Thursday, July 17, 2008

اجدادك بنو الاهرامات و احفادهم بيلعبو في الطينة

واضح ان الحكاية متوارثة في عيلتنا
ام عن جدة
فافي الفيديو التالي
حوار تليفوني في برنامج القاهرة اليوم مع العزيز عمرو اديب
تقوم فية امي المصون
بتعديد مهازل حال السياحة في بلدنا
و التي نتفشخر في جميع المحافل الدولية اننا نملك تلتين اثار العالم
اتركم مع الدكتورة عزة رستم
سليلة اتاتورك وحفيدة الفراعنة وربيبة الاخوان المسلمين
والتي يكفيها فخرا ان انا ابنها وابو احفادها :)

الجزء الاول


الجزء التاني

28 comments:

  1. يا اا هما اجدادنا بنوا الهرم علشان احنا نروح نحب فيه
    يوووا انت ايه فهمك انت
    وبعدين الحاجات اللى عزه هانم رستم بتقول عليها كلنا عارفينها
    هااا وبعدين اللى ايه هيحصل يعنى ايه التقدم الفزيع اللى ممكن البلد تعمله بعد ما يعرفوا غلطاتهم
    يا صديقى احنا بنتكلم مع ناس شعارهم لا ارى لا اسمع لا اتكلم ولكن بعيش

    فى تركيا سارقيييييييييين وبقوللللها وعلى ضمانتى مننا مسله حقيرة صغيرة قد العقله وشوف عاملينها ازاى ومهتميين بيها ازاى
    وشوف احنا عندنا قد ايه وبنعمل ايه
    وبعدين ايه يكفيها فخرا انك ابنها وابو حفادها دى هى مخلفتش غيرك
    بطل انانيه بقى ههههههههههههه
    المفروض تقول يكفينى فاخرا انها امى عيال تجيب الضغط صحيح
    سيبك سيبك انا طالعه النهارده صحارا سيتى تيجى

    ReplyDelete
  2. جابت من الأخر بجد

    بص، سيبك من مظاهر الفقر إلي عندنا، مع إن ممكن نخبيها عن السياح، بس في الأخر موجوده
    إنما المهم بجد عساكر وزارة الداخليه والمتحف المصري وبتوع الجمال والحمير والتحرش الجنسي ونهب السياح.....إلخ .. دي مالناش أي مبرر إننا نسيبها

    بس برضه أرجع وأقول، إذا كان شعب مصر الـ 80 مليون هاين علي الحكومه تفتكر حيهمهم سياح والا غيره. لنا الله

    تحياتي

    ReplyDelete
  3. تحياتي ل د/عزة يا اسلام
    كلامها كله في الصميم
    أنا كنت هاقول نفس كلام وجهة نظر , لو فيه حاجات ممكن نعتبرها أزمة حقيقية و حلها محتاج وقت و فلوس ففي حاجات قالتها من غير المقبول مطلقا السكوت عليها

    بس كله كوم و كلامها للسائحة انها تحاول تلبس لبس مقفول عشان ماحدش يفهم انها دعوة, الكلام دا أنا شمعته من مرشدين كتير جدا و من ناس زوجاتهم مش مصريين لما ييجوا مصر
    بجد فضيحة , لما يتقال ان رجالة مصر هايعتبروا أي حاجة ظاهرة منها دعوة
    و ماحدش بقى يتكلم عن الكليشيه الأثير بتاعنا عن الجدعنة و لا الرجولة
    عارف المصيبة فين؟؟؟ ان السائحة تسمع كلامهم و تلبس محترم جدا و بردو تلاقي نفسها بتتعاكس
    أنا شفت واحدة مرة من سذاجتها رايحة تشتكي لعسكري المرور (فاهمة أن اي بدلة ميري ملزمة بحمايتها) من حيوان ....... احم , مش هاقول العسكري اللي مافهمش منها ولا كلمة ولا اهتم يفهم عمل ايه

    ReplyDelete
  4. 4
    حمامات في المتحف
    غريبة جدا




    انا شايف حل جميل لمشكله التحرش الجنسي بالسائحات حات حات ده

    كل واحده سائحة تيجي مصر ترضع كل المصريين الرجاله 5 رضعات تامة
    و بكدا تبقا امهم بالرضاعه و طبعا مفيش حد هيتحرش بأمه



    المشكله ان بعض الناس بتتكلم عن حالات خاصة و بتحاول تعممها و تظهرها على انها الصورة الموجودة في مصر

    انا اخويا بقاله دلوقتي 5 سنين في مجال السياحة
    هو إرشاد سياحي لغة المانية و مش بسمع منه عن التحرشات اللي بيقولوا عليها دي

    شغله أصلا بين دهب و شرم يعني في قلب المسخره و الهلس كله


    بالعكس
    دايما بيحكي لي على
    السائحات اللي بييجوا مصر منفردين عاوزين يسحبوا شاب مصري للفرفشه و النعنشه

    اذا كانوا هيحموا السائحات من التحرش
    مين هيحمينا احنا من تحرشهم هما
    مووووووووز

    مصر أمانه في ايدك يا رأفت

    رأفت

    رأفت

    لا اله الا الله يا رأفت

    ReplyDelete
  5. لا فض فوكى يا دكتورة عزة

    اقولك حاجة كمان ضيف لكده اننا قدام الاجانب عند مكتبة الاسكندرية الطريق المؤدى لمجمع الكليات
    نمنع و بطريقة همجية من المرور من هذا الطريق
    امام اعين الاجانب
    يعنى عينى عينك بنقولهم انهم احسن من المصريين

    و تلاقى واحد خزوق كفتة و لا يسوا تعريفة
    عشان النسر ركب على كتافة
    بقى ابوه صاحب المكتبة
    و بيتحكم قال يعنى المصريين كوخه

    و ده على فكرة بجذب انتباه السياح
    و بيدور بينهم حديث عن ان الظابط منع الطلبة

    بجد دكتورة عزة لخصت مواضيع كتيرة فى كام جملة
    و كفاك انت فخرا انها والدتك
    و جدة احفادك
    و كفانى فخرا انها ام مصرية
    ربنا يخليهالك

    تحياتى لدكتورة عزة
    و ليك (مش مشكلة)عشان خاطرها بس

    سلام يا باشا

    اسلام

    ReplyDelete
  6. والله جابت من الأخر
    تسلم والله

    ReplyDelete
  7. طلب رخم شوية



    ما تخلى ماما تعمل مدونة


    تتكلم فيها عن القصص دى


    !!

    ReplyDelete
  8. اسلام صديقي الجعان
    ..قبل أي حاجة و اي كلام..عاوزة احي الدكتورة عزة على
    1-حبها لمصر
    2-انها اثبتت ان اللي بيحبو القطط و الكلاب حتى بتوع الشوارع..اصحاب دمغة عالية
    3-انها انجبت سمسم الدماغ اللي بيعرف يمزج الغلب بالمسخرة
    ..و يا ريت بقى قبل ما نصلح الربعمية واحد و سبعين غلطة في المحروسة ..نشيل اكوام الزبالة من الشوارع و اللي بعيني شوفت السواح بتصورها على اعتبار ان احنا شعوب بتحافظ على تراث الاجداد حتى لو كان مجرد زبالة..
    منى الصاوي

    ReplyDelete
  9. سيبك انت عمرو اديب لما اتهزق من ماما كان شكله وحش اوي

    " قلى حضرتك مين اللى يمنعهم مش مين اللى سمحلهم " بس بغض النظر عن المهازل دي احنا محدش فاهم احنا لسه مش بنهتم بالسياحة ببساطة عشان شبعانين وبغض النظر اننا دولة تصنف عالميا بدولة درجة تانية في السياحة يعني ماليزيا تبقى درجة اولى واحنا تانية ليه
    الاجابة في فيديوهات ام اسلام :) ربنا يخليهالك

    ReplyDelete
  10. appy
    معاكي حق
    ماهو انا تفكيري القاصر
    ميجيبش الافكار الجهنمية دي برضة

    الهدف مش اننا نعرف الناس اخطائهم
    فكل من يعملو بالسياحة يعلمو ما قيل
    ووزير السياحة شخصيا
    جرانة علي علم تام بكل التفاصيل
    لكن واضح انة وغير مش فاضيين
    غير لحفلات افراح صحابهم اللي بتتعمل علي شواطيء البحر الاحمر

    بالنسبة لموضوع المسلات
    في العالم 28 مسلة
    8 بس في مصر
    الباقي بيصيف عند باقي الدول
    اما مسلة تركية هي مش مسلة كاملة
    هي تلتين مسلة علي قاعدة يونانية
    وموجودة في اسطانبول
    وراسم بايدي عليها قلب ودبدوب

    ReplyDelete
  11. وجهة نظري

    الفقر مش عيب علشان يداري
    الوساخة هي اللي عيب
    ريو دي جانيرو البرازيل بلد فقيرة جدا
    لكن السياحة عندهم اكتر مننا عشرات المرات
    والتعامل مع السائح انضف مننا مئات المرات
    احنا بقينا بني ادمين نقرف

    ReplyDelete
  12. BlueRose
    يا دكتور
    انا بس امي كانت ماسكا نفسها شوية علشان متقولش باقي البلاوي
    دة في حاجات انا شخصيا اكسف اقولها بتحصل مع الاجانب

    سيبك من دة كلة
    انا و المدام وملوكة زعلانين منك
    انتي فاهمة طبعا

    ReplyDelete
  13. ketchup
    ابو صلصة السكرة منور يا ريس
    موضوع الرضاعة دة
    محتاج نظر رجالتنا عفية برضة
    والاجانب برضة صحتهم مش زي ماانت فاكر

    تعال هنا
    بعض الناس اللي بتكلم عليهم دي بقالها 30 سنة في مجال الارشاد السياحي
    وصاحبة شركة سياحية
    فئة أ تقدر تسأل اخوك معناها اية

    ثالثا عزيزي اخيك يعمل في شرم ودهب
    وهي مصيف اصحاب الدخول تحت المتوسطة في دول اوروبا
    ويقصدها كبار السن من النساء للبحث عن علاقة سريعة مع احد احفاد الفراعنة
    وليست شرم ودهب بمدن سياحية بل هي مصايف
    او مشاتي
    فاعتقد صعب اخوك يكون شاف اللي بنكلم عنة هنا

    ReplyDelete
  14. مواطن مصرى نايم

    موضوع معاملة الطلبة دة كوم لوحدة
    ايام العملي كنا بنكون في المتحف
    وتلاقي ملازم او امين شرطة
    جاي يوسعنا علشان جروب اجانب يدخل يتفرج علي اثر ما
    ماانساش اليوم دة
    كان الدكتور اللي معانا دكتور شريف الصبان الله يمسية بالخير
    ودة من جهابزة التاريخ الفرعوني في مصر
    مسك الظابط وغسلة زي الفانلة الداخلية
    غير ان المرشدة اللي كانت مع الفوج الاجنبي كانت زميلتة غسلت الظابط برضة
    وكان يوم غسل ونشر لممثلي الداخلية

    ويكفيك فخرا ويكفيني فخرا ويكفنا كلنا
    ان نتفشخرا

    ReplyDelete
  15. يا خبر يا خبر
    ليكوا حق ماليش وش حتى أدافع
    و التدوينة دي كمان بينت لي اني خسرت مقابلة شخصية رائعة و هي د/عزة
    ان شاء الله تعوض
    بس انا عارفة اني ممكن أصالحكوا , انما ملوكة زعلانة مني , طيب أعمل ايه مع ملوكة ؟؟؟ انا كدا حاسة بالذنب جدا:(

    ReplyDelete
  16. This comment has been removed by the author.

    ReplyDelete
  17. اولا يا زميلي العزيز ...تحياتي لوالدة حضرتك يا فندم

    بيني وبينك انا مش عارفه انت ما طلعتلهاش ليه ؟

    كان لازم تصمم انك تدخل القسم الوحيد اللي مش عليه اقبال في كلية سياحه وفنادق (قسم الطبيخ هههههههه بانكشك شويه هههههه)

    وبعدين ايه اللي انت بتقوله ده يا حاج ؟
    هههههههه
    بذمتك هي اللي يكفيها فخراً ان انت ابنها !!!


    مين اللي المفروض يفتخر ؟!!
    بس بصراحه هي طريقة كلامها شيك اوي
    عجبتني جدا
    انت اخدت منها طريقة كلامها وتعبيراتها

    وشخصيتها القويه ما شاء الله

    -----------------------------------
    بخصوص الموضوع نفسه
    حقيقي انا مش عارفه اعلق وااقول ايه؟


    كل اللي قالته مامتك كلام فعلا مخجل جدا وياريت حد يتحرك

    للاسف اللي انا عن نفسي شفته في الاجازة بتاعتي وما زالت باشوفه

    حاجات كلها مخزيه ومخجله جدا في مصر

    من عدم نظام وتخلف في الناس نفسها


    دول الخليج في معاملتهم العاديه للناس سبقونا بكتير

    ومازالوا بيسبقونا

    واحنا للاسف كل شويه بنرجع ..ده حال مصر

    حتى المعامله الراقيه الآدميه ...اختفت ...بسبب جهل وتخلف الناس نفسها

    لا حول ولا قوة إلا بالله

    ReplyDelete
  18. الفيديو الاول شغال و الثاني سوري لا يعمل

    ..........................

    انا فاكرة لما كنا رحنا الاهرامات
    كنت انا و صاحبتي بنعمل حوارات صوحفية مع السياح
    كل ما نقرب من حد يقولنا
    no money
    يا ستي مبنشحتش
    يهديكي يرضيكي يجروا و يسيبونا

    الناس هناك اللي بتبيع
    بتقرف السياح بطريقة بشعة
    .................

    بالنسبة للجنوب ف يالاقصر و اسوان هما الناس عايشين في بيوت صغيرة و مش حلوة للأسف
    مع ان الشوارع الرئيسية فخمة جداً
    و الكورنيش تحفة
    يعني المفروض بيجيلهم دخل كتير
    لية مش بيصرفوا علي سكان المناطق دية؟؟؟

    ..............

    كان فية موضوع كاتبة واحد مش فاكرة صاحب انهي مدونة
    عن الاقصر لاس فيجاس

    و قد اية الناس برة بيهتموا بالاثار بتاعتنا

    ...............

    علي فكرة الدكتور بتاع طب المجتمع عندنا بيقولنا ان معروف عن مصر انتشار امراض كتير جداً فيها
    مثل التراكوما trachoma معرفش يعني ايةب العربي بس مرض بيصيب العين و امراض تانية كتير

    و دة مقلل نسبة ان السياح تيجي مصر
    اذا ما قارنت بين تعداد السياح و نسبة لااثار المصرية

    ..............

    في الاخر انا من رأيي كلها شوية حجارة و ادي احنا بنسترزق
    بس المشكلة مبنشوفش خير من السياحة دية
    يعني محستش بتطور ملحوظ من العائدات اللي داخلة لمصر من السياحة

    ربنا يستر بقة
    ......

    دمت سالم

    سلامٌ عليك

    ReplyDelete
  19. هو موضوعك عاجبنى اوى ومدونتك كلها عاجبانى جدا يا اسلام

    بس والله انا مش قصدى حاجه

    فى مواضيع بحبها وفى مواضيع بتخنق اوى

    ReplyDelete
  20. blue-wave
    انا كمان بقول كدة برضة يا دكتور


    جمعاوى روش طحن
    مدونة اية يا راجل
    دة هي من غير اي حاجة عاملة 3 جرايد معارضة
    فكك

    ReplyDelete
  21. منى الصاوي

    يا صباح الانوار باهل الفن والتلافزيون والراديون
    شوفي انا مقتنع ان الرفق بالبشر يبدا بالرفق بالحيوان
    اي كانو قطط كلاب حمير صرارصير ابراص
    المهم الرحمة
    وانا اتفق معاكي في تحيتها لانها انجبتني
    اما بالنسبة للزبالة
    فدي كلها عبق التاريخ
    وادعو جميع المواطنين ان يستنشقو العبق اينما وجد

    ليتا عتاب علي جنب بعدين

    ReplyDelete
  22. allah-slave
    انت بتشنع علي الراجل يا مولانا
    هزقتة فين بس
    ؟؟؟

    BlueRose

    انت مخلتيش فيها وش ولا قفا حتي
    يالا معلش الاطفال احباب الله
    ملك قالت نسامحك المرة
    دي
    بس ابعتي 6 كيلو سمك وجمبري

    ReplyDelete
  23. وأنا أضم صوتى لصوت من طلب إن والدتك تعمل مدونة
    باين من كلامها الثقافة والعقل الرزين ما شاء الله

    جت ع الجرح قوى

    ReplyDelete
  24. nada_adly
    يا ابلة لمي تعابينك
    دة انا صرح سياحي في مصر
    في مباحثات انهم يبعتوني اوروبا الاجانب يتفرجو عليا
    زوزو وارثة كل حاجة مني علي الاخر
    انا بهزر ربما مستقبلا افرد تدوينة عن امرأة عظيمة مثلها

    علي اي حال واضح ان اجازتك في مصر كانت مهببة علي الاخر
    ابقي تعالي صيفي عندنا

    ReplyDelete
  25. نعكشة
    الفيدو الاول شغال و التاني سوري شغال برضة
    حكاية بقي ان السياح كان بيجرو منكم ويقولولكم
    no money
    اكيد شافو حاجة فيكم معلش يعني
    انا بهزر لتخدي علي خاطرك
    علي اي حال الاجانب وخصوصا من امريكا بيتوزع عليهم في بلادهم من شركات السياحة كتيب
    في قائمة بالمحظورات التي يجب علي السائح تجنبها
    منها عدم التحدث مع شخص لا تعرفة
    ربما في المستقبل اضع بعض المقتطفات من الكتيب دة
    اما مرض trachoma
    دة مرض بيصيب العين و الاجفان علي وجة الخصوص وهو معدي جدا وقد يسبب العمي
    وللاسف المعروف عن المرض دة ان بيتواجد بكثر في الدول شديدة الفقر وانعدام التوعية الصحية
    اللي طبعا في الغرب بيعتبرو مصر واحدة منهم

    اما عن خير السياحة
    فا حضرتك بيتصرف علي شراء لوحات فاروق حسني وتمويل خزعبلات زاهي حواس

    ReplyDelete
  26. مدرسة الفشله بنات

    سعيد باعجابك بالمدونة وسعيد انك رغم صغر سنك
    تتابعي عالم المدونات
    واختلاف الراي لا يفسد للود قضية
    يا ريت تنوريني دايما بمرورك
    وسلامي لباقي الفشلة

    ReplyDelete
  27. Lasto-adri *Blue
    عزيزتي نورتينا يا فندم
    بقالك فترة كدة مقاطعانا
    وانا اضم صوتي لصوت مصر واقولها الرحمة ياماما
    موضوع انها تعمل مدونة صعب كيك
    علاقتها بالكمبيوتر كعلاقة السنة و الشيعة

    ReplyDelete
  28. الحاج DEVIL _HACKER18Tuesday, 26 August, 2008

    انا بالصلاتو على النبى
    هاقولك ايه السبب
    وووووووووووووووووووووووووووف
    (بشرب شفطه شاى)
    السبب انا الانفلوزا منتشره فى مصر
    وعلاجها تاثيره بعد 160 الى 180 سنه دا غير 1976 اثر جانبى لان سعادتك كل شركات الادويه والسياحه فى مصر بوش عربى وراس مال ومكسب عائد حقيقى اسرائيلى- امريكى
    (حد فهم حاجه)

    تانى سبب يابرنس هى الخنفشاريه فى التعليم اشطاااااااااااااااااااااااااااااااااااااااااااااا
    دخلنا فى الخرشوف الاخضر السياسى
    اذن عزيزى المشاهد نحب نسال كلنا ضيفنا الحاج ديفل من مصيفه الشتوى
    ما هى الخنفشاريه التعليميه الموازيه للمنهج الواقعى الموافق لاستهباليه السلطه وتحكم راس السلطه فى ميداليه الامور والعمل المتغير مع المنهج الثابت مع تغيير النظم كلما مر على الوزاره وزير او عسكرى والحصان يمشى تلات خطوات وكش ملك بالصلاتو على النبى يابرنس؟؟؟؟
    حاج ديفل ...............ديفل .........
    اصحى ياد التلفزيون بيصور.......
    انا هاعترف على كل حاجه يا حضرة الامباشى
    انا اقولك الحقيقه طول ما العيل واخد التعليم اجبار وغصب عنه بدون هدف او مغزى حقيقى
    (جامده مغزى دى صح)
    ويروح المدرسه يتعلم الشتايم وشرب السجاير ولف سجاير البانجو
    عمره مهيعامل السائح معامله عدله
    طول مكل الشعب المصرى بيرمى الزباله فى الشارع محيصل تقدم مع ان ممكن تكون صندوق الزباله جنبه بس يرميها فى نص الشارع برخامه امه
    طول ما ابن خالتى خارج من كليه طب اسنان وشغال سواق ميكروباص
    وعمال ليل ونهار خناق مع السواقين فى الموقف مهيبقى فى تقدم
    طول ما انا وانا من انا بجلاله قدرى هاكر محترف بقف فى طابور العيش كل يوم اكثر من 3ساعات ونص وان كلمت يعاملونى كانى اسير حرب ويقعدونى على ركبى ويدوسوا عليا بالدبابات
    والبلغ الت عاشت اكثر مما عشت فى الحياه واورثها الاب لابنه
    طول مانا بركب الاتوبيس وانا واقف على سطحهه مهيقى فى تقدم
    طول ما فى ناس زى الحاج عادل اللى معانا فى العماره مهيبقى فى تقدم
    ملحوظه
    (الحاج عادل نافج نص شعب مصربما فيهم البواب اللى طالع عين امه)
    انا هقولك موقف حصل معايا و الله الذى لا اله الا هو لن ابالغ فى حرف
    قدر لى ربنا اننا روحت فى رحله للهرم ايه اللى حصل
    اللى حصل اننا روحنا قبله القلعه وكان هناك محل بيبع خرازانات فطبعا كل واحد اشترى تذكار اى خرزانه وبعدين خدنا توكتوك وطلعنا على الهرم فقولنا لازم نجرب الخرازانات على مييييييييييين
    ملقيناش الا الجانب والمدرسين قولنا الاجانب ارحم وطبعا كل اللى معايا شغالين الله ينور وعينك متشوف الا النور وان بقى واقف زى الاهبل يا اخوانا عيب يا جدعان دول سياح بقام حوده صحبى ساحب .................طبعا حركه احنا عارفينها ثم قال كلمه يندى لها جبين الملوخيه
    وقالى يابا دا الضرب فيهم حلال


    الموقف التانى :

    انا ساكن قرب سان ستيفانو مش قريب قريب يعنى عشان محدش يفتكر اننا عيل فافى ولا حاجه اصحااااااااااااااااااااا دا نا صايع قدييييييييييم
    المهش فى الموضوع خير اللهم جعله خير قال قيه لقيت حبة سياح ماشين فى الشارع لابسين ابيض فى ابيض وبيتفسحوا ممعهومش ظابط رخم ولا امين بيحب الفشخره ايه اللى حصل؟ البرنس سيد سيحه اكبر مندوب مبيعات وبائع مخدرات فى الوطن العربى ماسك ولا مواخذه يعنى حته من واحده فيهم والشارع كله هاتك يا قفش وكان يوم المليطه العالمى
    وشباب من سيدى بشر اجروا عربيات مخصوص وجم عشان يشاركوا فى المناسبه السعيده دى


    وكل سنه وانت طيب ومصر بلدنا بلد سواح .............. فيها الاجانب تتفشجر
    وكل عام وقت المرواح بتبقى مش عايزه تفكر

    فى ايه ؟ فى انها ترجه للشعب ابن الثرمه ده تانى يا عم هاااااااااااااااواااااااااااااااااى ارحم

    ReplyDelete

بعبع وقول اللي في نفسك يا خويا