Monday, June 02, 2008

يا نخلتين في العلالي

انا عارف انها غيبة طويلة المرة دي
بس اعذروني في حالة جفاف تدويني و انشغال شديد كما الشيالين في محطة مصر
دة غير سدة النفس عن الكتابة بصراحة فحال بلدنا لا يسر عدو ولا حبيب و لا اي ابن كلب تاني
بالرغم من غيابي لحوالي العام عن مصر الا من اجازات قصيرة انهل من الاحبا و الاصدقاء
الا اخبار بلدنا لا تغيب عنها الشمس ففضايحنا كما المطاهر الجديد تنتشر في ارجاء المعمورة و المنتزة
كانتشار الجاز في شعر بنت البواب
لم يخرجني من عزوفي عن التعليق عن الاحداث الجارية الا خبر علي موقع مصراوي نقلا من جريدة الاخبار
و الخبر يا اخوانا بيقول:

ذكرت صحيفة أخبار اليوم في عددها الصادر السبت ان الدكتور يوسف بطرس غالي وزير
المالية فوجئ بمدير مكتبه يخبره ان مدير الجمارك يريده في امر هام.
واتصل غالي
بمدير مصلحة الجمارك قائلا: خير ان شاء الله ادخل في الموضوع على طول.
قال له:
يا فندم عندنا كرتونة بلح صغيرة قادمة من الامير فهد بن سلطان امير منطقة تبوك باسم
الرئيس حسني مبارك وحضر موظف من رئاسة الجمهورية لاستلامها، لكنه يصر على دفع
الرسوم.
قال الدكتور غالي لمدير الجمارك: ازاي ما كنتش عايز تاخد منه رسوم، على
طول خد رسم الوارد.
رد مدير الجمارك: حاضر يا فندم.
وبعد دقائق اتصل الدكتور
غالي مرة أخرى بمدير الجمارك: ماتنساش تاخد ضريبة المبيعات على
الكرتونة.
وبالفعل تسلم احد موظفى الرئاسة الكرتونة بعدما سدد الرسوم المستحقة
عليها وهي 30 جنيه رسم وارد و35 جنيه ضريبة مبيعات.
وصدر ايصال سداد بقيمة 65
جنيه باسم الرئيس محمد حسني مبارك واسم موظف الخزينة عبدالله
احمد.


يتحايل المصري ولا يدفع جمرك او ضريبة علي اي حاجة
يقضي عمرة كلة في الخليج ونازل بالمروحة و البطانية لاففة حوالين كرشة هربا من رجال الجمارك البواسل
ومش عايز يدفع ويضيع علي الدولة حقها في شقاة و عرقة في بلاد الذهب الاسود
اذا كان كبيرنا دفع ال خمسة و ستين جنية و لم يهتز لة جفن ولم يرتعش لة حاجب
يعني يا شعب جعان وعريان خدو الريس قدوة و حزوة في افعالة
الراجل دافع ضرايبة زية زي اي مواطن جعر
بالرغم ان مدير الجمارك كان رافض اساسا انة ياخد الضرايب القانونية علي الطرد
--راجل ذمتة واسعة صحيح----
بس بصراحة الجدع بتاع تبوك دة ملوش حق برضة
يعني طرود رايحة وجاية علي كرتونة صغيرة و انت مقامك كرتونة برضة يا كبير اقل من نخلة مكنتش تقبل
اخيرا
سيدي الرئيس اشكر سيادتكم من اباطين قلبي علي احترامكم للقانون
وربنا ييسرلك دفع الباقي
سيدي الرئيس هي الكارتونة لامؤاخذة كان البلح اللي فيها رطب ولا طبرجل ولا تمر
سيدي رئيس الجمارك انا في كيس صوابع زينب واحد حبيبي بعتهولي ضرايبة تعمل كام يا باشا

85 comments:

  1. هههههههههههههههه
    هههههههههههههههه
    ههههههههههههههههههه
    ههههههههههههههههههه
    انا بحب البلح على فكره
    ههههههههههههههههه
    انا مش حقول حاجه اكتلر من كده لا يتاخد جمارك عليه
    ههههههههههههههههههه

    ReplyDelete
  2. صديقي ابو فرح عودا مباركا ههههههههههههههه
    الراجل كويس اهو عاوزين ايه يعنى انا راي زي استاذ عصفور ما قال نرفع قضيه عليهم ونطالب بتعويض علشان التليفوت اللى اسنخدموه والورق طالما هما حقانين كده
    وعلى راى اللى قال اللى اختشوا فطسوا زي الصراصير ووقعوا على رجلهم هههههههههههههه
    ايه الفرسه دي هى الناس دي لسه عندها دم ولا وش يطلعوا بيه اصلا والمبررات الهبله اللى متعودينا عليها شكلهم يكسف بجد عاوزين طقم مرايات على حسابهم علشان يشوفوا نفسهم وهما بيكحلوها يعموها

    ReplyDelete
  3. نزاهه ونظافه يد لا مثيل لها

    ReplyDelete
  4. هههههههههههههههههههههههههههههه
    ههههههههههههههه
    انت بتتكلم جد يا اسلام ولا بتهرج
    طيب لو حبوا يبعتوله كرتونة تفاح امريكاني من اللى قلبك يحبه
    دي جمركها ايه
    ودي بالجندي ولا بالدولار
    ارحمنا يارب
    ويارب تطلع هزار مش جد يا ناس عقلي شت

    ReplyDelete
  5. واحدة مفروسة
    اوعدك اول لما النخل يطرح هابعتلك
    شكارتين بلح ابريمي
    ترمي بيهم عضمك

    ReplyDelete
  6. اضحكتني يا اخي والله

    كما المطاهر حلوة قوي

    اراي ان الريس يعيش قليلا في الدور

    كي نهتف باسمه

    ويساعد قليلا هؤلاء المساكين الذين يدافعون عنه بالباطل فيديهم حاجه كده تساعدهم وتسهل الموضوع شوية


    طيب ولا هو علشان الموضوع 65 جنية امال الحاجات اللي بملايين هيعمل فيها ايه

    ربنا يرجعك لارض الوطن بالسلامه وخلي بالك من الجمارك وانت جاي وخلي بالك من السلمة المكسورة

    ReplyDelete
  7. appy
    العزيزة ابي هانم
    مرايات اية و قضايا اية
    الناس دي عايزة
    واحدة معددة تلطم علي وشها ببرطوشة
    ربنا يتولانا

    ReplyDelete
  8. المستنصر بالله
    الله ينور عليكم
    و زي ما الست ابلة نظيفة قالت
    القطنة مابتكدبش
    انا مش عارف هي تقرب لنظيف
    حتي دي حاطط قرايبة فيها

    ReplyDelete
  9. لماضة
    بكلم جد طبعا
    هي الحاجات دي فيها هزار
    اما بالنسبة لجمرك التفاح
    اذا كان امريكاني يعني علي ابوة ووارد بلدة
    تقريبا بيدوكي القفص فاضي
    ومعاة الاستيكرز اللي علي التفاح بس

    ReplyDelete
  10. كلمة السر ابو كرتونة

    هههههههههههههه

    بصراحة قمة الاستفزاز للناس


    انسوا واسمعوا منير احسن طعم البيوت

    تحياتى ليك يا كبير

    ReplyDelete
  11. ههههههههههههههههههههه

    عودا أحمداً

    صوابع زينب عليها بوستين وكيس رابسوا هدية

    د/هيما

    ReplyDelete
  12. يمكن عشان البلح نووي

    ReplyDelete
  13. هههههههههههههههههههههههههههههه
    هههههههههههههههههههههههههههه
    نقول ايه بس هو احنا جالنا السكر من شويه








    ما هو اكيد من اكل البلح

    ReplyDelete
  14. الخبر برمته نوع من الاستفزاز المتعمد والسخرية من الشعب.. نفس أسلوب الصيع والبلطجية بتوع القهاوى اللى بيقعدوا على القهوة فى الأفلام العربى ويسخروا من الرايح والجاى ويفتروا على الغلابة ويضحكوا عليهم...

    وسلملى على رصيف نمرة خمسة

    ReplyDelete
  15. هوا البلح ده كان عادي ولا اللى محشي لوز


    لانه لو طلع محشي لوز يبقى كدة الشعب ليه 5 جنيه عند الريس

    بس انت الغربة غيرتك اوي ... حد يجيب صوابع زينب من برة ونسيت ان اللى بنى مصر كان في الاصل حلوانى :@

    ملكش حق

    ReplyDelete
  16. هههههههههههههههههه
    هههههههههههههههههه
    هههههههههههههههههه

    سعيد جدا بزيارة مدونتك الجميله دي وان شاء الله اكون ضيف دائم عندك دا بعد اذنك طبعا

    ولسه علي فكره هيفضلوا يستخفوا بعقولنا اكتر واكتر

    واحنا موافقينهم علي كده ونستاهل اكتر من كده كمان

    ..............
    خالص تحياتي واتمني تنورني
    ..............

    قبطان
    ......
    ......
    ......

    ReplyDelete
  17. ابو فرح حمد الله علي السلامة

    اولا انت بتقول للريس اقل من نخلة متقبلش وانا عايز اقولك ان الريس بتاعنا عنده نخلة نظيفة ولا انت نسيت ؟؟
    بمناسبة البوست بتاعك

    سألت والدي وهو لسة راجع من السفر قريب يعني عنده فكرة عن الجمارك

    قولتله هو البلح عليه جمرك ؟؟

    قالي يعني هو الكلام عليه جمرك ؟؟

    ReplyDelete
  18. جعان باشا
    عود احمد واشرف وامجد وكل الاسامى

    اما بالنسبة لموضوع البلح البلح احمر ولونه ظريف فمش معقول الكبير برضه ياكل سحت
    حاشا وماشا ده حتى قدوتنا
    واطمن بكرة تنزل لايحه تنفيذيه فى الجمارك باسعار الضريبة على كراتين التمر والشاى والبقسماط وصوابع زينب كمان

    حمدالله ع السلامه ودايما كده تفضل منورنا

    ReplyDelete
  19. fahd
    مادام انت انبسطت
    دة عندي بالدنيا
    وهاخلي بالي من الجمارك و السلمة المكسورة
    ودورة المية بتاعة المطار الخربانة

    ReplyDelete
  20. انا من اهوى ومن اهوى انا
    تصدق انا مشغل الملك دلوقتي

    ReplyDelete
  21. Dr-hema
    اية دة انت جاتلك نفس الهدية ولا اية؟؟؟

    ReplyDelete
  22. Che_wildwing
    احتمال وارد جدا

    ReplyDelete
  23. زهرة الياسمين
    علي رأيك شعب طفس صحيح

    ReplyDelete
  24. هههههههههههههههههه....تسلم ايدك

    ReplyDelete
  25. يعنى الراجل باعت كرتونة يلهوى
    قول مقطورة او براد
    حركة مفقوسة اوى..
    يا ساتر مبحبش الناس اللى لما تحب تستهبل مبتعرفش تستهبل وبتتفقس
    اهم الناس الكبار كده..خايبين كمان فى الاستهبال
    بلا وكسة

    ReplyDelete
  26. بص دي اول زياره ليا عند حضرتك

    بس والله العظيم انت ملكش حل

    موهوب موهوب موهوب
    ..................
    عارف انت لو صحفي ولا كاتب انا كنت هبقي واحد من الصف الاول في جمهورك
    ..................
    اما بالنسبه للموضوع نفسه فهذا واحد من آلاف مشاهد الاستفزار اللي بنشوفها وبتحصل لنا كل يوم
    ...................
    خالص تحياتي واتمني تنورني

    قبطان

    ReplyDelete

  27. الخبر دا اكتر خبر في الالفية التالتة
    ايوه ايوه احنا في الالفية التالته ياعم متفكرش كتير

    كنا بنقول ايه
    الخبر دا اكتر خبر اتعلق عليه من كل اللي قراه في البلوجزاات او المنتديات

    اصله يشل بجد

    الخوف بقا ليكونوا مهربين للكبير في الكرتونة دي
    حاجات من اللي بالي بالك

    ان عارف بقا الراجل كبر و عاوز حاجات تقوته وترم عضمه لزوم الـ .. احم

    متكسفنيش بقا

    ReplyDelete
  28. Cleo
    سلمتلك هلي رصيف نمرة خمسة
    بس قال ميعرفكش
    اسلملك علي ستة؟

    ReplyDelete
  29. allah-slave
    والله انا مستني حد يبت في الامر دة
    لانة حيوي جدا ومؤثر
    وحساس
    ومرهف
    والواد قلبة بيوجعة

    ReplyDelete
  30. سفينة
    ابو المراكب
    وانا سعدت بزيارتك
    وان شاء الله اعملك ابونية

    ReplyDelete
  31. tamer.sala7
    تامر باشا الله يسلمك
    وتحياتي للوالد
    الراجل دة دماغة متكلفة

    ReplyDelete
  32. اهو ده عيبه
    الخوف ليعملو ضرايب علي الحواوشي
    دة انا اروح فيها

    ReplyDelete
  33. حمد الله علي السلامه ياعم

    ReplyDelete
  34. ههههههههههههه...ده ممتاز القط عمل منها ملحمة وطنيه
    :)
    تحياتي

    ReplyDelete
  35. لما قريت الخبرالجميل ده زى كل مواطن مصرى صالح ، غير إنى لعنت اليوم اللى إنخبط فيه فى نافوخى و قررت أقرأ جرايج بعد ما كنت خفيت الحمد لله . إن معقولة السيد الأمير يبعت للسيد الرئيس كرتونة البلح كده عادى . أومال ربنا خلق الحقائب الدبلوماسية ليه ؟ ده الحقائب الدبلوماسية بتشيل سمك و فراخ ملوخية خضراء و كافة شئ يحتاجه المواط اللى له علاقة بأى حد يعرف يعدى الحاجة فى الحقيبة . معقولة برضوا بلح الريس هايجى بالبريد . و يا ريت شاريه لأ ده كمان هدية من أمير . يعنى أقل ما فيها الأمير يبعت الكرتونة مع مخصوص . و لا البريد أسرع ؟
    و بعدين إيه حجم كرتونة البلح الصغيرة اللى مدفوع عليها 65 جنيه مصرى جمارك . و ليه الوصل اللى محطوط صورته فى الجريجة الموقرة مكتوب فيه مطلوب من السيد / فخامة الرئيس طيب كانوا كملوا جميلهم و كتبوا إسمه عادى علشان تبقى محبوكة .
    أه على فكرة رياسة الجمهورية معفية من الجمارك و ضرائب المبيعات
    المهم بالهنا و الشفا

    ReplyDelete
  36. فى مصر القوانين والاجراءات تمشى على كل

    من اول الرئيس لحد الغفير

    عايزين ايه اكتر من كدا عدل

    ارحمنا يارب برحمتك

    المفروض اننا نصدق الاستخفاف دا

    لكن مش هاانكر انى اول لما قريت الخبر

    ضحكت من هبل الناس دى

    قالوا ان الشعب اهبل وهايضحكوا عليه وصدقوا نفسهم للاسف

    هو دا اللى بيكدب الكدبه ويصدقها فعلا

    ReplyDelete
  37. كلام على بلاطة
    انت شكلك شايف حاجة احنا مش شايفنها

    ReplyDelete
  38. كيكى
    عجبتك
    المرة الجاية اعملكم صنية بطاطس بالفراخ

    ReplyDelete
  39. البنت الشلبية
    انتي الفاظك بقت سوفاج علي الاخر

    ReplyDelete
  40. سفينة
    ابو المراكب
    الله يخليك يا سيدي علي البوقين الجامدين دول
    ونقفلك يوم فرحك

    ReplyDelete
  41. ketchup
    ابو صلصة السكرة و حبيبي
    عارف اننا في الالفية التالتة متقلقش
    غير كدة انت ايش عرفك بالحاجات اللي بالي بالك دي
    لا وش كسوف صحيح

    ReplyDelete
  42. حمدالله على السلامه يا اخ جعان

    ومبروك على المولود الجديد فرح

    جعلها الله قرة عين لكم

    ReplyDelete
  43. حمد الله على سلامتك يا ابو فرح
    ازي فرح كبرت شوية وعاملالك زيطة وزمبليطة كدة ومنتشرة في المكان
    ربنا يبارك لك فيها يارب
    اسكت مش الخبر دة الريس كدبه
    ابقوا اتاكده بقى قبل ما تنشر اكاذيب في الاخبااااااااار
    هممممم الاخبار
    تحياتي

    ReplyDelete
  44. هو في جمارك على البلح يا جدعان؟ دة اية ام القرف دة؟

    ReplyDelete
  45. والله ممتاز القط دة المفروض يتعلق من رجلية في ميدان عام ونحدفة بالبلح كلنا. مش عارف هما فاكرين الشعب دة اهطل ولا متخلف عقليا ولا اية

    ReplyDelete
  46. micheal
    ملحمة بقالة
    واحد اسمة ابوة القط
    يبقي محدش يلوم علية

    حد يفتح علبة سردين هنا يا اخوانا

    ReplyDelete
  47. Shimaa Gamal
    ماهو انتي اللي بتجيبية لنفسك
    الجرايد دي تحطي علية البطاطس وهي طالعة من الزيت
    تلفي سندوتشات للعيال
    اي حاجة تنفع
    انا راي بقي يتعمل اغنية او ابريت للموضوع دة

    ReplyDelete
  48. NoRaaMaHdy
    انا فعلا معرفش حد قرا الخبر دة
    الا وانقلب علي ضهرة من كتر الضحك
    برضة الحكومة بترفة عن الشعب من وقت للتاني

    ReplyDelete
  49. radwa
    الله يسلمك و الله يبارك فيكي

    ReplyDelete
  50. nonoymm
    هي عاملة زيطة وزمبليطة في دماغ اهلها
    الله يخليكي
    اتكدب فين الخبر؟؟

    ReplyDelete
  51. Anonymous
    الجدع دة شكلة هايموت مشلول
    ارحم نفسك
    حتي اسمك نسيتة

    ReplyDelete
  52. انا قعدت أضحك ضوحك
    لما قريت الخبر ده حسيت انها تمسيلية مرسومة عشان يحسنوا صورة أسمه أيه بس علي مين
    مافيش فايدة ده ولا فان جوخ بنفسه يقدر يتصرف في المسألة دي

    ReplyDelete
  53. لا ياباشا انا مختش الهدية احسن انا بتاع الجمرك

    ههههههههههههههههههههه

    د/هيما

    ReplyDelete
  54. ايه دة انت شكلك بتتريق على الكبير باين.. يا ابنى الراجل دة حقانى ومش بيفوت صلاة و بعدين هو اساسا دفع الجمارك عشان ماحدش يبص له فى البلح احسن بلحاية تقف فى زوره يموت وللا حاجة بعد الشر يعنى وبعدين هو اساسا زعلان من الراجل اللى بعت البلح عشان ما كانش عامل حسابه على الفلوس دى بس اتحرج يرد الهدية....... صباح النصب

    ReplyDelete
  55. سمسم ..بلاش عشان خاطر الغربه
    عشان خاطر فرح الي لسه ما داقتش البلح
    اسكت..و بعدين انت راجع قريب ما تخليش الجمارك تحطك في بالها...؟؟؟؟؟؟؟

    ReplyDelete
  56. انا نسيت أقول لك ان انا منى الصاوي يا سمسم

    ReplyDelete
  57. لا بقي

    سيبك من التدوينه دي وخلينا في التدوينه اللي قبلهااااااااااااااااا

    مباااااااااااااااااااااارك عليك فرح ياابو فرح

    تتربي في عزك

    ويارب يارب تبقي قره عين لك ولامها باذن الله
    وتكون من الصالحات اللهم امين

    ReplyDelete
  58. مدونتك دي زرتها مرة و بعدين اللينك بتاعها ضاع مني
    زعلت جدا و الله عشان اللينك ضاع
    بس مبسوطة اوي دلوقتي اني هالحق اقرأ اللي ماقريتهوش لما ضاع اللينك
    آه صح
    انت ليه زعلان من الضرايب ؟؟
    مش عاوز تدفع ضرايب يا مواطن؟؟
    مش عارف ان الضرايب دي هي اللي بتعالج المرضى و الطرق و المدارس !!
    يا مواطن!!
    يا مواطن!
    يا جعان

    ReplyDelete
  59. ارجو ان تنور المدونه بتعتى
    http://anawesa7by.blogspot.com/

    ReplyDelete
  60. اتأخرت قوي ياشقيق
    انت فين؟

    مستني جديدك واتمني تنورني


    خالص تحياتي

    قبطان

    ReplyDelete
  61. ازيك يا ابو ملك ؟

    يا ترى جيب مصر ولا لسه ؟

    ان شاء الله هاتيجي وتنبسط اوي اوي اوي صراحة من الاجازة في مصر

    هههههههههههههههههههههههههه

    وربنا يستر وما تدفعش تمن جمرك الاجازة في مصر


    انا قولت اسلم عليك يا زميلي العزيز

    بلغ السلام ل كوكو وفرح

    ولمامتهم طبعا

    ReplyDelete
  62. هههههههههههههههههه

    مدونتك جميلة اوى ولذيذة

    وكمان المواضيع

    بحييك عليها بجد

    منتظراك عندى

    لاازم تشرفنى


    بيس

    ReplyDelete
  63. استاذى
    ليه مافيش جديد اتمنى اان تكون حضرتك بخير
    والاسره كلها بخير امين

    ReplyDelete
  64. المـــفـــــــقــــــــوعـــــة مــرارتـهــا
    هو مرارتك اتفقعت من شوية
    صحتك يا بنتي عندنا بالدنيا

    ReplyDelete
  65. Dr-hema
    انا شاكك فيك من الاول

    ReplyDelete
  66. enjy
    انتي اللي شكلك شايلة في قلبك وصرة
    كفاية حقد علي الغلابة

    ReplyDelete
  67. Anonymous
    مني هانم حبيبة قلبي
    طول عمرنا رجالة ووقفنا وقفة رجالة
    انا عديت من المطار و محدش اخد بالة

    ReplyDelete
  68. عاشقه الفردوس
    الله يبارك فيكي يا رب

    ReplyDelete
  69. قهوة بالفانيليا
    يا ستي اي عيل صغير كنتي قلتيلة مدونة انا جعان كان دلك
    واهو انتي اللي جعانة

    ReplyDelete
  70. احمد اشرف
    طب يا سيدي


    سفينة
    ان الله مع الصابرين

    ReplyDelete
  71. nada_adly
    يا اهلا يا ابلة
    جيت مصر و اديني مطرمخ فيها من البحر دة للترعة دي
    وسلامك وصل

    ReplyDelete
  72. دعاء مواجهات
    يا فندم بالهنا و الشفا
    وان شاء الله نيجي نتواجة عندك

    ReplyDelete
  73. رفقة عمر
    كلنا كويسين بس عقبال املتك مدلدلين رجلينا في المية

    ReplyDelete
  74. كل ما ادخل عندك أتأكد ان مصر لسة بخير
    و انبسطت جداا ان الريس خد الاجراء ده و سدد الرسوم

    والف هنا وشفا على قلب ريسنا

    ReplyDelete
  75. موضوع هايل ربنا يوفقك من حسن لاحسن

    ReplyDelete
  76. السلام عليكم...
    صراحة اول مرة ادخل المدونة هنا بس ما شاء الله جميلة جدا جدا واضحك الله سنك واكتر من كده ويزيح ربنا

    ReplyDelete
  77. عزيزى جعان باشا


    متستغربش هيا دى مصر ... ايه الغريب فى كده

    يعنى جات على 65 جنية دول متشغلش بالك

    مدونتك جميلة جدا وبتابعها باستمرار وبعتبرها من افضل عشر مدونات بالنسبة ليا ..

    يا ترى ايه افضل عشر مدونات بتحبها وبتابعها باستمرار

    منتظر ردك على مدونتى هنا
    http://top--ten.blogspot.com/

    اوعى تنسى ازعل منك

    ReplyDelete
  78. انت مش شايف ان الموضوع غريب شويه و يقلق حبتين
    من بعد ما اتكلمت عن البلح
    وانت مش موجود
    خير ان شاء الله
    لتكون اتعلقت بداله ربنا يستر يا ابو فرح

    ReplyDelete
  79. S H A H
    انا يهمني راحة الشعب
    والشعب يهمة راحة الرئيس
    اذا فراحة الرئيس من راحة الشعب

    ReplyDelete
  80. ابتسم من فضلك
    طب يا سيدي متشكرين

    ReplyDelete
  81. قطــــوفها دانيــــــة
    ربنا يضحك سنك وايدك ورجلك
    وكل اعضائك
    قادر يا كريم

    ReplyDelete
  82. حامد سليمان
    يا سيدي الله يخليك
    وسعيد بتواجدك في المدونة

    ReplyDelete
  83. واحدة مفروسة
    لا تكلكي انا علي قيد الحياة و حي ارزق
    بس انا كنت في مصر اجازة سريعة كدة
    فا كنت مريح من كل حاجة
    وانتظرو اليوم عودة الوحش
    من بلاد تاكل الجحش
    وابوة

    خمس ارغفة للمزمزيل هنا يا جااابر

    ReplyDelete

بعبع وقول اللي في نفسك يا خويا