Thursday, February 07, 2008

عايزين يخصخصوني

معلش هاتعبكو و ادوشكو شوية
في شخصية ضافتني علي الايميل عندها ودة الحوار اللي تم بينا

11:51] nadan12: صباح الخير[11:51]
anaga3aan: saba7 el nour
[11:52] nadan12: كيفك [11:52]
anaga3aan: كويس[11:52] a
naga3aan: مين؟[11:52]
nadan12: انا نور ممثلة شركة ومعايا لك عرض انشاء الله راح يعجبك [11:52]
nadan12: مهتم نحكي بالموضوع [11:52] nadan12: ؟[11:52]
anaga3aan: ؟؟[11:52]
anaga3aan: شركة اية و عرض اية[11:52]
nadan12: احنا شركة جديده [11:53]
nadan12: انت عندك موقع على الانترنت مسجل باسمك ؟[11:53]
nadan12: شو رايك نعطيك موقع مسجل باسمك [11:53]
nadan12: ومساحة استضافة 5 جيجا بايت [11:53]
nadan12: وكمان 100 ايميل مسجل على العنوان الجديد[11:54]
nadan12: ايه رايك مهتم ؟[11:54] nadan12: طبعا بدون مقابل مادي
[11:55] anaga3aan: مقابل اية طيب[11:55]
nadan12: المقابل هو حسابك في البلوجر [11:55]
nadan12: بعد ما تعطيني عنوان مدونتك نتأكد منها[11:55]
nadan12: وكمان انت ما راح تعطينا اي شي قبل ما تتأكد انو الموقع تسجل باسمك[11:56]
nadan12: شو رايك نكمل ؟[11:56]
anaga3aan: يعني اية حسابي في البلوجر[11:56]
anaga3aan: نكمل اية مش افهم الاول [11:56]
anaga3aan: انتي عايزة اية من البلوجر بتاعتي[11:56]
nadan12: اوكي [11:56]
nadan12: تمام[11:56] nadan12: اعطيني عنوان مدونتك
[11:57] anaga3aan: انتي مش عارفاها؟؟[11:57]
anaga3aan: امال جبتي ايميلي منين ؟؟[11:58]
nadan12: انا عارفها بس اتحملني في عندي حوالي 300 عنوان مش متأكده اي واحده منهم [11:58]
nadan12: اتحملني [11:58]
anaga3aan: اقري اسمي و انتي تفتكري[12:00]
nadan12: تمام [12:00] nadan12: اوكي
[12:01] nadan12: احنا راح نساعدك توصل كلمتك بطريقه أقوى وبطريقه اسرع [12:01]
nadan12: احنا راح نعطيك موقع مسجل باسمك[12:01]
nadan12: .com[12:01] nadan12: ونساعدك بالتصميم والبرمجه
[12:02] nadan12: وكمان راح نساعدك تعمل مدونه أو اكثر على عنوانك الجديد [12:02]
nadan12: مقابل حسابك في البلوجر بعد ما تتأكد انو الموقع تسجل باسمك [12:02]
nadan12: ايه رأيك مهتم [12:02]
nadan12: ؟[12:02] nadan12: نكمل[12:02]
nadan12: اذا كنت مهتم احنا ممكن نخلص في ربع ساعة [12:02] nadan12:
[12:02] anaga3aan: انتي عايزاني اتنازلكو علي حسابي في البلوجر
[12:02] anaga3aan: مقابل 5 جيجا؟[12:03] anaga3aan: و 100 ايميل
[12:03] anaga3aan: وموقع باسمي[12:03]
nadan12: بعد ما تتأكد انو الموقع تسجل باسمك
[12:03] anaga3aan: هي مدونتي مهمة اوي للدرجة دي [12:03]
nadan12: ما شاء الله عليك [12:03] nadan12: بس احنا مهتمين بالمدونات القديمة
[12:03] nadan12: اذا كنت مهتم خلينا نبدأ ؟[12:03]
nadan12: ايه رأيك ؟[12:04]
anaga3aan: ما هو اكيد استفادتكو من وراها اكبر من الارقام اللي انتي بتقوليها
و اعذريني[12:04] anaga3aan: اصل انا من متبعي مبدأ[12:04]
anaga3aan: الحداية مبتحدفش كتاكيت [12:04]
anaga3aan: ثانيا [12:04]
anaga3aan: انا يا عزيزتي[12:04]
nadan12: ما فهمت :-/[12:04]
anaga3aan: مش في حاجة للمساحات دي اساسا[12:05]
nadan12: يعني انت مش مهتم ؟[12:05]
anaga3aan: مش مهتم و مستغرب العرض الغريب دة[12:06]
nadan12: اوكي شكرا لك وشكرا على وقتك[12:06]
nadan12: [12:06] nadan12: باي [12:06]
anaga3aan: لا استني [12:06]
anaga3aan: انا عايز افهم حاجة[12:06]
anaga3aan: اية الغرض من حصولكم علي المدونات[12:07]
nadan12: اسفه ما بقدر اجاوبك على السؤال ما دام انت مش واحد من زبائنا [12:07]
nadan12: شكرا على وقتك[12:07] nadan12: باي
والي هنا و انتهي الحوار
حد يقدر يفهمني اية دة
ومين الشخصية دي هل حد اتعرض علية حاجة زي كدة
هي كل مشكلتي ان العرض اللي اتعرض مكنش قد كدة فا لوحد يعرف شركة تشيل
بالعملة الصعبة حتي لو بالجنية الفيومي يدلهم عليا

50 comments:

  1. كده الناس المهمة يا عم اسلام...
    عيش يا سيدي
    عروض وترفض...
    خليك لحد ما يجيلك بنت الحلال اللي تقدر قيمتك (اقصد الشركة يعني)

    5 جيجا مين وبتاع مين...
    انت مدونتك مهرها غالي اوي...
    ميقلش عن سيرفر كامل

    ReplyDelete
  2. لا بجد ايه ده مش اول مرة اشوف الحوار ده كان عند ابو شنب برضه فى مدونته واحد كلمه
    لا الا مدونتى دا انا تعبت فيها لغايه ما لزقت كل الفراشات اوعوا تكونا بجد والله دى تبقى مصيبه طيب مين عاوز يأخد بلوجاتنا

    ReplyDelete
  3. السلام عليكم ورحمة الله وبركاته

    هههههههههه
    ايه دا كله هي المدونة وصلت للعالميه ، وبقي ليها قيمه عاليه كده
    طب ايه رايك تنزلها اسهم في البورصه او ممكن تعمل اكتتاب عام والبليه تلعب بقي وماحدش يعرف يكلمك

    ReplyDelete
  4. حكاية غريبة اوى
    وتحس ان وراها إن
    وخصوصا لو كان الموضوع مافيش من وراه مشكله كانت المفروض انها تفهمك ليه برضه عايزين حساب البلوجر بتاعك
    ناس مريبة اوى
    سلام
    اختك خيخة

    ReplyDelete
  5. ض/خالد
    و الله يا دكتور انا قلت كدة برضة
    و الصراحة اقل من 3 علب فول كبار مش لاعب

    معلش مقصر معاك يا دكترة و مع الناس كلها
    بس لو عرفتو اللخمة اللي انا فيها
    هاتعذوروني

    ReplyDelete
  6. عصفور المدينة

    مش كدة برضة يا بشمهندس

    ReplyDelete
  7. appy
    لا تكلكي
    ورانا رجالة تاكل الزلط
    لو حد قرب منك
    مدونتك في سنانك و طيران علي بلدكو

    ReplyDelete
  8. خمسة فضفضة
    يا دكترة
    الحكاية ابسط من كدة
    هو لو كان الشركة دي جابت سيرة فلوس
    كانت زغللت عنيا
    وبعتلها المدونة و فوقيها طقم انترية

    ReplyDelete
  9. بت خيخة وأى كلام
    شوفتي يا خيخة يا اختي
    البلوجراوي مننا بقي زي الكرنبة ينباع و ينشري فية

    ReplyDelete
  10. هههههههههههه
    الله يسهلك يا عــــــــــم
    ها مهتم نكمل
    تقريبا الشريط سف منها فى الحته دى
    مين دول
    هو الاحتلال وصل كمان للدرجه دى
    يعنى مش مكفيهم سيطره مواردنا وبلادنا كمان عاوزين يسيطروا على عقولنا وكلامنا
    طيب كنت خد 10 جيجا ووزعهم على البلوجاريه اخواتك
    :)

    ReplyDelete
  11. قرأت نفس الحوار تقريبا عند حد ما، مش متذكراه
    بس واضح انها شركة/شراكة ما

    والنصيحة.. عمرك ما تدى اسمك لحد

    ReplyDelete
  12. مش انا بقول ان انا جعان دة اسم عالمى
    ولو نزل فى كتاب هايتباع فى العالم كله
    بس للاسف مافيش حد مصدقننى

    رفقه عمر

    ReplyDelete
  13. سبحان الله بقالى نص ساعه بحاول انشر التعليق باسمى وهو رافض
    ومش اتنشر الا بمجهول
    رفقه عمر

    ReplyDelete
  14. سيدي يا سيدي
    ايوة كدة يا عم جعان وصلنا للعالمية

    علي فكرة في مدون اسمه ابو شنب صاحب مدونة اكتبيني في دفاترك عاشق
    كتب نفس الحوار بالظبط
    بس الفرق ان اللي كلمه واحد راجل
    واتعرض عليه فلوس


    اللي يعيش ياما نشوف

    ReplyDelete
  15. انا اول مرة ازور المدونة بتاعت حضرتك
    بفضل ديبو متابع المدونات
    :))))
    حضرتك كدا هترتاب في الزائرين الجدد
    :S
    الموضوع فيه أن
    حرص بقاة

    ReplyDelete
  16. يلا يا عم شكل المدونة بتاعتك مش هتخليك جعان تاني

    بصراحة انا اول ماقريت الموضوع شكيت في element
    بتاع المدونة تسوى كام
    دور كده هما جابوك ازاي وانت تعرف هما بيعملو كده ليه

    وياريت تعرفنا

    ReplyDelete
  17. والله انا بقيت باهرب من اي مندوب مبيعات في اي حتة في الدنيا مما كان العرض اللي بيقدمه

    سواء بقى، تميمة، اعلانات قناة المحور والناس، الناس اللى بتتصل في التليفون، الناس اللى بتمشي في الشارع تبيع برفانات، الايميلات الكتييييير اللي بتجي لي وبامسحها من غير ما اشوفها اصلا، وغيره وغيره

    بس كويس عرفنا اسلوب جديد للمبيعات

    ReplyDelete
  18. الموضوع غريب اوى
    لكن خلينى اهنيك انك بقيت اشهر من النار ع العلم وده فى مصلحتك اكيد
    عشان مادام فى شركات بدأت تفكر تستغل مدونتك لشهرتها يبقى هتنهال عليك العروض
    وبكرة مش هنعرف نكلمك

    :)))
    ابعد عن الشر وغنيله
    اه يا لييييييييييل
    =====
    مبروك لمصر صحيح ياريت تحكيلنا عن شعورك لما مصر غلبت كوتديفوار بالاربعة وشعور الاخوة العرب معاك الى واثقة انهم بيعزو مصر اوى :S

    ReplyDelete
  19. قصة مريبة فعلا... وأظن بعد ما بتقفل حسابك القديم وتسجل معاهم هتلاقى نفسك يمكن مفروض عليك إعلانات معينة تتنشر فى مدونتك حتى لو انت مش راضى عنها.. أو وصلات لمواقع أخرى يمكن انت نفسك ماترضاش عنها وده بعد ما يكون حسابك القديم فى بلوجر انقفل وناس كتير من اللى كانت متابعاك تزهق من تتبعك من موقعك لموقع ومن عنوان لعنوان...

    خير ما عملت يا أنا جعان يا أخويا... يعنى لو كانوا عرضوا ربع جنيه مخروم كانت العملية تستاهل النظر برضه

    ReplyDelete
  20. انت فين يا عم ..
    و بعدين ما تنساش اخوك .. المدونة عندى للبيع مش بخمسة جيجا .. بخمس سندوتشات فول .. دى ناس فاضية ... اللى عايز يشترى يخيب التمن و التجربة خير برهان ..

    نتكلم جد بقى .. العروض دى واردة .. و عادى اسمع و طنش ..

    ReplyDelete
  21. اكيد حركه جديده
    من حركات السرقه
    علشان يسرقوا مدونه مهمه
    وينسبها واحد تاني لنفسه

    ReplyDelete
  22. أكيد دي تبع السي أي ايه

    أو الدبليو سي
    أو الاتش اس بي سي

    خد بالك من نفسك ومدونتك يا اسلام
    اللي يفرط في مدونته ممكن يفرض في ..ايميله

    ReplyDelete
  23. على فكرة يا سلوم باشا ، ياريت لو تضع تنويه بسيط عن صورة حنظلة اللى انت مستخدمها هنا حيث أنها من الحقوق المعنوية للمرحوم ناجى العلى ، فياريت تنوه عن ذلك استكمالا لصورتك الحلوة.
    ولك تحتاتى .. أسامه من كندا

    ReplyDelete
  24. الكلام مريب فعلاً
    ربنا يستر

    نوني

    ReplyDelete
  25. جدية دى و اللهى سماسرة بلوجات حلوة دى و الهى
    مبقاش الا دى كمان
    بكرة تلاقى واحد واقف على الناصيه بيقول البلوج دة سعروه نزل بقه 50 جيجا بس
    و يا ما لسه حنشوف
    مفضلش غير فى البلوجات كمان
    و دمـــــــــــــــــتــــــــــــــــــــم

    ReplyDelete
  26. لماضة
    ربنا يسهلنا كلنا
    انا سمعت ان في ناس مكلمين علي البلوج بتاعتك
    وعرضهم صينية بطاطس

    ReplyDelete
  27. Lasto-adri *Blue
    لا بادي اسمي ولا اسم اللي جنبي
    لا تكلكي

    ReplyDelete
  28. رفقة عمر
    شكلهم اتصرفو في المدونة بتاعتك خلاص
    عوضك علي الله

    ReplyDelete
  29. smraa alnil
    انوج هانم
    لايميني علي الراجل ابو فلوس دة

    ReplyDelete
  30. نـــــــازك الملائكـــــــة
    علي العكس باب المدونة مفتوح للجميع
    بس ابقي سيبي بطاقتك عند الامن

    ReplyDelete
  31. hui mu han
    يا سيدي
    ولا ادور بقي بلا وجع دماغ
    المدونة اهية انا هانزلها مناقصة اظرف مغلقة

    ReplyDelete
  32. أبو خالد
    انا توقع في نهاية الحوار معاها
    تقولي مع العرض دة بنقدملك هدية
    بطانية سانتامورا

    ReplyDelete
  33. لا بجد حوار غريب جد
    بس دي يدل على انك راجل مهم و مدونتك مهمه

    ReplyDelete
  34. مالكش دعوى يا استاذ بالجنيه الفيومي

    هههههههههههههههههههههههههههههههه

    طيب يا زلما في شركة بدها تعرض عليك 500 فرخه و10 ديوك رومي و 40 حمام محشي فريك و 30 بطة و10 كيلو كبده

    هلااا مينح هالعرض ولا بدك تزود ؟ ع كيفك ياخيي ...شو ما بدك تعمل اعمل

    هههههههههههههههههههههههههههههههه


    مالكش دعوى بالعملة القومية بتاعتنا

    ههههههههههههههههههههههههههههههههه


    نتكلم جد شوية يا فندم ...مدونتك ليها رونق وطابع خاص ( ودي قصة كفاح مس جايه على المرتاح ) صح ولا لاء ؟

    يا استاذنا ...الموضوع واضح (الموضوع كله احتمال والله اعلم استغلال لمدى نجاح المدونة ولاسمها في مقابل كلام بس مش انت اللي هاتقوله ...حد تاني غيرك هايقوله على اعتبار (ظاهريا فقط) ان انت اللي كاتب الكلام ده ويستمر التاثير ويتوغل ...والله اعلم ده في تخميني ...الله اعلم بالحقيقة فين

    اعتقد ان الكلمة امانة وهانتحاسب على كل كلامنا كله اللي قلناه واللي كتبناه واللي كمااااااااان خلينا وبنخلي الناس تقرأه

    بأقولك ايه خليك في العرض بتاع الشركة اللي قلت لك عليها ...وكمان الحلو (شكولاته سنيكرز وشكولاته جالاكسي...لاء ولا بلاش ...خليها شكولاته بيضا )

    وكمان هاتخلي المدونة لصاحبها ولحسابه ...بس في مقابل ( لان الحداية مش بتحدف كتاكيت ههههههههههه بتاخد كتاكيت ههههههههه)

    بجد في مقابل ان صاحب المدونة يدرك ويعرف ان الكلمة امانة في كل وقت وفي كل مكان وانه حتى ان خلى الناس تبتسم (مش تضحك) يبقى بردو عمل حاجة

    والمصداقية وايضا السخرية في نقل الواقع ...من ادوات المحترفين ...

    ها تقبل العرض بتاع الشركة دي ولا لاء ؟؟؟؟؟؟؟

    قول انت بس ايوة وابعت لنا رقم الفيزا بتاعك ومالكش دعوة
    هههههههههههههههههههههههههههههههههه


    تحياتي ليك وتقديري ليك يا اسلام

    ReplyDelete
  35. ايوة ياعم براحتك

    اوعى تتمرع علينا بس
    ههههههههههههههه

    انا ممكن ابيع القضية كلها بشندوتش بيض بالبسطرمة على فكرة

    وانت 5 جيجا وبتاع

    الكبير كبير سيبك انت

    ReplyDelete
  36. لا فعلا بجد

    الموضوع غريب جدا
    اعتقد انهم بيختاروا المدونات اللى ليها افضلية و لها زوار
    علشان يوصلوا لعقول الناس بعد ما وثقوا فى الشخص

    عن نفسى لا يمكن اعمل كدا
    و لا سيرفر كامل يكفينى << قال عاملة فيها بتاع و هى ولا حاجة أصلا

    معلش بس عندى مبدأ ....كخكخكخكخ



    تحياتى لشخصك الفاضل

    ReplyDelete
  37. البنت الشلبية
    الله يكرمك يا فندم
    بس كلمتين و الله مش كلام جرايد
    حقيقي انا مدونتي بالناس اللي بتدخل فيها
    والعقول الشخصيات الرائعة اللي بتعرف عليها عن طريق التدوين
    الشكر واجب علي انا

    اما عن احساسي بعد لما مصر غلبت
    حسيت اني نفسي اكل حاجة حرشة

    ReplyDelete
  38. Cleo
    ما مريب الا الشيطان
    و علي رأيك العرض كان غلط
    لو كانو شخللو جيوبهم كان زمان الموضوع في كلام

    ReplyDelete
  39. eldoctor
    انا هنا يا دكترة
    و مش ناسيك يا فندم
    و انت مقامك برضة سندوتشات فول
    القدرة جاهزة بس انت قول موافق

    ReplyDelete
  40. انا في راي انهم ممكن يعملوا زي دار النشر اللي حولت المدونات الى كتب بس يا ترى ليه ماقالتش كده ن الاول؟؟؟ يا ترى...مين وراها؟؟

    ReplyDelete
  41. ياحاج اسلام ياصاحبى واخويا وحبيبى
    الحكايه كلها
    انهم عاوزين ياخدو المدونه بتاعتك ويضفوفها لموقع خاص بيهم يضم مجموعه مدونات مشهوره
    وبكده موقعهم يقدر يكون موقع رسمى كبير .. ويكون عدد زواره يسجل رقم قياسي ويقدروا من خلاله ينشروا ما يعبر عن ارائهم .
    غير الاعلانات طبعا
    وكل مزايا النت تكون لهم .

    اما العرض اللى حضرتك حتستفيد بيه ..
    ال 5 جيجا دول يافندم تقدر تستفيد بيهم فى انك تبعهم فرط عشان يجيبوا ليك فلوس حلوه

    يعنى هما بيحاولوا يعملوا موقع كبير زى اليوتيوب بس الموقع ده عربى وبعد كده يبيعوه او يكون تابع لخلفيه سياسيه يقدروا ينشروا ثقافه معينه من خلاله

    وسلملى على انا جعان بالنيو لوك الجديد
    ومتلعبش بلياردو تانى الا لما تقولى

    ReplyDelete
  42. اممم !! شئ غريب فعلاً

    أنا كتبت موضوع زي ذا قبل فترة ، من باب المزح وما توقعت انه ينتشر فعلاً
    :S

    http://www.salwa.ws/blog/?p=145

    ReplyDelete
  43. مش مكفيهم العين صابتني ورب العرش نجاني
    والحلوة دي مش ورث دي جت بخلع الضرس
    هههههههههه
    تعرف يا اسلام دي بجد اول مدونة ادخلها
    واشتركت فيها
    شكلي هجيب عفشي من المنتديات
    واجي اصيف عندكو
    هههههههه

    ReplyDelete
  44. يا عم مش انت جعان؟؟؟
    طيب ما هو أنت اللي مصيح لنفسك، وطمعت الناس فيك،
    تعالي بينا نحلل لامؤاخذة الحوار.
    اللهجة دي تدل على إنها أخت من دولة عربية شقيقة شهيرة بتصدير البضائع المستوردة اللي عندنا بيسموها "حريم"، يعني أنت ضيعت فرصة عمرك اللي عمال تستناها.
    وكمان ياسيدي كانوا هيدولك موقع مسجل باسمك، يعني تقدر تقول هيبقي
    anaga3an.com
    وبكده هيبقي عندك مطرح خصوصي غرفتين وصالة بلامؤاخذة منافعهم، أو منافحهم، اللي تفضله أنت بقي.
    وهيبقي الموقع قبلي وبيطل على الهوت ميل.

    يا أخ جعان، أظن أنهم كانوا عايزين ياخدوا البلوجر بتاعك علشان خاطر يستخدموه في توزيع العيش على الإخوة الغلابة -وأنا منهم- من زوار مدونتك، أهو بدل ما ينزلوا ويلفوا على رجلهم.

    وإن شاء الله تعمريها وعيالك يجوعوا فيها،،،

    وأجمل مدونة يا برنس ومتابعينك....

    ReplyDelete
  45. علي فكرة انا بردوا نفس الشخص كلمني ,, و بعد أستشارة من ناس محترمة أدرت أعرف مين

    أكتشفت ان معظم المدونات السياسية الكبري جلها نفس الكلام و بنفس الألغاز

    ويريت يا جماعة محدش يبيع
    زي ناس تانية

    علي فكرة الموضوع دة حقيقي جدا
    و دة من الشلة اللي أنتم عرفنهم علشان يتكلموا بصوتنا احنا

    و شكرا للكل

    ReplyDelete
  46. I found this site using [url=http://google.com]google.com[/url] And i want to thank you for your work. You have done really very good site. Great work, great site! Thank you!

    Sorry for offtopic

    ReplyDelete
  47. ...please where can I buy a unicorn?

    ReplyDelete
  48. Soy conforme con Ud, gracias por la ayuda en esta pregunta. Como siempre todo genial simplemente. http://nuevascarreras.com/comprar-cialis-es/ cialis generico comprar Sì questo è tutto finzione comprar cialis generico qrkjkuciva [url=http://www.mister-wong.es/user/COMPRARCIALIS/comprar-viagra/]viagra cialis[/url]

    ReplyDelete
  49. The post pгovideѕ estаblished necеssаrу tо mуself.
    It’s really informative аnd уou are obѵiously геallу еducаted
    in this fіeld. Yοu get eхрosed my ѕight to be
    able to varying thoughtѕ about thіs pагticulaг subject using іntrіguіng and reliable сontent material.
    Have a look at my homepage : utexas.edu

    ReplyDelete

بعبع وقول اللي في نفسك يا خويا