Wednesday, February 20, 2008

نجاد و ال 300 اسبارطي


طبعا كعادة العرب اي حاجة في الظيطة احمدي نجاد محرر العرب هو اللي هايرفع راية الاسلام
هو اللي مخوف امريكا و اسرائيل
ياتيني في الفترة الماضية عدد من الايميلات تمجد في نجاد و تصورة علي انه قائد العرب و خليفة المسلمين الجديد
وهم كل انطباعاتهم تأتي عن طريق ايميلات من قبل الدعاية الايرانية لتلميع صورة رئيسهم
و الغالبية حمقي اخر كتاب قراة كان تان تان في بلاد كوسكوس تان
كل اللي بيعرف يعملة يعمل فورورد للايميل و هو زي سطل المية الساقعة
احمدي نجاد لمن لا يعرف شيعي لا يعرف سوي الخميني ولي الله في الارض و المتحدث الرسمي علي لسان الله كما يعتقدوا
أحمدي نجاد في الثمانينات كان وراء قضية " مفاتيح الجنة" حيث أنه في الحرب مع العراق اشترت ايران الخميني نصف مليون مفتاح بلاستيكي من تايوان ليعلقها أطفال لا يزيد سنهم عن 12 سنة ليقوموا بدور "كاسحات ألغام بشرية" لحقول الألغام على الجبهة مع العراق بعد أن تم عمل غسيل دماغ لهؤلاء الاطفال بأن تلك المفاتيح البلاستيكية ستفتح لهم أبواب الجنةالخميني "الزاهد المتقشف" اصر على ان تستمر الحرب ثمانية سنوات مع العراق رافضاً كل مبادرات السلام وكان يصر على أن حدود ايران الغربية هي نهر الفرات ، فكم مليوناً من البشر قتل في هذه الحرب وكم ملياراً من الدولارات "صب" على أتونها هذا الزاهد
و في كتابه تحرير الوسيلة للخميني
لا بأس بالتمتع بالرضيعة ضَماً وتفخيذاً
بل و اتاح اتيان الزوجة من الدبر
نحن أمة مسحورة "بالكلمات" كما يقولون "كلمة بتودينا وكلمة بتجيبنا"
لماذا ايران "احمدي نجاد" ترتكب المذابح من قبل حرس ثورتها ومن قبل عملائها في العراق ضد عموم الشعب العراق وسنتهم على الخصوص ؟لماذا ايران "احمدي نجاد" تريد تطوير السلاح النووي أصلاً وضد من وقد أفتى "حاخامتها" بأن قتال اليهود لا يجوز ؟
نشوف الصور الحقيقية مع بعض و فيديو في احد ذكري مقتل الحسين و يظهر بها احمدي نجاد















75 comments:

  1. هقف اسقف ومس هقول ولا كلمه
    اصلى عمال اقول لاصحابى كده من زمان بعد ما قريت كتاب " فرق معاصره تنتمى للاسلام"
    على كام شريط بيتكلم عن من هم الشيعه
    ومحدش عايز يفهم غير انه نجاد رضى الله عنه وارضاه
    وكلهم يقولوا عدو عدو صديقى
    واقعد اقول لما يبقى عدو عدو مش عامل هو وعدوى انهم اعداء
    تحياتى

    ReplyDelete
  2. استغفر الله العظيم يا رب
    دول اضعف ناس فى الدنيا اللى بياخدوا الدين ستار لافعالهم و لاهدافهم الحقيقيه
    و الناس عماله تاخد الكلام بتاعم مسلم بيه
    و اللهى احنا فعلا شعب بيجى بالكلام و الضحك على الدقون زى مابيقولوا
    و الف شكر ليك على المعلومات القيمه دى
    و دمتـــــــــــــــــــــــــــم

    ReplyDelete
  3. الناس غصب عنها لازم تنخدع فيه المسلمين عايزين بطل ومعظم الناس مش عارفين الفرق بين الشيعى والسنى والصفوى
    هما شايفين انه اسمه احمد يبقى خلاص يبقى كويس
    بجد الناس معذورة محتاجين قائد وبطل
    يحسوا ان ليهم قيمه وسط الدنيا وللاسف ممكن يختاروا من يكون سبب هلاكهم مجرد انه اسمه احمد
    ربنا يسلم ويرزقنا بطل وقائد بحق فعلا

    ReplyDelete
  4. الا قولى هو احنا بقينا كدابين زفه ولا بقينا مش فاهمين وبنصدق اى حاجه يالا بطل بطل هو حد خسران حاجه

    ReplyDelete
  5. This comment has been removed by the author.

    ReplyDelete
  6. للاسف الشديد احنا بننخدع بكل سهوله زى ما انخدعنا فى حسن نصر الله وقلنا ده مخلص العرب ومنقذ الاسلام وهما كلهم واحد .....ولا حول ولا قوة الا بالله

    ReplyDelete
  7. السلام عليكم

    اعتقد هو ده وقت الكلام عن الفضايح دي
    بس بالراحة برضه
    الناس في وقت حرب لبنان كانت دايبة في غرام حسن نصر ونجاد والفريق القومي للشيعة
    دلوقتى الحب ده ابتدى يهدى، خاصة بعد ما ابتدينا نتشغل بحاجات تانية
    زي غزة، وزي كاس الحلل
    :D
    ولازم بقى نبتدي نعرف الناس دي بتفكر ازاى
    والناس دي عايزة توصل لايه

    أدعوكم لقراءة توينتي هذه
    http://osamasherif.wordpress.com/2007/06/15/%d8%a7%d9%84%d8%b4%d9%8a%d8%b9%d8%a9/

    بس مع كل ما سبق
    إلا أن نجاد ده ساعات بيحيرني
    إيه سر عدائه لأمريكا؟
    وسر تنظيمه لمؤتمر للبحث في حقيقة الهولوكوست؟
    والتقرب من العرب والخليج في آخر الاجتماعات واللقاءات؟
    والسعي لإقامة علاقات مع مصر؟

    هل صحيح أن فيهم من يريد أن يتغير؟
    أم أنها المصالح ولا شيء غير المصالح؟
    أظنها الأخيرة

    أختم بقول رجل مسلم إيراني قابلته في المسجد النبوي
    قال: أنا سُني من إيران، نحن 17 مليون سني في إيران
    بس فيه مشاكل
    (وقال بحزن)
    نسألكم الدعاء، نسألكم الدعاء

    نأسف للإطالة
    والسلام عليكم

    ReplyDelete
  8. للأمانة الحاخامات دول من حركة نيتوري كارتاه و هي حركة معادية لصهيونية و ترى حرمة وجود دولة اسرائيل و لو بصيت على آخر صورة هاتلاقي الحاخام اللي على الشمال لابس بادج عليه علم اسرائيل مشطوب عليه و اللي جنبه لابس علم فلسطين.

    أنا مش باقول الكلام ده دفاعا عن ايران (أنا نفسي محتار من مواقفها) لكن بس حبيت أقول الكلام ده للأمانة.

    ReplyDelete
  9. مش عارفة وانا بقرا البوست بجد حسيت بحيرة جامدة مش فكرة انى مع ولا ضد ايران
    بس الفكرة انى مسقفتش للى بيعظموا ايران واحمدى النجاد ونفس الفكرة مش هثقف لحد بيخسف بيهم الارض عشان حاجة واحدة بس انى بجد مش عارفة ومن قال لا اعلم فقد افتى
    اللهم ارنا الحق حقا وارزقنا اتباعة ورنا الباطل باطل وارزقنا اجتنابة
    اعذرونى ربما لجهلى فى مثل هذا لكنى على وعد لنفسى بالقراءة كثيرا والاطلاع فى هذا الموضوع
    تقبل مرورى وتعقيبى

    ReplyDelete
  10. الناس عايزة بطل عايزة رمز حتى لو كان بيلاقوا الرمز ده في واحد عدو للدين لا يشك عاقل في عداوته لأهل السنة

    وحكاية تمرير الرسايل الإلكترونية دي مرض بيؤدي لانتشار الفكرة الخاطئة وكأنها من المسلمات

    كنت أنبه دائما من يمدح الشيعة أن يعرف شيئا عما يعتقدونه وما يفعلونه وما هو دينهم بعيدا عن علاقتهم بأهل السنة

    ReplyDelete
  11. الله يقطعهم كلهم اهو احمدى زى زيد احمدى
    مشكلتنا اننا بنصدق اى حاجة وعايزين نتعلق باى قشاية خايبة وخلاص

    ReplyDelete
  12. بصراحه انا مش باسقف لنجادي..و لا لحماقي..انا باسقف لأي حد ينكد على الاهبل بوش و اللي معاه..و طبعاً كونه يخللي البعده اللي ما يتسموش يتنفضوا لما تيجي سيرته..دى حاجه تخليني مش اسقف بس..ده انا اتحزم و ارقص كمان..ما هو اللي مش طايل البلح ..يضلل بالنخله..
    منى الصاوي

    ReplyDelete
  13. بطوط حبوب
    للاسف هو دة الواقع و اعرف كتير من نوعية اصدقائك
    بل بعض منهم اقاربي
    هانعمل اية بقي
    ربنا ينور الجميع

    ReplyDelete
  14. samourai 4 ever
    عارف اية الاخطر
    ان يكون الشخص مقتنع انة كدة علي الطريق القويم
    و ان هو دة الدين
    غالبية هؤلاء من متبعي الميكافيلية
    الغاية تبرر الوسيلة

    ReplyDelete
  15. رفقة عمر
    فاكرة لما كنا بنكلم بتقولي في المسلمين مستنيين المهدي
    و النصاري منتظريين عيسي
    و اليهود في انتظار موسي

    وفي ناس مستنيا المكيف

    ReplyDelete
  16. appy
    لا احنا بقينا زي العالمة لما تعجز
    تقعد علي الكنبة و تربع و تهز كتافها
    منتظرة اي حد يقولها اية الحلاوة دي

    ReplyDelete
  17. This comment has been removed by the author.

    ReplyDelete
  18. تدوينتك
    خلتني شبعان
    يا أنا جعان
    :)

    ReplyDelete
  19. الف شكر على ردك اخويا جعان
    بس هما لازم يتبعوا المبدأ دة
    طالما اليهود حبايبهم اوى كدة
    و ربنا يستر على الناس اللى مصدقاهم
    و الف شكر
    و دمتـــــــــــــــــــــــــــم

    ReplyDelete
  20. والله يااستاذ جعان
    عرفت المعلومه دي من سنتين كده بس قبلها كنت فرحانه بيه برده

    اللهم عافنا واعف عنا


    اعتذر عن عدم قراتي لتدوينات حضرتك السابقه لظروف ولكني لن اتركهم وساقراهم

    ربنا يبارك في حضرتك واعزك الله

    ReplyDelete
  21. رغم الاختلاف المذهبي بيننا وبينهم

    بس

    أيران ليست هي العدو ...

    بدليل أن الحرب الايرانية العراقية كانت طيلة 8 سنوات بتدار بخيوط خفية لتحقيق التوازن العسكري بين الطرفين بما لا يمكن أحدهما من الفوز في الحرب والذي يؤدي الي انهاك الطرفين قدر المستطاع واهدار مواردهم ألي أبعد ما يمكن

    الخيوط الخفية ديه طبعا كانت الموساد

    لو بصيينا للحكاية كده وفكرنا شويه

    ايه اللي خلي أسرائيل تعمل كده
    ( بشحنات الاسلحة اللي كانت بتتبعت للجانبيين من غير ما يعرفوا أنها وراها اسرائيل واللي بعد كده الخميني وصدام عرفوا الحكاية وعرفوا انهم اتجرووا هما الاتنين وأنهم كانوا زي عرايس المولد )

    ليه هي ما خليتش أيران تفوز بالمعركة علي أعتبار أن العراق أكبر دولة تشكل خطر علي أسرائيل بأمكانياتها وبعلمائها

    لانها عارفة ان أيران هيا كمان خطر عليها بقدر خطر العراق عليها


    فبرغم من أن الواحد سعات بيسأل نفسه العالم دول مسلمين ولا لا ... الا أنني شايف أن ايران ليست عدوتنا

    اللهم الا في العراق فهي عدوتنا لغاية ما يبقي العراق قوي ويقدر يدافع عن نفسه ...

    تحياتي

    ReplyDelete
  22. نسيت صح أتكلم عن الصور اللي حضرتك حاططها ..

    وأعتقد أن رد
    0xDEADBEEF
    عليها كافي وصحيح

    تحياتي

    ReplyDelete
  23. ماااااااااشي يا عم الـجعان !!


    واحشتني مدونتك، وكنت مش بشعلق عندك تقريبًا
    .
    .
    قلت أعدي ، وأرمي السلاااام

    الموضوع طبعًا مهم وخطييير
    هرجع لك

    ReplyDelete
  24. مدونه رائعه
    أعتقد اني جيت هنا قبل كده
    .................
    أما عن نجادي
    فاحنا دايما شعب اكبر عيوبه النسيان
    عارف حضرتك لما الاخ حسحس فتح المعبر
    كل الناس فرحت
    وقعدت تسبح بحمده
    ويتمنوا انه يتوب عن اللي كان بيعمله
    وان دي خطوه جديده
    وصفحه بيضاء
    نفسي الجرايد تتام في كتب كبيره زي مجلدات ميكي
    علشان لما ننسى
    نقراها

    ReplyDelete
  25. اسلام انا اشتركت وكل ما اخل بالاكوينت بتاعي مش عارفه ليه مش بيدخلني

    ReplyDelete
  26. أنا حقول رأيي بصراحه و خلاص...أنا عمري ما اعتبرت أيران عدو لمصر رغم موضوع الاسلامبولي اللي عملوه بطل هناك ده...و ببساطه شايف أن مصر مش حيتعدل حالها غير لما يمسك الحكم واحد زي أحمدي نجاد لانه راجل مخترم حاطط مصلحه بلده أولا مش دلدلول و كلب الامريكان زي غيره و في النهايه الاختلاف في الرأي لا يفسد للود قضيه و يا ريت تقرأ شويه عن الرئيس الايراني
    تحياتي لك يا جعان

    ReplyDelete
  27. طبعا فى اول زياره للجعان
    كان لازم ادخل وفى ايدى حاجه كده على ما قسم
    كام بيضه مسلوقه
    على حته جبنه بيضه
    على برطمان عسل نحل
    على بنص جنيه عيش من الفرن الزحمه
    واهو
    النوايه بتسند الزير
    انا من رأيى
    ان الحكايه كلها ان الناس بتكره امريكا
    فاى حد بيقف فى وجه امريكا الناس بتحبه
    بغض النظر عمن يكون
    ومن الممكن ان يكون خطره اشد من خطر امريكا نفسها
    الا ان العداء لامريكا مسيطر على الناس
    واكبر دليل على ذلك
    حب الناس لرئيس فنزويلا
    رغم اننا لا نرتبط به باى صله
    الا عدائه لامريكا

    ReplyDelete
  28. حامد سلميان
    بالظبط يا فندم
    للاسف بنجري ورا اي رمز حتي لو كان
    رمز الكنكة

    ReplyDelete
  29. أبو خالد
    للاسف لا يوجد فيهم من يسعي للتغير مادام لن يحقق مصلحتة
    فكل علامات التغيير و العداء لامريكا
    ما هي الا لمصالح شخصية بحتة

    ReplyDelete
  30. 0xDEADBEEF

    شوف يا سيدي
    جماعة ناتوري كارتا ترفض الصهيونيّة، ولكنّها جماعة اصولية يهودية من النواحي الأُخرى
    مع إيمانها ببعض النظريّات العنصريّة من قبيل "شعب الله المُختار و"الغوييم اي غير اليهود المسخرين لخدمة اليهود
    و اذا كانت الجماعة دي معادية للصهيونية
    لماذا نسمع عن اي فعل ضد الصهيونية
    لماذا لم يسمع عنها عامة الشعوب
    سواء عمل اقتصادي او سياسي
    و اقتصرت علي البروباجاندا الاعلامية فقط
    نقطة اخيرة عزيزي
    الم تسمع انة من المرجح انها احدي فرق الموساد الاسرائيلي للتوغل الي الاوساط العربية
    كالمقاومة الفلسطينية
    و ايران و غيرهم

    ReplyDelete
  31. انا مسلمه
    يا فندم
    انا مبحاولش اخسف بحد الاؤض
    كل ما في الامر اني عرضت ما اعلمة من حقائق
    وعلي المتلقي ان يزن الكلام
    ويقرر موقفة
    او يبحث عن ما يفند ما كتبت او ما يعضد

    ReplyDelete
  32. عصفور المدينة
    يا باشمهندس
    حضرتك جبت المفيد
    الناس عايزة رمز اي رمز
    و للاسف ما يوجد من رموز مريض مشوة
    ربنا يستر علي عبيدة

    ReplyDelete
  33. اهو ده عيبه
    اهو دة عيبة فعلا
    نورتني يا فندم

    ReplyDelete
  34. ازيك
    كلامك مهم ورايك على العين والراس
    بس فى بعض التحفظات
    اولا عام 80 صدام حسن هو اللى اعتدى على ايران والايرانيين كانوا فى حالة دفاع عن النفس وطبعا معروف مين كان بيغذى الحرب بالاموال والاسلحة للجانبين بازدواجية فامريكا كانت تبيع الاسلحة الكيماوية للعراق ومن طريق سرى كانت بتبيع اسلحة لايران والسعودية ومصر كانوا بيدعموا العراق وده اللى طول الحرب ولما الخمينى وجد انها لا طائل من ورائها امر بوقفها وانا لا علم لى بدور نجاد فيها وارجو توجيهى الى مصادرك علشان اعرف
    ثانيا بالنسبة للفكر الشيعى وتفاصيل الفقة عندهم فعلا فيه ما يخالف فكر اهل السنة لكن فى محاولات جادة للتقريب بين المذاهب وفى الاخير هم مسلمين موحدين
    ثالثامافيش شك ان انتصار ايران فى معركة حيازة التكنولوجيا النووية هو انتصار لكل المسلمين و باقى دول العالم الثالث والقصة تدور على خلفية اقتراب نضوب البترول مثلا خلال 15 الى 20 سنةفلازم يبقى فى بديل نظيف ورخيص للطاقة ولا يوجد الا الفحم الحجرى والطاقة الشمسية و طاقة الرياح وطاقة المياه والطاقة الذرية
    والطاقة الذرية هى احسن البدائل وواضح ان مصر اخيرا فاقت من النوم وانتهجت نفس النهج
    احمدى نجاد جاء الى الحكم عن طريق صناديق الانتخابات وسوف يمضى عند انتهاء مدته ولكن حبه فى قلوب الناس المغلوبين على امرهم لن ينتهى
    ياريت تباصى لنا شوية لنكات عشان نتعرف على وجهات النظر المختلفة
    اشكرك ولك التحية

    ReplyDelete
  35. مني الصاوي
    يا استاذة مني
    طب م الخميني كان منكد دين ام عيشة بوش الاب و ريجان
    و القذافي مطلع البلا الازرق علي جتتهم
    كوريا,تشافيز,كاسترو و من قبلهم الروس
    هو اي زفة نزغرط فيها

    الميكانيكي اللي بروح اصلح العربية عندة
    معلق صورة بوش و مخلي صبيانة ليل نهار يتفو عليها
    هل معني كدة اعمل معاة اتحاد امبريالي حنجوري

    مش نعقلها الاول

    ReplyDelete
  36. ض/خالد
    اي وقت يا دكترة نفسك في حلة مسقعة عدي علي

    ReplyDelete
  37. عاشقه الفردوس
    علي فكرة انا نظرتي لنجادي كقائد سياسي
    لها كل احترام
    مثل نظرتي لحسني مبارك
    فهو كقائد استطاع تلبيس العمة لدولة بحالها 28 سنة

    ReplyDelete
  38. قليل من التفكير
    عزيزي انا لم اقل ايران عدو
    ولم اقل غيرها هو الصديق
    انا طرحت ما عندي
    و كل حر فيما يعتقد
    ثانيا لم يكن تدخل الجانب الغربي و اليهودي هو فقط ما اذكي نار الحرب ل 8 سنوات
    ولكن العنجهية الفينيقية و الغرور الفارسي هو ما ادي الي ذلك

    ReplyDelete
  39. إبـراهيم ... معـايــا
    انا معاك يا باشا
    وزيارتك دي علي راسي
    شيشتك اية
    مستنيك

    ReplyDelete
  40. أنا إنسان
    بالظبط الله ينور عليك
    و زي لما تلاقي ان وزير الداخلية افرج عن 1500 مسجون بمناسبة عيد الفطر
    وتكتشف ان اللي افرج عنهم حرامية و نشالين
    و المعتقلين بلا قضية او تهمة اخوان اشتراكيين اي حاجة
    مرزوعين ليوم الدين

    ReplyDelete
  41. Anonymous
    انتي مين يا انسة ؟؟؟

    ReplyDelete
  42. micheal
    احنا مش واقفين علي ارض واحدة يا مايكل علشان نعرف نتكلم
    انا بتكلم من منطق اني مسلم سني
    اتبع القول
    نحن قوم أعزّ نا الله بالأسلام ومهما أبتغينا العزّه بغيره ...أذلنا الله
    فلن ابحث عن نصر من غير عقيدة
    فبماذا يفيدني ان حزت نصرا بلا ملة لقيط مشوة
    نجاد فعلا مصلحة شعبة و عقيدتة هي فوق كل شيء
    اقسم بالله نجاد ان اتيحت لة الفرصة لابادة السنة من العالم لفعلها
    وذلك لانة من منطق عقيدتة قد حسن اسلامة
    ان قتل من هم من سلالة عمر و ابي بكر و غيرهم
    و ياريت تقولنا قريت اية عن نجادي علشان نقراة
    وغير لون المدونة عندك مش داخل غير لما تشوفلك حل

    ReplyDelete
  43. فرنسا هانم
    يا اهلا بفرنسا و باريس و السنبلاوين
    نورتي يا فندم
    وزيارتك مقبولة
    وواجبك محفوظ
    سجايرك اية؟؟

    زي ما قلتي احنا ماشيين بمدأ عدو عدوي حبيبي

    ReplyDelete
  44. راجى

    منورني يا باشمهندس
    حرب العراق و ايران اي كانت اسبابها او اهدافها
    انتهت بمقتل الاف مؤلفة من الطرفين
    واصحاب العمائم في طهران يتباكون واصحاب البيريات في بغداد يتغنون بالنصر
    يقول البعض ان سبب الحرب هو قيام صدام بتمزيق الاتفاقية الحدودية بين العراق وايران المبرمة في الجزائر عام 1975
    وان كان وافق في النهاية علي نفس الاتفاقية
    و ان وافقنا ان صدام هو من بدأها
    فلماذا استمر الإيرانيون برفض قرارات مجلس الأمن المطالبة لإنهاء الحرب؟
    قرار مجلس الامن الخاص بوقف اطلاق النار منذ اليوم السادس لبدء الحرب، ولم يقبله الخميني الا بعد ثمان سنوات
    فسواء حماقة صدام او حماقة الخميني فالنتيجة واحدة اتنين مليون قتيل
    نجاد تربي علي يد ثورة الخميني عام 1979 و شرب جميع مبادئها بل هو شيعي متدين متعصب شارك في حرب الخليج الاولي
    كان امين جامعتة في اللجنة المركزية و هي صاحبة الدور الرئيسي في عمليات احتجاز الرهائن العراقيين و الامريكان في طهران
    شعبية نجاد مخطط لها بعناية فائقة بالعفل لقد فاز في الانتخابات بمنتهي النزاهة بل ازيدك
    انة لم ينفق قرش واحد في حملتة الاعلانية
    واول اعمالة عندما تولي منصب الرئاسة قام بصرف طائرة الرئاسة الاولي و احالها لاعمال الدولة
    و لكن من اقوي الدعاية التي اوثيرت ابان فترة الانتخابات الايرانية ان نجاد هو
    شعيب ابن الصالح الموعود في روايات الشيعة والذي يكون قائد جيش الخراساني والذي يحرر أرض فلسطين من الصهاينه
    ثانيا ارجوك فهمني كيف يكون حيازة ايران لسلاح نووي نصر لباقي العرب
    واذا كان باقي العرب و منهم مصر ضد ايران
    هل ستقوم ايران باشراك العرب في مفاعلها النووي
    هل ستأوي الفلسطنيين
    لماذا لم تقوم برد قوي عند وقوع احداث غزة
    علي اي حال في النهاية
    اذكركم و اذكر نفسي بكلمة ريتشارد بيرن
    مستشار وزارة الدفاع الامريكية في عام 2004
    (الهدف هو العراق ثم السعودية و ايران ومصر هي الجائزة الكبرى).

    ReplyDelete
  45. عزيزى
    انا لم اقول السلاح النووى انا ذكرت التكنولوجيا الذرية وهناك فرق
    وياريت ماتنساش تدلنى على مراجع او لنكات للاستفادة
    لك الشكر

    ReplyDelete
  46. أولا أحب أحييك على مدونتك الرائعة..

    احنا ليه بنعيب على أحمدى نجاد لأنه حرم قتال اليهود فى حين إن رئيس جمهوريتنا متصور مع أولمرت الحضن بالحضن؟؟

    حد يعرف إن إحدى شركات البترول المصرية الحكومية تساهم فيها إسرائيل بنسة 20%؟

    لما الشيعة يحللوا إتيان الزوجة من الدبر والتمتع بالرضيعة مش مفروض نتريق لأن إحنا بتوع فتاوى إرضاع الكبير وبول الرسول

    إيران دبحت العراقيين والعراقيين دبحوا الكوايتة ودلوقتى بيدبحوا بعض وأقسملك إن لو جت فرصنا هيدبحونا مش هيقولوا لأ

    لو كانت إيران بتطور نووى عشان تضربنا وإسرائيل وأمريكا عندهم نووى عشن يضربونا وكان لازم نحط إيدنا فى إيد حد منهم يبقى أكيد نحط إيدنا فى إيد الإيرانيين أهل لا إله إلا الله..

    وسلملى على اتفاقية الكويز وقطن يوسف ولاى ومبيداته :-)

    ReplyDelete
  47. استاذ راجي
    انا اعلم تماما ما ذكرت
    السلاح النووي و التكنولوجيا الذرية لا يمكن ان يفترقو
    ليس المجال الان للتوضيح يمكنك ان تبحث علي النت
    لكن خير مثال
    مشكلة كوريا الشمالية التي انتجت علانية في إطار معاهدة عدم الانتشار تكنولوجيا الطاقة النووية
    السلمية ثم انسحبت من المعاهدة واعلنت عن امتلاكها السلاح النووي
    فالتطور الطبيعي لتخصيب اليورانيوم للحصول علي الطاقة الذرية هو السلاح النووي
    الرجاء عدم الخروج عن الموضوع الاصلي
    بالنسبة للمراجع لا استطيع ان ادلك علي عشرون عام من القرأة و التربية بين وسط سياسي
    ونقاش مع علماء ودكاترة في استراتيجيات دول
    وديانات وضعية و سماوية

    ReplyDelete
  48. Cleo
    شكرا علي مجاملتك
    ثانيا ليس المجال اننا ننشر الغسيل الوسخ
    ونقول حكومة مبارك فيها او صدام كان فيها

    واعذرني تشبيهك بفتاوي ارضاع الكبير
    بعقيدة الشيعة لم يحالفك الصواب فيها
    فما اتكلم عنة هو لب العقيدة الشيعية
    او الجعفرية الاثني عشرية
    يمكنك مراجعتها
    عن طريق الحصول علي كتاب التقية او الوسيلة
    اما مساخر ارضاع الكبير
    فهو شواذ القاعدة

    ReplyDelete
  49. أصلنا ناس طيبين قوي و كلمة تجيبنا و كلمة تودينا

    و أيران بنت الأيه .. شغالة دعاية من اللي فوق الحزام و اللي تحت الحزام
    أنما أيه ... الله ينور

    و أنت سيدي العارفين .. الزن علي الودان أمر من السحر

    ----

    أقعد بالعافية

    ReplyDelete
  50. السلام عليكم أخي الكريم
    بوست أكثر من رائع ايران وحزب الله
    أنخدع فيهم كثيرا من الناس وخصوصا بعد الحرب الاخيره لحزب الله
    والله لو يعرف هؤلاء كيف يحقد الايرانين والشيعة على العرب وأهل السنة لخجلوا من كل لحظة تأيد لهؤلاء المجرميين
    أتمنى أن تمر على مدونتي والاطلاع على موضوعات حزب الله وبخصوص علاقته بايران ومواقفه من الجهاد بالعراق وأن شاء الله البوست القادم سيكون عن علاقته بالكيان الصهيوني
    أخوك عمـر

    ReplyDelete
  51. شكرا على حوارك المتحضر رغم الاختلاف فى الرأى :-)

    ReplyDelete
  52. أولاً أزيك يا عم اسلام دي أول مرة اعدي هنا وأرد كمان
    مع اني أعرفك من زمان من أيام قهوة كتكوت

    ثانياً نحمد الله ان الناس بدأ يكون عندها وعي بالرافضة ومخطاطاتهم وحقيقتهم
    قبل سنة واتنين كان من الصعب جدا حد يصدق كلامك ده أو يقبله بس النهارده بفضل الله الناس اتنورت وربك فضحهم
    سلمت وسلم قلمك الساخر
    وبعد إذنك هأضيف مدونتك عندي ف المدونة في المفضلة

    ReplyDelete
  53. عاوز المدونه لونها ايه
    أمري الله حعمل زي جحا بالضبط
    :)
    و أنت المسئول
    :)
    تحياتي

    ReplyDelete
  54. انا سعيدة اني بأزورك لانك ذي مابتضحكنا بتفهمنا
    شكراً

    ReplyDelete
  55. مخلص المسلمين جايز ولو ان عليها غلامات استفهام

    لكن مخلص العرب منين وهو فارسي يعني مش عربي

    على فكرة الشيعة عندهم اعتقاد إن اللي يقتل سني يبقى ضمن الجنة

    والشيء الوحيد اللي مانعهم من قتال السنة هو انتظارهم للمهدي اللي حيحاربوا معاه ويخرجوا أم المؤمنين عائشة من قبرها ويقيموا عليها الحد
    الله يخيبهم
    بلاويهم تحتاج لمدونة لوحدها

    ReplyDelete
  56. لكن دا مايمنعش من أن أحمدي دا داهية

    والدليل حكاية مفاتيح الجنة دي داهية صدقوني

    اللهم اضرب الظالمين بالظالمين وأخرجنا من بينهم سالمين

    ReplyDelete
  57. أنا جان كتب:
    بالنسبة للمراجع لا استطيع ان ادلك" علي عشرون عام من القرأة و التربية بين وسط سياسي
    ونقاش مع علماء ودكاترة في استراتيجيات دول
    وديانات وضعية و سماوية"

    دا أنت جامد أوي

    ReplyDelete
  58. أحنا كده
    قالو نجادى حلو يبقى نقول عليه حلو
    قالو حسن نصر الله جميل يبقى جميل
    رجعوا قالوا وحش يبقى نقول وحش
    اظن ده جهل سياسى كاااااااامل
    لازم نفكر شويه و نعرف نفرق بين الانسان الكويس و الوحش سياسياً
    و بالمناسبه
    الموسيقى بتاعت الاغنيه دى حلوه
    ههههههههه

    ReplyDelete
  59. هو انا ليه متاكدة ان انا حطيت تعليق هنا و ضاع قبل كدة؟؟؟
    مش مشكلة
    اقولك يا فندم
    بالظبط احنا ماشيين بالمبدأ ده في حياتنا كلها مش علي النحو السياسي فقط
    عدو عدوي حبيبي قوي
    بس كدة
    انا بحترم نجاد فعلا بس مش علشان وقوفه في وش امريكا
    علشان هو شخصية مش خاضعة وخلاص بوجه عام
    تحياتي لحضرتك ونورتني بالزيارة هناك
    واسعدتني فعلا

    ReplyDelete
  60. مع انى مفهمتش حاجة من الكليب بس بجد الموضوع اضافلى كتير .. تحية احترام بجد ليك ..http://3enadeya.blogspot.com/
    ayar

    ReplyDelete
  61. على باب الله
    الله ينور عليك
    شرفتني يا استاذنا

    ReplyDelete
  62. العراق صوت الحق
    وعليكم السلام ورحمة الله
    فعلا انا متابع مدونتك وبها معلومات اكثر من رائعة
    وفي انتظار الجديد
    سعيد بمرورك

    ReplyDelete
  63. Cleo
    يا فندم الاختلاف لا يفسد للود قضية
    ويسعدني دائما نقاشاتك

    ReplyDelete
  64. أبوعمر
    يا فندم اهلا بريحة الحبايب
    اتمني ان الناس فعلا تكون عندها وعي شوية
    وتدور علي المعلومة الحقيقية
    مش السهل اللي بيجي علي الجاهز
    تحياتي لك

    ReplyDelete
  65. أم أحمد
    و انا سعيد بوجودك في المدونة
    في انتظارك دائما و سلامي لاحمد و ابوة

    ReplyDelete
  66. mona
    يا عزيزتي ما هي دي الخيبة الكبيرة
    ان العرب معتقدين انة مخلصهم مما هم فية من صهينة امريكية
    اتمني الناس تفوق
    غير كدة انا بحاول اقول للاستاذ ان انا في حد ذاتي مرجع :)
    انا بهزر
    ويسعدني دائما وجودك

    ReplyDelete
  67. أكثر من اسبوع وأنا تايه في محيطك ..مش كنت تحط مراكب و سفن قبل ما نبحر في دنيا جوعك التي لا تنتهي ..
    أحسدك بالفعل ..أنت تلهب المشاهر بضحك عجيب ..

    كامل النصيرات
    الأردن

    ReplyDelete
  68. شريف طلال

    و الله زي ماقلت
    في ناس ماشية زي القطعان
    بلا هوية و لا فكر
    ربنا يهدي الناس
    عجبتك الاغنية
    عندي واحدة لنانسي عجرم

    ReplyDelete
  69. MerMaid
    يا فندم التعليق اللي يضيع فداكي
    علي فكرة انا مقلتش اني مبحترمش فكر نجاد كرجل سياسي
    علي العكس بل اتمني ان نجد من حكامنا من هو علي شاكلتة

    سعدت حقيقي لمرورك
    وخلي بالك من تعليقاتك
    هو المدون اية غير تعليق

    ReplyDelete
  70. ayar
    هو الكليب زي ما قلت لاحدي احتفالات الشيعة في ذكري مقتل الحسين
    تحياتي

    ReplyDelete
  71. كامل النصيرات
    شخصيا
    من اجمل كاتبي السخرية في الاردن
    حقيقي شهادة اعتز بيها
    و اشكر الجميلة مني الصاوي اللي عرفت حضرتك علي مدونتي
    شكرا استاذنا

    ReplyDelete
  72. اول مرة اعرف كدة

    ربنا يكرمك .. انا كنت من الناس بتوع عدو العدو يبقى صديق

    بس بصراحة ؟ .. انا منبهرة بقدرته على انه يخلى شعبه حواليه اوى كدة


    ملحوظة تانيه : .. يعنى بالراحة شوية .. عشان اسلوبك فى الكتابة جامد اوى .. و كمان انت بتشتم كتير مش اهمة ليه؟

    ReplyDelete
  73. بص يا حج البلوجة بتاعتك ظريفة ودمها خفيف

    بس انتا مش عجبك حاجة
    وبعدين نجاد اهو راجل حتى لو كان كلام على المليان اهواحسن من الخو......
    العرب
    وبعدين عيب تحط صور تركيب ها
    ملحوظة انا خبير صور يا معلم سلام

    ReplyDelete
  74. السلام عليكم ورحمة الله وبركاته
    أولا أنا هقول للأخ اللي علق قبلي اللي بيقول ان الصور دي تركيب وانه خبير صور يامعلم
    لا .. الصور دي مش تركيب .. وانت اللي طلعت معلم خالص!

    اقول بئى لأنا جعان .. انت بتلوم على اللي بيعملوا فوروارد للايميلات وهما مش عارفين حاجه؟.. امال انت بتعمل زيهم ليه؟.. آه بتعمل زيهم .. الصور اللي انت ناشرها على اساس ان احمدي بيسبوس في الاسرائيلين ويحضنهم .. على اساس يوصلنا شعور انه خاين يعني.. اديني فرصه اقولك ان الحاخامات اللي معاه في الصوره دول من جماعة لا لإسرائيل .. ودي جماعه يهودية بتحارب وجود الدوله الإسرائيليه.. وبيقولوا ان وجود دولة اسرائيل منافي لتعاليم التوراه الحقيقية .. وان الصهيونية ضد الحق .. وهما بيطالبوا بحل دولة إسرائيل وترحيل اليهود لدولهم الأصليه والعيش تحت قوانينها .. وان اليهود مالهمش حق يجوا بعد قرون ويقولوا دي أرضنا ودولتنا.. لو لاحظت البادج اللي على صدر الحاخام .. هتلاقي نجمة اسرائيل وعليها دايره وعالمة غلط باللون الأحمر
    على فكره انا مش من محبي ايران .. ولا من كارهيها .. بس لو زعلان من محاولات الضحك على عقولالناس بتخاريف واستتارات .. ماتعملش كده انت الاول واستخدم الحق فقط.. ياريت ماتاخدش كلامي بشكل هجوم وتتقبله بدون زعل .. لاني فعلا متابع لمدونتك وعاجبني اسلوبك..
    تحياتي لك وللجميع
    السلام عليكم ورحمة الله

    ReplyDelete

بعبع وقول اللي في نفسك يا خويا