Saturday, February 24, 2007

شجرة حبنا









في منكم سمع عن شجرة العاشر في طريق مصر الاسماعيلية
التي ظهر عليها اسم الله وطة
وبدأت اعداد الحجاج في التوافد لرؤية الشجرة المباركة
وهم علي تمام اقتناع من الامر و الادهي ان المقتنعين غالبيتهم متعلمين ودكاترة ومهندسين كمبيوتر وغيرة
المهم قررت اني اروح اشوف اية الحكاية دي وفجئت عند وصلي بالقرب من السندباد ان المنطقة مقفولة تماما
ولا امل للعبور قبل ساعة علي الاقل الكلام دة 2 فجرا
المهم لفيت ورجعت وقعدت علي اقرب قهوة ورزعت حجر معسل تفاح






تعالو بقي نشوف التقرير دة مع بعض








امرت نيابة النزهة بالقاهرة والتي تقع الشجرة في المنطقة التابعة
لها بطريق الإسماعيلية الصحراوي بانتداب أحد المتخصصين من كلية الزراعة بجامعة عين
شمس لتحديد ما إذا كانت كلمات ‏"الله ـ محمد ـ طه‏" التي ظهرت علي جذع شجرة كافور
بطريق القاهرة الإسماعيلية الصحراوي من فعل الطبيعة أم من تدخل بشري‏.‏وبعد فحصها
أكد بيان اللجنة العلمية برئاسة د. عبدالعزيز حسني أستاذ النباتات بزراعة عين شمس
أنها ليست مباركة والكتابات التي ظهرت عليها مفبركة وتم حفرها بفعل فاعل وليست من
مظاهر الإعجاز الإلهي. وأضاف البيان أن العلامة الموجودة عليها جاءت نتيجة لجرح
بالجذع وبمرور الوقت تحول لون الجرح إلي البني، ولا يتجاوز عمر هذه العلامة 6 شهور
ولا تشكل ظاهرة طبيعية.وقام عادل البكباشي مدير نيابة النزهة برفع تقرير إلي د.
عبدالعظيم وزير المحافظات لاتخاذ ما يلزم بشأن الشجرة. ومع أن الأجهزة المعنية في
مصر حرصت عبر محطات التليفزيون والصحف على اذاعة بيان اللجنة العلمية، إلا أن تدافع
الناس نحو المكان الذي توجد فيه الشجرة بالقرب من معسكر قوات الأمن المركزي وموقف
للحافلات، يزداد كثافة يوما إثر يوم مما أدى إلى تعطل المرور في الطريق الصحراوي
المؤدي من القاهرة إلى الاسماعيلية، ووجد رجال الشرطة الذين هرعوا إلى هناك بكثافة
صعوبة بالغة في فض هذه الجموع وتسهيل حركة السير.






الي هنا و انتهي التقرير ربما يكون صحيح وربما يكون متفبرك من قبل الحكومة لتلافي حدوث فتن طائفية من وجهة نظر الحكومة علي اي حال دي مش مشكلتنا لكن علي المسلمين ممن لديهم بقايا عقل انهم يشغلوة شوية دي غسالة بيتهم بتشتغل اكتر منة
الشجرة التي كانت موجودة أيام الرسول صلى الله عليه وسلم وتمت تحتها بيعة الشجرة، وأمر عمر بن الخطاب بقطعها حتى لا يفتن الناس بها
هل الاسلام مازال في حاجة لمعجزات تدعمة؟؟
هل في حاجة لشجر وطمام وقشر بطيخ وديل سمكة للتاكيد علي وجود الخالق النقطة التانية هل تعتقدو ان مثل هذة الاشياء ستدفع غير المسلمين الي اعتناق الاسلام؟؟
يا عزيزي فالنصاري هم كمان لديهم معجزات التجلي و الظهور للعذراء فوق احدي الكنائس و الناس بقت تروح مسيحين و مسلمين واخدين عيالهم الجربانة علي امل شفائهم واللي واخدة غيار داخلي لجوزها علي امل فك عقدتة و ايامهم تبقي كلها سعادة وخميس
والواقعة دي حقيقي
ة الناس بقت بتحاول تتشعبط في اي حاجة ترمي عليها حلول مشاكلها
فاذا ظهر زعزوع قصب علية كلمات اقرب للشخبطة اتجة الناس الية افواجا حاملين كوبايات املين في الحصول علي بعض العصير المقدس واذا ظهرت شجرة بتنور بلليل حج الناس اليها كل امل يحك جتتة في جذع الشجرة جايز ربنا يشفية من الجرب والتانية عايز حب الشباب اللي في وش بنتها يروح وتجوزها والتالت عايز يبقي صاحب شركة وهو خريج حضانة تجريبي والامثلة لا تنتهي .
وجايز يكون الكتابة من فعل بعض اصحاب الاكشاك وبتوع الشاي والحلاقين اللي منتشرين علي الرصيف في المنطقة دي
محاولا جذب السياح للمنطقة المباركة والرزق يحب الخفية
نسأل الله الهداية والرشاد وكفاية كدة علشان عرتونا جتكو نيلة مليتو البلد

الا بالحق هي دي شجرة لارنج علشان لو كدة المدام عايزة بطرمان
كان معكم جعان بو العافية من امام حجر معسل تفاح مساكن شيراتون القاهرة

37 comments:

  1. This comment has been removed by the author.

    ReplyDelete
  2. يا عم سيبك
    تعالى شوف مدونتي الجديدة وقوللي رأيك يا باشا
    دي مدونة صور بس ملتقطة من قاع المجتمع بتاعنا
    http://www.egmatrix.blogspot.com/
    في انتظار تشريفك

    ReplyDelete
  3. الناس بقت بتركن دماغها
    شكلنا هنرجع عصر الدراويش تاني
    و حيييي

    ReplyDelete
  4. بص بقى انا كنت هاكتب عن الحوار ده بس لقيتو ملوش لازممة اكتب عنه لان ده سلوكيات فئة معينة بيحصل اسخم منه في الحسين والسيدة
    اقلك حاجة
    مدااااااااااااااد

    ReplyDelete
  5. بسم الله الرحمن الرحيم

    هناك تفسير علمى ومقنع يقول ان هناك من كتب على الشجره "الله , محمد, طه ) من حوالى 6 اشهر وبما ان الكتابه وصلت الى اللحاء فهناك شئ ما تفرزه الشجره كالتئام جرح مثلا لتعويض الجزء المحفور .. وبعد فتره ما يظهر الالتئام على الشكل المجروح به اللحاء ..

    المهم الان لماذا لم تقطع الشجره ؟

    ReplyDelete
  6. السلام عليكم
    انت كلامك كويس واسلوبك رائع نعمه من الله حافظ عليه ممكن تاثر في الي حواليك و كمان الصحه نعمه من الله نحافظ عليه من الشيشه
    تحياتي

    ReplyDelete
  7. سبحان الله يا ابو ملك
    لسه خارجه من خناقة تحت نفس البند بس مكنتش عن الشجرة كانت عن صورة لشارون وحاطين صورة من فيلم زومبي وجنبيه صورة زومبي تاني قال ايه ده فرعون الذي انجاه الله ببدنه
    اللي ماشفناها ف جريدة ولا اخبار
    وهو يعني بجد احنا ضعف ايماننا للدرجة دي لنبحث عن اثباتات واهية من النوع ده لقدرة الله عز وجل ؟
    سبحان الله في الناس دي اللي تعشق ان تجعل من عقائدنا مسخرة

    صباح الفل

    ReplyDelete
  8. رفقة باشا عمر
    نورتي يا فندم
    انا متهيألي اساسا ان المسيح الدجال
    مش هايحتاج يخليها تمطر ولا تخرج دهب من الارض
    الناس مستوية علي الاخر
    دة لو كلب بلدي لا مؤاخذة يعني جاب كلب بخمس رجول
    بيعملوة ولي

    ReplyDelete
  9. اشرف باشا
    تموت انت في الدعاية ام بلاش دي
    انا جوة المودنة فعلا
    والصور ماشاء الله ممتازة
    تخلي اللي معندوش دم ينكسف علي دمة
    انت كنت قاعد علي القهوة اللي قصداهم

    ReplyDelete
  10. واحد من الناس
    معاك حق
    انا اعرف واحد ركن دماغة اتكلبشت
    وداخ بقي علشان يلاقي حد يفكهالة

    ReplyDelete
  11. allah-slave
    الي بيحصل في المناطق اللي ذكرتها موجود منذ زمن اصبح متعارف علية
    لكن زي ما يكون الناس عايزة تجدد
    زي ما بيغيرو الموبايل
    بيغيرو المقام
    وبقي مقام سيدي ابو شجرة

    ReplyDelete
  12. متسيب الناس تستبارك
    الناس محتاجة دعم نفسي
    و اذا كانت الحكومة مش مدياهم الدعم ده فبيدوروا على اي قشة يتعلقوا فيها

    كلبوزة ام العافية من قدام اللاب لوب
    ازيك كده؟

    ReplyDelete
  13. أنا خايف يجي حد يقطع الشجرة يحصله اللي حصل لحنظلة لما قال: شلت يدي
    صباح الهطل
    بوست لذيذ

    ReplyDelete
  14. uogena
    هو دة اللي بيتقال
    سواء دي الحقيقة او لا
    مش دي قضيتنا
    قضيتنا ناس
    مخها عايم في مية بطيخ

    ReplyDelete
  15. يا قلبي يا غريب
    الله يكرمك يا فندم

    ReplyDelete
  16. الست الداكتورة الشيماء
    انا شوفت الصورة اللي بتكلمي عليها دي فعلا
    وعبارة عن شوية لعب ساذج جدا بالفوتوشوب
    واي كلام
    ناس فاضية والله
    ومحتاج حد يديها حقنة انيما علشان تفوق
    :)

    ReplyDelete
  17. الجهل وحش اوي يا جعان
    وحش اوي اوي
    وشبه القرد كمان
    تقول ايه بس
    ربنا يشفي
    ويهدي

    ReplyDelete
  18. ادخل عندى ضرورى جدا وانصر الطلبه المفصولينhttps://www.fnangeology.blogspot.com/

    وسلااااام

    ReplyDelete
  19. سمباتيكو هانم
    اما نش معترض ان الناس تطلع الكبيت
    بس الخوف بعد كدة
    يقولك في عربية امن مركزي قدام محطة لاظوغلي وظهر عليها اسم الريس

    ReplyDelete
  20. قاسم أفندي
    ادينا قاعهديم لما نشوف اخرتها
    يا الشجرة هاتتقطع يا اما
    هايجي عيل صغير بلبوص ويقعد تحتيها
    والناس تعملة ولي

    ReplyDelete
  21. مشكلتنا اننا ديما بندور على خرافه جديده علشان نعبدها
    الناس من كتر الهم والفقر الى فيه مبقتش قدره تفكر ولا تميز
    وزى مقال عمنى جاهين
    ياللي بتبحث عن إله تعــــــــــــبده
    بحث الغريق عن أي شئ ينجـــده
    الله جميل و عليم و رحمن رحــيم
    أجمل صفاته .. وانت راح توجده
    عجبي !!!
    واحلى سلام

    ReplyDelete
  22. واحـــد مـــــن الـنـــاس
    علي رايك يا باشا وحش و اوحش من القرد
    دة حتي في قرود مسمسمة

    ReplyDelete
  23. fnan_geology
    معلش يا خويا
    مدونة لم الناس
    اللي بعديها مش عندي

    ReplyDelete
  24. محض روح
    سيدنا علي قال حكمة مأثورة
    نرددها بدون ان نعرف قائلها:
    لو كان الفقر رجلا لقتلتة

    ReplyDelete
  25. ده انت لو دخلت على المنتديات هتلاقى حاجات عنب
    هتلاقى الشجرة اللى بتسجد والبطيخه اللى مكتوب عليها ابصر ايه والاسد اللى بيقول الله
    وكل الناس بترد بمنتهى الخشوع والدمعه هتفر من عنيهم
    سبحان الله
    تيجى تكلم تبقى خارجى مرتد يجب ان يتم استأصالك درئا للفتنة
    عالم دماغها مريحة
    باين كلنا دماغنا ريحت ولا أيه

    ReplyDelete

  26. الناس من كتر شربهم لمية المجارى و اكل السوس اللى مليان فول جالها تخلف عقلى
    زى ما انت قلت بيحجوا
    نسيوا دينهم خلاص
    انا كنت كاتب موضوع عنها مسميه ذات انواط
    http://neokhaled.blogspot.com

    ReplyDelete
  27. enta w23tny men eld7k walahy ham ybky we ham yd7ak
    y3ny hia gat 3la elshgra
    t7iatshy

    ReplyDelete
  28. انا بجد اتاثرت بموضوع الشجره دى
    و ده لانى من بمر على شارع جسر السويس اللى فيه الشجزه ذهابا ايابا من البيت للكليه و من الكليه للبيت
    بجد الموضوع يمكن فى الاول كان مقبول , الناس عاوزه تشوف ايه ده لكن مش بالمنظر الى كنت بشوفه كل يوم!!!
    كل واحد عاوز يلمس الشجره عشان ياخد من بركاتها !!!!
    بس الحمد لله الزحمه انعدمت اليومين دول
    و الامن مستتب

    ReplyDelete
  29. احب اعرفك ان امدونه عاجباني جدا جدا
    واتمني من الله ان يوفقك كمان وكمان
    وربنا يعينك

    ReplyDelete
  30. اجمل حاجة في الموضوع ده انك اتحققت من الموضوع بنفسك


    كان معك يا فندم (زملة الحصير - نضدااا)

    ReplyDelete
  31. طيب انت فاكر ياجعان ايام ماضربوا البرجين بتوع امريكا واشاعة ان الكلام ده مكتوب في القرآن سورة التوبه ايه مش عارفه كام ..والناس بقى بقت منبهره وفرحانه وتقعد تصور الورقه وتوزعها ..مش فاهمه امتى الناس دي هتفهم ان الدين ده مش محتاج لحاجه لبرجين يوقعوا وللا لشجره ساجده عشان يثبت انه صح

    ReplyDelete
  32. go3d

    انا فاكر اني شوفت بتاعة الاسد دي
    واقعد احاول اسمع اي حاجة
    ابدا
    كان عندي موقع
    للملحدين
    في موضوع بيرتبوا كيفية عمل موضوع بة معجزة الهية
    وبيتراهنو الموضوع دة هاينتشر ي خلال قد اية بين المنتديات العربية
    كان الموضوع بيقولك جهاز بيقيس حاجة خارجة من النباتات وبيكتب الله علي شاشة المونيتور
    اي كلام في البدنجان

    ReplyDelete
  33. khaled
    يا فندم الناس حرفيا
    عايشة في مية الطرشي
    ربنا يهدي الجميع

    ReplyDelete
  34. أعتذر عن هذا التعليق مقدما

    أقتراح لقاء شهرى لمدونى الأسكندرية
    http://misryawey.blogspot.com/2007/03/blog-post.html

    ReplyDelete
  35. اعتقد ان التعليق جه متاخر
    بس انت قولت ان الناس ديه فاكره ان بكده هيخلو الغير مسلمين يدخلو الاسلام المشكله ان ده بيخلي الغير مسلمين يتهكمو علي الاسلام وبعض المسلمين كمان يسيبو الاسلام علي اساس ان فيه خزعبلات وكده يعني
    علي فكرة حكاية الشجره وغيرها دي اساسا طرق صوفية اللي الدولة مهتمة بيهم قوي واصبحت مصر جزء صوفي اصيل
    الا قولي صحيح هو متر الصوف بقي بكام ؟

    ReplyDelete
  36. mohandat
    هو دة اللي انا بقولة فعلا
    ربنا يهدي حال الجميع
    متر الصوف يا استاذ سعرة متوقف علي اسعار برميل البترول
    البترول يعلي الصوف يعلي
    و البرميل يعملو 120 متر صوف 8 كستور

    ReplyDelete
  37. لاااااا دي مش لارنج انا شوفتها دي بطلع بطيخ هههههههه

    ReplyDelete

بعبع وقول اللي في نفسك يا خويا