Monday, March 12, 2007

جعان ابن المعلم جعان هايتحِجب يا مينز


انا هاتحِجب يا رجالة
دي جاية من الحجب مش الحجاب :)
انا مش عارف هم يقصدوني انا ولا خلول تاني غيري
الخبر دة من جرنال روزا اليوسف العدد الصادر 2 مارس

من مصدر موثوق بة
المقصود بة هو مدونتي وقد اطلع علي حيثيات الطلب صديق شخصي وان العنوان المرفق هو عنوان مدونتي وليست مدونة صاحب الله الوطن فاطمة و الذي لا يشرفني ان يذكر اسمي بجانبة ولمن لا يعلم هو صاحب تدونية تقليد القرأن .
المهم تقريبا القاضي محبش يكتب باقي اسم المدونة لاعتقادة ان كلمة ام الخلول ليها بعد سياسي
علي اي حال انا علي قلبكم لطالون
الا لو طالون شخصيا طلب مني اقوم

54 comments:

  1. This comment has been removed by the author.

    ReplyDelete
  2. هو مبدئيا اذا كان "بنت مصرية" المذكورة فى الخبر مقصود بيها مدونتى انا فعلا ، فالحاجة الوحيدة اللى قصادى -بما انى لا بتكلم فى السياسة ولا فى الدين ولا بخرج عن اعراف المجتمع ولا بشتم ولا بجيب اخبار ولا حاجة- ان المستشار اللى رفع القضية وهو نفسه المستشار اللى عمرو غربية كشف كتابه - راجع مدونة صاحب الاشجار- وسرقاته من الدليل اللى انا كتبته، فغالبا الموضوع شخصى شوية بما ان المدونين ما شاء الله تعاونوا على فضحه وكشفه وعلى مجمع منال وعلاء الموضوع مفضوح بقاله كتير، فالراجل حب يعمل خطوة هجومية او حاجة زى كده يعنى
    لانه ضمن مدونة عمرو ومدونتى ومدونة الشبكة العربية

    اما بالنسبة لذكر اسم مدونتك، فانا مش عارفة بصراحة هما يقصدوا مدونتك وللا مدونة يحي مجاهد.. المشكلة انهم ما حددوش ام الخلول وللا فاطمة
    :))

    ReplyDelete
  3. بنت مصرية
    سواء انا المقصود او اخر
    فكلتا الاحوال دي مسخرة تستحق البكاء
    ان اي جعر في منصب يستطيع تكميم من يشاء
    حقيقي مش فاهم
    كل ما الناس تلاقي منفس تخرج فية الكبت
    تظهر اذيال الحكومة لاغلاقة
    الواحد بعد كدة لما يعوز يعبر عن نفسة
    يحط بقة في الكبانية

    ReplyDelete
  4. مش ظنى انه بلوجك يا جعان
    عشان.. معرفش.. بس انت نوعا ما فى حالك
    هى بنت مصرية فى حالها برضو... بس تقول ايه

    بلاش اقول النكتة

    ReplyDelete
  5. لست ادري

    انا عمال اقول انا في حالي محدش مصدقني
    يا اخوانا انا جنب الحيط محدش مصدقني
    وعمري ما لعنت سلسفيل ابو حد في الحكومة محدش مصدقني
    جايز اكتر ناس شتمتهم كانو مدونين برضة

    الا هي اية النكتة

    ReplyDelete
  6. صباح الخيرات

    سيدى الفاضل اللى فاضل واللى باقى انهم يكممونا زى الكلاب البوليسى فى مترو الانفاق يعنى نعمل ايه مانتكلمش مانتناقش
    الحل ياتسكت ساكت خالص يا تكمل المشوار
    لانه مشوار طويل وسط ليل مالوش قمر

    ومش قلتلك انا خلى بالك من نفسك قولتلى انا جمب الحيط وقولتلك الواحد بقى يتلفت وراة وهو ماشى ماصدقتنيش
    خلى بالك من نفسك بجد محدش ضامن يحصل ايه
    يا اما تغنى وتعمل فيديو كليب عشان يرتاحو وتطلع جمبك كام مزة من مزز الاعلانات وبكدة تبقى موطن صالح
    وكله تمام على رأى بوسى سمير :(

    ReplyDelete
  7. سواء المقصود مدونتك او مدونة اخري
    يا جعان انت وراك عيال يا ابني
    ماين امورك
    واديها بقين مدح في الحزب الوطني
    وعلق صورة الريس في اول المدونة فوق

    ReplyDelete
  8. اخي الجعان احييك من بلاد الخليج وبقول لك انه سواء المقصود انت او غيرك ده حال بلدنا وانت عارفه من زمان، مش جديد عليهم القمع والكبت والضغط، ماين اليومين دول شويه و عدي يا ليلا و على رأي الأخت حبيبه علق صورة الباشا الله يعمر بيته وبقين حلوين من بتوعك في الحكومة الديكتوقراطية، وربنا يوعدهم بإمساك مزمن ييجي على دماغهم واحد واحد :D.

    ReplyDelete
  9. يا نهار اسود

    الحق يا جعان
    بيقولك مدونة واحد من البشر !!!

    مفيش مدونة اسمها كده ؟؟
    يكونش قصدهم عليا ؟؟
    يادي النيلة

    انا وانتا هنتحجب يا مان

    يا شماتة ابلة ظاظا فيا :)

    ReplyDelete
  10. الحمد لله
    مطلعش انا

    http://mohamed.katib.org/


    ربنا يحرقك بجاز يا محمود مراد

    ReplyDelete
  11. الصراحه مش عرفه اقولكم ايه
    ياعنى عبد الكريم وفهمنا هما عملو فيه كده ليه رغم انه مش منطقى بس فى وطنا الحبيب يبقى منطقى جدا
    يالا خلو بالكم ياجماعه هيه بتبداء كده وبعدين هوب تلاقو نفسكم بيتحقق معاكم يومين كده ونشوف صوركم فى المدونات وتتعالى صيحات الافراج عنكم
    ومش بعيد كمان يعملكم مظهرات
    وقفات احتجاجيه بالشموع
    ربنا معاكم
    بجد حاجه تحزن

    ReplyDelete
  12. الموضوع مش كده يا جماعة
    الموضوع شخصى شوية وبدائته الشبكة العربية وكام مدونه كده بطبيعه عملهم وعلاقتهم الشخصية مع الشبكة
    الواضح ان القاضى ده عمل كتاب عن المدونات واضاف بعض الصفحات من على النت وده شئ عادى وبيحصل كل يوم
    لكن الشبكة العربية كانت عاوز الراجل يحط التقرير بتاعهم كله وخصوصا بالانتقادات اللى موجودة فيه
    فعملوه للراجل فضيحة معتبرة فاكيد هو ده رده على اللى فضحة بس
    لكن مدونتك يارب ماتكونش ليها دعوة
    انا مقدرش استحمل ملاقيش اى حاجة ليك اشوفها

    ReplyDelete
  13. أوبااااظ
    إتجابت سيرة المدونات اصلا

    يلا ربنا يستررررررر

    انا كبير كلامى على كاميكاز

    تفتكر ممكن يحجبونى انا كمان؟؟؟

    مع العلم إنى محجبة ولله الحمد

    :)

    ReplyDelete
  14. لا يا جعان قصدهم مدونه
    الله الوطن فاطمه مش انت
    http://taranim.wordpress.com/

    انت هتحجب بعدين مش دلوقتى

    اما بنت مصريه فدى مساله هجوم خير من دفاع

    ويلا كل عند العرب صابون
    وسلاااااااام

    ReplyDelete
  15. خبر خبيث حبتين يا جماعة
    د عبد الفتاح مراد
    حائز على شهادة الدكتوراة من جامعة الإسكندرية
    بعد اصدار قرار لجنة المناقشة
    و كان وقتها يشغل منصب قاضى بمجلس الدولة
    تم اكتشاف التالى : رسالة الدكتوراة منقوله بالنص و حرفيا بدون اى تغيير من رساله اخرى مقدمة لجامعة السوربون فى القانون الدولى

    و تم حجب النتيجة و احالة الموضوع لمجلس الجامعة للبت فيه

    تم رفع دعوى فى مجلس الدولة و تم الحكم بأحقيته فى نيل شهادة الدكتوراة

    خبر أخر
    اذا زار احد منكم اى معرض للكتاب و دخل جناح اخبار اليوم او الأهرام
    سيجد مقطع كامل يحوى كافة مؤلفات الدكتور عبد الفتاح مراد
    يمكن ان تجد اكثر من 600 عنوان له هو فقط ، حيث ان الله سبحانه و تعالى حبا الدكتور بميزة القدرة على الكتابة و النشر فى كافة مجالات الحياة و بسرعة الصاروخ
    و الرجل متعدد المواهب من قواميس لغوية ب 5 لغات ألى مؤلفات قانونية فى كل الفروع ألى ابحاث فى عالم الكمبيوتر و الأنترنت ألى اخر النطاقات وصولا الى عالم الدكتور الأفتراضى ألا وهو الأدب والقصة القصيرة النرويجية "أقصد المصرية"

    أبسط يا جعان دخلت عالم الدكتور
    نشوفك فى معرض الكتاب الجاى منور على غلف من كتبه العظيمه

    ReplyDelete
  16. انا من اهوى ومن اهوى انا
    طب يا سيدي
    انتج انت الفيديو كلب دة
    وانا اغنيلك للصبح

    ReplyDelete
  17. حبيبة

    انا لا اخاف في الحق لومة لائم
    لكن لو هايتبعو معايا سياسة التجويع انا هاعترف علطول

    ReplyDelete
  18. KiKo
    يا ابني انت مش ليك مدونة يا حبيبي سجل بيها
    وعيب و انت راجل مسؤل قد الدنيا في الكويت
    ومش عارف تدخل البلوج بتاعك

    ReplyDelete
  19. ابو علي

    انت قلبك وقع انا عارف
    وانت وراك طابور متلتل من المدونات

    وهايتسوحو من بعدك با ابني

    ReplyDelete
  20. عزيزتي محض روح
    كريم كان كبش فداء
    ما هو كل يوم الدين الاسلامي بيتهاجم
    ومع طلعة كل شمس في مدون بيلعن سلسفيل ابو الحكومة
    كريم كان لقرص ودن المدونين و نصيبة بقي انها جت فية
    مع انة يستاهلها

    بس امانة عليكو لو اتشفطت ورا الشمس تجيبولي كبدة و سجق من ابو رامي اللي في السابع

    ReplyDelete
  21. amien
    انا كمان مش هاستحمل ملقيش المدونة
    كدة هاضطر ارجع تاني للقعدة علي المطاعم و عربيات الكبدة

    ReplyDelete
  22. إنـســانة
    اهو كل واحد بقي يخلي بالة من نفسة
    واللي مش متحجب يلحق يتحجب
    قبل م الحكومة تحجبة هو و اللي جابوة

    ReplyDelete
  23. متقلقش يا باشمهندس جعان .. المقصود بالكلام كانت مدونة يحيى مجاهد بأسم الله .. الوطن .. فاطمة
    وشتان بين مرجعيتك ومرجعيته .. عموما لو عاوز تتأكد اكتر ممكن تروح المرور تطلع شهادة مخالفات

    ReplyDelete
  24. مدونه محترمة زى صاحبها وتأكيدالأحترامى لها احب اصحح معلوماتك الراجل الدكتور بتاع مجلس الدولة لسه شغال فى مجلس الدولة وكان الاول على دفعته وكانت مكيده من الاستاذ المشرف عليه استاذ المرافعات رحمه الله وربنا انصفه وخد الدكتوراه ومازال يعمل بالمجلس وهى كانت فى المرافعات والدكتور اللى تقصدة حايمسك رئاسة مجلس الدولة بعد سنه او اتنين ولو كان وحش مكانش وصل للمكانه ديه
    والدكتوراة بتاعته فى المرافعات مش فى الدولى
    ومش هو الشخص اللى انت تقصده
    وممكن تسأل .

    ReplyDelete
  25. أحم أحم
    يا جابر

    هو مش المشرف على الرسالة كان الدكتور مصطفى ابو زيد فهمى
    المدعى العام الأشتراكى الأسبق
    و وزير العدل الأسبق
    و ده سبب حجب النتيجة حفاظا على مركز المشرف

    و الذى قام بكشف الموضوع هو د فريد العريان
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    أما موضوع القضية فكان عدم قيام الجامعة بأصدار النتيجة فى الفترة المحددة لمناقشة الرسالة
    و كان الحكم الصادر بالقبول شكلا و الرفض موضوعا

    و فى كل الأحوال القضية موجودة و مجلس الجامعة موجود و كلية الحقوق جامعة الإسكندرية موجودة


    هيها دنيا كل من عليها فان

    ReplyDelete
  26. الأخ العزيز جدا
    الأستاذ جعان

    والله يا أخى الواحد قلبه وقع في رجليه مين اللى كان هايوصلنا الجديد كله مما يحزن القلب في إطار كوميدي ساخر يخلى تلات ارباع الناس يفضل يضحك لحد ما يضحك على روحه وهو قاعد

    هههههههههههههههه

    بس الحمد لله انها طلعت بتاعت حد تانى مش بتاعتك

    بصراحه كنت هازعل أوى لأن بجد مدونتك تعتبر من أوائل المدونات اللى عرفتها وحببتنى في التدوين يعنى حضرتك ممكن تكون قدوة لناس كيتر

    ربنا يبارك فيك يارب

    وتتحجب

    اللهم آمين

    بس عن عينين اللى ما يتسموش مش من عالنت

    ربنا يبارك فيك وأمثالك اللهم آمين

    ReplyDelete
  27. يعني ياجعان ياخويا لو كنت مشيت جوة الجيط كان حصل لك ايه

    تلاقي الدكتور حرامي الغسيل ناوي يجمع مدوناتك في كتاب علشان كده عايز يقفل لك المدونة

    ده طبعا لو كان يقصدك انت


    بس اعتقد انه يقصد االله الوطن فاطمة

    وهي من فترة لاتفتح عنديلااعرف لماذا

    على العموم واضح من الموضوع انه بيستبق الهجوم حتى لايسبقه احد بالشكوى من سرقاته

    انا رايي طالما عندكم الدليل على سرقة مجهودكم مفروض انتم ترفعوا عليه قضية

    ReplyDelete
  28. يخرب عقلك ، حلوة أم الخلول ليها أبعاد سياسية دي :D

    يا عم انت لما تتاخد هشد لك تفاحة من ع الجزيرة وكام جورنال وهكمل بعدك مشوار القناة الفضائية ، دي لوحدها تهمة .. ممكن يقولوا لك انت كان قاصدك انها قناة فدائية وبتصلي في مسجد السلام وبتقول أذكار الصباح والمساء

    ReplyDelete
  29. تستاهل

    ايه اللي مخليك جعان؟؟

    مش لو كنت أكلت زيهم ومليت بطنك ونهبت وبقيت من نواب القروض
    كانوا سابوك؟؟
    أدي آخرة الشرف يا
    يا جعان

    تحياتي

    ReplyDelete
  30. الموضوع شاكلة زى ما قالت بنت مصرية
    القضية قضية تشهير بالراجل ضد الشبكة واللى نشر عن الفضيحة سواء مدونه او موقع او حتى جورنال
    وده شئ عادى وميخصناش فلا حاجة
    بكن اللى انا مستغرب له اشمعنى الراجل ده اللى الكل عمال يكتب عنه وفى الوقت ده ولمصلحه مين
    يعنى لما يكتب واحد مدون وفاكر انه صحفى عالمى ويقول ان عبد الكريم جيستأنف قدام القاضى ده ويطلع الكلام فاطشة ومخرجش الا لغرض ما فى نفس المدون ده
    ولما تجيب معلومات لازم تكون متاكد منها ياتكوا القرف عروتونا امام حريه الراى
    يفرق ايه عن الصحفى اللوذعى بتاع روزااليوسف اللى قال ان الدكتور محمد الوحش مش دكتور ولا حاجة وكان اساسا بتاع فلافل على الناصية
    فكروا قبل ما تكتبوا امال عايزين نبقى صحافة شعبية ازاى يعنى بكلام خالتى وخالتك
    حتى المدونات بقت زى الجرايد مأجورة حسبنا الله ونعم الوكيل
    ربنا معاك يا جعان بس انت مش مقصود بالكلام ده والحمد لله

    ReplyDelete
  31. fnan_geology
    يا عمنا ربنا ما يكتب الحجب علي حد
    دة مرار يا شيخ

    ReplyDelete
  32. سجين باشا في قلب الوطن

    انا بابذل قصاري جهدي ان اي حد يلطش مني اي حاجة
    وتتنشر حتي لو في مجلة سمير

    بس اشوف اسمي مكتوب
    واورية للمدام و الحجة امي
    لاحسن ماسكني تريقة
    وابو مدونة جة و ابو مدونة راح

    بالنسبة للدكتور فهمي
    علي ما اذكر
    ان مغضوب علية اساسا
    كان ناشر كتاب
    اسمة فن الحكم فى الاسلام
    واشيع انة يقصد هجمو نظام الحكم الحالي اساسا
    علي اي حال يا فندم
    انا موجود لحين اشعار اخر

    ReplyDelete
  33. Immature
    روحت المرور يا باشا
    وقالي في طمس لوحات ورجعوني تاني

    لوحاتي اطمست يا جدعاااااااااااااااان

    ReplyDelete
  34. والله يابشر دي حاجه غريبه اوي
    يعني هما خلاص بقوا فاضيين ووقت فراغهم كبير اوي كده
    عشان يدوروا في المدونات
    لاحول ولاقوه الا بالله
    ربنا يشفي
    ربنا معاكم كل واحد يخلي باله من مدونته :)

    ReplyDelete
  35. Anonymous

    اعذرني لن استطيع ان اناقشك فيما كتبتة
    لم اتعود علي الحديث مع حاجبي شخصياتهم

    الا في المواضيع الهايفة
    فا يا اما تذكر مصدرك سواء منشور ورقي او الكتروني

    ReplyDelete
  36. العزيزة ftataljanna
    الله يكرمك يا فندم
    و اوعدك يا فندم كما ذكرت سابقا
    انا قاعد علي قلبكو لطالون
    الا لو طالون شخصيا طلب مني اقوم

    ReplyDelete
  37. اظن يا جعان أنه توجد خصومة شخصية بين صاحب القضية... و جابر .. حيث انه كان واقف جنبه عند محمد أحمد .. فى رواية أخرى .. أبو ربيع .. ولطش جابر الساندوتش قبل ما صاحبنا ياخده .. فقرر .. انه يمنعه من الاكل .. قصدى التدوين ... و الدليل .. ان الموضوع برضه فيه أكل .. حيث ان القاضى مش بيحب ام الخلول .. شايفها زفر ... و يمكن لو غيرت العنوان .. وخليته مثلا .. الله الوطن .. فلافل .. او كفتة .. او حمص الشام ممكن يغير رأيه


    ناولنى الملح يا جابر.....

    ReplyDelete
  38. سؤال نفسي اسأله
    اشمعنى اللي بيتكلم في السياسة هو اللي بيتمسك ؟؟!! طب انا للأسف _المأسوف على دمه _كنت بلف في المدونات لاقيتني جوا مدونةواحدة زبالة فعلا وبتكتب يوميتها اكمنها واحدة مثلية !!
    انا الصراحة لما قريت اسم المدونة افتكرتها مثلية دي جاية من المثالية _سذاجة انا عارفه_ بس اتصدمت فعلا من اللي مكتوب ، ومدونة تانية عن واحدة اسمها ايجيبشن مزا ،واحدة بتكتب عن انها بتتباس في جامع قلعة قايتباي في نهار رمضان!! حاجة تقرف بجد
    بس لما قريتها استغربت فعلا ماهي دي كمان مجاهرة بالمعصية زيها زي كريم لأ والعن فعلا طب اشمعنى مسكوا في رقبة كريم

    يعني بجد في شوية مدونات تستاهل ان الواحد يحرق صحابها مش بس تتحجب،بس لو واحد كلمهم وقال نحجب المواقع اعتقد حيقولولنا حقوق الانسان ودي حرية رأي

    يعني احنا بنشوه سمعه مصر ودول لأ !!
    حسبي الله ونعم الوكيل

    بجد ساعات بقول لو حد ليه في الانجليزي حلو يكلم بتوع حقوق الانسان _بس الدولية بقى لحسن تقريبا بتاعت مصر حيجبوها_ويشوفلنا حل في حكاية الحجب دي

    سلام يا جعان واللهي تقع على سفرة مليانة

    ReplyDelete
  39. شوف اللينك ده يا افندم

    http://arabist.net/arabawy/wp-content/uploads/2007/03/judge-mourads-attack-on-21-blogs-and-websites.pdf

    ReplyDelete
  40. بصراحة اللي مجنني في موضوع قفل المدونات دي ان اخواننا بتوع المباحث لاقيين وقت يقعدوا يتابعوا المدونات..

    تلاقي السايبرات اللي جنب امن الدولة هايصة علي الاخر..

    و لا يمكن يكون عندهم
    ADSL
    في امن الدولة..

    تفتكر؟

    ReplyDelete
  41. يا Bella هانم
    انا ماشي جنب الحيط لدرجة ساعات باطلع من الناحية التانية
    علي اي حال مش فارقة ادينا هانقعد جنب الحيطة و نسمع الزيطة

    ReplyDelete
  42. Abd El Rahman
    طبعا ام الخلول ليها ابعاد سياسية انت بتتريق
    فكر كدة وشوف كمان ابو جلمبو

    ReplyDelete
  43. د/خـــالد
    انت قلي علي سكة الاكل
    وانا اروح واكل معاهم
    انا معنديش مشاكل بتاتا

    ReplyDelete
  44. Eskander باشا
    الله يكرمك بلاش تجيب سيرة روزا اليوسف عندي
    لحسن في الاخر بتقلب علي دماغي
    وهتلاقي نص زبالة اللي شغالين فيها مانسينا هنا

    ReplyDelete
  45. naryoma
    الحكاية مش فضي الحكاية ان البعض معتقد ان محدش بيقرا علي النت غيرهم فا محدش هايكتشف السرقة

    ReplyDelete
  46. سيادة الدكتور
    انا فعلا كنت حاسس ان في انة في الموضوع
    واتضح انك علي دراية ببواطن الامور

    الملاحة للدكتور هنا يا جاااااااابر

    ReplyDelete
  47. TAMTAM
    علشان اللي بيتكلم في السياسة بيحشر نفسة في اللي ملوش فية
    السياسة هي رياضة الحكومة المفضلة ورياضة كل طاغية
    يعني لا تصلح الا لعلية القوم من وجهة نظرهم
    اما من اراد من الصغار ممارستها فليتحمل تكاليفها الباهظة

    ReplyDelete
  48. عبد الرحمن
    شوفت يا فندم
    طب احط انا في بطني بطيخة صيفي
    لسة دوري مجاش :)

    يا ريت بتوع المباحث هم الي بيدورو
    دة للاسف في ناس من متصفحي النت العاديين
    هم اللي بيبلغو للاسف

    ReplyDelete
  49. احدث الاخبار القضائية
    حددت المحكمة الادارية يوم 27 - 3 -2007 مجلس الدولة لنظر القضية رقم 15575/61 المرفوعة من القاضى عبد الفتاح مراد الساعة 8 ونصف صباحا بمقر مجلس الدوله بالجيزة
    عاوزين نشوف التضامنات هناك يا جدعان

    ReplyDelete
  50. انا كمان بيهددوني عشان فكرت أني أسأل هي فلوس مستشفى سرطان الأطفال بتروح فين ؟
    http://caricatooz.blogspot.com/2007/03/57357.html
    انت ايه رأيك يا مان ؟

    ReplyDelete
  51. لاااااااااا...دا لابمكن ابدا..دا الواحد ماصدق يخرج الكبت اللى جواه يقومو يتحولو على البلوجز دلوقت... مش هنسمح ابدا وهنوقف التهديدات والهجوم على قارة البلوجرز اللى جمعتنا نحن معشر المكبوتين والمفروسين...
    وسواء الحجب دا لجعان او لغيره محدش هيوافق على كدا ويبقو يشتكونا فى محكمه الشبكه العنكبوتيه..وابقى قابلنى

    ReplyDelete
  52. (نضدا)

    ايه ده ؟

    اييييييييييه داداداااااااااااااااااااااااااااااااااا؟؟؟؟

    هو انا اخر من يعلم ويقرأ الخبر ؟

    والله ونزل اسمك في الجرانين يا جعان انت ومدونتك ....

    هاتتحجب يا راجل ؟

    ألف ألف ألف مبروك يا ابني

    ههههههههههههههههههههههههههههههه

    هأقول ايه بس غير جملة زمااااان سمعتها (خيبة الامل راكبة جمل )

    ياريت لو تقولها لحضرة المستشار اللي كتب ورفع عليكم قضية خلع ...قصدي حجب

    *. كلمة على جمب
    (بنت مصرية ) عزيزتي مدونتك من اجمل ما قرأت واطلعت عليها

    ربنا يكرمك

    ReplyDelete
  53. على الكبيرSaturday, 31 March, 2007

    يا جماعة انا اتقأصقت وتفحصت لقيت الموضوع عبارة عن قضية تشهير بالراجل
    الشبكة العربية ومدونه حوليات صاحب الاشجار
    عملوا فضيحة للراجل
    وخرقوا جميع المواثيق الصحفية والانسانية فى ابسطها وهو
    اعطاء فرصة للدفاع
    نشروا الفضحية حتى من غير ما يثبتوا حقهم ان كان عندهم حق
    فقام الراجل رافع قضية تشهير ولم كل اللى اشترك فى التشهير ده
    حتى لو بخبر
    واللى يغيظك ان الشبكة بدل ما تدافع عن موقفها بتعمل حمله لشحن الناس ضده
    هو يعنى اكمن الراجل استخدم حقه فى القضاء نحوله لقاتل لحرية التعبير
    المدونات رايحة لفين
    حسبنا الله ونعم الوكيل

    ReplyDelete
  54. دول مجانين ولا ايه وبعدين ام الخلول دي يععععععع بقى انا مش بحبهم بقى انت ملكش بعد سياسي امال مين اللى له انا مثلا ايه الكدب ده يا ابنى دول سايبينك نمزاجهم بس انا هروح ابلغ بقى هبلغ فرار متخافش

    ReplyDelete

بعبع وقول اللي في نفسك يا خويا