Wednesday, December 05, 2007

سنة و شوية

منذ عدة اشهر مر عام منذ اكتشافي عالم التدوين
حقيقي لم اكن لاتخيل في يوم من الايام انا اسمع اسم مدونتي يذكر في عدة محافل و انا موجود دون ان يعلم القائل او المستمع اني صاحبها لم اتخيل ان يكتب عنها في بعض الجرائد و ان يتم الاقتباس منها
و ان يذكر اسمها في تقارير لامن الدولة او امام المحكمة للبت في اغلاقها
لم اتوقع ان توضع كوصلة في مواقع و مدونات كمفضلة لاصحابها
لم اتوقع ان تعد من المليون الاول علي الانترنت
لم اتوقع ان يتجاوز زوارها السبعون الف شخص
لم اتوقع الكم الكبير من رسائل كراهية وسب و لعن و تعليقات سمجة لشخصي الضعيف ولا ايضا رسائل التقدير و الشكر من اخرين
لا اعرفهم ولا يعرفونني الا من خلال حروفي
خليط عجيب و غريب ترك بصمة لا تقدر بثمن فانا علي يقين ان الانسان لا يتعلم بمفردة بل من تجارب الاخرين و فكرهم فكل شخص اضاف تعليق عندي قد اضاف شيئا و لو يسيرا لي لن استطيع ان اذكر اسماء بعينها حتي لا انسي احدا ولن استطيع تحمل هذا
فهناك من عرفتهم عن طريق التدوين حقيقي اناس استحقو مني كل احترام و تقدير لشخصهم و فكرهم بغض النظر عن الديانة او الجنس او الهوية
علق بعض اصدقائي سواء مدونين او غيرهم علي قلة كتاباتي
لا اعلم السبب الرئيسي فليس فقط انشغالي في العمل او سفري الدائم
ولكن بعد فترة من تركي لمصر شعرت باني لا استطيع ان اعيب فيها و انا خارجها
كما لو اني اغتابها ففي النهاية هي وطني و زي ما بنقول لحم كتافي من خيرها
و ان كرة الاخرون منسلخي الهوية ربما هي مرحلة و اعود للكتابة و ادوشكو من تاني بس اعذروني الفترة دي اخيرا اريد ان اشكر كل شخص عرفتة عن طريق التدوين فقد اضاف الي

41 comments:

  1. This comment has been removed by the author.

    ReplyDelete
  2. السلام عليكم ورحمة الله وبركاته

    كل سنة وانت طيب يا استاذ اسلام
    وعقبال 100000000000000000000000سنة تدوين
    وياريت ترجع قريب تسعدنا بتدويناتك الجميله

    ReplyDelete
  3. احب فى الاول اشكرك على ما قدمت فى المدونة من اعمال ادخلت البهجة على من قرائها رغم ما تتحدث عنه من (بلاوى)ومشاكل

    انشا لله الف عام من التدوين فى نجاح مستمر

    اعتقد ان ما تلقيت من ثناء او اعجاب لم يكن الا ثمرة لعملك وجهدك وموهبتك

    اما مالقيتة من عداء فهو دليل اكبر على النجاح بتفوق فلكل ناجح اعداء

    بجد وحشتنا كلماتك الرائعة
    لاتطيل الغياب مرة اخرى

    مع فائق تحياتى واعجابى لحضرتك

    ReplyDelete
  4. كل سنة وانت طيب يا اسلام
    تسمحلى اقولك اسلام حاف من غير ما اغمسها^_^
    بجد انا لو اقولك كل يوم بادخل ادور على بوست جديد ليك مبقاش ببالغ
    مدونتك ضحكتنى بالدموع على وجع حبيبتى وحبيبتك اللى لحم كتافنا كلنا من خيرها
    بس صدقنى
    لو انت بتقول عن نفسك ناكر جميل لانك مكسوف تكتب وانت براها يبقى احنا واحنا بنكتب جواها قلالاة اصل على كدا!
    بص يا اسلام باشا-غمستها اهه- مش حاجة تزعلك او تدايقك لمجرد انك برا واحنا جوا
    امنا بعافية شوية ومعادتش قادرة على خدمتنا
    فخرجنا احنا عشان نخدم نفسنا ونشيل عنها شوية
    مش قضية يعنى بتحصل
    بس عشان سبناها ومشينا نسيبها كمان بوجيعتها من غير ما ننطق حتى؟
    يا اخى دا لو اللى ماسكها من رقبتها جزار واحنا كتاكيت
    اقلها هانصوصو عليها
    صح؟؟؟؟

    روق يا فندم تاك ات ايزى
    ومش تحرمنا منك

    ReplyDelete
  5. كل عام وأنت بخير يا أستاذ
    بس انت بتوحي كدة إن العمود الرئيسي للمدونة هو نقد أحوال مصر
    النقد إذا كان للإصلاح والتنبيه على الأخطاء فهو شيء آخر غير التشهير

    ReplyDelete
  6. كل سنة و مدونتك بخير
    و عقبالي يا رب
    مدونتي بقالها شهر بالتمام و الكمال
    تحياتي

    ReplyDelete
  7. رفقة عمر
    عزيزتي و صديقتي في التدوين
    و من المدونين الذين استفدت منهم و من النقاش معهم ومن نوعية افكارهم المطروحة و التي اسعد دائما بتواجدها في مدونتي

    ReplyDelete
  8. خمسة فضفضة
    دكتورتنا و اللي هاريانا انتيبايوتك
    و انتي طيبة يا فندم
    و ان شاء الله اكثف الجهود

    ReplyDelete
  9. WhatEver?!!!
    جزاك الله كل خير
    ولن اطيل الغياب وعد ان شاء الله
    احترامي

    ReplyDelete
  10. ظل الشمس

    يا فندم حاف او بالجبنة
    ولا تتخيلي كم اسعد عندما استطيع ادخال السرور علي احد
    فهذا في حد ذاتة يكفيني
    وكلامك شهادة اعتز بها
    بس معلش تعالي هنا
    انا مقلتش ناكر جميل للجميل دي خالص
    انتي هاتقوليني اتقي الله
    الفكرة ايضا اني دائما ما كنت انتقد شيء الا و اكون عاصرتة بنفسي
    حاليا نظرا لوجودي خارجها فكل ما امكلة متابعة الاخبار من بعيد بدون مشاركة حقيقية
    علي اي حال انا مروق علي الاخر صباح الجمال

    ReplyDelete
  11. عصفور المدينة
    عزيزي صباح الفل
    لا طبعا ليس الغرض النقد للنقد
    و لكن في بعض الاحيان بتكون فضفضة
    او محاول لتوضيح موقف غامض للاخرين
    او امل ان تعالج الكلمات امرا

    يسعدني دائما وجودك و نقاشك يا بشمهندس محمد

    ReplyDelete
  12. موجة
    مبروك المدونة و تتربي في عزك

    ReplyDelete
  13. كل سنه وحضرتك والمدونه بخير يارب
    بصراحه اللى يدخل مدونتك مره يدمنهااا
    يلا خلينا نكتر الزباين بس مش هنعالجهم انهم ميدخلوش لا هنعلمهم منك
    العبره مش بكم التدوينات العبره بالكيف زى ما بيقلوا
    المهم متغبش عننا كتير
    تحياتى لك يا استاذى

    ReplyDelete
  14. واحد من الاخوان المسلمين اسمه احمدThursday, 06 December, 2007

    واضح ان انا زودت عدد الناس اللى بيعلقو على مدونتك و واضح برده انى بقيت رقم 70001 من الناس اللى بتدخل وتشوف المدونه بصفه مستمره بس انا شايف ان نجاح مدونة حضرتك ما هو الا انها تعبر بشكل كبير عما هو بداخل كل شخص فى بلدنا شايف الفساد و نفسه يغيره و نصيحتى ان حضرتك تعطى حلول مع عرض المشاكل لعلها يتخذ بها و عشان محدش يقول بنقول كلام و خلاص و تعالو اقعدو مكانا و وورونا هتعملو ايه و كده و شكرا و مع الاستمرار و النجاح ان شاء الله

    ReplyDelete
  15. انت ناس من القلائل اللي في النت اللي الواحد ممكن يقرأ لهم باستمتاع يا اسلام

    وتستاهل كل خير

    ReplyDelete
  16. اولا كل سنة وانت طيب وعقبال الف سنة على المدونة ..وتكون بصحة وعافية ان شاء الله ...

    اما عن المدونة دى ...فبجد فضلها كبير جدا علينا كلنا ...كفاية انى بجد كل ما بدخلها بحس بالواقعية اوى ...


    اتعلمت منها كتير ..لو فضلت من هنا للسنة الجاية احكى عن اللى اتعلمته منها مش هانخلص بجد وهاتزهق منى ..


    بس بجد ياريت مش تسيب المدونة ابدا ومش تتأخر علينا ...بجد مواضيعك بستناها بفارغ الصبر


    ....


    تحياتى

    :)

    ReplyDelete
  17. اولا اسمح لي ااقولك (معذرة) انا حاسه انها اجمل مدونة عامة انت كتبتها لاني حاسه بكلماتها اوي اوي

    يمكن لاني انا كمان متغربة وبعيدة عن مصر

    لانه مهما كان في بلدي فاهي في عنيا اجمل من كل البلاد لسبب واحد انها بلدي اللي هارجع لها وهي مستنياني

    الحمد لله رب العالمين

    على فكرة بالرغم ان اول (وآآآخر خناقة ان شاء الله بيني وبينك )
    كان سببها موضوع في مدونتك

    بس انا عرفت هي اد ايه غالية عندك فعلا

    وعلشان كده هي من اول الحاجات اللي عندي في ال favorites

    وبردو ما انساش ان المدونة بتاعتك خلت ناس تعرف مدونتي وتقرأها

    بالرغم انها مدونة شخصية بالدرجة الاولى

    وانا كمان عرفت مدونات كتيرة ودخلت وقرأت مدونات حتى وان لم اعلق

    مدونتك فعلا بوابه لكتير فعلا من المدونات


    وبالرغم من اني مش باحب السياسة ليس لسبب الا اني يكفيني همومي ومشاغل حياتي وشغلي فامش نقاصة دوشة

    الا اني لما باحب اقرأ عن السياسة والنقد فعلا باحب اقرأ في مدونتك

    لانك بتعرض الاراء كلها وبعدين بتقول رايك

    ونقد في الصميم من غير هدف سواء كان ديني او سياسي

    فااسمح ااقولك (دائما .انت مدونا لنا بكلماتك الذهبية.. تحفر اسمك في سماء المدونات ...بحروف من فضة )

    شفت كلمات ذهبية ..مش موضوعات ذهبية

    عد بقى كام كلمة ذهبية
    هههههههههههههههههههههههه

    وبعدين هما اصحاب المدونات فقط اللي اضافوا ليك ؟
    مافيش بتوع قهاوي ؟؟؟؟؟؟

    اما صحيح طلعت قسم مطبخ
    ههههههههههههههههههههههههههههههه


    بتاكل وتنكر زي القطط
    هههههههههههههههههههههههه


    نرجع لموضوعنا

    الكلمة امانة ورأي وانت برعت في الاتنين فعلا

    وخصوصا في التعبير عن الاراء كلها

    ومازلت شيفاك بردو كاتب رائع بالاضافة للتدوين

    وبمناسبة مدونتك المرة دي اسمح لي افكر وامخمخ في تاج معتبر بمناسة احتفالك بمدونتك

    بس يارب ما تزوغش من أسألتي ببراعتك وخفة دمك وسخريتك اللذيذة


    واخرا احب اختم كلامي هنا
    (يعني ان شاء الله ليس آخراً)

    افتكر يا جماعة اول موضوع قرأته ل (جعان) زميلي العزيز كان (عض قلمي ولا تعض رغيفي )

    اول اول موضوع قرأتهولك فعلا

    وكان جميل فعلا
    ومازال جميل طبعا

    مبدع انت دائما يا زميلي العزيز (يا جماعة مش زميلي في الكتابة لاني مش باعرف اكتب ...لكن زميلي في الانترنت لما كنا مشرفين في موقع )

    يسعدني جدا اني اقرأ لك على صفحات الانترنت

    وان شاء الله مؤلف كبير وعظيم واشوف لك كتاب

    واسمك ينافس (احمد رجب والسعدني)

    ReplyDelete
  18. لماضة
    وانتي طيبة يا دكترة
    ووعد لما تاخدي اللقب رسمي
    هابعت عليكي زباين

    ReplyDelete
  19. واحد من الاخوان المسلمين اسمه احمد
    يسعدني تواجدك و ان مدونتي حازت اعجابك
    واكيد عندما يستطيع احد ان يعبر بشكل واقعي عن ما يجول بخاطر الناس
    يؤدي الي جمع الناس حولة
    زي بطل السينما الذي يضرب 7 باليمين و 9 بالشمال
    فالواقع غير ذلك لكن الحياة في الحلم جميلة

    نصيحتي انا لك ان عرض الحلول مع المشاكل امر مثالي و خيالي اكثر من الازم
    فانا لست خبير اقتصادي او عسكري او متخصص بوضع استراتيجيات دول
    فانا اعرض الامر وذو الخبرة و الكفاءة هم من يستطيعو تقديم الحلول
    والا اصبحنا مثل متفرجي ماتشات كرة القدم
    فكل مشاهد معتقد انة لو نزل الملعب كان جاب الف جون

    ReplyDelete
  20. أُكتب بالرصاص
    و انت من القلائل الذين يكتبون باحترام
    تحياتي يا ابو سيرين

    ReplyDelete
  21. اخيرا حضرتك نزلت بوست (:
    عود احمد ..بإنتظار جديدك دوما (:
    عقبال السنه الـ65 فى عالم التدوين ..

    ReplyDelete
  22. كل سنه وانت بألف خير
    وإن شاء الله تبئى مع المدونه
    100 سنه كمان
    ويبئى كفايه أوى أوى علينا وعليك
    بعد الــ 100 سنه دول
    ((((: دمت بكل الخير

    ReplyDelete
  23. ربنا يديك طولة العمر وتعيش وتدون..
    لا اخفي اعجابي باسلوبك وقلمك
    واتمنى لك التوفيق
    واتمنى لنا جميعا ان نرى مصر التي نريدها ..

    ReplyDelete
  24. كل سنة وانت ومدونتك بالف صحة وسلامة
    مدونتك بجد من احلى المدونات على النت كله
    كفاية اسلوبك والابتسامة الى بترسمها على وشنا
    روح يا شيح
    ربنا يخليك لمصر وللمدونين الغلابة الى زينا
    جزاك الله كل خير
    وربنا يوفقك فى حياتك كلها

    ReplyDelete
  25. كل سنه ومدونتك موجوده وبتكبر

    بجد بوست رائع
    غريب جدا
    بعد ماكنت بدخل اضحك من الاسلوب الساخر بتاع حضرتك

    سبحان الله
    اللهم اكرمك ويعزك ويرجعك لمصر بالسلامه

    ReplyDelete
  26. كل سنه وانت طيب
    كل سنه ومدونتك من احسن المدونات
    مدونتك فعلا تستحق المدح وتستحق انها تكون احسن المدونات وتسحتق هذا العدد الكبير من الزوار
    تحياتى

    ReplyDelete
  27. شكرا قوى استاذى
    معقوله احضرتك استفدت منى دة كتير عليا قوى والله
    دايما استاذى متواضع جدا
    ولو كنت عرفت اكتب بعد فضل الله لا انسى فضل من علمنى التدوين وحببنى فيه وحفزنى انى اعمل مدونه
    ودايما اعمل بنصيحتك اكتبى اللى بتحسيه وبس وانا ماشيه على الوصيه دى لغايه دلوقتى
    جزاك الله خيرا ويارب دايما معانا
    وبتثرى مجتمع التدوين يافكارك وارائك
    ايه بتثرى دى يالله لغه عربيه فسحه

    ReplyDelete
  28. واحد من الأخوان أسمه أحمدMonday, 10 December, 2007

    وجهة نظر تحترم جداً - أقنعتنى

    ReplyDelete
  29. oceaneyes
    و انتي طيبة
    وحقيق سعيد بشعورك و اني اضفت لاحد شيء و لو يسير
    و ان شاء الله هاحول انظم وقتي و انزل مواضيع علي فترات متقاربة

    ReplyDelete
  30. nada_adly
    ابلة ندا و
    احد الحساسين علي النت
    وانا فعلا حاسس اني اضفت لما بتقولي انك بتستطيع استياغ السياسة عن طريق قرأتها في مدونتي
    فواحد من اهدافي اني احاول ابسط رؤي سياسية للشباب امثالي
    فطول عمري متعقد من كلاكيع السياسة مصطلحات كانت او افعال

    بالنسبة بقي للتاج
    ما انا نوهت قبل كدة التاج مرفوع و الزعل ممنوع
    بس ممكن نعمل استثناء
    يعني مش مشكلة وكلة علي الفاتورة و انتي حسابك تقل

    وشكرا علي مجاملتك الجميلة

    ReplyDelete
  31. radwa
    ربنا يديكي و يدينا طولة العمر
    دة يبقي كرم من عند ربنا لو عشت سعشر سنين كمان مع حرقة الدم دي

    ReplyDelete
  32. cinderella
    و انتي طيبة يا فندم
    بس انا متخيل يعني لو ربنا اراد و عشت 100 سنة
    يكون في ممرضة هي اللي بتكتب المدونة

    ReplyDelete
  33. Mask
    الله يكرمك و اتمني تظل معجب كدة علي طول
    سعدت حقيقي بكلامك

    ReplyDelete
  34. البنت الشلبية
    و انتي طيبة
    بجد يكفيني اني قدرت اسعد حد بكلامي
    ربنا يخليني لمصر

    ReplyDelete
  35. عاشقه الفردوس

    مكملتيش بعد ما كنتي بتدخلي تضحكي
    اية اللي حصل دلوقت
    قلبت غم خلاص؟

    ReplyDelete
  36. 3ala asm masr
    وتحياتي انا لكي

    ReplyDelete
  37. رفقة عمر
    يا رفقة
    لا لاحد فضل عليكي
    فانتي حقيقي وبشهادة كثيرين صاحبة مدونة متميزة وذات خط واضح
    تحياتي لكي

    ReplyDelete
  38. واحد من الأخوان أسمه أحمد

    احترامك لوجهة نظر الاخرين في حد ذاتة
    يستحق التقدير
    تقديري

    ReplyDelete
  39. الف مبروووووووووووك على افتتاح المدونة اللى كانت من ضمن المدونات اللى شجعتنى انى ادخل عالم التدوين

    بجد شكرا على مواضيعك المفيدة واسلوبك الساخر اللى كان بيخلينى اضحك قدام الشاشة لوحدى كدة زى العبيطة هههههههههههه


    كل سنة وحضرتك والمدونة بألف خير يااااااارب

    ReplyDelete
  40. كل سنة وانت طيب يا اسلام
    تسمحلى اقولك اسلام حاف من غير ما اغمسها^_^
    بجد انا لو اقولك كل يوم بادخل ادور على بوست جديد ليك مبقاش ببالغ
    مدونتك ضحكتنى بالدموع على وجع حبيبتى وحبيبتك اللى لحم كتافنا كلنا http://www.ahba2b.com/

    ReplyDelete
  41. هو نفسي شعوري دلوقتى وانا فاضل ليه ايام على تمام السنه سبحان الله

    ReplyDelete

بعبع وقول اللي في نفسك يا خويا