمن الحرب فمن حقي اقتلهم ادفنهم اعدهم ابيدهم بقنبله نووية ده شأن داخلي مستقل محدش له الحق يعترض عليه
    ولما تنظيم معارض يحاول ينفذ عمليه اغتيال يبقي من حقي اعاقبهم بالصورة اللي قوانين بلدي تحكمها
    غير كده مكانش صدام ولا طيارات صدام ولا صواريخ العراق اللي نفذت مجزره حلابجه..ولا سرب الطيارات اصلا اقلع من اي ارض عراقيه ..ولا حتي كانت علي الطيارات بادجات عراقية لحد قبل تنفيذ العمليه باقل من ساعه
    الحكم الحقيقي علي صدام وعلي اسرار الموقف لن تعرف الا بعد خمسين سنه علي الاقل ..
    رحم الله صدام حسين ..علي الاقل مات راجل

    ReplyDelete
  12. ردي هو ما قرات في
    http://www.islammemo.cc/article1.aspx?id=26362

    ReplyDelete
  13. coldbluedeath

    صدام بلا شك مجرم و احيلك لما فعلة بابناء شعبة و الكويتين و الايرانيين و غيرهم
    ودة رأي الشخصي

    ReplyDelete
  14. رفقه عمر
    و انتي طيبة يا عزيزتي

    اولا نقطة توضيح انا مش مختلف معاكي ان اهانة اي انسان او كائن حي شيء مقبول
    ولا احد يعلم سريرة صدام كيف اصبحت
    و استنكر بشدة اي اهانة وجهت لة اثناء اعدامة

    لكن ليس هناك اي وجود للمقارنة بين صدام

    وبين اسيادنا عثمان و الحسن و الحسين

    ثانيا مش معني ان عمرك انتي ما سمعتي عن ما يحدث في العراق انة بلد امن ويعيش في رخاء
    اختاة لا تحكمي علي الامور بظواهرها

    يمكن ان افرد لكي موضوعات موثقة و باقلام اصحابها عما حدث في العراق
    لكن ليس المجال لسردها الان

    و في النهاية اكرر انا ضد اهانة اي كائن
    لكن بالنظر الي ما فعلة
    فان الله يغفر في حقة و يسامح
    لكن حقوق العباد
    اليس الله باعدل العادلين و يرد المظالم
    مظالم الامهات و الاباء الثكالي و الارامل و الايتامي
    حكمو عقولكم
    فنهايتة هي بداية القصاص و الله اعلم و احكم و ارحم

    ReplyDelete
  15. micheal mohsen
    بلا شك هي عدالة عرجاء و عمياء و صماء الا عن ما تريدة امريكا

    الامريكان اعطو صدام الاسلحة للقضاء علي الشيوعيين العراقيين و الاكراد
    و لما اتسخدمها حاكموة و قتلوة

    اعدامة كان لحل تضارب المصالح ليس الا

    ReplyDelete
  16. iman_conan87
    للاسف محدش قادر يفهم الفكرة
    تخيلي نفسك لا قدر الله
    والدك او اخوكي او اعز صديقة لكي او زوج او ابن
    وقام شخص بقتلهم و التمثيل بهم
    ما شعورك يوم قتل الفاعل
    ضعو انفسكم مكان الضحايا بصدق و احمدو الله علي وجودهم بجانبكم

    ReplyDelete
  17. Human
    التوقيت اكيد كان مقصود كرسالة خفية
    لكن يمكن ان يكون مستتر وراء تصريحات بوش السابقة باعدام صدام قبل نهاية 2006
    وهو ما وافق اول ايام العيد

    ReplyDelete
  18. spellz
    معاكي ان محاكمة صدام سلق بيض و جعضيض كمان
    لكن اليس ما فعلة مع شعبة مثل ذلك
    عزيزتي كلامك محتاج تفنيد كتير
    و اسف اني بقول كدة لانة بة اخطاء كثييييرة
    اولا الشيعة ليسو مثل السنة
    وشرح دة محتاج وقت طويل
    يمكنك مشاهدة هذة الوصلة من سلسلة
    الشيعة و الإمامية ذلك المجهول

    ومقتضي الصدر نفسة محتاج وقفة
    فقد اسس جيش المهدي لتكون مهمته بدلا من مقاومة المحتل والعدو الحقيقي القمع والتنكيل بأبناء السنة بمشاركة قوات الأمن الحكومية في مسلسل التطهير الطائفي المحموم الذي تمارسه منذ استلامها للسلطة
    ثم هل خرج المحتل؟ أم هل تمت جدولة الانسحاب؟ أليست حكومة الائتلاف هي من طلب تمديد بقاء قوات الاحتلال
    تاكدي قبل ما تتكلمي spellz

    ReplyDelete
  19. مش مقتنع
    موشو باشا
    اكلم انا ازاي مع واحد مش مقتنع اساسا بحاجة :)
    يا اخوانا انا معاكو تماما في نقطة اهدار الكرامة العربية و كل الكلام المجعلص دة
    مين اللي قال اني مش موافق انها اهانة

    انت تقصد سلوبودان ميلوسوفيتش
    طبعا جرائمة في يوغسلافيا و ما فعلة في كوسوفا و البوسنة
    و الراجل دة امرة اكثر تعقيدا من صدام بكثيييييير
    فيقال ان وراء المجازر يستتر نكولاي سانوفيتش نائب رئيس الوزرا
    و ملان ملاتينوفيتش و دة رئيس وزارة الخارجية اليوغسلافية
    وكان لعبة في ايد سلوبودان
    و دول كانو وراء مذابح المسلمين في البوسنة و كوسوفا ونهايتة كانت غريبة لمن لا يعلم
    توفي نتيجة زبحة صدرية في سجنه في لاهاي

    ReplyDelete
  20. الحصان الأسود
    لو قرائت ردودي ستجد بها اتفاقي معك في بعض النقاط
    فالدور علي دولة عربية قادم بلا محالة
    و الحرب العرقية او القبلية قادمة قادمة
    و سنظل مساقين كالقطيع الي المذابح
    شكرا مرورك

    ReplyDelete
  21. واحد من الناس
    علي باشا :)
    دكتور نصر مفتي الجمهورية الاسبق
    حر في رأية و ليس ملزم لاحد
    علي اي حال صدام بين يد خالقة هو اعلم بحالة

    ReplyDelete
  22. واحد من الناس
    علي باشا :)
    دكتور نصر مفتي الجمهورية الاسبق
    حر في رأية و ليس ملزم لاحد
    علي اي حال صدام بين يد خالقة هو اعلم بحالة

    ReplyDelete
  23. انا مش علي
    وممكن تتفضل تزور مدونتي

    ReplyDelete
  24. ايه يا عم انت البلوج الجامد ده

    بس ربنا يسامحك بأه...اتفرجت علي الفيديو و نفضدت للتحذير بس مقدرتش اكمل و طلعت عيل

    ReplyDelete
  25. سنه 2006 دي سنه كئيبه من اول يوم لأخر يوم
    وطبعا مجاراة لحالة الكأبه التي بتمر بيها السنه كان لازم اخر بوست ليا يكون مهين مذل زيها
    فبالأمس واثناء نحر جميع المسلمين لأضحيتهم افقنا بأهانه اخري لنا كلنا كمسلمين فهاهو سيد الارض بوش يصفع جميع المسلمين بالقلم علي وجهوهم ويقول لهم ايها المسلمون ايها العرب المتوحشون الهمجيون الارهابيون فكما تقومون بكل الوحشيه بذبح اضحيتكم فانا سبقتكم بدقائق قليله بنحر رئيس منكم ولكم واعدمت صدام حسين وقطعت رقبته كما تفعلون بالضحيه وهذه هي النهايه التي سيلقاها كل من يقول منكم لا
    لتكون هذه هي الاهانه الثالثه والصفعة الثالثه علي وجهونا بعد الرساله التي كتبها اطفال اسرائيل علي صواريخهم قبل ان تدك رؤؤس اطفال لبنان وبعد الاهانه السابقة في بدايه الغزو الامريكي للعراق عندما كتب جندي امريكي علي صاروخ لهم هذه هديه رمضانم لكم
    اي ان الاهانه الاولي كانت في رمضان والثالثة في عيد الاضحي المبارك
    بمنتهي الاستفزاز والاهانه للمسلمين وبشعائرهم ودينهم
    فبعد اعدام صدام حسين وما قبلها من اهانات هل نفيق مره واحده هل نقاوم مره واحده هل نقول لا مره واحده
    ام اننا سنظل ننتقد حسن نصرالله وننتقد ايران واحمدي نجاد وننتقد حماس
    فهل نخلي عند اهلنا شويه دم مره وعلي الاقل مننتقدهمش بس مننتقدهمش مش هاقول نشجعهم ولا حتي ندعمهم
    في ظل احوالنا وحكامنا وافكارنا والسوس اللي بينخر فينا حاليا .....اشك

    قبل ماانسي ..... اخبار طلاب الازهر المحبوسين ايه ..... متهألي دلوقتي المفروض نفرج عنهم وندربهم اكتر ونزود عددهم علشان نلاقي حد مستعد للمقاومه .... قبل ما نصحي في يوم ونلاقي ريسنا يذبح كما تذبح الخراف وكما ذبح من قبله ..... فهل نتعلم الدرس

    ReplyDelete
  26. ياألف خسارة هوا الأخ مصرى و عربى زينا ولا لأ أنهت نسيت الأحتلال وفرق الموت والتعذيب فى أبو غريب والعراق اللى بقى أيرانى وجى تتحامل على الراجل اللى دفع حياته مقابل كلمة لأ
    متزعلش منى لم أكن أنتظر ذلك
    لو شارون مكن من صدام كان حيفكر ألف مرة قبل ما يعدمه فى يوم عيد الأضحى
    أيه الجميل فى عرضك صور الأعدام هل ده نوع من العبرة
    خلباص ياسيدى أعتبرنا واللى كان كان
    الغريب

    ReplyDelete
  27. أنا آسفة يا رفقة عمر انا مكانش قصدى أقول استفزنى بالمعنى الوحش للكلمة انا كان قصدى انى اتغاظت... بجد مكانتش أقصد أجرح مشاعرك
    (nothing personal )

    بصوا يا أنا حعان و رفقة عمر
    أنا مش امام و لا عالمة فى الدين عشان ارد و يبقى كلامى صح أنا محتاجة اقرأ عشان أرد... أنا بتكلم من منطلق إنسانى بحت...
    انا بقول انهم زينا يعنى لهم نفس الآمال و يعانون من نفس الأشياء
    و حاسة ان خصوماتنا احنا و الشيعة دى خلافات مالهاش اى لازمة و كل الى بتعملوا انها تكرهنا فى بعض اكتر من غير اللازم.. يعنى الشيعة ولا أمريكا؟ نحارب ايران و لا ننسى الخلافات و نحارب سوا اسرائيل؟
    انا كل الى محتاجة اعرفه عن الشيعة انهم بيقولوا لا الاة الا الله محمد رسول الله...
    + أيوة يستحق الإعدام لكن انشالله لو كان شارون لازم برده يتعمله محاكمه عادلة... المحاكمة العدلة دى مش انصاف ليه دى انصاف لأى حد ظلمه... على الأقل لو كانت عادلة كان زمان الناس عرفت ع كل جرائمه و ماكانش معظم مصر متعاطفة معاه حاليآ...

    عمومآ رأيى بقولوا و خلاص و أكيد يحتمل الخطأ و الصواب

    ReplyDelete
  28. معلش العتب علي النظر اصل في نفس اسمك واحد من الناس و اسمة علي

    Utopian
    انا يا ابني مش قلتلك ضعاف القلوب يخلو بالهم
    الفيلم فوق ال 45 ميفرجش علية

    ReplyDelete
  29. daktara
    عارف الدعاء دة
    اللهم اهلك الظالمين بالظالمين
    صدام كان من قواد الظلم في العالم العربي
    فلنجنب العواطف و ننظر للامر من مفهوم ديني وشرعي

    ReplyDelete
  30. elgharep
    لا يا سيدي انا مسلم اولا
    وشرع الله قبل شرع البشر
    التي تحكمها العواطف و الاهواء
    اعدام صدام من الناحية السياسية خطاء في ظل ظروف محاكمة الغامضة و الغريبة
    اما من الناحية الشرعية
    فارجو منك قراءة الموضوع بنظرة متأنية
    قبل ان تلقي الاتهامات جزافا
    وحكم العقل و الفطرة السوية
    علي اي حال ما اقولة ليس هناك احد ملزم بة
    فا ارجو انك تكون اكبر و اكثر نضجا قبل ان تلوح باي كلام لا تدرك مغزاة
    اقرأ اولا و ثانيا و ثالثا و لا تصبح مجرد بوق يردد اصداء كلام الاخرين
    حتي يكون لك شخصية و وجهة نظر يحترمها الاخرون

    ReplyDelete
  31. spellz
    يا عزيزتي انا لا اقول انك يجب ان تكوني فقيهة لتناقشي
    علي العكس تماما و الله رأي مرحب بية جدا
    واي راي اخر يشرفني ان يخط بقلمة في مدونتي
    لكن ونقلا عن لسان دكتور وجدي غنيم الداعية المعروف و الاخواني الاتجاة

    نفهم توقيت التنفيذ في ضوء قول الله عز وجل في سورة [التوبة : 10] {لاَ يَرْقُبُونَ فِي مُؤْمِنٍ إِلاًّ وَلاَ ذِمَّةً وَأُوْلَـئِكَ هُمُ الْمُعْتَدُونَ} أي لا عهد ولا ميثاق

    لا نريد أن نركز علي الشكل والمظهر وننسي أو نتجاهل المضمون والمحتوي مثل أولئك السذج البسطاء الذين يقولون إنه التحي وكان المصحف في يده فأين كان هذا المصحف طيلة 30 عاما .

    · حاكم أذل شعبه وحكمه بالحديد والنار والسجون والمعتقلات والقتل والتنكيل أكثر من ثلاثين عاما.

    أنا لا أتحدث عن حكم توبته فالله عز وجل لم يوكل أحدا في قبول التوبة عنه فقد قال في سورة[الشورى : 25] {وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ}

    وكما قال النبي صلي الله عليه وسلم في صحيح مسلم {إن اللَّه يعذب الذين يعذبون الناس في الدنيا}.

    و قال النبي صلي الله عليه وسلم في صحيح البخاري ومسلم " ما من عبد يسترعيه اللَّه رعية يموت يوم يموت وهو غاش لرعيته إلا حرم اللَّه عليه الجنة".


    كفاية كدة ولا نقول كمان

    ReplyDelete
  32. ربنا يخليك.... انا الى يشرفنى انى اعمل كومنتس هنا..
    و انا مش مختلفة معاك و لا مع الفتوة و لا زعلانة انو مات و هو بالنسبالى زيه زى حسنى ... و حكاية التوبة الله أعلم بالنوايا ما هو فرعون قال قبل ما يموت آمنت برب موسى بس هيدخل النار... دى بتاعة ربنا

    انا كان اعتراضى على ال proceedures
    كان قصدى فى عدم عدل المحاكمة انها مغاتطش كل الجوانب... دا غير انى كنت اتمنى انها تبقى على ايد عراقيين و كمان واحد كردى اعرفه قال لى انه اتعدم بسرعة عشان ما يشهدش فى قضية الأنفال و يقول مين الى ساعده....

    يعنى لا قدر الله لو كنت انت من ضحايا الأنفال أو حلابشا كنت هتحس بالقصاص انه اتعدم و خلاص و لا أحسن لما كنت تحس ان اتعدم عشان كل اللى هو عمله مش حاجة اصلآ ما يستاهلش عليها اعدام

    غير كدة انا متفقة معاك فى كله...

    و شكرآ على التوضيح :]

    ReplyDelete
  33. اكيد طبعا وجدى غنيم داعيه احترمه جدا واحب ارائه بس كل شخص يأخذ منه ويرد الارسول الله صلى الله عليه وسلم انا اعلم ان ناس كتير بتقول انه طاغيه يمكن كنت انا لسه صغيرة ولم اسمع الامنذ سقوط بغداد بس ياجماعه ارجوكم لا تحجروا عليه انه تاب الانسان ممكن يتوب طالما انه لم يصل للغرغرة سيدنا اسمه رضى الله عنه قتل رجل فى المعركه كان كافر ولكن عندما وج انه قريب من القتل قال الشهادة وقال انا من المسلمين ولكن سيدنا اسمه قتله قال له انت بتقول الشهادة لتنقذ نفسك حكى ذلك للرسول غضب لرسول كثير وعنف سيدنا اسمه وقال له هلا شققت عن صدرة ليه مش كل اللى بيتقال سماع انا عندى لينك لمفكرة الاسلام تقول شهادة حق فى صدام علشان الحياديه ياريت تضيفها عندك برضه وتسيب الناس تقرر ارجوكم الرجل مات وامرة اصبح لربه
    http://www.islammemo.cc/article1.aspx?id=2306 صدقنى انا عمرى ماسافرت العراق ولا لى احد من العائله كان فى العراق بس بحب الرحمه الكلام اللى بيتقال المفروض يتقال على شارون مش على واحد مسلم امرة لربه

    ReplyDelete
  34. زهقنا من الموضوع ده

    ممكن

    موز باللبن


    اوروفوار

    ReplyDelete
  35. بالمناسبة ياباشا
    اسم مدونتك جه في تقرير عن المدونين في اخوان اونلاين

    http://www.ikhwanonline.com/Article.asp?ID=25522&SectionID=0


    اي خدعة :)

    ReplyDelete
  36. سلام عليكم يا جعان باشا .. بما ان مدونتك الف ماشاءالله ربنا يزيد و يبارك .. جميلة جدا و ناجحه جدا بلا حسد .. رشحتها عشان يتعمل اعلان عنها فمنتدى حروف .. و عاوزين موافقة حضرتك للاعلان .. ها رايك ايه ؟

    و تحيتى

    و معلش التعليق خارج الموضوع

    ReplyDelete
  37. spellz, ورفقة عمر
    بجد اثمرتوا الحوار و سعدت جدا بتواجدكم
    منتظركم في اقرب خناقة :)
    الواحد كدة مطمن وراة سيدات

    ReplyDelete
  38. bastokka
    معلش صدعناكي هاتلها يا ابني الموز ابو لبن

    ابو علي باشا
    انت بتلقط الحاجات دي ازاي :)

    ReplyDelete
  39. no0r
    بصي طالما فيها اعلانات وسبوبة حلوة
    ذيعي من غير ما تسأليني :)

    ReplyDelete
  40. ما انت حلو اهه و كلامك زي الفل :)) اومال بيقولو عليك كده ليه :))

    تحليلك حلو بس برضه لسه عندك مشكله الهجوم بعنف و الدفاع بعنف :)) محتاج شويه تضبيط للبوجيهات و هتبقى من احسن 5 مدونات في مصر :)) أي خدمه يا باشا

    متزعلش من كلامي ..بس فعلا طريقتك في التحليل حلوه لكن عنيفه دايما

    انت لسه جعان ؟؟؟؟

    ReplyDelete
  41. Dr. Tantawy
    هما قالو اية يا دكترة :)
    الهجوم و الدفاع بعنف دي مش مشكلة
    دة طبع بعيد عنك
    تخيل معايا معدة بني ادم نشأت علي كل ما هو منقوع في السمنة البلدي
    و اي شيء بيلظ في الزبدة
    ثم بعد 25 سنة من الكفاح الزبداوي السلح
    صدرت الاوامر بالاتجاة للمسلوق و المشروب و المعصور والمخنوق
    اطلع من هدومي يعني يا اخي

    جعان يا دكتور ولحد اخر العمر جعااااااااان

    ReplyDelete
  42. ياشيخ كفايه انه كان لامم كلاب الشيعه عن نساء المسلمين السنه فى العراق

    ReplyDelete
  43. فعلا يا أستاذة أروى
    كفاية انه كان لامم الشيعة عن نساء السنة و طالق كلاب جيشه و ابنه بس عليهن
    صحيح
    انت افتكرتي نساء العراق يعني و ماجبتيش سيرة نساء الكويت ولا هو مالمش كلابه عنهم ليه؟؟؟

    ReplyDelete

  44. ده لو كان تم اعدام صدام حسين الحقيقي أصلا
    !!؟؟!!!؟!!!

    اقرا هنـــــا

    ReplyDelete
  45. كل سنه وانت طيب استاذى مفتقدة كتاباتك وقت طويل من اخر بوست ياريت اقرأ لك قريبا على فكرة محمد حسين يعقوب قال فى قناة الناس ان صدام حسين مات على التوحيد المهم الخواتيم هو قال كدة مش انا

    ReplyDelete
  46. السلام عليكم
    انا عارفه ومتاكده ان اكيد فى ناس قالت اللى انا هاقوله بس ده رايى

    ايوه صدام فعل الأفاعيل فى العراقيين والأكراد وخلافه بس ما كانش يستحق اللى حصل له

    فى قول مأثور بيقول ارحموا عزيز قوم ذل
    فين الرحمة اللى اى حد اظهرها لصدام كل اللى كانوا حواليه باعوه وكل الدول اللى كانت عامله نفسها صديقه هما اول ناس شتموه لما امريكا عادته

    وزى ما اختى رفقه قالت جايز يكون تاب يبقى ليه احنا نظلمه غير كده هو واحد سلم اعماله بين يدى الله وجايز ربنا يحبط عمل اللى بيتكلم عنه ويغفر له هو
    المهم

    اعدام صدام فى الوقت ده مش صدفه ولا حاجة دى مقصودة لان عيد الاضحى واحد من عيدين للمسلمين يعنى مقصوده فى ميعاد مقدس لكل المسلمين

    واما عن طريقة اعدامه فطريقة وحشيه يعنى ده رسول الله صلى الله عليه وسلم لقى واحد بيسن سكينه وهو منيم الدابه قال له اتذبحها مرتين يعنى ده رفق بالدابه مفيش رفق بالانسان قمة الوحشيه وانعدام لانسانية ولا الشماته والتشفى

    وعالعموم انا بس مش هاقول غير ان اللى اخر اقواله لا اله الا الله مهما عذب فمآله الجنه ويكفى رده على الشيعه لما قالوا الى جهنم ماشغلش نفسه بالرد عليهم اكتفى بقول الشهادتين مرتين ثم تلاها اعدامه
    وحسبنا الله ونعم الوكيل

    ReplyDelete
  47. معلش أنا نفسي أفهم الناس اللي بتقول تاب , يعرفوا ايه هي شروط التوبة؟؟؟
    هناك شروط لا يملك احدنا معرفتهم و هما الاقلاع عن الذنب , و الندم , و العزم على عدم العود
    أما الشرط الأهم (و هو أهم لأن الله يغفر ما بينه و بين العبد و لا يغفر ما عند العبد للعبد) فهو رد المظالم
    هل سمع أحدنا أن صدام لا أقول رد المظالم , و لكن حتى اعتذر لأهل ضحاياه و طلب العفو , أم أنه استمر في دور البطل المغوار مؤمنا بصحة ما فعل؟؟؟

    ReplyDelete
  48. الدكتورة بلو روز متهيالي جاوبتك يا اروي

    ReplyDelete
  49. رفقة عمر
    انا رجعت و هاهريكو كتابة تاني
    علي فكرة فرعون موسي مات علي التوحيد
    نطق بها ساعة الاحتضار فلم يقبلها الله منه كما في سورة [يونس : 90 -91] {وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْياً وَعَدْواً حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لا إِلِـهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ آلآنَ وَقَدْ عَصَيْتَ قَبْلُ وَكُنتَ مِنَ الْمُفْسِدِينَ}

    · ولو قبلها منه أو من غيره تبقي المظالم للقصاص يوم القيامة.

    ReplyDelete
  50. الديب

    يا طارق
    سواء الذي اعدم صدام الحقيقي او كومبارس
    ما هي النتيجة
    نفنط الحكاية بالمختصر
    فاذا كان المشنوق ليس صدام الحقيقي
    هل معني دة ان صدام الحقيقي هايخرج فجأة و يقول انا هو
    ويدافع ضد الاحتلال
    هيهات يا اخي

    اما اذا كان المعدم صدام الحقيقي
    فقد نال القصاص الحق لامثالة
    فقد قتل بيد كيان ظالم مثلة
    وما ظهر من ثبات اثناء الاعدام ما هو الا يقايا كبرياء ابي ان ينحني في لحظاتة الاخيرة
    صدام معروف منذ شبابة بقوة التحمل و الثبات في اشدج المواقف
    وراجع لنشأتة العسكرية و عملة مع حزب البعث و التدريبات مع الخبراء الاجانب
    لقوة التحمل ثواء اثناء الاستجوابات او المعارك او الاثر
    فهناك حادثة معروفة لة في السبعينات
    عندما دخلت رصاصة في كتفة و اخرجها بنفسة بسكين بدون اي تخدير و دون ان يطلق اة واحدة

    علي اي حال اي كان من اعدم
    فالظاهر للعالم ان صدام شنق
    ولن تتغير الحقيقة الظاهرة
    الا بقرار امريكي صهيوني

    ReplyDelete
  51. ftataljanna
    عزيزتي
    لا يستطيع احد اي كان ان يجزم بمكان صدام الان
    اجنو ام جحيم
    علي اي حال الموضوع دة اخد كتير اوي
    انا شايف نسيب شوية للحاكم العربي اللي علية الدور بعد كدة

    ReplyDelete
  52. 情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

    ReplyDelete

بعبع وقول اللي في نفسك يا خويا