Saturday, January 12, 2008

انا جيت

السلام علي من اتبع الهدي و البلغة لكل من سار خلف الهوي
جايز و حشتكو و جايز كسرتو ورايا عربية قلل قناوي
لكن الاكيد اني افتقدكم كثيرا يارفقاء التدوين
و كنت كل شوية اشقر عليكو و اتفرج الحال وصل بيكو لاية
يعني كنت مراقب كل نفس داخل و اي غازات خارجة من االمدونات ... انتو بتتعاملو مع اذكي جهاز مخابرات في شرق التفريعة

الفترة المنصرمة بما فيها اجازة العيد كنت مقضيها في مصر

وبدأ من محلات الاكل بجميع انواعها و اشكالها مرورا بالسينمات و القهاوي البلدي و العجمي

وكل ما يخطر علي بال احدكم في مصر زرتة و اخدت جرعة لا بأس بها تكفيني لعدة اشهر
وخصوصا من الفول و الطعمية المصري التي لا تقارن في اي دولة اخري بدأ من زيت العربيات ونهاية بعجينة السوس و الدود

فقد نزلت ضيفا علي احد المطاعم الشهير بالفول و الطعمية بالقاهرة ( مش هاقدر اقول اسم المحل علشان الدعاية و الضرايب و التموين و حقوق الانسان)
و كان شكل الاطباق الفاضية ان في علي الاقل قدرتين فول و عشرين كيلو عجينة طعمية تم استهلاكهم من قبلي انا و اصدقائي
اعتقد ان صاحب المحل اضطر انة يرمي بعض اقراص الطعمية خارج المحل لكي يستدرجنا بالخروج و ترك المكان

لاحظت حاجة غريبة المرة دي في الاجازة
انتشار الشحاتين في مصر بدرجة خيالية لم اعهدها من قبل في المحروسة
وفي جميع الاماكن بلا تمييز راقية او شعبية حسب التمييز العنصري
فاذا دخلت بسيارتك في طريق القطامية المتجة للقاهرة الجديدة و التجمع الخامس و مرتفعات القطامية
اللي مبيسكنش فيها غير الكائنات الفضائية القادرة علي دفع زليار جنية في الفيلا
تجد الشحاتين و بعض الاطفال العرايا و السعادة تطل من اعينهم ظنا منهم ان القيامة قامت و ربنا باعتلهم ما يعوضهم عن ما عانوة من فقر و يتعلق الشحاتين بالسيارات و يقفز الاطفال العرايا فوق الاسقف كل ماسكا عورتة و هو في غاية السعادة و البعض يقوم بالتبول في فتحات السقف الموجودة في السيارات ظنا منهم انها لا مؤاخذة تواليت افرنجي
ربنا يرحم عبيدة

ثانيا دلوقت لما تدخل اي مول او هايبر ماركت انت بتمشي بقوة الدفع
يعني تلاقي طابور وراك عمال يزق في اللي خلفوك بلا اي مبرر الا من باب التسلية
و ان اي حد يكلمك بدون سابق معرفة تاكد ان الحديث هاينتهي بدفعك عدة جنيهات
في المطار و انا بعدي الشنط في الاكس راي الامين اللي واقف عند الجهاز عمال يقولي كل سنة و انت طيب يا استاذ
اقولة و انت طيب يا اخويا

يروح عايد نفس الجملة كل سنة و انت طيب
واستمر الامر عدة مرات لحد ما زغرتلة وقولتلة هو النهاردة عيد ميلادي و انا معرفش و لا اية
طبعا اول حاجة عملتها لما روحت البيت قريت اكتر من 30 جرنال و 20 مجلة مرة واحدة
محاولا اللحاق بما فاتني في ام الدنيا
اكتشفت ان المواضيع هي هي كل اللي بيفرق ان اللي بيقولوها ناس مختلفة كل مرة
وطبعا غلاء الاسعار اللي استفحش
والاكل و المية اللي طعمهم زي عصير السردين الحامض
وسحابة الدخان بتاعة كل سنة بجد وحشتني اوي
و انتهت اجازتي بنزلة برد حادة خلتني الف حوالين نفسي واربعت كم من الادوية و المضادات الحيوية
اعتقد يعاقب عليها القانون

علي اي حال انا رجعت اهو و قريبا ادون و اصدعكو معايا من تاني
وسمعني السلام الجمهوري
اقف ياض منك لة

43 comments:

  1. حمدا لله على سلامتك يا سلطان الجعانين :)
    كل ده يحصللك في أم الدنيا واحنا عايشين

    ReplyDelete
  2. الحق بس تانى تعليق

    وارجع بعد ما أقرأ

    ReplyDelete
  3. وحشتناااا جدااااا ياشيخخخ

    انت كنت فين كل دةةةةة

    قلقتنا عليك بجد

    ..............

    عاوزة بقى حساب التكسيات اللى غرمتهانى عشان كل شوية اخش ابص عليك

    هههههههههه

    نيااااااههههاااا

    ..............

    متتصورش مقدار سعادتى لما لاقيتك علقت عندى النهاردة

    انا اكيد بحلمممممممممممم

    حد يقرصنى يا جمااااااااااعة

    ReplyDelete
  4. السلام عليكم ورحمة الله وبركاته

    الف الف حمد الله علي السلامه

    وانا اقول هي البلد كانت منوره ليه ، اتاريك كنت هنا

    وزحشتنا تدويناتك يلا بقي ارجع دون بنتظام وكفايه كسل

    كل سنة وانت طيب

    ReplyDelete
  5. حمد لله على السلامه
    اه والله حقيقى افتقدناك جدا
    والف سلامه على دور البرد
    طيب كنت ادينى خبر كنت جبت العده بتاعتى وجيتلك
    :)

    ReplyDelete
  6. أولا حمد الله على السلامه ومرحباً بك مره أخرى في المملكة العربية السعودية بنين (أصل أنا زميل برضة بس قبلك بكام دفعة :) )
    وأحب أبشرك إني كنت في نفس الرحلة لمصر بعيد مع أهلي وكدة ونفس الواقع المرير خبط فيه ابتداءاً بكل سنة وانت طيب يا بيه ومروراً بالمصلحجية اللي مبيعملوش حاجة وبيشحتوا بطريقة مقننة وزحمة المولاتت وهبل اللي سايقين العربيات وإنتهاءا بنزلة البرد الحادة وتعاطي أدوية منزوعة المادة الفعالة واللي كباية الليمون السخن أبرك منها مليون مره

    وكل سنة وانت طيب يا بيه ويجعله عامر

    ReplyDelete
  7. حمدا لله على سلامتك وانت المفروض تستكشف الواقع من المدونات قبل ما تنزل عشان تاخد احتياطك

    ReplyDelete
  8. حمدا لله على السلامة يا بشمهندز جعان
    إن شاء الله يجيلك يوم وتشبع
    أما بقى الجماعة الشحاتين سواء بشكل صريح أو مقنع فأنا شايف إن لهم حق ما الحالة زفت والشعب كله هيموت علشان مش لاقي ياكل
    وربنا يحفظ الزعيم ويخليه لمصر هو مين : هوجو شافيز طبعا

    ReplyDelete
  9. السلام عليكم
    أنا قعدت قلبت في المدونة دي كتير قبل ما أعلق هنا
    بسم الله ما شاء الله مدونة 10/10
    ربنا يكرمك يا إسلام
    و سلم لي على أسامة و قول له واحد بلدياتك من دمنهور بيسلم عليك
    كويس انك عيدت هنا
    أنا بأستعد حالياً للسفر للسعودية للشغل برضه و قلقان ربنا يستر

    ReplyDelete
  10. حمد الله ع السلامة يا استاذنا .. وانا اقول ليه الفول خلص اتاريكم قضيتم عليه .. بس يلا فداكم بالهنا والشفا

    وكل سنة وانت طيب
    :D

    ReplyDelete
  11. Ali Abu-Taleb
    ابو رقية الله يسلمك
    شوفت اللي حصل و انت علي وش الدنيا

    ReplyDelete
  12. مروة الزارع
    حد قالك تيجي في تاكس ما الميكروبصات مالية البلد
    او توكتوك
    انا مش عارف اية المنظرة الفارغة دي
    حد يعضها يا اخوانا

    ReplyDelete
  13. خمسة فضفضة
    الله يسلمك يا دكترة
    انا برضة كنت شايف ان البلد نورت بزيادة
    حتي الفاتورة جت الشهر دة غالية

    ReplyDelete
  14. لماضة
    الله يسلمك و الله و انا افتقدوكو جدا
    اديني اديتك خبر
    ايدك علي حساب الدوا

    ReplyDelete
  15. Tamer Hamza
    يا اهلا برفقاء الغربة
    انتم السابقون و نحن الاحقون

    ReplyDelete
  16. حمد لله عالسلامة يا معلم :)

    كنت مفتقد كتاباتك والله
    انا عملت مدونة جديدة .. وطبعاً مدونتك منورة قائمة المفضلة عندي ..
    عايزين نتقابل قريب لما طه ييجي من مصر ان شاء الله .

    تحياتي

    ReplyDelete
  17. حمد الله على سلامتك يا جعان
    والله التدوين كان مفتقدك واحنا كنا مفتقدينك
    ليك وحشه والله

    ReplyDelete
  18. طيب يا راجل مش تزمنا علي طعمياياه حتي
    نورت يا جعان و الف سلامه عليك

    ReplyDelete
  19. معقول تروح للتابعي ماهو يا التابعي يا اخر ساعة دول اشهر بتوع كباب وكفتة ممصري على فكرة انا قريت البوست دة من الجروب وماكنتش عارفة انك مشترك فيه معانا عموما نورت المحرسة الماروصة وهتيجي تزورني ولاhttp://nonoymm.maktoobblog.com/
    دة رابط مدونتي التانية روحهم همة الاتنين عشان تدخلهم التاريخ

    ReplyDelete
  20. عصفور المدينة
    لله يسلمك يا ريس
    استكشفت و الظاهر السونار كان غلط

    ReplyDelete
  21. مصعب
    الله يسلمك يا استاذنا
    و ان شاء الله نشبع كلنا
    وسلام مربع مدور للحكومة الرشيدة

    ReplyDelete
  22. مهندس مصري
    يا اهلا بريحة الحبايب و ان شاء الله اوصل سلامك يا بشمهندس
    وتوصل بالسلامة

    ReplyDelete
  23. إنـســـانـة
    يا اهلا بيكي يا فندم
    انا اعتقد اننا سببنا نقص في محصول السنة دي من الفول اساسا

    ReplyDelete
  24. البنت الشلبيةTuesday, 15 January, 2008

    الحمد لله على رجوعك بالف سلامة يا كبير
    واحلى سلام وتحية
    وادعى ربنا ان الاجازة الجاية تكون بنفس المظاهر او اقل عشان متجيش لا قدر الله وتلاقيها زادت للاسوء

    منور البلوجسبوت كلاته
    :)
    كل سنة وانت طيب

    كل سنة وانت طيب

    كل سنة وانت طيب
    هع هع هع

    ReplyDelete
  25. ههههههههههههه


    جامدة طحن حتة السلام الجمهوري...{بنا يرحم اللمبي


    حمدا لله على السلامة يا ابوملك

    ReplyDelete
  26. الف حمدالله على السلامه منور المدونه تانى
    وكنت منور مصر والف سلامه عليك من البرد خد اتنين فلوتاب وهاتبقى عال ان شاء الله (لا انا مش دكتوره انا بفتى زى اى حد هنا عادى يعنى)

    ReplyDelete
  27. اتارى مصر كانت منورة
    مستنيينك بقى
    مش تغيب الله يخليك

    ReplyDelete
  28. حمد لله علي سلامتك

    اتاري مصر منوره

    الف سلامه عليك
    شافاك الله وعافاك

    :::::::::::::::::::::::::::::::::


    علي فكره التدوينه اللي كتبتها مقصدتش بس ان الحجاب بس هو اللي ناقصنا بالعكس احنا فيه حاجات كتيير سايبينها
    لو حضرتك اخدت بالك
    تدويناتي كلها بتنصب علي خلل معين
    او خلق احنا مفتقدينه

    جزك اللع خيرا علي تعليقك
    وربنا يكرمك ويشفيك عاجلا

    ReplyDelete
  29. حمد لله علي السلامة يا نجم
    نورتن مدونتك

    ReplyDelete
  30. welcome back!..we missed you a lot wallahi..do not be away for a long time yabo malak

    ReplyDelete
  31. وعليكم السلام ورحمة الله وبركاته

    عايز اقلك اهلا وسهلا والكلام الحمضان ده ولا اخش دوغرى في الموضوع ؟

    انت اتكلمت على كل حاجة ومتكلمتش على الفيس بوك ... المصريين يخشوا في اي حاجة يخربوها

    سيبك انت المدونات من غيرك زي البنات من غير ضفاير :]

    ReplyDelete
  32. السلااااااام عليكممم

    ياهلاااااا ومرحباااا نوركم غطا عالمسطبا:))

    منووور يااستاذنا وحمدلله عالسلامة

    شايف مصر جميلة ازاى

    لا وبتزداد جمالا يوم بعد يوم

    شامبو بانتين بيعمل شغل برضو:)

    ومستنيين مواضيع جديدة ماتغيبش علينا كتير

    سلاااااام

    ReplyDelete
  33. أية يا عم

    انت جيت ورحت تانى

    انت فييييييييييييين؟

    ReplyDelete
  34. حمد الله على السلامة
    كتابات سعادتك غاية فى الظرف والله بدون مجاملة

    ReplyDelete
  35. هههههههههههه...حمد الله ع السلامه...و الله بستناك علي نار
    المهم ألف هنا و شفا يا صاحبي و عمار يا مصر
    تحياتي

    ReplyDelete
  36. فنان مسلم
    طاهر باشا
    ازيك يا فنان
    حقيقي لازم لينا قاعدة تانية

    ReplyDelete
  37. 3ala asm masr
    الله يسلمك و انا كمان كنت مفتقدكو جدا
    بس معلش اعذروني تلاهي الحياة

    ReplyDelete
  38. EmY
    و انتي مقامك طعمياية برضة
    شوال فول للاستاذة

    ReplyDelete
  39. nonoymm
    لا في اشهر منهم بس مقدرش اققول اسم علشان الدعاية
    و هاتشوفيني قريب في مدونتك

    ReplyDelete
  40. اولا حمد لله على السلامه
    ثانيا انت جاى تخبط فى بتوع القاهرة الجديدة ايه بس زليو ايه زليون دى ما علينا نورت مصر وبرضه بكل ما فيها انا لسه بحبها

    ReplyDelete
  41. appy
    الله يسلمك يا فندم
    و اخبط ازاي في بتوع القاهرة الجديدة و انا منهم
    و للعلم انا غارق حتي النخاع في عشق مصر
    و ان شق صدري لوجدتم شوارع و ميادين و بشر متربعين
    مش كلام افلام و لكن دي الحقيقة

    ReplyDelete
  42. نورت مكانك يا باشا


    تحياتى

    :)

    ReplyDelete
  43. حمد الله عالسلامه
    مع اني حساها جاية متأخر اوي
    بعد ما الاجازة خلصت

    ممكن بقا تحسبها حمد الله عالسلامة على رجوعك للسعودية

    طحياتي

    ReplyDelete

بعبع وقول اللي في نفسك يا خويا