Wednesday, January 23, 2008

كاس الحلل الافريقة


لم اكن يوما من محبي كرة القدم لعبا او تشجيعا
بل علي النقيض تماما ربما لعقدة مترسبة من الطفولة ايام لعب الكرة الشراب داخل المنزل وتحطيم عدد لا بأس بة ابدا من الفازات و التحف

تكفي لافتتاح متحف صغير و كان ينتهي الامر بعلقة محترمة
للعلم الكرة الشراب هي عبارة عن كرة مصنوعة من مجموعة شرابات و يشترط ان تكون قديمة و ذات رائحة مميزة حتي لا تختلط مع باقي الفرق
او لاني دائما كنت العب كحارس للمرمي و ينتهي الماتش بخناقة اشبة بالحروب الصليبية و كلنا يظن نفسة صلاح الدين محرر القدس
و كانت امي دايما ربنا يديها الصحة تقوم باخفاء الحذاء حتي لا اذهب للعب , ولكن كنت دائما انصح منها فكنت اروح بالشبشب فالامر سيان فانا حارس مرمي .....حتي كانت الطامة الكبر اذ اكتشفت الا مر ذات يوم كانت تظن اني في درس الفرنساوي و كانت هي في طريقها للمنزل و اذ فاجأتا امي في سيارتها وجها لوجة معي و انا حافي مرتديا فانلة حمرا عليها رقم عشرة اتصبب عرقا و طابق في زور احد اللاعبين و انتهي الامر بعلقة ما اخدهاش عبد اسود نط في قصر الحريم في العصر العثماني ...... و منذ ذاك اليوم و قد طلقت الكرة تلاتة ,علي اي حال كنت افضل الباتيناج ابو عجل و الفرجة علي البالية المائي
مرت سنوات عديدة وعام عن عام ازداد نفورا من الكرة المصرية دة احنا شعب من ايام الفراعنة و هو بيلعب كورة


ولم نحرز اي حاجة في اي حتة ويتكون المنتخب من مجموعة مرضي السل و الكساح لا يكاد احدهم يقطع الملعب الا ويقع مقلوب علي قفاة كما البط المستكوفي بعد تزغيطة و مش عارف ياخد نفسة الا ما رحم ربي وواحد ضارب شعرة اربع فرش دوكو انا مش عارف دة مش خايف علي راسة من البارومة ويوم نسمع عن لاعب بيضرب مخدرات و اخريين بيشيشوا وقريبا لاعبين بيضربو كلة


و نعيش حتي الان علي جون احرزة المنتخب من تمنتاشر سنة في كاس العالم ضد هولندا و انتهي الماتش بالتعادل
واصبح اهم من عبور اكتوبر
المهم نهار يوم اصر مجموعة من اصدقائي انهم ياخدوني الاستاد لان النهاردة الماتش النهائي و اللي هايكسب هياخد كام الف جنية و شقة و عروسة لكل لعيب و طقم شرابات اديداس و صاحب هدف الفوز هياخد طقم مشجر من جيل.


مش فاكر ازاي بالظبط تم اقناعي بالذهاب لكن فضولي الشديد في رؤية اللعيبة الذين يلهفون الالفات مقابل بعض الحركات و السباب المتبادل و التنطيطات بكرة جلد كان العامل الدافع لقيامي من قيلولتي اليومية و الذهاب للاستاد

لمن لا يعلم حال الاستاد يوم ماتش نهائي فهو اشبة بحلقات الاسود الرومانية اذا الكل يتصارع علشان يقعد جنب الاسد
كم هائل من البشر و لا يوم الحشر,فاذا كان الاستاد علي سبيل المثال يسع تلاتين الف متفرج فبلا شك الخلق دي لا تقل عن نصف مليون ,شوفت عشر انفار علي كرسي واحد و قد قارب احدهم علي السعار و بداء بعض اثنين من زملائة
و رجل واقف علي دماغ مراتة يحاول خنقها متحججا انة مش شايف .
فاذا كنت حسن الحظ و نالك من الحب جانب عدت الي بيتك بنصف شعرك محلوق و النصف الاقرع مكتوب علية عبارات تشجيع اما اذا كانت امك داعية عليك و كنت بجوار جماعة من هواة حرق الاعلام الاسرائيلية و الامريكية علي سبيل التشجيع و اللهاب الحماسة فانصحك ان تحاول تجنب رجال الامن المركزي المجندين فانهم ينقضوا كانثي الخرتيت المسعورة ناحية المتظاهرين ويفرقوهم بالضرب علي القفا تارة و الشلاليت تارة اخري مع قليل من اللسوعة بالخرزانات علي مناطق اخري ....
فلا فرق لديهم بين انسان و جماد الكل سواء و اياك و الخيالة فالخوف ليس من الراكب بل من المركوب فرفسة الحصان كفيلة بالقضاء علي ثور في اوج نشاطة فمابالك بالغلابة امثالنا
اذكر صديق ذهبنا لزيارتة في المستشفي كان السبب سنتدوتش جبنة بالخس كان في جيبة الخلفي و علي حظة الاسود لمحة الحصان و فضل يجري خلفة مسافة توازي ما بين ماليزياو القاهرة و لم يتركة الا بعد ان قضم الخس و بعض من صديقي.

علي اي حال بداء الماتش و ان كنت لا افهم الحكمة من ان يطارد 22 و عشرين شاب في صحة بغال استراليا قطعة جلد منفوخة
ورجل تبدو علية علامات الاحترام يرتدي شورت و فانلة سوداء و يقوم باخراج اوراق صفراء و حمراء من حين لاخر محاولا اقناع البغال ....عفوا محاولا اقناع اللعيبة باحترامة و ينتهي الامر غالبا بنزع الشورت عنة و زرعة في ارض الملعب كفحل بصل
كلة كوم و تعليقات الناس اللي قاعدين حواليك كوم فاذا اضاع اللاعب هدف فلانة حمار و جدودة بهايم و انة لو كان مكانة كان لازم هايجيب جون , و اذا اضاع تمريرة فذلك يعود لاصابتة بشلل الاطفال و العتة المنغولي الواضح
و انة لو مكانة كان حتما ولابد هايجيب جون فتشعر ان الجالس بجانبك جوزيف بلاتر او عبيدي بيلية علي اقل تقدير وتكاد تنكب علي يدية تقبيلا و بكاءا من الانبهار . انتهي الماتش و كاد الامر يمر علي خير
لولا امر واحد فانا من هواة خلع الاحذية عند الجلوس في مكان لفترات طويلة فاذا انا اتحسس بقدمي اسفل المقعد فلا اجد حذائي المصون.
انا اتنشلت الجزمة اتسرقت صارخا باعلي صوتي و يحاول اصدقائي تهدئتي و ارضائي بكافة الطرق بل ان احدهم عرض علي حذائة لكن للاسف مقاسي اكبر منة و انخرطت في نوبة بكاء علي حذائي الفقيد و ظن البعض اني عيل تائة فرق قلب احد المارة و قام باعطائي شبشب من ماركة ابو وردة علي سبيل القرض وعدت الي بيتي لاعنا الكورة و لاعنا ابو خاش اصدقائي حالما بالجلوس امام التلفزيون لمشاهدة تصفيات البالية المائي ...
لا اراكم الله مكروة في عزيز.

40 comments:

  1. جيت احجز اول تعليق بس وكمل قراية اهو
    :D

    ReplyDelete
  2. ههههههههههههههههه

    معلش اهو خدتلك شبشب بوردة تمام يعنى

    لا بجد انا فعلا مش عارفة ايه لازمة الكورة دى .. الإعلام هو اللى بيهيج الناس ويخليهم حيموتوا عليها اوى كدة .. ربنا يهدى

    ولما احنا عالم جامدة اوى كدة مانروح نحرر فلسطين طيب .. ولا هى غباوة وخلاص

    يلا بلا بتاع بقا


    تحياتى يا استاذى العزيز
    :)

    ReplyDelete
  3. يا سلام مين اللي بيقول ان الكورة مش مهمة

    ع الاقل فاتح بيوت ناس كتير
    بتوع اللب والكازوة مثلا لو مفيش ماتشات هيبعوا ازاي ؟
    بتوع السميط؟
    بتوع الطوب
    المصورين
    السماسرة ؟
    المعلقين الرياضيين
    بتوع الاعلام اللي بيصنعوا اعلام يعني
    احمد شوبير
    بتوع ميكروباصات الاستاد
    الرئيس اللي كل شوية يروح عشان يشوف الاهلي بيتغلب

    عايزينا نسيب كل ده ؟
    ونغلي توظيف هذا الكم الهائل من الموظفين في الوقت اللي بنحارب فيه البطالة
    ينفع كده يا جعان
    ينفع كده يا انسانة؟

    يعني نسيب السبوبة ديه ونروح نحرر فلسطين ؟
    طيب مين اللي يتبع موضوع انتقال سيد معوض بقي ؟

    ReplyDelete
  4. ياريت بس توصفلي شكل الكوتش لحسن يكون الواد اللي حلفلي ان ده الكوتش اللي سرقه من ابو تريكة في ماتش النهائي كداب ويكون ده كوتشك

    بس انت اكيد مسامح صح؟؟

    على فكرة انا عمري مااعرف العب كورة بس
    فرحتي بجون دخل بعد طول انتظار بيرسم فرحة غريبة وتنسيني الهموم اهترها مخدرات عشان انسى مشكلي لمدة ساعة ونص
    تحياتي وخلي بالك على ابو وردة ده امانة

    ReplyDelete
  5. اوعى تحب الكورة
    العوض على الله فى الشبشب
    ادى اللى بنخدوه من الكورة
    انما الكورة دى بتخدم الدين
    والناس ممكن تتجمع للحرب زى ما بتتجمع كدا للكورة
    مفتكرش وربنا يهدى
    عندى بوستات كويسة ادعوك وزوارك للمدونة
    هستناكم

    ReplyDelete
  6. عجبتني ذكريات طفولتك الكروية
    بس مش معاك بالنسبة للتشجيع
    أنا عمري ما روحت ماتش في استاد و مؤمن ان اللي بيحصل عندنا ده قلة قيمة
    ماله التلفزيون تقعد مرتاح معزز مكرم و تشوف إعادة الإجوان
    أنا عموماً ما باشوفش غير الماتشات الدولية يعني يا المنتخب يا الأهلي أو الزمالك او أي فريق بيلعب في بطولة دولية
    انما الدوري المصري يجيب العته بدري بدري
    ثم و لا باشغل نفسي بخناقات الندية و اللعيبة
    بلا هم
    أنا يهمني اللعبة و الفن اللي فيها خصوصاً في أوروبا و أمريكا اللاتينية
    مش فلان ردح لعلان و لا ترتان جاب بلطجية لفلان و لا الهم الأسود دا كله

    آسف على الرغي دا كله

    ReplyDelete
  7. ههههههههههههههههههههههههه

    كفاية بس عنوان البوست اللي يفطس من الضحك
    و صاحبك اللي الحصان جري وراه ههههههههههههههههههههههههههههه

    لا بجد حضرتك عسل قوي يا استاذ جعان
    :))
    تحياتي
    انا كمان ماليش في الكورة خالص
    :(

    ReplyDelete
  8. انسانة
    يا فندم لو تحبي احجزلك اول تعليق كل موضوع انتي تؤمري
    بس هايكون في ضريبة ملاهي و تركات
    و ان شاء الله هايكون لكل معلق شبشب بلاستيك
    كورة اية و نيلة اية يا شيخة
    تحياتي

    ReplyDelete
  9. ساعد نسرين الايمن
    انا حقيقي المدونات دي بالنسبة لي عبارة عن كنز متجدد لا ينضب
    دخلت علي مدونتك
    وحقيقي موضوعك عن
    في الفرق بين جوليا روبرتس ودينا الراقصة
    رائع حقيقي و التشبيهات مسخرة
    بس اية حكاية دراع نسرين اليمين
    واضح انها انترناشيونال

    ReplyDelete
  10. عارف ياعم جعان باشا

    انت دلوقتى سببت ليا مشكلتين

    اول مشكلة اسمك لانك بتفكرنى بالحالة اللى انا عايشاها دلوقتى من جووووووع مصاحب برغبة فى الافتراس لأى ئ يؤكل
    اصلى بعيد عنك وعن السامعين عاملة رجيم قاسى جدامن شهر يحتوى على 700 سعر حرارى فقط فى عز الشتا لأنى بقيت عاملة زى شوال البطاطس ولاززززززم اخس عشان الاقى ابن الحلال اللى يتجوزنى وتكون امة داعية علية طبعا

    :)

    ثانى مشكلة انك فكرتنى بالغباء الفطرى اللى انا فية

    اصل انا بعيد عنك غبغب شوية فى الكورة دى واعانى من عتة فطرى مصاحب بإزبهلال معنوى وهستريا مصاحبة بأكل مشابك وحبال الغسيل

    حاولت كتير افهمها لكنى فشلت وجاء فشلى مصاحب بإكتئاب كروى وأنتصار الواد حمادة عليا

    الواد حمادة دة بقى ابن جارتنا عندة 7 سنين كان بيدينى دروس كروية وكل مغلط دييييب على قفايا لحد ما قفايا ورم

    وبرضة لسة طور الله فى برسيمة

    معلش رغيت حبة

    انت اللى فتحتنى

    عاااااااااااااااا

    عاااااااااااااااااااا

    ReplyDelete
  11. تستاهل حد قلك تسمع كلامهم وتروح الاستاد

    ReplyDelete
  12. الغريب أنى كنت متخيلك مشجه كورة من الدرجة الأولى
    وزملكاوى بالتحديد
    هو فى موضوع لعب الكورة كحارس مرمى أنت تنفع أوى
    ربنا يعوض عليك فى الجزمة
    بس أبقى خبى أبو وردة لأن وجوده فى البيت مش مستحب

    ReplyDelete
  13. ههههههههههه
    تعيش وتاخد غيرها حصلتلى قبل كده
    طيب كنت فكلك شاربين من الكورة وروح بيهم بل ابو ورده والفضايح دى

    ReplyDelete
  14. بص يا باشا

    يعنى احنا فالحين فى حاجة ,,,فهنتهم الكورة ان هى وحشة
    يا عزيزى كلهم لصوص

    و ما دام السيستم فيه دفكت

    يبقى الاوتبوت فيه ديفكت ,,,برضه

    و بس
    و سلام عليكم

    ReplyDelete
  15. This comment has been removed by the author.

    ReplyDelete
  16. السلام عليكم ورحمة الله وبركاته

    الحمد لله اخيرا عشت وشفت واحد مصري مش بيشجع الكوره

    هيييييييييه

    كده بقي حضرتك تدخل الموسوعة من اوسع ابوابها

    ReplyDelete
  17. مين بقي الي قال ان الكورة مش مهمة
    ممكن يكون دة رايك وممكن تحتفظ بيه لنفسك ولكن
    متجزمش ان الكورة مش مهمة
    وبعدين جايز تكون انت مارست لعبة الكورة بطريقة غلط في صغرك
    هوة دة الي كرهك فيها
    حاول تجربها بالطريقة الصحيحة وهتشوف انك هتحبها

    ارجو ان تتقبل رايي بصدر رحب

    ReplyDelete
  18. يا شيخ بلا حرقة دم
    الناس تشجع و تتشال و تتهبد و اللعيبه هما اللى يهبدوا الفلوس

    قريت ده عندي
    http://azmiralda82.blogspot.com/2007/07/blog-post_04.html

    احييك على اختيارك للباليه المائل

    ReplyDelete
  19. انا كمان مش غاوية كورة لكن اخويا و جوز اختي مجانيين كورة
    المهم
    موضوع ممتع و شدني اقراه للاخر
    بس سؤال هو الراجل الي اداك الشبشب كان واخده معاه الماتش ليه؟ بيشجع بيه؟

    ReplyDelete
  20. hui mu han
    كان ابيض وبرباط وفي خطوط سودة
    بس انا مش مسامح فية
    و اتمني لك ادمان كروي سعيد

    ReplyDelete
  21. nonoymm
    حاجة ميجيش من وراها غير حرقة الدم يا شيخة
    و هاجي ازور مدونتك بس من غير زعل

    ReplyDelete
  22. مهندس مصري
    يا باشمهندس
    احسن حاجة عملتها انك مبتروحش الاستاد
    وريح اكتر و بطل فرجة من اساسة
    نورت

    ReplyDelete
  23. MerMaid
    يا فندم نورتي المدونة
    و كل ما تيجي هاتي معاكي برطمان تاخدي فية شوية عسل

    ReplyDelete
  24. مروة الزارع
    عزيزتي ربنا ما يجيب مشاكل
    ثم تعالي هنا ريجيم اية ام 700 سعر دة
    دة مينفعوش ريجيم لارنب حتي
    و اتمني لقفاكي الشفاء
    وتحياتي الحارة لحمادة

    ReplyDelete
  25. the others
    انا اتاخدت علي خوانة

    ReplyDelete
  26. ياسر الفنان
    وكمان متخيلني زملكاوي هو مع احترامي الشديد في حد لسة بيشجع الزمالك

    ReplyDelete
  27. لماضة
    اية بقالك فترة مختفية
    نورتي وهاعمل بنصيحتك في اي مواقف قادمة

    ReplyDelete
  28. ِِAdem El-Mahdy
    سيستم و دفكت و اوت بوت
    انت شغال
    في
    softwarehouse?
    يا عمنا النبي عربي و الغلابة كتير كلمهم بالنحوي

    ReplyDelete
  29. رفقة عمر
    لا ما نسيتش بس ايام ما انا روحت مكنش لسة الستات عرفو سكة الاستاد
    ومرحبا بعودتك مستنيينك في مدونتك

    ReplyDelete
  30. خمسة فضفضة
    علشان تعرفي اني مش حارمك من حاجة

    ReplyDelete
  31. Dr-Online
    يا مشروع دكتور انت غير مرحب بك في مدونتي
    حتي تنتضج و تتعلم لغة الحوار

    ReplyDelete
  32. Esmeralda
    اهو دة كلام الناس العاقلة
    قريت و استمخيت كمان
    متعرفيش حد عندة اولمبيات 85 للبالية المائي؟؟

    ReplyDelete
  33. Nohaz
    اعتقد الراجل كان واخد الشبشب معاة غصب عنة
    تقريبا اتحدف بية و هو خارج من البيت

    ReplyDelete
  34. حلوه فعلا
    ضحكت من قلبى والله
    انت انسان كويس والله سيبك انت
    انا بلعت يجى بتاع 5 اوو 6 مواضبيع من العيار التقيل
    ربنا يزيدك من نعيمه
    سلام

    ReplyDelete
  35. frake_ghost
    الله يكرمك انت اللي كويس
    و بالهنا و الشفا
    دوا الحموضة للاستاذ يا جاااااابر

    ReplyDelete
  36. ههههههههههههههههههههههه

    بجد بجد تدوينه حلوة فعلا
    ايه ده دي ذكرياتك عن الكوره
    ليه بس كده

    طيب زعلان ليه من الشبشب ابو ورده
    طيب دي حاجه هايله
    فكرتني في يوم كنت في المسجد والسابوه بتاعي اتنشل
    وكان جديد وعسول
    الستات كلها مشيت وامي وقفت معايا طيب وهنعمل ايه
    ناس صعبت عليهم راحو بيتهم اللي جنب المسجد وجابولي شبشب زي ابو ورده بالظبط
    هههههههههههههههههه
    منظري كان وحش جدا والله

    وقعدت اعيط وانا ماشيه

    هههههههههههههههههههههههه

    فعلا حلل افريقيا

    ReplyDelete
  37. طيب انت زعلان ليه دلوقتى ..ما انت ماروحتش بلاش يعنى ..اخدت شبشب ابو وردة برده

    ده مش اى حاجة يعنى

    :D:p


    بس بجد بجد ..مش عارفة ..

    استنى كدة


    ههههههههههههههههههههههههههههههه
    \


    اللى حصل معاك ده بجد رائع ..اموت واعرف بتحبوا الكورة على ايه ؟!!!


    ربنا يهدى يا رب

    :p



    تحياتى


    :)

    ReplyDelete
  38. شبشب ماركة ابو وردة
    هههههههههه
    خد بالك انت كدا عملت اعلان للماركة
    لا وكمان مش اي اي ولا زي وزي دا انقذك من المرواح حافي

    متبقاش تنسى تاخد عمولتك بقا
    فيفتي فيفتي معايا اوكيز؟

    ReplyDelete
  39. بحب اي حاجه بعيده عن الكوره مش عارف ليه قربت اخلص مدونتك ولاحظت حاجه غريبه انت كنت حد سعيد ليه نورك على الاخر خد حزن شويه يمكن انشغلت يمكن زهقت مش عارف انت عارف لو عارف قولى

    ReplyDelete
  40. 一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

    情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

    情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

    ReplyDelete

بعبع وقول اللي في نفسك يا خويا