Monday, March 26, 2007

دستور ياحكومة

لأ


يا شعب

سوف يتم التصديق علي التعديلات الدستورية و الموافقة وسوف تكون حيز التنفيذ في خلال اشهر
لمن امنوا بالسراب و ان قول لا سوف يؤثر الحداية مبتحدفش كتاكيت
و الاستفتاء ما هو الا اجراء صوري يحتمة الدستور اللي هايتغير ويتلف بية طعمية
عربيات القطاع العام محملة علي مستوي الجمهورية بما لا يقل عن اتنين مليون من العمال و الموظفين للذهاب الي مراكز الاستفتاء و الادلاء برأيهم المعروف مسبقا

من عجائب التعديل
المادة (54)
يبيح للأفراد حق التظاهر والاجتماع: "للمواطنين حق الاجتماع الخاص في هدوء، غير حاملين سلاحًا، ودون حاجة إلى إخطار سابق، ولا يجوز لرجال الأمن حضور اجتماعاتهم الخاصة والاجتماعات العامة والمواكب،

طيب هي اجتماعات اي حزب او مظاهرات الطلبة خرجت عن المادة دي؟؟
اما التعديل هايظفلط كل الكلام دة بصابونة نابولسي

المادة (44)
التي تنص على أنه "للمساكن حرمة فلا يجوز دخولها ولا تفتيشها"، والمادة (45) "لحياة المواطنين الخاصة حرمة يحميها القانون"..!!
المادة دي كمان هاتاخد سكة بالصلاة علي النبي و يبقي من حق اي جربوع لابس ميري وعلية نسر حتي لو كان شغال في مصلحة البريد
انة يزقلك علي اطري حتة في جتة سيادتك وكلة بالدستور

شوفو بقي المادة دي الي تم تعديلها وتأيفها علي مقاس الكبير

الغاء الاشراف القضائي الكامل على الانتخابات العامة وتسمح لرئيس الدولة بإحالة المدنيين الى القضاء العسكري كما تسمح له بحل مجلس الشعب دون الرجوع للناخبين.

يعني من الاخر طوووووووووووووووز في القضاء طوز في الشعب طوز في اللي خلفونا
طب بعد ما القضاء مش هايقدر يحكم مين اللي هايراقب في ستار اكاديمي


ونصيحتي ان كل من لة جار ظابط او امين شرطة او حتي ساعي علي باب ظابط يتودد الية ولا يحاول عمل اي مشاكل و ائتمان جانبة
حتي لا يفاجئة في يوم مقتحما منزلة وسحلة من قفاة ورمية بجواب اعتقال لمدة تتجاوز عدة اعوام بلا تهمة سوي انة ممكن يمثل تهديد للامن القومي

مرفق وصلة لتحميل الدستور المصري المعدل
غاز طبيعي و اوكتين 92
حمل قبل ما يحملوك هنا

والله الموفق غطيني وصوتي بس بشويش

75 comments:

  1. قلنا كده .. قالوا اطلعوا من البلد

    ReplyDelete
  2. قرع +كوسه +هبل+رزاله+استخفاف يساوي حزب وطني .
    بيزوروكي يا مصر

    ReplyDelete
  3. This comment has been removed by the author.

    ReplyDelete
  4. قالوا مع النظام الجديد ده هيرجع ايام عبد الناصر....صاحبي بيقوللي كده من مصر الحبيبة قولتلوا طب ايه المشكله قالي لو اتكلمت مع مراتك هايخدووك..قلت يانهر ابيض كده كل الحريم هتروح تقول نعم للتعديل...بس المشعرفينه بأه غنهم هيتخدوا كمان مع اجوازهم.وربنا يستر لحسن الدستور ده تكون فيه ماده يضيفوها بتقول يطبق ايضا على المصريين بالخارج
    دستور ديليفرى لحد عندنا

    ReplyDelete
  5. ma_3alina
    طب وطلعت روحت فين؟؟
    ينفع نروح الساحل السنة دي؟؟

    ReplyDelete
  6. Anonymous
    مستقصدني يا انينموس
    كل موضوع تخشلك مرتين تلاتة وتطلع جري
    انت عليك تار؟؟؟؟

    ReplyDelete
  7. رفقة هانم
    اولا ازيك يا فندم واخبارك واخبار الاسرة عسي تكونو بخير

    شوفي يا ستي الدستور بالملخص السريع
    هو الذي يحدد العلاقة بين الشعب و الحكومة
    ما للشعب من واجبات وحقوق
    والحكومة نفس الشي

    وطبعا
    الحكومة بتاخد حقها تالت و متلت
    والشعب بياخد في سنانة

    ReplyDelete
  8. ياباشا والله ما عارف اقول ايه

    المفروض ان كلنا نتحرك
    يعني لو هتقاطع

    يبقى تروح مظاهرات او اعتصامات

    لو هتروح يبقى تقول لا

    لكن بجد احنا نايمين في العسل

    ReplyDelete
  9. يا معلم جعان
    للاسف كتير من الناس مش مهتمة بحكاية الاستفتاء و لا المرواح للادلاء باصواتهم
    الناس محتاجة توعية

    ReplyDelete
  10. هو دة الدستور وكمان هى دى المواد اللى هاتتغير فيه انا اعتقد اننا مافيش حد بعد كدة هايكون فى بيتعه كلنا ها نتبهدل هانتبهدل وهانشرف فى المعتقلات اكيد هايتلككوا لاى حد زى فيلم كدة احنا بتوع الاوتوبيس
    كنت خالينى مش عارفه احسن

    ReplyDelete
  11. يعقــــوب
    يا فندم و من غير حاجة كدة كدة اي واحدة ما هاتصدق تلاقي داهية وتحدفة عليها
    و انا شايف انك تلحق نفسك وتتنازل عن الجنسية و تاخد بدالها عربية فولكس

    ReplyDelete
  12. يا علي باشا
    انا مش مقاطع حاجة نوهائي
    انا اي حاجة الحكومة بتسمح بيها باحطها في بوقي وانا ساكت

    ReplyDelete
  13. amir
    توعية اية بس
    الناس فاهمة كويسة
    الظلم بيعلم الحمير حتي
    الناس عارفة كويس ان ذهابهم للاسفتاء ما هو الا ضياع وقت
    وتعطيل مصالح
    انا اريد و الشعب يريد و الحكومة تفعل ما تريد

    ReplyDelete
  14. هو ايه حكاية لأ لأ
    طب أأأأأأأأأأأأأأأأأأأه
    طبعاً ده مجه دماغي

    كلت الطبخة
    عجبتكم
    عايزين تاني

    انا شبعت
    شكلك جعان

    ReplyDelete
  15. يقولي اه و انا اقله
    ترا را را
    يقولي لأه راح اقوله
    ترارارا

    يا دهوتيييييييييي

    ReplyDelete
  16. السلام عليكم

    قاطع قاطع قاطع تبقي مقاطعة

    قاطع الديل وراس التعبان

    قاطعوا عميل الامريكان

    والله انا ماشايف اي لازمة من كل العمل السياسي

    تحياتي

    ReplyDelete
  17. بكده
    الدستور بقا في التعديلوه
    وإحنا
    في النفخووووه



    تسلم إيديك

    :)

    ReplyDelete
  18. أنا أول مرة أعلق على حضرتك مع أنى زورتها مرتين قبل كده المدونة بجد تححححححفة جداااا و أكتر حاجة عجبتنى البوست إللى فات و كنت عاوزة أسال حضرتك و الناس إللى حضرتك بتتكلم عنها دى كانت بتتصرف أزاى لما بيردوا عليهم الردود العجيبة دى زى الفلوس ماتت و دفنتها ، أما تعليقى على البوست ده فهو أخفض رأسك يا مواطن يا أرهابى فقد أتى عصر الاستعباد و كل ترقبعات دستورية و حضرتك و كل مملكة الجعانين فى مصرنا المخروسة طيبين و بخير و السلام عليكم و رحمة الله و بركاته

    ReplyDelete
  19. انا مش عارف و اخرتها اية
    هانفضل نتورث من سجان لسجان
    لكي الله يا مصر
    ولنا مبارك و اسرتة

    ReplyDelete
  20. يا باشا بعد التعديلات ده و لا هيرضوا حتى يبدلوها بفردتين كاوشت

    ReplyDelete
  21. هو فيه سؤال يطرح نفسه وبشدة يا ابو ملك
    كل الفزائيات بتقولك اكتر المشاركين في الاسطفطاء كانوا حريم
    تفتكروا اشمعنه يعني المرة دي؟
    يالهوي ع النسوان اللي جايبه الانوثه ورا:)
    يعني ومش عاوزين الناس تقول علينا ف الهايفة ونتصدر؟؟؟

    ReplyDelete
  22. رفقه عمر
    ايوة هو دة الدسنتور
    وعلي رأي واحد اعرفة
    واركب الدستور ترلم...... ترلم..... و ادستر

    ReplyDelete
  23. BinO
    انت شاكلك الاستفتاء طالع من نافوخك
    ريح واربط حاجة علي دماغك اربط كتاب حقوق الانسان

    ReplyDelete
  24. سمباتيك هانم
    وملكة الرشاقة في المدونات

    احيلك لردي السابق

    واركب الدستور ترلم...... ترلم..... و ادستر

    او
    دستورنا ستايرة حرير

    ReplyDelete
  25. ياريت والنبي تنشر لينكاية بالدستور المصري بعد التعديل
    بقالي ساعتين بدور عليه مش لاقيه
    انا مش فاهم اللي راحوا قالوا نعم دول قالوا علي أي أساسا

    ويقولك الدستور منشور في الصحف القومية اللي ماحدش بيجيبها
    من سخرية القدر انه اتنشر يوم الاستفتاء الصبح !

    يعني ماتلحقش تقراه
    في انتظار الدستور بعد التعديل للضرورة والنبي
    تحياتي

    ReplyDelete
  26. اهبدك اغنية حليم:
    اصوت مصوتشي انا خايف اصوت انا خايف

    و اغنية شادية:

    يا دستور الندامة رفضناك كلنا
    تا را را
    و طظ فينا و ماله و قعدت على قلبنا

    ---
    الا 75 في المية دي تدخل اية؟
    زراعة؟
    ---
    البقية في بوستك

    ReplyDelete
  27. اشرف باشا حمدي
    تم وضع اللينك في الموضوع لتحميل الدستور المصري المعدل
    اوكتين 92
    و علي اي حال لا تقلق انا اطمنت انهم مش هايقربو من المادة 327
    التي تنص ان عل كل مواطن الحق في ضرب انفاس الشيشة مساءا وصباحا و ظهرا وساعة العصرية
    بلا اي منغصات او اي عوامل تشتيت خارجية

    ReplyDelete
  28. بعد ماكانت الكلاب بتنهش فى الناس وهى مربوطه فى سلاسلها خلاص هيفكولها السلاسل
    وكل واحد بعد كده يقفل عليه بابه الكلاب
    بقيت من غير رخص خلاص
    وكله كوم والخنازير اللى كانوا بيزييييطوا على جمال التعديل وحلاوته والشعار بتاعهم اللى يخاف من التعديل يبقى هما دول المصريين الوحشين الاشرار.
    وانا لله وانا ايه راجعون اللهم احفظنا يارب العالمين من شياطين الانس ومن كل سوء فانت انت خير حافظا وانت ارحم الراحمين

    ReplyDelete
  29. (نضدا)

    لا تعليق لعدم وجود تعليق لدي ...

    بصراحة يعني احتجاج صااااااامت

    شفتوا الصموت بتاعي مؤثر ازاي !!!!

    ReplyDelete
  30. و الله عندك حق دى فعلا حكومة فاشلة
    و حزب وطنى ميعرفش الوطنية اصلا
    و الشعب مش عارف حاجة
    والغلابة بيقولو رايحين ننتخب حسنى مبارك
    و الاصوات بفلوس و التعديل مدروس و الشعب مدهوس

    حسبنا الله و نعم الوكيل

    ReplyDelete
  31. اصعب شعور لما تكون بعيد عن بلدك وبتسمع بس بتسمع مش اكتر باللي بيحصل فيها ومش في ايدك حاجه تعملها
    بعد كده سألت نفسي يعني هما اللي عايشيين هناك قادرين يعملوا حاجه؟؟
    بس انا عندي ايمان قوي بربنا انه هيرفع الظلم عنا
    علي فكره انا حبقي اجيبلك عيش وحلاوه اول مانزل مصر انشاء الله
    سلامي

    ReplyDelete
  32. انا زهقت من الهطل الدستوري
    نفسي ادخل بلوج و الاقي فيها حاجة تانية
    كفاية حرام
    يأس و اكتئاب و حاجة تحرق الدم
    اقولك على سر
    الدكتور طلب مني تحليل سكر و انا خايفة اعمله
    عندي كل الاعراض

    ReplyDelete
  33. صاحبتى سمعت فى قناه فضائيه المواطن بيتسأل انت اخترت ايه قام قاللو وبكل ثقه اخترت نعم طبعا طالما اكلونى وظبطونى ماخترش نعم ليه وواحده بتقول اهو نساعدهم دلوقت يمكن ربنا يكرمهم ويساعدونا فى المشاكل اللى غرقانين فيها..قلبها ابيض اوى الست دى.. وقال على رأى دكتور الاقتصاد: المستثمر زكى والحكومه فاسده والمواطن اهبل.. وقال بعد ربع رغيف..قصدى ربع قرن جايين يعدلو فى الدستور..اكيييد ماما فدماغها حاجه.
    على فكرة انا صوت فى بلاعتى برضو..اتمنى تنورنى وترميلى برأيك.

    ReplyDelete
  34. دستور خلاص الشعب وافق
    تصور بيقولو ان 9 مليون راحو 7 مليون قالو نعم
    الشعب قال نعم
    بس شعب مين ده هو فى حد غيرنا فى البلد
    ديه
    بس انا زعلانه قوى ياجعان
    تقولى ليه اقولك كانو جيبن ست بتقول ايه منقلش نعم ادام بياكلونا ويدونا فلوس لزم نقولهم نعم
    احنا ولا اكلنا ولا خدنا فلوس
    وبرضه قولنا نعم
    او بمعنى اصح اتقالت عننا
    :)

    ReplyDelete
  35. خلاص بجد كدة ما عدش فيه حتى الواحد في المية امل اللي كنا بنحلم بيه

    خلاااااااااااااااااااص

    انا ما عادش عندي اي تخيلات أو احلام لواقع أفضل

    ReplyDelete
  36. سمباتيك هانم
    واضح انك من هواة الاغاني الوطنية
    علي اي حال 75%
    تودي بلاعة بلاعة في بني سويف او سنتريس انتساب

    ReplyDelete
  37. ابلة ندا
    يا فندم الصمت بتاعك مهم جدا في المرحلة اللي جاية
    لازم تتشبتي بموقفك

    ReplyDelete
  38. bRoKeN-HeArT
    الناس صدقني ممكن تبيع اي حاجة بدأ من كرامتها و انتهأا بادميتها
    الفقر هو عدو ابن ادم الاذلي

    ReplyDelete
  39. وبشويش ليه
    ارجوك مش تحرمني من المتعه دي
    يا لهوووووووووووووووووووووووووي

    وبعدين ما خلاص قالوا اللي فيها
    وهنبقي كلنا جعانين ياخويا
    وبعدين صحيح
    قوي الشعب الخيرية كلها قالت نعم
    دة احنا ناس مش بتفهم
    يعني التليفزيون ومجلس الشعب والشوري والشوارع والحواري والازقة وطويل العمر يطول عمره يقول نعم
    واحنا اللي هنعمل فيها ابو العريف
    ونقول لا
    يا عم بقولك وسعلي شوية خليني اعرف اصوت براحتي

    ReplyDelete
  40. أولا : حضرتك ما جوبتنيش على سؤالى و أنا مصممة أعرف الأجابة وكمان حضرتك أيه إللى مزعلك فى الترقيعات الدستورية ديه ده حضرتك مفروض تفرح لأنها راح تخلى مصر كلها مملكة جعانين كمان 6 سنين " ده على حسب تقديرات الباحثين " و راح تلغى الطبقية خالص و دمتم و دام لنا دستورنا المرقع بفعل ترزية القوانين فى الحزب الوثنى و نراكم على خير فى الترقيعات الدستورية فى عهد الرئيس مروان جمال مبارك و السلام عليكم

    ReplyDelete
  41. tasneem
    يا فندم جاوبت بس تقريبا في البوست اللي قابلة
    بس مفيش مشكلة التكرار يعلم الشطار
    شوفي يا ستي
    لما اسمع ان الفلوس ماتت و اندفنت
    كانت عيني ترقرق بالدموع السخينة
    حسرة علي مصيبتي :)
    وفضلت اعمل اربعين للفلوس وسنوية واول خميس واهو كلة اكل عيش

    ReplyDelete
  42. الست الحكيمة الشيماء
    شوفي من الواضح ان الستات ليها منظور اخر للموضوع ككل
    الا هو
    اللي ما خدتة القرعة هاتاخدو ام الشعور؟

    ما يصدقو في الهايفة ويقفو صف

    ReplyDelete
  43. لأ ممكن يعدلوا المادة الخاصة بالشيشة حتى تصبح مقصورة فقط علي أعضاء مجلسي الشعب والشورى

    ReplyDelete
  44. This comment has been removed by the author.

    ReplyDelete
  45. حسبي الله ونعمي الوكيل
    وبس

    ReplyDelete
  46. إيه هوه الدستور
    ليه نكشف المستور
    ونزعل حسني وسرور
    ده حلة سخنة علي وبور
    بيطبخوا فيها الأمور
    ويشووا بيها الضهور
    ويعكننوا بيها عالمسرور
    دستور منهم دستور
    داهية تاخدهم وتغور

    ReplyDelete
  47. مين قال يا دكتورة ان دي "هايفة" دي نقطة مهمة جدا تفضلت بعض المواطنات بشرحها في برامج كتير جدا بس حضرتك ماخدتيش بالك , طبعا أنا مش هانسى ان "التصويت" طول عمره مهمة نسائية

    مواطنة من الغربية لما اتسألت ليه جاية تصوت قالت انها يتحب الريس و جاية تنتخبه

    و أخرى قالت انها جاية تصوت للدستور عشان المرأة (بصراحة ماقالتش مالها المرأة بالظبط بس اهي وجهة نظر)

    و ثالثة قالت ان لازم كلنا نفول نعم زي ما الريس قال , مش يمكن لما يلاقي الشعب كله واقف معاه يرخص الحاجة

    و الأخيرة قالت ان مادام الريس و الوزرا و أعضاء مجلسي الشعب و الشورى (قالتها كدا مجلسي الشعب و الشورى) ناقشوا التعديلات كويس و قالوا انها في مصلحتنا فمش معقول نيجي احنا "صغار الشعب" (التعبير لها) و نقول لأ

    دا شغل عالي جدا يا دكتورة و نظرة لبعيد , مش تقولي جايبن الأنوثة ورا

    ReplyDelete
  48. دستور ايه يا ابني...دستووووووور يا سيادي...سامحوووووووووه...جاهل و ميعرفش..سامحوووووووووووه...ربنا يكفينا و يكفيك شر الاسياد و يصرفهم برضه عننا
    تحياتي لك

    ReplyDelete
  49. بجد ثبت أن الترزيه مهنه لم تنقرض بعد و لن تنقرض في مصر أبدا طالما بقي الحزب الوثني
    تحياتي لك يا جعان

    ReplyDelete
  50. tota
    صدقيني وبرضة الناس اللي عايشين في مصر معظمهم بيسمع بس ومفيش في ايديهم حاجة
    والظلم ما بيترفعش الا لما الناس تتلم
    ان الله لا يغير ما بقوم حتي يغيرو ما بانفسهم

    وانا مبحبش الحلاوة ممكن مربي لارنج

    ReplyDelete
  51. توتة توتة
    والله كلنا زهقنا بس هانعمل اية
    لا صوت يعلو فوق صوت الدستور

    وبالنسبة للسكر ان شاء الله خير لا تكلكي
    وان كان امر الله
    فلا بأس
    اما اذا كان امر الحكومة فحسبي الله ونعم الوكيل

    ReplyDelete
  52. SoRsaRaa
    اذا كان رب البيت بالدف ضارب فشيمة اهل البيت الرقص
    الحكومة بتطبل و المجلس متحزم وبيرقص
    والشعب بيبص من خرم في الباب
    مش فاهم حاجة ومش شايف
    هي فعلا ماما في دماغها حاجة

    ReplyDelete
  53. محض روح
    يا فندم متزعليش ولا تحزي في نفسك ابدا
    الستات ميتاخدش علي كلامهم

    غير كدة استني التعديل اللي جاي وروحي حاولي تلحقيلك قزازة زيت ومتنسيش اخوكي :)

    ReplyDelete
  54. DR.SHERBO
    هو انت كان لسة عندك احلام وتخيلات؟؟

    ReplyDelete
  55. سمراء النيل انجي هانم
    معاش اللي يحرمك
    صوتي براحتك ...
    حد يجيب ميكرفون للانسة هنا وكوباية ينسون علشان تنجلي علي الاخر

    ReplyDelete
  56. يا دكتور اشرف
    لا تكلك الشيشة مازالت مدعومة وليست حكرا علي احد

    لكن هي بتفرق بقي المعسل محلي ولا تصدير


    تامر حسين
    انت بتدعي علي مين؟؟؟

    ReplyDelete
  57. قنديل في قلبي
    صباح الروقااااااان


    micheal
    شوف يا ريس في مهن كتييييييير موجودة و ان اختلفت المسميات منها الترزي زي ما قلت و الرفة و الحلاق البلدي وغيرهم كتير ان شاء الله نبقي نتكلم علي كل واحد علي حدة

    ReplyDelete
  58. يا دكتور نرمين
    في مقولة بتقول لو وجد شعب من النساء لكانو اكثر الشعوب طاعة لحكامها
    مش لشيء الا انهم هايتخانقو من اللي هاتاخد يوم الخميس
    اغلب خلق الله الستات و اطيبهم و احنهم الستات او الانثي في اي نوع من المخلوقات
    ولهذا من اهداف الذكر دائما عمل اكبر قاعدة من النساء حولة
    حتي يأمن جانبهم
    وانا متهيألي دة اللي بيحصل
    يعني الست من دول بدل ما تصحي جوزها و تقولة انزل علشان تروح تصلي الجمعة
    لا انزل علشان تروح تنتخب الريس يا موكوس

    ReplyDelete
  59. (جعان)

    على فكرة انا رديت على موضوع (حجب ) المدونة بتاعتك

    انا (نضدااااااااااااا)
    قصدي (ندا)

    قبل ما انسى اني ااقولك اني مش (ندا)

    وبخصوص لا تعليقي ...

    لانه فعلا لا يوجد تعليق

    واللي انكتب في تترات التليفزيون ان في اقبال كتير على تعديل الدستور

    اكيد انت طبعا كنت اولهم يا جعان صح ...؟

    ان شاء الله هايحجبوا مدونتي انا كمان

    مع اني اصلا نسييت الباسورد بتاعها


    شفت يا ابني خيبة اكتر من كده

    ههههههههههههههههههههههههههه

    ReplyDelete
  60. يا لهوييييييييييييييي
    انت من الكله الكليله المنحرفه التشي كالت لااااااا

    خسيئت ..من هنا ورايح لانت جاري ولا اعرفك.....عايز تفتح عين الشعب ...عايز الشعب يثور عالحكومه ويعترض....شوف انت تبعد عن الشعب وتغنيلو

    بالمناسبه تشى احب اسمع اغنيه بلادشي بلادشي لكي حبي وفوادشي واهديها للحزق الوتشنيي الدميكراتشي

    ReplyDelete
  61. مكتبتش رد الا بعد جولة اكثر من يوم في مدونتك
    بجد بجد ....مشاء الله عليك مدونة محترمة وجميلة جدا
    واللي كيفني بجد ان موقفك من منال وعلاء واشباهم زي موقفي تمام
    لك تحايتي استاذي الكريم
    دمت في خير

    ReplyDelete
  62. الاستفتاء عامل زى الاستسقاء ..
    بس مع الفارق
    فى الاستسقاء (الصلاة) بتدعى ربنا ان الدنيا تمطر ... علشان الخير يعم ..
    اما فى الاستفتاء .. فبترفع ايديك و تقول يارب ... زلزال ولا فيضان .. ولا بركان يطربقها فوق دماغ الكل ... ما هو اصلا مفيش فايدة ..
    وفى رواية أخرى .. عافاكم الله مرض الاستفتاء .. قصدى الاستسقاء .. لما مرضى الكبد .. اللى عندهم فشل كبدى .. بطنهم تتملى سوائل فى التجويف البريتونى .. وتلاقى بطن العيان كبيرة .. وباقى جسمه عصيان .. وجفاف ..
    فيبدو ان الحكومة حتوزع الاستسقاء على الشعب بالبطايق .. و اهو كله خير

    ReplyDelete
  63. ندا
    لازم بجد نشوفلك حل
    عايزةرأي اعملي مدونة تانية
    واحنا في موسم التخفيضات

    بالنسبة للاستفتاق اللي حصل للشعب
    انا و اعوذ بالله من كلمة انا
    انا اللي فتحت باب لجنة مدينة نصر
    وصاحب اول ضربة واول توقيع بنعم انتخب السيد الرئيس الوالد لفترة رئاسة عاشرة

    ReplyDelete
  64. memo
    هانم
    انا و الحمدلله من الكة الي قالت لا
    وشكلة هابقي من الكلة اللي هاتروح ورا الشمس تاخد تان

    وسمعني شريط محمد ثروت الجديد
    مصريتنا وطنيتنا حماها الله
    الله الله

    ReplyDelete
  65. الراقص مع الذئاب
    يا فندم اسعدني وجودك في المدونة
    وان شاء الله تبقي زبون دائم
    ملحوظة
    الكشف بعشرين و الاستشارة ب 15

    ReplyDelete
  66. انا نزلت النيولوك للكابتن داستوو
    نورت الدماغ بجد
    مشكرييييييين جدا
    وعلى فكرة انا رميت موضوع جديد اتمنى تزورنى وتشوفه

    ReplyDelete
  67. كرهتك يا حبيبي من ريحة رجليك استعمل يا حبيبي البدره والفينيك بدل ما يجي عسكري اهبل و يقوم واخدك وحاطط الكلبش في ايديك وساعتها يا خويا ابقي سلملي علي طنط نظيفه
    اصل انكل نظيف هينظف البلد من الناس كلها الحزب الواطي هيحكم المباني علشان مش بتتحرك من مكاناها و العربيات دي هتتفكك و هتبقي بنائدمين بعد كدا

    ReplyDelete
  68. 7'arbana 7'arbana

    ya gama3a de brova lel leala el kebera(we koloko fahmeny tab3an)3ayzen y2ayefo el badla 3la m2as sa7ebha el geded wely yetkalem neb3atlo shawesh ygoro 3la ma wra2 el tabe3a.
    bas el 7a2 3alena e7na 7aten edena fe ***na we sakteen.
    3mar ya muss.

    ReplyDelete
  69. يا خااااااااااين يا جعان

    انت صاحب اول ضربة
    فعلا خاين

    لا انت زملة الحصير ولا قهوة كتكوت ولا اي حاجة

    (نضدا) زملة الحصير سابقا قبل خيانتك

    ReplyDelete
  70. eldoctor
    يا دكتور
    دة في اشاعات ان الاستسقاء و الكبد الوبائي و السرطان
    التلاتة موظفين في الحكومة

    ReplyDelete
  71. SoRsaRaa
    علي اية يا فندم احنا يهمنا دماغ سعادتك علطول منورة

    ReplyDelete
  72. copa
    واضح ان التعديل الدستوري اظهر قدرات شعرية جامدة

    ReplyDelete
  73. ابلة ندا
    امال يا فندم دة انا و الشباب اللي زي اول ناس
    عرفنا مصر يعني اية ديموقراطية

    ReplyDelete
  74. انا قولت لا بس مش عارفه ليه هما قالوا اه يمكن من الوجع اللى فى القلب برضه

    ReplyDelete
  75. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete

بعبع وقول اللي في نفسك يا خويا