Friday, February 02, 2007

إن جالك التاج حط مدونتك تحت رجليك

نزولا علي ضغط الجماهير اللي
رزعوني تاج معتبر
دة انا فوجئت ان عدد كبير من  الاعزاء  ممرنلي التاجات دي
انا فعلا شكلي بيشجع اني انضرب بالتاج
وهو ذكر خمس اشياء لا يعرفها احد عني.
الاول:
انا بكرة السبانخ عماااااااااا
ادبحني ولا تاكلنيش سبانخ ودايما اتظاهر اني مليش مزاج ليها او معلش اصل لسة متغدي في البيت اذا كنت في زيارة لحد
واكثر المواقف ارتباطا بالسبانخ سنة 99 كنت في المانيا المهم و بعد لف طول اليوم و كان مضيفنا الاستاذ احمد بركات و هو صحفي
عزمنا علي الغدا و قالنا ملكوش دعوة انا النهاردة هاكلكو اكل مصري اصيل
ودخلنا مطعم و فضل يرطن بالالماني مع الواد الجرسون يجي نص ساعة
ولما سألتة انت قلتلة اية كان ردو ملكش دعوة اصبر لما الاكل يجي
وفترة و لقيت طبق وضع امامي بة نبات شيطاني وحولة بقايا طائر
اية دة يا ابو حميد ...؟ دي سبانخ بالبط يا ريس كل و ادعيلي
طبعا اسمعتة من المنقي يا سبانخ و قلتلة اكلة مصرية صميمة و نيلة اية يا شيخ
هو في حاجة اسمها سبانخ بالبط يا ضلالي و شعبية في مصر كمان
هي الناس لاقية تاكل برسيم لما تاكل السبانخ بالبط.
جايز دي اخر مرة كنت بهذا القرب من طبق سبانخ
التاني:
انا مبحبش العيال الصغيرة نهاااااااااائي
مهما كانو لذاذ و دمهم خفيف ولا اطيق سماع صراخهم ولا التواجد بالقرب منهم ولا عندي خلق العب معاهم نوهائي
لكن سبحان الله طفلتي فقط التي من صلبي هي الكائن الوحيد في العالم الذي استطيح احتمالة الي الابد
و اللعب و التغير لها البمبرز واشيلها و افضل رايح جاي بيها لحد ما تسكت .
بل في بعض الاوقات اسمح لها بالجلوس في حجرة مكتبي و اللعب فيها
و هو امر لو تعلمون عظيم
الثالث:
كنت في مقتبل شبابي مغتر بصحتي و طول و عرضي كنت اذا اخدت دش خرجت لافف الفوطة حول نصفي السفلي فقط و منطلقا في البيت
و اخرج و اقف في البلكونة مستعرضا الباي و التراي و المجانص و اولع سجارة و اعاكس بنت الجيران
وكان حتما ولا بد اصاب بالبرد ما لا يقل عن 3 او 4 مرات في الشتا و يقلب بنزلة شعبية.
كنت اذا مشيت في الشارع وشفت خناقة تطوعت بالضرب و التطويح يمين وشمال
في احدي المرات و في شارع بيتنا لقيت واحد نازل من عربية بها فتاة و نزل ضرب في واحد تاني
ضرب افترا يعني و التاني مش حاطط منطق عمال يضرب و يرجع لورا
خدتني انا الشجاعة و كرم العرب و روحت ماسك الواد ورازعة علقة موالد و اكتشفت في النهاية ان المضروب الاول كان بعاكس البنت في العربية اللي هي اخت الواد اللي انا ضربتة.
دة ايام الشباب دلوقتي كوباية ينسون بالعسل الصبح و دوا القولولن و فيتامين سي فوار سندوتش جبنة بالقوطة وبعديها كباية شاي بلبن
وقميص و جاكيت و تحتيهم فانلة
وكفي الله المؤمنين شر القتال
رابعا :
احب البياض في الستات يعني عند الجواز لازم تكون بيضة قشطة
السمر ممكن يكونو زمايل في عمل اصدقاء او اي حاجة لكن ارتباط عاطفي حتما ولابد تكون كما اللبن الحليب
مع العلم ان انا اسمر جايز عقدة مركب نقص تعويض سمها كما تريد لكن القلب و ما يريد.
خامسا:
خامسا دي بقي صعب اقولها في شباب صغير هنا :)
احب اهدي التاج دة
والعمة و الخالة وولادهم في الاسكندرية وطنط وتيزة و ابلة بالعصافرة

19 comments:

  1. السلام عليكم

    حبييبي !!

    ربنا يهديك في النقطة الخامسة ..

    :)

    كمان فيه حاجة ..
    واضح من الصور انك مش ابيضاني ولا عينيك ملونة .. وشعرك مش سايح على عنيك ولا حاجة من دول .. اشمعنى مراتك تبقى بيضة زي القشطة ؟؟ .. ممكن تتجوز واحد مستوى جمالها في المعقول ... كمان الواحد بيتجوز واحدة صفتها الاولى الدين والاحترام والثقافة .. و ييجي الجمال أو البياض كأوبشن .. مش كشرط مبدأي .. ره رأيي ..

    المهم .. رميت التاج لمين ؟؟

    ReplyDelete
  2. و عليكم السلام يا ريس

    جيت تعمل ناصح نيلتها
    هاتطلع علي سمعة كدة
    مش لما تعرف اية النقطة الخامسة الاول
    هاتتمني ربنا يرزقك زي ما رزقني :)

    انا مش بتكلم في الجمال انا بتكلم في اللون
    ما في سمر زي القمر
    لكن اللون في حد زاتة :)
    و يا اخي دي اذواق

    ثانيا مش لازم الراجل يكون ملون و مسبسب و ابيضاني علشان يجوز واحدة كدة
    الراجل بيحب بعينة في الغالب
    لكن الست بتشوف بقلبها

    ثالثا حضرتك انا 3 سنين جواز
    تعلالي و انا اقلك لما تيجي تتجوز تختار ازاي
    ربنا يرزقك ويرزق كل الشباب الزوجة الصالحة

    رد علي التاج يا فالح

    ReplyDelete
  3. This comment has been removed by the author.

    ReplyDelete
  4. لعلمك انت خسران بموضوع السبانخ ده
    دى كلها حديد يا راجل


    بس بردو لها ارتباط شرطى مع نوعية لون الستات
    :):):)

    ReplyDelete
  5. طب انتا كده عملت تاج واحد من التاجين
    انا بعتلك التاجين
    جاوب على التاج التاني بقا
    باركيه ؟؟
    على فكرة في حكاية البنت اللي تتجوزها\
    كنت زمان شفت حلقة من مسلسل كان فيها اختين واحدة بيضة وجميلة جدا جدا بس متخلفة عقليا
    والتانية معقولة الجمال بس عاقلة جدا وذكية جدا جدا
    والمسلسل كان بيناقش قضية المظهر ولا الجوهر
    انا مالي بالحوارات دي اساسا
    مش لما اتنيل انجح ابقى افكر في الجواز الاول

    ReplyDelete
  6. رفقه عمر

    احم كلمتني انا طبعا

    ... هي لسة ما بتكلمش

    ReplyDelete
  7. nirfana

    موضوع الحديد دة طلع اوشاعة
    بيقولك الحشيش فية حديد اكتر

    ReplyDelete
  8. وصل التاج يا ريس و علم و جاري التتيج بس اخد نفسي الاول
    ثانيا اهتم بمزاكرتك و مستقبلك
    وبعد كدة تشوف لو فيك نفس تبص لجنس واحدة بعد كدة

    ReplyDelete
  9. أسلوبك لذيذ فى الكتابة والرد على الاسئلة

    أنا ليا واحد صاحبى كان زيك كدة.. بيضرب وبعدين يتفاهم

    أما بالنسبة للبياض.. أنا معاك قلباً وقالباً ومقلوباً وعلى طوووول الخط

    ReplyDelete
  10. وحشتني خفة دمك فعلا يا (جعان)

    والسخرية الاجتماعية اللذيذة جدا جدا

    على فكرة انا (نضدا) بس شفت الخيبة نسيت الباسورد واليوزر نيم بتاعي في ال blogg

    ههههههههههههههههههه

    طبعا انا لازم اضحك على الخيبة القوية دي

    بمناسبة كلامك على البياض والسمار
    مع انك انت اسمر يا استاذ

    لكن بيحضرني حكمة قديمة اوي سمعتها وشفتها في مسلسلات ألف ليلة وليلة بس عجبتني جدا جدا

    علشان بس البنات السمر ما يحبطوش
    جبت للناس احباط يا (جعان)

    الحكمة بتقول ( لا سمار طايل ولا بياض خايل ما حلو إلا حلو الشمايل )

    ومن رأيي ان الجمال الحقيقي في الروح الجميلة اللي بتسبق اي جمال

    ما علينا ...(جيب 15 كيلو ..س..س..س...سمك وجمبري لجعان وصلحوا يا جاااااااابر )

    ههههههههههههههههههههههههههههه

    وحشتني حقيقي مقالات وخفة دمك الاجتماعية يا جعان

    ReplyDelete
  11. عايزها بيضة ليه السمر احلى على فكرة
    مش عارف ممكن يكون علشان انا مش اسمر

    ReplyDelete
  12. أنا أحسدك
    أنا أحسدك
    أنا
    أ
    ح
    س
    د
    ك

    ReplyDelete
  13. الأباصيرى باشا
    سلملي علي صحبك و قولة دوام الحال من المحال

    ReplyDelete
  14. منورة البلوج كلاتة يا ندا
    انا مش قاصد بكلامي اجيب احباط لحد
    علي العكس السمار نص الجمال
    يعني مثلا انا بحب السلطة الخضرا لكن مابحبش الكافيار هل دة ينقص من قدر الكافيار
    كلا البتة طبعا

    والعزومة دي علي حسابك ولا.....

    ReplyDelete
  15. ya 3am we ana maly belkalam dah kolo

    7aga 3'areba awy

    ReplyDelete
  16. انا معترضة علي رابعاً وخامساً بجد؛ فعلا غلط انك تكلم كده

    ReplyDelete
  17. انا بكره السبااااااااانخ عاااااااا اوي اوي اوي لااااااا دي نبات وحشششششششش يعععععععععع
    بس عارفه 6 حاجات اقولهم ولا بلاش

    ReplyDelete
  18. 情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

    ReplyDelete

بعبع وقول اللي في نفسك يا خويا