Wednesday, April 02, 2008

ابريل

اولا اعذروني علي فترة الغياب الطويلة دي
واسف علي عدم قدرتي لمتابعة الردود
بس الفترة الماضية كنت في حالة تأهب و انشغال للركب
سواء علي المستوي العملي او المستوي الاسري
الحمدلله فضل من الله تم ترقيتي لاصبح مدير احدي الادارات في عملي
و ليس هذا هو الخبر الاهم فا الموضوع كان تحصيل حاصل كان محتاج شوية خوازيق علي زنب
يعني هو البني ادم اية غير خازوق يطلع من دماغة
اما الخبر الاهم  مولود جديد يضاف الي الامبراطورية الجعانية
بعد ان ظلت حبيبتي ملك متوجة علي عرش الامبراطورية منفردة بلا منازع
فها قد اقترب وصول من سيؤرق مضجعها و مضجعنا

فبين العمل و المنزل اصبحت كما مجاذيب الحسين
اما اليوم فهو يوم سعيد للبعض كئيب علي الاخرين كل حسب منظورة
فاليوم مر عام اخر علي وجودي علي وجة البسيطة
اتمني ان يكون لي لا علي
و ان كنت احسنت التصرف ادعوكم لانتخابي لعام اخر
هذا و بالله التوفيق

45 comments:

  1. السلام عليكم

    وصباح الخير ياجعان

    هقرا البوست بقي

    ReplyDelete
  2. ربنا يباركلك ويقوم زوجتك بالسلامه

    ويرزقكم بالذريه الصالحه باذن الله

    اللي يسعدوكم واسال الله العظيم ان يجعل زريتكم باره بكم

    واباركلك ع الترقيه


    وطبعا نتنخب حضرتك


    هو الناس كلها بتفكر في الانتخابات ليه

    ReplyDelete
  3. كل سنه وحضرتك بالف خير
    اول مرة اصحى بدرى
    لاقت البوست الجمييل دة
    ماشاء الله مبروك الترقيه
    وومبروك ولى العهد الجديد
    منتظرينه
    يوصل بالسلامه اللهم امين
    بلغ زوجتك الجميله مباركتنا

    ReplyDelete
  4. ربنا يقومهالك بالسلامة و يكون واحد خفيف الدم زيك انا متابعك و ياريت ماتتاخرش علينا
    وفقك الله يا جعان
    امضاء واحد من التابعين الى مش فاهمين حاجة

    ReplyDelete
  5. ربنا يقومهالك بالسلامة و يكون واحد خفيف الدم زيك انا متابعك و ياريت ماتتاخرش علينا
    وفقك الله يا جعان
    امضاء واحد من التابعين الى مش فاهمين حاجة

    ReplyDelete
  6. الف مبروك الترقية يا جعان
    وربنا يقوم المدام بالسلامة يارب
    ربنا يكرمها باذن الله وتولد 21 ابريل علشان تجيبلنا ولد جعان صغنن اجوزه لاسراء بنتي المولودة السنة اللي فاتت نفس التاريخ ولا بلاش عشان اكبر بسنة
    هههههههههه
    انا بانتخبك للعام القادم وكل عام وحضرتك متالق
    وفي طاعة على الدواام يارب امييييييييين
    تحياتي

    ReplyDelete
  7. اممممممم
    1- حمد لله على سلامتك
    2- مبروك الخوازيق سورى قصدى الترقيه ههههههههه
    3- يا رب الامبراطورة تقوم بالسلامه ونعمل لها سبوع علىالبلوج
    4- هابى اى حاجه فى كل حاجه وانت طيب وحج مبرور وذنب مغفور

    ومتتأخرش علينا تانى وطمنا علىالامبراطورة

    ReplyDelete
  8. يا فندم الف مبروك .. ربنا يزيد الجعانين كمان وكمان

    يتربي -المولود- في عزك .. وينبته ربه نباتا حسنا

    اللهم أمين

    ReplyDelete
  9. السلام عليكم ورحمة الله وبركاته

    كل سنة وحضرتك طيب يا استاذ اسلام

    ويارب المدام تقوم بالسلامه وتجيبلك ولي العهد ويكون جميل زي اخته ودمه خفيف وي باباه

    والف مبروك علي الترقيه وعقبال ما تفعد علي الكرس يالكبير اللي ماحدش يقدر يقومك من عليه

    ReplyDelete
  10. مبدأيا
    الف الف الف الف مبروك على الجعان الصغير
    و دة اكتر خبر فرحنى بصراحه من اللى انت قلتهم
    و كل سنه و انت طيب
    و طبعا ننتخبك لفتره اخرى
    و دمتـــــــــــــــــــــم

    ReplyDelete
  11. اتمنى اني اكون اول شخص من الانترنت
    طبعا بعد زوجتك العزيزة الغالية
    في اني اكون هنيتك بعيد ميلادك

    كل سنة وانت طيب وكل اسرتك طيبين وبألف خير يارب والناس اللي بتحبها كلها وحواليك طيبين دايما يا اسلام


    بس على فكرة بقى انا معترضة على كلمة (هو الانسان ايه غير خوازيق وزنب )

    تخيل اني ما تخيلتش ان انت يحصل معاك الخوازيق و الزنب

    حلوة تخيل اني ما تخيلتش دي
    ههههههههههههه


    بجد والله انا فعلا مش متخيلة

    في كل الاحوال ربنا يكرمك يارب يا اسلام وان شاء الله ربنا يبارك لك ويرزقك ان شاء الله ويوسع لك في رزقك وان شاء الله سنة سعيدة جديدة وجميلة عليك يارب بكل الخير ليك ولكل افراد اسرتك


    بس انت عارف اوحش حاجة في ابريل بدعة (كدبة ابريل ) هو ده اللي موحش الشهر ده بصراحة


    على فكرة السنة اللي فاتت انا فاكرة في المدونة لما كتبت اني كنت اول واحدة من النت باهنيك بعيد ميلادك

    اتمنى انه السنة دي بردو كده


    قولي صحيح ...انت تميت كام سنة ؟

    وطفيت الشمع ولا لسه ؟

    وجبت لهم تورتة وعملت لهم حفلة ولا لسه في البيت ؟

    عارف يا اسلام لو ماعملت لهم حفلة اول ما تروح

    انت حر هاشتكيك في رابطة المدونين


    ربنا يارب يقوم لك زوجتك العزيزة الغالية بالسلامة يارب هي والمولود ان شاء الله وخد بالك من كوكو طبعا والفسح بتاعتها انت مش هتتوصى اكيد

    عقبااااااااااال يارب اما تكتب لنا بوست ...لاء مش بوست واااحد كتير عن يوم عيد ميلاد كوكو العشرين وعن يوم اما تتعلم السواقة وبابا طبعا اللي هايعلمها
    هههههههههههههه


    وعقبال يارب اما تشوفها عروسة امورة وهي بتتجوز

    وتبقى زعلان ان البنت بتتجوز وزعلان اكتر ان العيال كبروك

    هههههههه


    عقبال مليون سنة سعادة وخير يا اسلام ان شاء الله ...كل الخير

    ReplyDelete
  12. كل سنه وانت طيب يا اسلام باشا
    ويارب يقوم زوجتك بالسلامه
    واوعى تنسى لو جبت ولد سميه لمض
    ولو بنت سميها لماضة
    :))

    ReplyDelete
  13. كل سنة و انت طيب
    و مبروك الترقية
    و ربنا يبارك لك و لزوجتك فيما سيرزقكم و يجنبه الشيطان
    :)
    ألف مبروك
    و منتظر بوست السبوع

    ReplyDelete
  14. مدونة محتاجة لوقت للملمة أطرافها والخرابيط التقيلة اللى فيها
    تقبل تحياتى

    ReplyDelete
  15. ماشاء الله الف مبرووك
    زيارتى الاولى بارك الله لكم في المولود الى لسة هيجى
    وربنا يقوم زوجتك بالسلامة
    :)

    تحياتى

    ReplyDelete
  16. انا برضه لما لقيتك اتاخرت كده قلت لعل المانع خير

    يا سيدى الف الف مبروك وان شاء الله المولود ييجى بالسلامة ويبقى شبعان وعينه مليانه كمان

    وكمان الف مبروك على الترقية ، وربنا يكفينا ويكفيك شر الخوازيق والزنب

    بالنسبة لاعاده انتخابك لعام جديد فانا بديك صوتى يا سيدى وبقولك كل سنة وانت طيب وعقبال 99 سنة بلاش طمع

    واهديك اغنية فريد عدت يا يوم مولدى

    ReplyDelete
  17. عاشقه الفردوس
    الله يخليكي يا رب
    ويرزق كل الناس الذرية الصالحة

    وشكرا علي تجديد الثقة

    ReplyDelete
  18. رفقة عمر
    الله يبارك فيكي
    وسلامك وصل

    Anonymous
    الله يسلمك


    nonoymm
    الله يبارك فيكي
    هو المولود شكلة لسة في شهر 5 ان شاء الله
    و جايز يكون بنت و ندورلها علي عريس


    appy
    يا اهلا بالحبايب
    و يا ستي متشكرين علي قناة التهاني
    و اوعدك لو عملت السبوع في مصر لما انزل انتي معزومة و كل حبايبي من المدونين


    الديب
    طارق باشا
    عقبال لما ربنا يتمملك علي خير ان شاء الله
    ويرزقك الذرية الحسنة

    خمسة فضفضة
    دكترة
    وانتي طيبة
    الا صحيح اية هو الكرسي الكبير اللي محدش يعرف يقومني من علية
    انتي بتفولي علي الريس ولا اية


    samourai 4 ever
    الله يبارك فيك وشكرا علي تجديد الثقة

    nada_adly
    معلش المرة دي طلعت معاكي اوت يا ابلة
    انا الناس من اول الشهر و هي شغالة معايدة علي
    غير كدة اصل انا مليش في احتفالات عيد الميلاد دي بصراحة
    وبحس انها عذرا للجميع هايفة
    يالا حسن الختام بقي
    ومتشكرين علي شؤيط التهاني يا فندن و نجاملك في الافراح


    لماضة
    تدفعي كام؟؟


    مهندس مصري
    و انت طيب يا هندسة
    نقفلك في الخير ان شاء الله

    Khaled Farag
    خد وقتك احنا ما وراناش حاجة


    Nazk El Maleka
    اهلا بيكي و ان شاء الله متكونش اخر زيارة
    انا بوزع لحمة في العيد

    اهو ده عيبه
    اوعدك اني اذا انتخبت طبعا
    هادلع الناس كلها
    وهاخلي الكباب و الطرب يدخلو تحت مظلة الدعم

    ReplyDelete
  19. السلام عليكم ورحمة الله وبركاتة

    اسلام باشا كل عام وانت بخير وسنه حلوة يا جميل

    وربنا يباركلك فى اسرتك وشغلك وكل حياتك

    تحياتى وكل سنة وانت طيب

    محمد فوزى

    ReplyDelete
  20. ربنا يباركلم في مولوودك ويجعله من عباد الله الصالحين
    ومبروووك لزوجتك أو ربنا يعينها على جعان الكبير وجعان الصغنن
    الف مبروك مرة تانية
    وربنا يبارك في عمرك ويجعله كلو في ما يرضى الله

    ReplyDelete
  21. كل سنة وحضرتك طيب وبالف صحة وعافية وفى خير دايما يارب
    وش اللى جاى حلو عليك ما شاء الله وان شالله دايما احلى واحلى

    ReplyDelete
  22. Happy brithday to you ya edrisa wa alf alf mabrouk ya edrisa 3ala el tar2aya wa 3aal baby el geded isa wa rab isa tatraba fe 3azak zy maloka el gamela, wa 3ala fakra wa7shan awy walahi hatanzel emta ba2a

    ReplyDelete
  23. مبروك الف مبروك يا اسلام و يا رب كل ايامك تكون سعادة تستحق التهنئة
    دعواتنا لام ملك و يا رب جعان الصغير يشرف بالف سلامة ان شاء الله
    مبروك تانى على كل حاجة حلوة بحياتك و يا رب يعينك و يقويك و يبارك فى ذريتك
    و طبعا بدون معرف الانتخاب على ايه بالظبط بنتخبك بس تمضيلى بشيك على بياض هههههههه

    ReplyDelete
  24. الف مبروك على الترقية والمولود وانا ارشحك طبعا لعام انتخابى جديد ويارب تتقدم فيه اكتر واكتر ...

    ReplyDelete
  25. الف الف الف مليووووووووووووووووووون مبروووووووووووووووووووك

    حلوة اوى بجد الاخبار الجميلة دى

    وعموما ربنا يوفقك فى شغلك ويوصلك لأعلى المناصب دايما ان شاء الله

    ويقوم زوجتك بالسلامة ان شاء الله ..بس ما تنسناش فى السبوع بقى ان شاء الله

    وكل سنة وانت طيب


    تحياتى


    :)

    ReplyDelete
  26. حمدا لله على السلامة
    كل عام وانت بخير
    مبروك على الترقية

    والف مبروك على المولود
    ربنا يبارك لك في أسرتك

    نشوفك على السبوع بقى
    ان شاء الله

    ReplyDelete
  27. الف مبروك
    ابنك هايتولد في عهد جديد
    عهد ثورة المصريين

    ReplyDelete
  28. يا سيدي
    بورك لك في الموهوب (الوظيفة) وشكرت الواهب ، وبلغ اشده ورزقت راتبه


    وربنا يزيد لك في مضجعك كمان وكمان
    وربنا يخلي لك ملك وكتابة

    ويكبر في الامبراطورية



    أخوك

    خازوق باربع ريش

    ReplyDelete
  29. ألف مبروك يا باشا وعقبال باقي الفريق :)
    غايب عننا ليه كده ؟
    يا عم يا عم
    ترقية بقى وبتاع وعيش بلدي من أبو نص جنيه :)
    هههههههههه
    بهزر والله مش بقرر
    تحياتي

    ReplyDelete
  30. مبروك ومبروك
    مبروك علي البييي ويتربي في عزك ،، ويكون وشه حلو علينا ونبطل جوع ،،
    واسمحلي اهنيك علي الترقية والخوازيق والزنب
    بجد هموت أتعلممممم

    مستنية الخبر الجميل وقولنا ناوي تسمي البيبي ايه؟

    ReplyDelete
  31. كل سنه و أنت طيب يا جعان
    و بإذن الله نباركلك عند وصول الجعان الصغير
    :)
    تحياتي و تمياتي بالسعاده

    ReplyDelete
  32. كل سنة وانت بخير وطيب
    و احنا ننتخبك مدى الحياة
    على الاقل انت احسن من اللى راكب فوق و متربع
    بقاله 30 سنة و احنا مخنوقين منه
    كل سنة وانت طيب مرة اخرى
    مبروك على البيبى الجديد
    تحياتى ليك

    ReplyDelete
  33. عيد ميلاد سعيد
    وألف مبروك الترقية
    وان شاء الله الجعان الصغير يشرّف بالسلامة

    أما عن الإنتخاب، فمن حسن حظنا أن الله هو الذي يعطي الإنسان العمر لا الناخبين
    وإلا لكنت أنا قد مت منذ زمن ههه
    كل سنة وأنت طيب
    و أنا أعطيك صوتي

    ReplyDelete
  34. يا عم الحمد لله على نعمة الأولاد..يتربى فى عزك حماده عزك....وبالنسبة للإنتخاب ما تقلقش ..أنا عن نفسى حانتخبك إنت وحسن شحاتة ..لفترة رئاسية جديدة وبعدها فترة رئاسية جديدة وبعدها فترة رئاسية جديدة وبع.........سامحنى إيدى وجعتنى من الكتابة ...الله يكون فى عونك إنت وحسن على الرئاسة...أرجو التواصل

    ReplyDelete
  35. مبروك عليك الترقية والف مبروك عليك النونو ... يوصل بألف سلامة

    انا عن نفسي انتخبك ... لعشرين عام قدام ...
    تحياتي لعيلة جعانيات

    ReplyDelete
  36. مبروك على الترقيه
    ومبروك على النونو الى لسه ها يشرف
    وعقبال ميه سنه

    ReplyDelete
  37. انا قولت اقولك بخخخخخخخخخخخخخخ


    وطمنا عن الامبراطورة وعلى الجديد يا صديقى الذى لا اعرفه

    ReplyDelete
  38. ازيك يا جعان اخبارااااتك؟؟

    الف مبروك ع الترقيه


    ويارب النونو ييجي بالف مليون سلامه

    ليه هو وماماته


    و... مساء الفل عليك


    مايا الكتكوته

    ReplyDelete
  39. حمدلله علي السلامة

    ReplyDelete
  40. مبروووووووك يا باشا
    شوفت لما تفتح تفتح من واسعه وتخر كمان
    مبروك على الترقيه كتيرررررررر
    هو انتخابك عافيه ولا هيبقى اقتراع سرى مباشر

    ReplyDelete
  41. مستنية التحديث بقدوم العسول النونو الجعان الصغير

    ربنا يباركلك

    تحياتي

    ReplyDelete
  42. كل سنة وانت طيب يا فندم

    وألف مبروك على المولود اللى جاى

    ربنا يرزقك الذرية الصالحة

    ReplyDelete
  43. ربنا يقومها بالف سلامة والف مليون مبروك على الترقية
    وبعدين كنت تقول الخبرين على بوستين..عشان الحسد يعنى
    او رش شوية ملح على المدونة وانت داخل هعهعهع

    متهيألى ان ابنك لما يكون فى المدسة هيلم العيال ويقرلهم الاخبار ويقول الى فى مزاجه زيك كده ويكمل مشوارك فى الحياه لحد ما يتعكش من المدير وييجى جنبك يفتح مدونة جديدة ويقضيها ههههههه وتبقى بجد امبراطورية الجعانين

    ربنا يباركلكم فى بعض وطمنا عليك دايما

    ReplyDelete
  44. ربنا يعطيك الصحة
    وطول العمر ويوقفلك ولاد الحلال
    ^_^

    د/هيما

    ReplyDelete
  45. ربنا يقوم زوجتك على خير ان شاء الله وينضم بيبى صغير لعائلة الجــــوع

    بصراحة البوست جميل جداا
    وجارى تصفح باقى المواضيع

    صحيح نسيت اباركلك ع الترقية ....


    الـــــف مليـــ .... ـــــون مبروك

    ReplyDelete

بعبع وقول اللي في نفسك يا خويا