Monday, April 30, 2007

قعدة الحزانة ولا مشوار الخزانة

في دول العالم الاول الوصول لسن المعاش معناة الراحة والاستجمام و قضاء اليوم علي ضفة بحيرة وخلفة كوخ صيفي صغير ولا مانع من اصطياد بعض
الاسماك او اصطحاب الاحفاد للتنزه و الذهاب للملاهي وشراء الفشار ورزع شوب بيرة متلج مساأ ولعب البينجو
المهم مرحلة المعاش هي الوقت الذي يحق لمن عبر الستين الراحة وقضاء وقتة فيما يحب و علي نفقة الدولة


في بلدنا العظيم ذو الزبرتاطاشر سنة حضارة واخترناك اخترناك هذة الفئة من الشعب قررت الدولة انهم اصبحو كما خيل الحكومة ولازم ينطخو تلاتين جزمة واحالتهم للتكهين وايجاد كل سبيل التعذيب وطلعان الدين الي ان يقولو حقي برقبتي

ويا اما يقضي الله امرا كان مفعولا او ياخدها من قاصرها وينط في اي بلاعة مفتوحة ويريح و يستريح.
وكل يوم يتفتق زهن زبانية الدولة من موظفين حكومة ومسؤلين ورؤساء مجالس عن افكار لوزعية للقضاء عن من لازال بة رمق فمنذ عدة اشهر احد جهابزة القرارات العشوائية قرر ان 18 الف شخص ممن يصرفو معاشاتهم من من 13 مكتب بريد بجوار منازلهم عليهم ان يتوجهو بعد
ذلك الي مصلحة الخزانة العامة في لاظوغلي القاهرة فتخيل ان ال 18 الف دول كل اول الشهر بيتجهو لمقر الخزانة علشان يقبضو المعاش الذي هو
اساسا لا يسد حاجة قطة بلدي , 318 الف رجل و امرأة ممن تخطو الستين بكثير وكلهم بهم من الامراض ما تكفي لفتح مركز طبي .

-----------------------------------------------------------------------------------

عم سيد 74 عاما حضر مع حفيدتة ليقبض معاشة لم يستطع احتمال الزحام وهو ذو المرض الصدري المزمن سقط و اخرجة ولاد الحلال في الهوا وجابولة عصير






----------------------------------------------------------------------------



ست رزقة 82 عاما حضرت مع ابنتها من مصر القديمة وبعد وقفة في الطابور


منذ السابعة صباحا احالها الموظف لشباك اخر وسقطت ايضا تبكي من قهر المرض







----------------------------------------------------------------------------


ست عزيزة و عم محمود حضرو يومين متتالين و في كل مرة يفشلو في صرف معاشهم




لعدم وجود اسمائهم في الكشف وفي اليوم التالت لقو اساميهم بس كان المعاش اتحول أمانات



----------------------------------------------------------------------------
الحجة سيدة عاشور 84 عاما : النضارة فين يا ولاد
هكذا كانت تبكي وهي تبحث عن نظارتها



----------------------------------------------------------------------------



----------------------------------------------------------------------------



والقائمة طويلة لا تنتهي,قائمة قوامها 3 مليون و 200 الف مواطن ممن بلغو سن المعاش لا رحمة ولا رأفة



تجعلهم يلعنون كل نهار خرج عليهم وفي خانة الجنسية مصري




68 comments:

  1. هوه انت عندك حق في كلامك اللي بتقوله وده شئ اكيد لكن انا ديما نفسي اقولك حاجه مش بيقولوا لو تشوف بلاوي الناس تهون عليك بلوتك نفسي تحس قد ايه مصر جميله بكل الفساد والوحش اللي فيها الناس مابقتش تشوف الا الوحش وكله بيتكلم عنه وعمر ماحد بيفتكر الحلو والخير اللي فيها يمكن عمرك ماهتحس باللي بقوله ده الا لو اتغربت وتبقي تحلم بس يوم انك تعيش فيها كفايه انهاأم الدنيا وان ربنا
    ذكرها في القراَن
    وسلامي ليك يا اسلام باشا

    ReplyDelete
  2. أشوف إبن بلدي ويملاني العجب
    في الجيش انطلب
    أدي ما وجب
    والكبير سرقه ونهب
    وباعوله السم في علب
    وصبر واحتسب
    وفي الآخر إنذل وإنضرب

    آآآه يا قلبي

    ReplyDelete
  3. و الله بكيتنا يا أخي، الله يلعن ولاد الكلب اللي هم السبب، و يلعن غباءنا و هذا الذي نسميه "قلة الحيلة"...

    ReplyDelete
  4. حسبي الله و نعم الوكيل
    تحياتي لك

    ReplyDelete
  5. tota

    اعلم تماما ما تقصدية فقد سافرت لكثير من الدول العربية و الاوروبية
    ربما لم تكن اقامة دائمة ولكنها فترة كافية لكي اشتاق لاهلي واسرتي
    فالوطن بالنسبة لي علي الاقل هو مكان تواجد احبائي
    فان تواجدو في القطب الجنوبي فهذا وطني
    فانتي غربتك في ليبيا سببها البعد عن كثير من احبائك البعد عن نمط حياتك عن الوجوة المألوفة لكي
    لا اعلم هل سافرتي الي اي دولة اوروبية ورايتي البدعة المسماة حقوق الانسان
    وهي تطبق عندهم و كيف ان للمواطن حق العيش بكرامةوالاعتراض بكرامة
    اعذريني فلتغور ام الدنيا اذا كان العيش فيها مرادفا للاهانة

    ReplyDelete
  6. قنديل في قلبي
    تيجي انت ترزعنا بيتين
    يقلبوها غم علي كل الناس

    سلامة قلبك يا ريس

    ReplyDelete
  7. زكرياء
    لم اقصد ابكاء اي شخص
    يكفي بكاء اصحاب المشكلة

    مرحبا بك في عالم التدوين

    ReplyDelete
  8. micheal
    انت بتحسبن علي مين
    اوع يكون علي

    ReplyDelete
  9. يا قصار النظر القصة وما فيها ان الحكومة حبت تحط ايدها على اموال التأمينات لأنها معذورة فى قرشين علشان خاطر فرح سموه فلما جم ناحية فلوس التامينات طلع لهم اللى قال ده فلوس ناس يا عالم و مش فلوس أبوكو فتفتق ذهن الجهابذة إنهم يشوفوا حل للناس علشان تبقى الفلوس مالهاش صاحب ففكروا وقدروا وقتلوا كيف قدروا ... قالوا ايه معظم المعاشات بياخدها اللى عدى الستين ودول ناس كبار واصحاب عيا يعنى الواحد منهم مشوار واحد و يقول جاى واللى هيدوحر ديته مشوارين بالكتير ويسلم النمر ... بس دى الحكاية واللى فيها ... ومش عايز حد يقول ان البلد دى بتاع ناس لحسن يشتغلوا لنا فى الأزرق أكتر من كده وأديكوا شايفين اللى حصل لقرايبنا اللى فى سينا علشان الفرح حبوا يفضوا سينا من أهلها علشان كده اشتغولوا لهم فى اللبنى بس خلوهم طلعوا على اسرائيل جرى .. أما احنا يشتغلوا فى الأزرق ولا حتى فى الأسود قاعدين على قلبهم

    ReplyDelete
  10. (نضدااااااااا)

    بداية مش عارفة ااقول ايه يا جعان
    وحقيقي مافيش حاجة تتقال
    فعلا في اوضع كتيرة غريبة اوي اوي ويارب انها تتغير

    ومن ضمن الكلام ده بردو الكادر الخاص اللي وعدونا بيه وماحدش شاف اي حاجة غير الكلام

    بس فعلا الموضوع ده وبالنسبة للناس الكيبيرة اللي انت عرضت حالتهم هنا فعلا مش عارفة ااقول ايه

    حسبي الله ونعم الوكيل

    جعان انت المفروض تشتغل في جريدة الاسبوع واتوقع انهم هايعرضوا عليك اكيد وظيفة لامكانياتك

    ايه يا ابني التغطية الشاملة دي

    تحياتي ليك يااستاذ / جعان
    لانك تستحق الاستاذية عن جدارة فعلا

    ReplyDelete
  11. وانت ايه اللي وداك هناك يا جعان .. تكونش عديت الستين انت كمان ؟

    :)

    رائع كالمعتاد

    ReplyDelete
  12. بوست رائع كعادتك بس هو كان فيه صحيح زمان أحد الخلفاء ممن قالوا انه لو عثرت دابة في الشام سيسال عنها و الا التاريخ خدعنا و الا احنا بنحلم حلم وحش ووسخ ..كابوس يعني يا عم جعان....و عموما اذا كنا بنقهر الشباب ف بلدنا و بنقضي علي أي حاجة اسمها بكرة في قاموسهم مع العلم بان الايام الجاية ليهم شئنا ام ابينا اذن يصبح من الطبيعي ان نعامل كبارنا و شيوخنا و امهاتنا و اجدادنا بهذه الوضاعة و هم المكرمين بحكم سنهم ....... دي ايه النيلة اللي احنا فيها دي؟

    ReplyDelete
  13. المشكله الكبيرة انهم ممكن يكون المعاش دة دخلهم الوحيد طيب لو مش صرفوامعاشهم فى وقته واكيد هو اصلا خلصان من قبل الشهر ما ينتهى طيب ياكلوا منين ويجيبوا الدوا منين مش حد حاسس بيهم خالص ولا كانهم بشر بس تفتكر فى حل للمشكله دى ويريحوا الشيوخ دول بس برضه فكرة المعاش فكرةكويسه انا سمعت انها مش كانت موجودة قبل الثورة وجمال هو اللى عمل النظام دة صح دة ولا المعلومه دى غلط

    ReplyDelete
  14. Ana law atool ashel kol wa7ed mel nas dool 3ala ketfy we a2of badalhom walahy a3melha

    Kna gnefsy a2ol ne3mel mashro3 en e7na newasalohom feloshom le 7ad elbeit we ba3dein 2olt hanla2y million 7aramy yetla3lena fel 7adota de

    Walahy elwa7ed nefso etsadet 3an kol 7aga

    ReplyDelete
  15. السلام عليكم ورحمة الله وبركاته

    لو دا ما حصلش ازاي ها نغني كل يوم الصبح النشيد الوطني
    يبقي انت اكيد اكيد في مصر

    حسبنا الله ونعم الوكيل في كل الظلمه والمفتريين اللي في البلد دي

    تحياتي

    ReplyDelete
  16. يا مصر

    يا مصر اصحى وصحى كل الموجودين
    دا طريقنا كان مليان بالناس الطيبين
    مافضلش منهم الا شويه صغيرين
    احفاد فراعنه وقبط ومسلمين
    وشباب عجايز وهمالسه صغيرين
    ماشيين بنبكى فى غربه وحنين
    يا مصر اصحى وصحى كل الموجودين
    متجمعين ... متفرقين ... من كل شكل وكل دين
    واقف تاريخنا هناك حزين
    واقف بيبكى على السنين
    واقف بيندة على الامل
    يمكن يكون فى ايديه عمل
    يرجع الماضى اللى كان
    امجاد حضارتنا زمان .

    محمد فوزى

    ReplyDelete
  17. Mohamed A. Ghaffar
    سلامتك من الوجع ادهن هيموكلار

    ReplyDelete
  18. essam
    بما انك طويل النظر بقي
    قولي علي مدي ما انت شايف شايف اية؟
    هل الطابور قرب ولا لسة احنا قدامنا كتير

    ReplyDelete
  19. نضا هانم
    خليكي انتي مستانية الكادر
    لحد متكتشفي ان الكادر مش هايكفي حد خلاص

    ReplyDelete
  20. طارق باشا الديب

    انا كنت واخد الولاد افسحهم هناك

    ReplyDelete
  21. واحد مصرى
    التاريخ مخدعكش بس دة كان في خلافة عمر الفاروق
    اما الان فنحن في خلافة مبارك و الخازوق

    ReplyDelete
  22. (نضدا)

    جعان باشا ..رجعنا الالقاب بتاعتة زمان بقى بس ببلاش لانهم زمان كانوا بيشتروا الالقاب دي بفلوس

    يا جعان يا عزيزي

    مين قال لك يا فندم اني منتظرة الكادر

    لانه اتضح انه اكبر كدبة فعلا وان نزل
    مش هايكون الا بزيادة بسيطة جدا

    يعني ربنا يعوض على الناس وعلينا جميعا يا فندم وربنا فعلا يكون في عون الناس اللي انت عرضت صورهم وموضوعهم

    حسبي الله ونعم الوكيل فعلا


    ربنا يكرمك يا جعان على الموضوع الجبار ده
    اللي مكانه كمان المفروض يكون الجرائد

    تحياتي ليك يا جعان

    ReplyDelete
  23. أخي جعان،
    اسمحلي احييك على البوست ده الاول.
    انت بتتكلم على بلد المفروض انها بلد عظيم و زبرتاشر سنه حضارة والمفروض تبقى احسن من كده، طب تعمل ايه في بلد عمرها لا يتعدى ال 60 سنه او ازيد حاجه بسيطة، وحاليا من ارقى وانضف البلاد العربية تحضرا ونظامنا. وبردو في سرقة ونصب وكل حاجه بس فلوس البلد جواها ومصروفه عليها وبيحسنو فيها من 60 سنه او اكتر. هنا في كم من البدلات للمواطن تخليه ميفكرش يشتغل اصلا، فاضل يعملولهم بدل زهق، بدل ملل، بدل مش عارف ايه وهيعملوه قريب ان شاء الله المشعارف ايه عشان يبقاله بدل هو كمان. هنا يعامل الانسان كأنسان وليس كفردة شراب لا تصلح حتى لعمل كورة شراب كما في بلدنا ال......
    لو لم اكن مصريا لوددت ان اكون مصريا. كلاااااااااااااام فاضي.
    وسلملي على جيمي ابن ال..... معزمنيش على فرحه الواااااااااااطي

    ReplyDelete
  24. يا أخي والله الواحد لا يملك إلا
    حسبنا الله ونعم الوكيل
    وربنا ينتقم من الظلمة

    ReplyDelete
  25. يبقى انت اكيد فى مصر

    بـــــــــــــــــــس

    (^_^)

    ReplyDelete
  26. رفقه عمر
    عزيزتي الحل الوحيد من وجهة نظر الدولة هو لانهاء علي هذة الفئة من الناس
    وهو ما تفعلة جاهدا الحكومة الان
    انا معرفش امتي بدأ العمل بنظام المعاشا في مصر ان اللي اعرفة معاش السادات الستة جنية من ايام السادات لحد دلوقت ستة جنية برضة

    ReplyDelete
  27. اتفضل عندنا

    وانت كتافك هاتكفي مين ولا مين يا ابني
    دة انت عايز كتاف ابو الهول علشان تشيل الناس دي عليها

    ReplyDelete
  28. خمسة فضفضة
    وعليكم السلام يا دكتور
    ما الاناشيد كتير
    النشيد بتاعنا ايام المدرسة كان لهانى شاكر اغنية اسمها بلدى بلدى يا بلدى

    ده جناحى مرفرف ف سماكى و القلب اتربى على خيرك
    و ان كان ع القلب ملوش غيرك و ان كان ع الحب مفيش غيرك

    ودلوقت هانركب الدستور و نتحنطر

    ReplyDelete
  29. انا من اهوى ومن اهوى انا

    محمد باشا
    لازم ترزعنا كام بيت يخلصو علي الشوية اللي فاضلين

    ReplyDelete
  30. ندا

    طيب ما انتي عارفة كل حاجة اهو
    ربنا يعوض علي الكل
    احنا كلنا مستنيين تعويض ربنا
    اصل تعويض الحكومة مبيجيش

    نورتي حقيقي

    ReplyDelete
  31. Egypt Designers

    حبيبي و شريكي
    طبعا انا عارف انك تقصد الكويت وحسب ما سمعت كمان في بدل مليطة هايتصرف للمواطنين قريب
    ومعلش يا ابو كيمو هاتفرج

    الواطي بيقولك كلمك بس انت كنت قافل الموبايل

    ReplyDelete
  32. خالد وليس بخالد
    اهو دة المستطاع دلوقتي

    ReplyDelete
  33. mamado

    سيادتك انا في السرير دلوقت بس نازل مصر كمان شوية

    ReplyDelete
  34. مش عارف .. انا كنت داخل مدونتك عايز اضحك زي ما بعمل على طول, ومضحكتش ..
    حسبي الله ونعم الوكيل فيهم ..

    ReplyDelete
  35. وأاااااه يابلد

    ماحدش عارف يتهنى لا اللى بيقولو عليه شباب ولاحتى اللى مستنى اخر ايامه فالدنيا اللى توجع دى

    ReplyDelete
  36. This comment has been removed by the author.

    ReplyDelete
  37. أكيد مش أنت..متخفش
    :)
    تحياتي لك

    ReplyDelete
  38. الصور توجع القلب
    يس اللى بيحصل يوجع اكتر

    دعائي المعروف

    ربببببببببنا ينور قبرهم بحريقه

    ReplyDelete
  39. محمد باشا النقيب
    اسمك عاملي لبش في المدونة
    معلش بقي نكدت عليكو شوية من نفسي

    ReplyDelete
  40. bluerose
    دكتور نرمين سلامة قلبك ادهني هيموكلار

    ReplyDelete
  41. صرصارة هانم
    مالك بتصوتي لية شكلك حاجة قرصتك

    ReplyDelete
  42. micheal
    مش مستريحلك يا ميخا

    ReplyDelete
  43. Esmeralda
    شكلك دعائك مستجاب
    كلة يوطي يا اخوانا واحدة بتدعي

    ReplyDelete
  44. توتة توتة
    سلامة قلبك انصحك بنفس الدهان اللي وصفتة للدكتورة بلوروز

    ReplyDelete
  45. كل الحاجات اللي فيها طوابير و روتين كدا
    حتى في الجامعة و وقت دفع اي حاجة علي الخزانة برضوا في بلاوي و زحمة و طوابير

    ReplyDelete
  46. استفزني كلامك كان لازم ارد عليك انا بحترم رأيك طبعا لكن تصدقني لو قلتلك ان الغربه مش اهل بس عشان انا نص اهلي معايامش فكره اهل فكره ارض فكره انتماءووطن وحضاره وثقافه فكره ناس انت منهم وهما منك بيحسوا بيك عشان زيك فكره انك ماتلاقيش في يوم حد يغلط فيك عشان انت مصري وحاجات كتير غير دي مختصره في كلمه الغربه
    ومعتقدش ان فيه بلد في الدنيا دي كلها كامله وكل شئ فيه عيوب لكن احنا مش بنشوف وديما بننبهر بالغرب وبالغير
    وفيه سؤال الح عليا وماتزعلش مني لكن ليه انت عايش فيها أم الدنيا مدام كارهها كده ليه ماإخترتش احسن بلد انت شايفها واستقريت فيها مثلا؟؟
    وسلامي ليك

    ReplyDelete
  47. تسلم أيديك

    من زمااان والله ودايما اشوف الطوابير دي على شباك التأمينات في كل حتة

    وأقول..

    مين هاينسأل على الناس دي يوم القيامة؟

    دا جزاهم خدمتهم للبلد سنين عمرهم؟

    أهديك تحياتي

    ReplyDelete
  48. ketchup
    اصل لما انت تقف في طابور مش مشكلة و انت شباب طول بعرض
    لكن هؤلاء يقفو لية في السن دة ما طول عمرهم واقفين

    ReplyDelete
  49. tota عزيزتي
    ولازم تردي وتوضحي وجهة نظرك
    والله اعرف ناس عايشين في بلدهم ووسط اهلهم وحاسيين بغربة شديدة
    للعلم انا سافرت لعدة دول اوروبية لم انبهر بشيء الا امر واحد ان كل شخص يعلم تمام حدودة ويعلم واجباتة و حقوقة
    ويلتزم جميع الاطراف بتنفيزها بغض النظر عن اي عيوب اخري فانتي في مصر كما المستأجر لشقة قانون جديد عليك كل الواجبات وليس لك اي حقوق

    اما انا لية عايش في مصر لاني عارف اخد حقي فيها بشكل او باخر ولدي التزامات تجاة اسرتي ولا استطيع الانتقال الدائم ثانيا اذا هاجرت لاي دولة اخري فلن يهمني
    انتخابات بها او تعديل دستوري او اي امر يحدث بها علي الاطلاق و في نفس الوقت لن استطيع ان انتقد بلدي طالما لست علي ارضها
    فمشاكلي حلت بالهجرة منها

    مفهوم الغربة يختلف من انسان لاخر واسباب التغرب تختلف ايضا
    اعانك الله علي غربتك

    ReplyDelete
  50. أُكتب بالرصاص
    وصاحب واحدة من اجمل المدونات
    مين هانسأل عن الناس دول
    والله كتييييير
    و مش بعيد نكون من اللي هايتسألو

    وعلي راي المثل :)
    الشعب يوماً أراد الحليب فلابد وأن يستجيب البقر
    طب الشعب عايز حليب البقر مالة مزرجن لية

    ReplyDelete
  51. كاتشب
    بس دول أصلا كانوا مرتاحين و حد طقت في دماغه يعذبهم
    يعني فيه وسيلة لراحتهم و كانت مطبقة فعلا يبى ليه القرف

    قلت زمان في مدونتي : أي مكسب ناخده لكبار السن دا رصيد لنا لما نوصل المرحلة دي

    ReplyDelete
  52. ياه
    مش عارفه اقولك ايه
    يمكن الناس دول انا بشوفهم كل اول شهر
    اعدين ادام مكتب البريد
    من الساعه 6الصبح
    علشان يلحقو يخدو مكان لما المكتب يفتح الساعه 10

    شعور مؤلم اوي لما تشوفهم اعدين في الارض عملين يواسو بعض
    بالزياده المزعومه
    الي طلعت في الآخر متكملش 10جنيه

    عارف لما تسمع كلمهم تحس اد ايه الناس دول مطحونين اوى
    ومنسين اوي اوي

    تحياتي يا فندم

    ReplyDelete
  53. يوووووووووووووووووووووووووووووووووووووووووووووووووووووووه
    يعنى الواحد ناقص

    ReplyDelete
  54. أكيد طبعا انا فاهم قصدك
    و في طرق كتير الناس ممكن ترتاح بها ..
    علي الاقل خالص يتبعت لهم المعاشات في البيوت رحمة بيهم
    او او او حلول كتير جدا
    :::
    قلت زمان في مدونتي : أي مكسب ناخده لكبار السن دا رصيد لنا لما نوصل المرحلة دي
    :::

    عندك حق طبعا يادكتورة

    ReplyDelete
  55. حاجة تقطع القلب و الله
    ربنا يعينا نساعد الناس دي
    و يقصف عمر اللي مشردهم


    اوروفوار

    ReplyDelete
  56. bluerose
    يا دكتور للاسف شكلها مفيش مكاسب لحد
    ما هو معلش يعني فلنفترض انهم ريحو الناس والمعاش دليفيري
    بس في النهاية المعاش 200 جنية
    هايصرفوهم علي الريفو و الشاي

    ReplyDelete
  57. محض روح
    شوفتي بنفسك يعني الوضع مهبب ازاي
    العشرة جنية دي مبلغ في زيادات بتكون 3 و خمسة جنية اقصاها

    ReplyDelete
  58. elkamhawi
    معلش يا عمنا امسحها في اللي جنبي

    ReplyDelete
  59. ketchup
    طب مادام انت عارف ان عندها حق بتقاوح لية
    الفلكة يا جاااااااااااااااااااااابر

    ReplyDelete
  60. bastokka طهقانة
    وهو انتي في حاجة تقطع قلب يا شيخة اتقي الله في الغلبان طهقان
    الراجل بقي عامل زي الخرقة

    ReplyDelete
  61. يا سيدى متخفش
    مش انت

    ReplyDelete
  62. يارب يخليك ليا

    تسلم


    ايوة كدا يا راجل
    الواحد حاسس انه وراه رجالة

    ReplyDelete
  63. احمد عزميMonday, 05 November, 2007

    والله عندك حق..
    بئى الرسول كان بيستعيذ من الشيخوخة والضعف يقوم الكلاب يعملوا فيهم كده..
    هى ناقصة؟
    حسبنا الله ونعم الوكيل

    ReplyDelete
  64. الناس ماتت السنه دي مش عارفه البلد دي عامله ليه كده

    ReplyDelete
  65. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete

بعبع وقول اللي في نفسك يا خويا