Thursday, February 14, 2008

معايا الفلانتين السخن

كلمة الحب، من أعظم الكلمات التي تسمعها الأذن، ويشعر بها القلب. ويرجع ذلك إلى التركيب النفسي والعاطفي الذي خلقه الله في الإنسان، فكل إنسان بحاجة لأن يكون محبوباً وبنفس الصورة هو بحاجة أن يحب.
وحينما يشعر الإنسان أنه محبوب فإنه يشعر بالقيمة الذاتية، والأهمية الشخصية، والقبول من الآخر، وجميعها قيم داخلية يحتاج كل إنسان أن يشعر بها.
ودائماً ما يبحث الإنسان عن الحب وسط أهله وأصدقائه و أقاربه وزملائه. ومن المعروف أنه كلما حصل الطفل الصغير على مزيداً من الحب - بطريقة سليمة خالية من التدليل الزائد - داخل نطاق الأسرة فإنه يكون أكثر اتزاناً في حياته التالية، فسيكولوجية الإنسان تقول أن أكثر الناس بحثاً عن الحب هم من لم يحصلوا عليه. وقد يتسبب هذا في الكثير من المشكلات النفسية والعاطفية التي تؤدي إلى القلق والتوتر، والسعي الخاطئ نحو ما يظنه الشخص حباً، ومحاولة جذب الانتباه التي تصل في بعض الحالات الخطيرة إلى محاولة الانتحار.
ولذا فإنه من المهم جداً أن يشعر الشاب داخل أسرته وكنيسته بالحب من الجميع، وأن لا يكون هذا الحب مكافأة على السلوك الطيب للشاب، فالشاب يحتاج أن يكون محبوباً في أوقات الضعف والسقوط أكثر من أوقات القوة والانتصار. ســواء كنت قائماً أو ساقطاً فالرب يحبك ويريد أن يشددك و يقيمك. يريد أن يقدم لك جميع حاجاتك الجسدية والنفسية والفكرية والروحية ، وفي محبته لك لن تشعر بأنك محروماً من الحب.
لقد أعطانا السيد المسيح هذه المحبة كما يقول الرسول بولس في رسالته إلى رومية:" لان المسيح إذ كنا بعد ضعفاء مات في الوقت المعيّن لأجل الفجار. فانه بالجهد يموت أحد لأجل بار. ربما لأجل الصالح يجسر أحد أيضاً أن يموت. ولكن الله بيّن محبته لنا لأنه ونحن بعد خطاة مات المسيح لأجلنا. فبالأولى كثيرا ونحن متبرّرون الآن بدمه نخلص به من الغضب. لأنه إن كنا ونحن أعداء قد صولحنا مع الله بموت ابنه فبالأولى كثيرا ونحن مصالحون نخلص بحياته." (رومية 5 : 6-10).
ويقول القديس يوحنا:" لأنه هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية (يوحنا 3 :16) ،
"لأنه ليس لأحد حب أعظم من هذا أن يضع أحد نفسه لأجل أحبائه" (يو 15 : 13).
ثق أيها الشاب أن الله يخاطبك في كل لحظة كما خاطب دانيال النبي في القديم قائلاً ً: "لأنك أنت محبوب" (دانيال 9 : 23).
و الآن وقد علمت أنك محبوب جداً من الله فإنك تستطيع أن تقدم بعضاً من هذا الحب للمحيطين بك كما يخبرنا القديس يوحنا: "أيها الأحباء لنحب بعضنا بعضا لان المحبة هي من الله وكل من يحب فقد ولد من الله ويعرف الله" (1 يو 4 : 7).
والآن هل اكتشفت بنفسك أن الحب الذي نراه على شاشات التليفزيون أو السينما في أغلب الأحوال ليس حباً حقيقياً، وأن كل حب لا يهتم بالآخر ولا يهدف إلى مصلحة الآخر، ولا يراعي شعور الآخر أو سمعة الآخر أو نجاح الآخر هو في الحقيقة ليس حباً.
ونعود لنجيب عن السؤال: كيف اقدم الحب للآخرين؟
وللإجابة على هذا السؤال أقول لك أنه ينبغي أن تكون فالانتينو Valentine (وهو الاسم الذي يطلقه البعض دون وعي على المحبين).
ولكن، هل تعرف من هو فالانتينو الذي تسمع عنه كثيراً، ويتردد اسمه مرتبطاً بالحب وعيد الحب؟
فالانتينو هو الأسقف فالانتين Bishop Valentine (ويوجد قديس آخر من الأتقياء يدعى بنفس الاسم وينسب إليه البعض العيد أيضاً) من أساقفة روما وقد استشهد من أجل الإيمان بالمسيح في عهد الإمبراطور كلوديوس الثاني يوم 14 فبراير سنة 270 ميلادية. وقد اشتهر هذا الأسقف بمحبته لجميع الناس، كما اشتهر بما قدمه من أعمال الشفقة والرحمة حتى أصبح رمزاً نابضاً للحب ، في حبه لإلهه الذي استشهد من أجل الإيمان به، وفي حبه لشعبه وأخوته بما قدم من أجلهم . وحينما أراد جيلاسيس
Gelasius بابا روما سنة 496م
أن يصنع عيداً للحب وجد أن هذا الأسقف يمثل الحب المسيحي الصادق فحدد يوم استشهاده ليكون عيدا للحب.
وما زال معمولاً بهذا العيد حتى الآن، ولكنه تحول كثيراً عن الهدف المرجو منه ، وأصبح اسم فالانتينو - للأسف - مرتبطاً كثيراً بالمعنى الاستهلاكي للحب.
والآن هل نتعرف معاً على بعض المجالات التي نستطيع من خلالها أن نقدم الحب للآخرين متمثلين بذلك الشهيد الذي شهد بحياته من أجل محبته في الملك المسيح.
1. كن فالانتين، وقدم حبك في خدمة إلهك الذي مات من أجلك على عود الصليب وقام من أجلك. وفي هذا لا تحسب حساب للنفقة ، ولا تنتظر مقابل لحبك. ولكن لا تخف فهو يعطيك مائة ضعف في هذا الدهر ، وفي الدهر الآتي الحياة الأبدية (مرقس 10 : 30).
2. كن فالانتين، وقدم حبك لكنيستك بكل عقائدها وطقوسها وخدماتها و آبائها وشعبها. احرص على خدمتها دون انتظار مقابل لهذا الحب.
3. كن فالانتين، وقدم حبك لأسرتك ، الكبير والصغير، قدم الحب لكل من هو بحاجة إليه، احرص على عمل كل ما يفرح قلوبهم دون انتظار مقابل لهذا الحب.
4. كن فالانتين، وقدم حبك لمجتمعك الذي تعيش فيه ، احرص على دراستك ، تفوق ، كن عضوا صالحاً في مجتمعك، قدم الحب للجميع حتى الذين يسيئون إليك، ولا تنتظر شيئاً في مقابـل هذا الحب.
5. كن فالانتين، وقدم حبك لكل محتاج للحب ، حباً نقياً صادقاً يصل بك ومن تحب إلى قلب الله الذي أحب الجميع ، قدم حبك في خدمة المحتاجين ، المعوزين، المرضى. قدم حبك للحزانى والمتألمين والمتضايقين. ولا تنتظر شيئاً في مقابل هذا الحب.
ويبقى العديد من المجالات التي يستطيع الإنسان أن يقدم الحب من خلالها ، ولعل أحد أهم هذه المجالات هو تقديم الحب للزوجة أو الزوج من خلال سر الزواج المسيحي المقدس وذلك في الوقت المناسب الذي يحدده الله لك، فلا تنشغل بذلك كثيراً الآن ، واعلم أن لكل شئ تحت السماء وقت، فاهتم اليوم بحياتك، وحقق أهدافك، وعش حياة الحب والعطاء من الآن لتتمكن في المستقبل من إشباع بيتك وأولادك بهذا الحب المستمد من محبة الله لك.
(نقلا عن احد المحاضرات في ابراشية سانت ماري)
ولمدعي الثقافة انصاف المتعلمين هو دة مبدأ يوم الفلانتين في دول اوروبا و الامريكتين
حاجة كمان اول رسالة ارسلت للتهنئة باليوم دة كانت من ايثر هولاند سيدة امريكية في اواخر القرن ال 18
ثم اندثر الاحتفال بة ثم اعيد في القرن العشرين لا اعلم امتي علي وجة الدقة لكن هناك اشاعة قوية ان عدة شركات امريكية ضخمة
تسوق منتحات ترفيهية و اطعمة وشركة مثل
hallmark
هم من احيو اليوم دة لترويج منتجاتهم
لا اتحدث عن وقف الاحتفال دة من منطلق ديني او شريعي فانا لست من اهل الفتوي
ولكن من باب العقل يا بني ادمين

فا علي السادة الفلانتيين التوجة الي النوافذ المخصصة للحصول علي فالانتينهم السخن
ملاحظة: لما تكون راجل بريالة و مبتحبش مراتك غير يوم واحد في السنة وتعملها جو رومانسي
او بتحتفل بالفلانتين دة علشان الناس متقولش ازاي مجبتش هدية لمراتك في اليوم دة يا بخيل
او خايف من المدام تخلي ايامك كلها تلات و اربع و متشمش ريحة الخميس
تبقي حاجة من الاتنين يا قفة يا عندك عجز جنسي

يا مدعي الحضارة و الدفاع عن الحب يا محدثي الحب
اذا كنتم تنتظرو يوم كل عام لتقول لامرأتك انا احبك
فا جتك وكسة فانت مازلت مراهق في دنيا المرأة
وانا هنا لا اتحدث عن الشباب الصغار في المدارس او الكليات
دول ربنا معاهم الواد من دول عبارة عن مجموعة هرمونات في كيس
ولكن عن الناضجين المتزوج منهم او المرافق حتي
اذا كانت امرأتك تنتظر الفلانتين من السنة للسنة علشان بسلامتك تفتكرها بصحبة تين شوكي حتي
وهي تعلم ان اليوم دة هو ملجأها لان تسمع منك كلمة او اشارة او نظرة لبقايا حب
فيا عزيزي الرجل امك اصطلحت قوم روح


50 comments:

  1. السلام عليكم ورحمة الله وبركاته

    الناس اللي بتحتفل بالفلانتين دول ناس فاضيه ورايقة وموراهاش حاجه تعملها

    ReplyDelete
  2. طيب كنت اكتب كمان ان دينا الاسلامي الحنيف ايضا وصانا بالحب والرسول كمان
    ومن الظلم اننا نحتفل بيه يوم واحد ايه دة وبقيت الايام كره يعني
    من الناحية الشرعية الاحتفال بالفلانتين دة غير شرعي
    لكن مفيش مانع نحب على طول
    بس بما يرضي الله
    متابعة على طوووووول

    ReplyDelete
  3. اوه ...اوه نو

    ههههههههههههههههههههههه

    ايه اللي انت كاتبه ده !!!

    ههههههههههههههههههههههههههه

    يا خبر ابيض
    ده حدف الطوب هايبقى للركب

    عامة انا لسه راجعه من الشغل وقلت ابص على المدونة بتاعتك
    والحقيقة يا ابني ان اللي بيرجع من الشغل فاقد النطق زيي


    بيحتاج يفرفش شوية

    ايه الكلام الجامد ده اللي انت كاتبه
    كلام جامد اوي بصراحة

    هارجع تاني اما افوق من الصداع بتاع العيال في المدرسة واقرأ تاني اللي انت كاتبه

    الا ان موضوعك كمبدأ اتفق معاك فيه جداً

    ReplyDelete
  4. طيب يا استاذنا

    بعد المخمخة والتفكير لاني مش عارفة اعلق على الكلام اللي انت كاتبه
    انا تنحت بصراحة

    ايه الصراحة اللي انت كاتب بيها دي !!!

    ما علينا

    في نقد ممكن يوجه الى حضرتك ان (الفلانتين دعوة للحب بصفة عامة مش شرط حب ما بين الجنسين ..يعني الحب الاسري او الحب بصفة عامة ) هاترد تقول ايه ؟؟؟؟

    انا اصلا متخيلة ردك

    هههههههههههههههههههههههههههه

    في حد بص لي في اكلة السبانخ ! يا ترى مين ؟

    مش عارفة اركز ولا عارفة اجمع كلام معقول اكتبه ...ايه ده !!!

    هههههههههههههههههههههههههههههههه

    ReplyDelete
  5. لا فض فوك ، انت دكر وراجل من ضهر راجل
    انا مبسوط من مقالاتك لانك ابن بلد وعندك المعية
    بس كفاية كده عشان ماتطلعش فيها

    ReplyDelete
  6. أنا برضه باقول فيه عاقلين كثير ولله الحمد

    ReplyDelete
  7. أراك لاحقاًFriday, 15 February, 2008

    انا برضه بقول كده ..

    بإستثناء انك شبهتنا كلنا كطلبة جامعة بإننا كيس هرمونات ( ده انت لو كنت شبهتنا بكيس جوافه كان أرحم ) .. الا انك كلامك حلو و موزون .. !

    ابقى زورني ;) !

    ReplyDelete
  8. هههههههههههههه
    امك اصطلحت قوم روح ... الكلمة دي بالموضوع كله للى يفهمها

    اساسا انا مش مقتنع بالفلانتاين ده
    وغير كدة طول عمرنا عايشين مظهرتش الحكاية دي اوي الا من 3 او 4 سنين كدة لما بقى فيه قنوات اهداءات اغاني ومش عارف ايه

    كمان يعني انا مشفتش في حياتى دبدوب احر الدباديب يا اما بني يا اما ابيض .. يا اما اسود .. ده على كدة بقى يلخبطوا العيال الصغيرة ... يعني يبقى ابو الواد اهبل وبيجيب لامه هدية في الفلانتين والواد نفسه اهبل مش عارف لون الدب ايه


    بس بلاش جملة شوية هرمونات في كيس دي ربنا يخليك ...قول اي حاجة تانية .. ماشي

    ReplyDelete
  9. خمسة فضفضة
    مش كدة برضة يا دكترة
    يعجبني دماغك المكلفة

    ReplyDelete
  10. nonoymm
    يا عزيزتي مش محتاج قوالة
    ان الدين الاسلامي قائم علي دعائم الحب
    بل ان رسالتة هي الحب
    الحب المجرد من اي امور دنيوية
    تبسم لاخيك
    الق علي اخيك السلام
    احب امراتك
    احب اولادك
    اباك و امك
    جارك

    لن تجدي اي علاقة بشرية لم يدفعنا الدين الاسلامي الا لتوثيقها

    ReplyDelete
  11. nada _adly
    شوفي يا ست الابلة
    اذا كنا كعرب و مسلمين
    لا نجد الا القس فالانتين في التاريخ كلة
    لكي نتبع خطي اتباعة و تحديد يوم لكي نحب بعضنا سواء نساء و رجال او اقارب و اصدقاء
    فانا و من موقفي هذا اطالب كل من لة ملة غير الاسلام
    الاحتفال معنا بيوم المولد النبوي وراس السنة الهجرية
    بل بتقديم الهدايا لبعضهم البعض بمناسبة بيعة العقبة

    و السبانخ بتاعتك دي تنقعي فيها شرابات

    ReplyDelete
  12. راجى
    يا بشمهندس اخجلتني بكلامك
    اسال الله ان اكون مثل ما يظن بي الناس

    ReplyDelete
  13. عصفور المدينة
    استاذنا
    للاسف المخاليل مازالو اغلبية

    ReplyDelete
  14. أراك لاحقاً
    يا عزيزي التشبية لم يكن للتعميم و لكن للتخصيص
    فهناك من مرتادي الجامعات من يجب ان يكونو قادة دول
    ابقي ازورك فين
    انت بتقعد علي انهي قهوة

    ReplyDelete
  15. allah-slave
    يا عبد اللة
    الوحيد اللي لاحظ الكلمة الاخيرة في موضوعي
    و الوحيد برضة اللي فهم غلط شوية هرمونات في كيس :)
    يسعدني دائما مرورك

    ReplyDelete
  16. أراك لاحقاًFriday, 15 February, 2008

    m3lsh .. howa el link bta3y magash :) ! .. m3lsh ya rayes :) !

    http://cu.ueuo.com

    note mlahash lazma : ana mesh ba23od 3al ahawy kteer :) !

    ReplyDelete
  17. This comment has been removed by the author.

    ReplyDelete
  18. على فكره
    انت كتبت انك لا توجه كلامك للعيال اللى فى المدارس والجامعات لأنهم كيس هرمونات متحرك
    ------
    احنا الحمدلله فى الأقاليم ماحدش افتكر اصلاً اليوم ده سواء فى اعدادى او ثانوى
    (الجامعه لازم يفتكر)
    ده أنا لما كنت باهزر مع استاذ العلوم وباقوله هابى فلانتين
    قال لى :هو النهارده
    قلت له : آه
    قال لى :يوصل بالسلامه
    ونص الفصل ماكانش فاهم الحوار على إيه
    ممكن لأنهم مايقدروش أصلاً يكلموا بنت
    لأنه هيتاخد محط تريقة الولاد
    ومحط تهزيء المدرسين (اللى بتصل للضرب)
    وسمعته بتكون طييييييييييين
    الحمدلله إحنا فى نعمه
    تحياتى على البوست

    ReplyDelete
  19. السلام عليكم....انا على فكرة متابع مدونتك من اكتر من شهرين لكن اول مرة افكر اكتبلك بعد المقال الجامد جدا جدا جدا ده......يا راجل ده انت موتني من الضحك .......بس انا ليا تعليق زوغير...بلاش كلمة كيس هرمونات.....هيا كلمة جامدة مووووت بس ناس كتيير هتفهمها غلط...........وحلوة كلمة امك اصطلحت قوم روح...احييك عليها.

    ReplyDelete
  20. مش عارف يا اسلام البوست دة كلامة خارج ومش عاجبنى زعلتنى يا شيخ

    ReplyDelete
  21. صديقي الجعان
    دخلت مدونتك بالصدفة ..و من غير تفكير ..رحت لطعاها عندي ع المفضله..ليه بقى..انا اصلي اعز الناس الرايقة..ما علينا..حكاية أن عيد الحب ده كفر ..و مش بتاعنا ..و ما نقلدش الغرب.. و خلوا بالكم ده فخ..وكل واحد ينتبه لدولابه لحسن دول مستخبيين فيه؟؟؟؟؟؟؟؟؟؟
    بالراحة يا اخونا..هو احنا لامؤخذه قررنا ننتخب الأخ فالنتين و لا نرشحه لسمح الله لأي منصب؟..يا عم احنا بنتلكك نتبسط..نقول لبعض كلمة حلوة..بالراحة يا اهل الله ..المشرحة مش ناقصة قتله
    صباحك رغيف سخن يا جعان..بس سيبلي حته..
    منى الصاوى

    ReplyDelete
  22. انا فى راى والله يا جعان يا زميل العباسيه ان الحب طول السنه وممكن ناخد اجازة بس منه يوم 29/2 هههههههههه
    يعنى مش لازم نحدد يوم الا اذا كنا .........مش عارفه اقولك ايه بس تسلم ايديك اصل ربنا شفانى من الهسهس اللى اسمه احتفال الفلانتين ده

    ReplyDelete
  23. عزيزتي منى الصاوي.....
    احنا نتلكك ليه على يوم نحب فيه واحنا اساسا ربنا مدينا السنة كلها.....اشمعنى يوم الفلانتين اللي بنتلكك عليه نقول كلمة حلوة فيه......ليه منقولش كل يوم كلمة حلوة لبعض وننبسط فيه.....اعذريني اذا كنت ناديتك بعزيزتي في اول الكلام ولكن انا بعتبر اي مدون عزيز عليا لانه بيقول اللي في قلبه.....وبعدين اهو اديني قولتلك كلمة حلوة اهو في يوم غير الفلانتين .....ايه اللي حصل..؟؟؟؟؟
    تحياتي ليكي ومسائك رغيف فينو...!!

    ReplyDelete
  24. يعني اية بقى فلامطين؟

    ReplyDelete
  25. كل سنه و انت طيب
    ههههههههههه
    تحياتى

    ReplyDelete
  26. كلامك مظبوط و اتفق معاك بصراحه و فعلا اللى بيحتفلوا بالفلانتاين دول ناس فاضيه فعلا
    و دمتــــــــــــــــــــــــم

    ReplyDelete
  27. رفقة عمر
    شوفي كلمة امك اصطلحت قوم روح
    اختلف عليها العلماء
    فهناك من اكد انها دلالة علي ان الوالدة كان مشيها بطال
    فالاولي تقعد جنبها لحد ما ربنا يهديها
    و اجمع البعض الاخر انها من باب الغمز و اللمز ان السيد الوالد عندة مشكلة
    ملقاش الطب حل ليها
    وبرضة مشي الوالدة بطال

    ReplyDelete
  28. أسامه يوسف
    يا عزيزي الشرقية كلها رجالة

    ReplyDelete
  29. mesh faker
    و الله شكلك اللي فاهمها غلط مش الناس

    ReplyDelete
  30. Anonymous
    معلهش اوعدك البوست اللي جاي
    يكون من سن 2 ال 8 سنين

    ReplyDelete
  31. Anonymous
    يا اهلا بالرايقين
    يا فندم محدش اعترض الناس تحب و تجيب دباديب ارانب و زحالف كمان
    بس اشمعني اليوم دة
    احنا كمسلمين الحب منهج في حياتنا
    يعني كل يوم خميس يا مؤمنين
    احب انا الصباح البلدي دة
    في مدونتك مش لاقي لينك

    ReplyDelete
  32. appy
    الست الحكيمة المهندسة التنفيذية السكرتارية العلاقات العامة
    ونحمد الله الذي عافاكي من الزلانطين
    سؤال
    هو انتي كنتي بتاخدي تان في العباسية برضة
    اصل كان في واحدة في الشمسية اللي جنبي شبهك

    ReplyDelete
  33. احييك مرة اخرى
    واضيف للي عاوزين يتلككوا كمان على يومم يحبوا فيه
    كان الله في عون احبتكم للدررجة دي انتوا مش طايقنهم وبس بتحبوهم يوم واحد في السنة وبطريقة دبدوب ولا وردة اهو سدوا بيها زوركوا
    خساااااااارة
    اضيف الرسول عليه الصلاة والسلام في صيام عاشوراء سن لنا ان نصوم التاسع والعاشر علشان نخالف اليهود اللي كانوا بيصوموا ويحتفلوا يوم عشرة منه
    تخيلوا الرسول يخالف في يوم زي دة وهمة اصلا بيصوموا ولا بيحتفلوا بنصرة سيدنا موسى
    واحنا مش عاوزين نخالف الغرب في تقليد يوم مليان من المفاسد الكثير
    الفكرة من تحريم المشاركة في الاحتفال اليوم دة ان البعض اخده زي النسك وهو دة المحرم يا جماعة
    وبعدين ما الحب موجود على طول
    وبعدين اانتوا خلصتوا الحلال اوي يعني
    تحياتي لجعان ومش عارفة حضرتك مش بتزورني ليه

    ReplyDelete
  34. صدق انى اتخضيت فى اول البوست لكن لما لقيت تعقيبك راحت الخضة
    هوا طبعا المفروض ان الواحد يعبر لمراته عن حبه فى كل الاوقات عن طريق افعاله مش يبقى شاتمها وشاتم اهلها طول السنة ويجى فى اليوم ده يجيبلها ورد وشيكواته عشان يبقى شكله متحضر قدام الناس!!!

    احنا ممكن نعتبره دعوة للحب طول السنة ومش لازم نحتفل اليوم ده بالذات
    ممكن يحتفلو بيوم زوجهم مثلا ويعتبره عيد الحب بتاعهم

    سيبك انت
    قول بقى احتفلت ازاى بالفلانتيت السنة دى ؟
    هههههههههه

    ReplyDelete
  35. عزيزي الجعان .....انا فاهم الكلمة كويس بس باقول انها تعبير جامد....بس في ناس بنحور الكلام....يعني بتفهمه بمزاجها.....ده اللي قصدي عليه...تحياتي

    ReplyDelete
  36. انت بتقطع علينا الرزق ليه
    انا ماجاليش حاجة السنة دي عشان كنا انا وزوجي دابين خناقة مع بعض والدم كان للركب بس السنين اللي فاتت كان بيجيبلي ورد
    عارف الراجل جارنا جوز البت داليا كان جاييب لها هدية بس السهن كان مخبيها تحت الزاكتة مكسوف ياولداه حد يقول عليه بيحب مراته
    والبت الاروبة كانت بتخاف من الحسد وتقول الراجل عمره ماعبرني بهدية
    بس علي مين فقسناهم المرة دي

    ReplyDelete
  37. Sampateek
    الفلامطين دة
    مرهم للتسلخات

    ReplyDelete
  38. شريف طلال
    وانت طيب يا باشا

    ReplyDelete
  39. samourai 4 ever
    وانا كمان اتفق معايا
    نورتني

    ReplyDelete
  40. nonoymm
    شايفين الكلام العاقل
    ربنا يكملك بعقلك

    لية بقي انا مش بزورك لا انا باجي مدونتك يخبطني اللون الاخضر علي الكتابة البيضة
    وانا صاحب عيا و عندي استجماتيزم

    ReplyDelete
  41. البنت الشلبية
    يا فندم انا علي موقفي
    لا فلانطيت

    احم..
    انا و المدام ولعنا شمعتين و جبنا اكل من برجر كينج

    ReplyDelete
  42. mesh faker
    يا باشا كل واحد ينام علي الجنب اللي يريحة

    ReplyDelete
  43. أنا وهي
    داليا مين و جوزها مين
    انتي من التعداد

    ReplyDelete
  44. This comment has been removed by the author.

    ReplyDelete
  45. لما تكون راجل بريالة و مبتحبش مراتك غير يوم واحد في السنة وتعملها جو رومانسي
    او بتحتفل بالفلانتين دة علشان الناس متقولش ازاي مجبتش هدية لمراتك في اليوم دة يا بخيل
    او خايف من المدام تخلي ايامك كلها تلات و اربع و متشمش ريحة الخميس


    أو ولا حاجة من دول غير أنك واحد تافه و فاضي

    معلش شيلت التعليق وكتابته تاني عشان نسيت أقول

    تحياتي

    ReplyDelete
  46. ههههههه
    اسلوبك جميل جدا
    لسة مشتركة حالا في مدونتك
    عشان الحق الفلانتين وهو لسه سخن
    هههههههه

    ReplyDelete
  47. قليل من التفكير
    تحياتي لك

    كتكوتة
    يا فندم المدونة نورتك

    ReplyDelete
  48. معلش يعني انا ضدك
    انا كنت فاكرك بتفهم بس .... (سوري)
    انت بتتكلم على ان الفالنتين ده اصلا عيد مسيحي فمالوش لزمه ولا ايه انا مش فاهمك بالظبط !!
    و بعدين محدش بيقول ان الناس تحب بعض اليوم ده بس و اليوم ده بس علشان لو انت في حد صاحبك ناسيه لو زعلان من حد كده ز مش الكلام الفاضي اللي بتقولوه
    و بعدين ذيه ذي اي عيد عني هو عيد العمال هو اللي لازم تقدر فيه العمال بس!!!!!
    بلاش تخلف لو سمحتوا

    ReplyDelete
  49. هو انت لما بتحتفل بعيد ميلادك بيبقى معناه انك ميت طول السنة ؟؟

    مش معنى ان في عيد حب يعنى باقي السنة مش هتحب مراتك

    ربنا يشفيك

    ReplyDelete

بعبع وقول اللي في نفسك يا خويا