Thursday, July 31, 2008

ليس في الامكان اوسخ مما كان

بعد مسلسل مهند ثم مسلسل يحي شاهدنا الحلقة الاخير من مسلسل ممدوح ابو اسماعيل
الفرق بس بينهم ان السالف ذكرهم مليانة حريم تحل من علي حبل المشنقة ورجالة قمرات ولا يوسف الصديق
اما مسلسلنا فمليء بالقتلي و الغرقي وامهات ثكالي ونساء ارامل و اطفال يتامي
لم اندهش لبرأة اسماعيل و حيثيات الحكم فهو تطور طبيعي للحاجة للوسخة
بداء من عام 2006 لما الامن المركزي كان بيجري خلف اهالي الضحايا بالعصي لتفريقهم من امام المستشفي علشان البية الشملول الوزير جاي, الناس دي ماتت يوم صدور حكم البرأة
احنا بقينا بلد بديل قاضيها ومواطنيها وحكامها
وتحياتي لمخرج المسلسل علي فكرة العبقري لاختيار موعد اذاعة الحلقة الاخيرة
فتوازت مع ماتش الاهلي و الزمالك اللي خرج في الناس في الشوارع وريالتهم شبر علي صدرهم يهللو للاهلي
طب ينعل ابوكو علي ابو الاهلي علي ابو الزمالك
وتقريبا كان حلقة مسلسل نور اللي مهند بيصالح نور في بيتهم اللي بيطل علي مضيق البوسفور
فاالاغلبية كانت قاعدة مبحلقة في الشاشة مستنية البوسة
الجدع ابن اسماعيل دة مغرق عبارتين لحد دلوقت يااخوانا
(السلام 95) و(السلام 98)
طيب يعني نتوقع السلام 2009
الجدع دة دلوقت في لندن .... حلو مش دي اللي نص المصريين اللي راحوها وقعو من البلكونات
هل نأمل سقوط ابو اسماعيل قريبا من التراسينة علي جدور رقبتة قادر يا كريم

العيب مش في القضاء ولا الحكومة ولا اي مسؤل
العيب علينا احنا بقي عندنا جيل مشوة من المصريين اغبي من السلحفة و احمر من الجحش
لا علم ولا ثقافة ولا نخوة ولا بقايا مخ حتي
اقصي احلامة بت يقفش فيها في الاتوبيس المكيف

طول ما الاجانب بيجو من اخر الدنيا علشان يشوفو راس نفرتيتي
والعربي بيجي علشان يشوف صدر دينا يبقي مفيش فايدة
لهواة السكر و الضغط والجلطات وكل امراض حرق الدم يشوف التالي
http://www.youtube.com/watch?v=KC6MrC1D03A

http://www.youtube.com/watch?v=Tc6RKZxG5jY&feature=related

40 comments:

  1. لو حاول حد بيعيش في مصر انه يكون عنده دم، فكرك دمه هيتحرق بعد اد ايه؟ مطلوب ان دمه يتحرق لان شرط الحصول على الجنسية المصرية ان يكون البني ادم معندوش دم.
    انا دمي اتحرق

    ReplyDelete
  2. انت مشكله
    والله انا بحسدك على مصر امك دي
    مدياك قدره ساخره بت وسخه
    بسم الله ما شاء الله
    --
    مش عارف ليه بعد كل ما بقرالك بوست
    بحس بكفاءته تنفيس عااليه تعادل ستميت ألف شتيمه ف النظام ابن الكلب ده
    انت حد جامد كمل ياعم
    واحشنا جدا
    سلام

    ReplyDelete
  3. انت لسه عاوز السلام
    السلام ده كوبرى هناك فى الاسماعيليه عارفه
    خلاص هيجوا تانى بس باس جديد خالص خالص وبكرة تشوف

    وبعدين ماله الشباب مضايقك ايه يعنى طيب يعنى هو ولا يبىق وظيفه ولا كرامه ولا قله ادب كمان يا راجل طيب سيب له حاجه واحده توحد اللى خلقك

    وشكرا شكرا على حرقه الدم بتاعت الفيديو

    ReplyDelete
  4. طب ينعل ابوكو علي ابو الاهلي علي ابو الزمالك

    مائة مرة
    ــــــــــــــــــــــــ
    العيب علينا احنا بقي عندنا جيل مشوة من المصريين اغبي من السلحفة و احمر من الجحش
    لا علم ولا ثقافة ولا نخوة ولا بقايا مخ حتي
    اقصي احلامة بت يقفش فيها في الاتوبيس المكيف
    - - - - - -
    اما بقى الحتة دى فيها تعميم
    و انا مش موافق عليه
    لانى من الجيل ده
    و اعتقد ان انا مش كده
    لانى بشوف التشوية ده فى اجيل جيل
    بيبقى راجل عجوز بيعمل اكتر من كده
    و الله شوفت كذا مرة
    و اتخانقت كذا مرة بسبب الموضوع دة
    (لا متخافش بضرب مش بنضرب)
    و اه فى شباب كتير برضوا بيعملوا كده و مشهوهين فكريا

    و برضوا لما بشوف حد منهم بياخد طريحه مووووووووز منى

    يبقى التعميم لا
    ايوه
    خلى التعميم لمصلحه الضرايب بس
    (لبسه العمة)
    ــــــــــــــــــــ
    بوست جامد

    تحياتى
    سلام

    و الا اقولك بلاش سلام لتطلع الكلمة دى كمان تبع ممدوح اسماعيل و تغرق البلوج فى 2008

    اسلام

    ReplyDelete
  5. لأ لسه بدري اوي

    لسه فيه الاوسخ والاوسخ طالما الناس بتستحمل وبتبعبع ووبعدين بتتعايش وتسكت

    ReplyDelete
  6. dear...
    U have said it...but U helped the regime so much ,giving them the idea ...how 2 solve their Proplem...through falling from london house balkony....they Must Reward U ...as he became a negative factor 4 the regime..and they will make sure 2 get rid of him...so we used 2 forget ...
    Best Regardes

    ReplyDelete
  7. اللي يعيش ياما يشوف.

    ده لو العملية متخطط ليها مش هتمشي بالدقة دي.

    الحقيقة فلنصفق لبراعة الحكومة

    تحياتي
    أسامة

    ReplyDelete
  8. عزيزى الفاضل
    كنت فاكر لحد قريب ان مصر هى امى نيلها هو دمى ..
    و اكتشفت مؤخرا ان مصر تبقى مرات ابويا .. زى قصة سندريلا ..
    تحياتى

    ReplyDelete
  9. طبعا ميعاد المحاكمة كان مقصود
    ومش عارف ياخويا بتوع العبارة حظهم وحش قوي دايما بلاويهم بتيجي مع الكورة

    وبيقولك فساد في الاستدلال
    طيب ملعون ابو الزمالك ع الاهلي
    على ابو ده قانون ميت من غير روح
    ع اللي طبقوه

    اكيد القاضي كان شايف انهم مش بني آدمين فمش مشكلة خالص لو شوية فراخ راحت
    مع ان كده وبحسبة الغرامة اللي دفعها ربان سفينة سانت كاترين (10 آلاف جنيه) على دم 1033 واحد يبقى احنا ارخص بكتيييييييييير من الفراخ

    ReplyDelete
  10. بجد بجد احنا عايزين نغير اسم منظمة حقوق الإنسان للرفق بالإنسان
    اشمعنا الحيوانات؟؟
    انا بطالب بالمساواه

    ملحوظه على جنب
    يمهل ولا يهمل
    كلمه بوجهها لكل الناس

    ReplyDelete
  11. حلو اوى السجع اللى في كل كلامك
    مدونة لايت ممتعة
    تحياتى

    ReplyDelete
  12. للاسف انت قلت كل اللي المفروض يتقال والله

    انت لو لاحظت ان في الفيديو اللي انت حاطط الرابط بتاعه ان الشرطه عن نفسهم مش قادرين طبعا يقربوا من الاهالي والناس اللي محروق دمهم

    تخيل ان الامن نفسهم اللي واقفين في المحكمه اتحرق دمهم هما كمان !وتقريبا كانوا هايعيطوا مع الناس !


    لا حول ولا قوة الا بالله

    بس على فكره انا لا باشوف مسلسل نور ومهند

    ولا باشوف مسلسل يحي


    كفايه اوي عليا اللي باشوفه ...!!

    ReplyDelete
  13. يا جعان...عبارة إيه وناس إيه بس اللي ماتت..مش لما نحل مشاكل الزمالك الأول ونشوف مين حيأخذ الدوري السنة دي وإيه المسلسلات اللي حتتعمل في رمضان الجاي
    تحياتي

    ReplyDelete
  14. معلش عندي ملحوظة صغيره مع احترامي الكبير طبعا ..
    سيدنا" يوسف" نبي و ربنا اداله نص جمال الكون ..
    فاعتقد انه مينفعش ان احنا نشبه بأي حد...
    مع احترامي الشديد..
    ومتشكرين على حرقة الدم .

    ReplyDelete
  15. اقول ايه بعد اللى قلته
    احنا شعب مغيب عبيط برياله على رايك عايز يتوه ويتوه عقله فى اى حاجه
    وهم بيعرفوا ازاى يكيفوه ويدوه على قفاه ويقول كمان
    كفايا علينا البانجو والاهلى ومهند هنعوز ايه اكتر من كده
    اللى يموت يموت بقى فى داهية
    نزعل شوية وننزل دمعتين ونرجع تانى ولا كان حاجه حصلت
    الظاهر المصايب بقت كيف عندنا زى اجزاء المسلسلات المضروبة
    ارحمنا يارب

    ReplyDelete
  16. The Innocent
    السؤال هنا امتي الواحد دمة يبطل يتحرق
    متهيألي لما يقابل رب كريم


    ركن الدين
    اهم حاجة كفأة التنفيس
    بس انا حاسس انك لسة شايل
    بعبع متحرمش نفسك من حاجة

    ReplyDelete
  17. appy
    انا اعترضت
    ما اللي عايز يقفش يقفش
    واللي عايز يموت يموت
    احنا في بلد ديموقراطي
    تكفل للجميع حرية اختيار الموت او التقفيش



    مواطن مصرى نايم
    ارجو منك قراة ما بين السطور
    فاساسا من مباديء التفكير القويم عدم التعميم في الاشياء
    انا معممتش
    لكن الطبع السائد هو ما قلتة
    لا انكر وجود رجال ومفكرين ومستنيرين في الجيل دة
    وشباب لسة عندها نخوة زيك
    لكن الكثير للاسف من الهوامش

    ReplyDelete
  18. الصارم الحاسم....يوما هل أكونه
    ادينا في انتظار الاوسخ
    واول الغيث قطرة
    بس دي طرنش و فتح علي الكل


    مصــــري
    وهو احنا شوفنا حاجة اللي جاي
    شكلة اوسخ فعلا

    ReplyDelete
  19. bluestone
    عارفة هي شكلها كدة
    بعد الاطعن و الاستئناف هاترسي
    ان الاهالي هما اللي هايدفعو تعويض


    Oss
    ياريت دة حتي الحمير بقي ليها رابطة بتطالب بحقوقها
    نأمل ان يكون للمصري رابطة هو كمان

    ReplyDelete
  20. rashida
    دة انتي مشوفتيش الاغاني كمان
    مقولكيش علي السجع و اللسع
    تحياتي


    nada_adly
    ياستي ما الامن قبل كدة قامو بالواجب
    مش كل مرة بقي

    ReplyDelete
  21. micheal
    ميخا باشا
    عميد التحليل الكروي
    هو دة الكلام
    الا مين اللي هايعمل الفوازير السنة دي


    khtab
    مع برضة كثير الاحترام
    سيادتك اية مصدرك لكلامك
    مصدرك الشرعي يعني

    ReplyDelete
  22. اهو ده عيبه
    شوفي يا ست الكل
    كدة انتي علي الخط
    دة اللي عمال انتع في نفسي في من الصبح
    الناس بقت بريالة

    ReplyDelete
  23. صباحو سلام
    بس مش بتاع العبارة
    يا ترى شفت السبد محامي المدعى عليه و هو بيقول
    ده قضاء و قدر...و تم صرف تلتمية ألف جنيه لاسرة كل المتوفيين..و راح سايب المذيع و ماشي متعصب؟
    شكله بيقر عليهم
    .منى الصاوي

    ReplyDelete
  24. لا مش هقدر اقول حاجة خالص انا بس بسجل اعجابي بمدونتك ونفسي تبقى كوووول كدة والحياة عندك تبقى بييييييس لأن اية المشكلة ان ممدوح براءة اذا كانت مصر فازت بكاس الامم والاهلي غلب الزمالك؟
    ومهند هيرجع لنور اللهبلة في الاخر؟
    ويحي هو ولميس هيجيبو بنت زي القمر
    وبعدين الراجل مش غلطان الناس هي اللي مش بتعرف تعوم
    تحياتي

    ReplyDelete
  25. لا تعليق
    لا تعليق والله

    والواحد قلبه بيوجعه كل يوم اكتر من الاول

    ده حتى قاموس الشتايم المصرى مافيهوش كلمه تعبر عن الوجع ده

    لا اله الا الله

    ReplyDelete
  26. بص
    يوم ما اخد براءة انا اتحرق دمى
    بس انا قريت الخبر مشوفتش النطق بالحكم
    وناسيت
    عادى مصريين وبننسى
    بس امبارح وانا فايتة اشوفك عامل ايه ومنزل ايه جديد شوفت الفيديوهات
    صدقنى بكيت كأنى انا اللى ماتلى 1033 واحد وكلهم من عيلتى
    عارف يعنى ايه تحس ان اهلك ماتوا ومتاخدش حقهم
    انا بجد كارهة النظام كما لم اكرهه من قبل
    حقيقى هاين عليا افجر نفسى فى مجلس الوزرا
    اللى عايز يتحاكم مش بس ممدوح اسماعيل
    اللى عايز يتحاكم النائب العام اللى خلاها جنحة
    قتل 1033 جنحة
    اللى عايز يتحاكم اللى عين النائب العام واللى سكتوا على تعيينه وتعيين غيره واللى سابوا اللى عينوا فى مكانه لحد النهاردة من غير ما يجيبوا رقبته
    حقيقى انا مقهورة انا باكتبلك النهاردة لانى امبارح حقيقى مكونتش قادرة اقول اى حاجة ولا اعمل اى حاجة غير انى انفلق من العياط
    حسبى الله ونعم الوكيل

    ReplyDelete
  27. والله صدقنى دى بلد وسخه ومتخدمش غير اللى يسكوها على افاها

    ReplyDelete
  28. يا اخى مفيش حاجة بتعجبنا
    الراجل حب ينظم النسل با ثر
    رجعى تزعلو لية منه
    عيب

    ReplyDelete
  29. يا اخى مفيش حاجة بتعجبنا
    الراجل حب ينظم النسل با ثر
    رجعى تزعلو لية منه
    عيب

    ReplyDelete
  30. peace and freedom

    ciao da Venezia

    ReplyDelete
  31. eldoctor
    يا دكترة
    زي ما قلت احنا عايشين في بلد مرات الاب


    .منى الصاوي
    ست الكل
    يا ستي ما كل حاجة قضاء وقدر
    والحساب بقي يوم الحساب

    ReplyDelete
  32. يوميات نائمة في الأرياف
    انتي اية اللي صحاكي
    انا كوووول علي الاخر
    اهدي انتي بس
    تحياتي


    aya
    والله مصدق انة لا تعليق من غير ما تحلفي
    صلي علي النبي

    ReplyDelete
  33. ظل الشمس
    ومين سمعك حقيقي
    واحد من اصدقاء عمري ابن عمة من اللي ماتو في العبارة
    وزوجتة كانت حامل وعندهم طفل عمرة سنتين
    بلاش احكيلك علي حالهم
    فعلا اكن الراجل مات مرة تانية يوم صدور الحكم
    ربنا يصبر كل من لسة عندة دم


    مدرسة الفشله بنات
    اهلا بست الفشلة كلهم
    احنا امالنا فيكي انتي و الجيل بتاعكو بقي
    تسكو البلد

    ReplyDelete
  34. كلام على بلاطة
    يعني لو الحكومة بقي متبعة نظرية تحديد النسل دي
    يبقي نتوقع ان كل سنة مش اقل من مليون نفر ياخدو استمارة ستة



    arachesostufo
    انت مين ياض

    ReplyDelete
  35. مقطعين يوجعوا القلب و يفوروا الدم

    و لعلاج ده
    حتستورد الحكومة شعب معندوش دم علشان الاحكام المماثلة تمر من غير صويت و هرج و مرج
    و يمكن يطلع الشعب الجديد ده بيمشي ببنزين 80 و اهو ساعتها الحكومة تسترزق و تطلع لها سبوبة كويسة
    و تبيعه للناس على البطاقة

    حسبي الله و نعم الوكيل

    اوروفوار

    ReplyDelete
  36. ما انا قلت لحضرتك
    هو فيه ارخص من كدة
    ولسة هنرخص وهنرخص لو فضلنا على الحال دة
    استرها يارب
    مقال وفيديو ضغطوا على الجرح بقوة
    اياك نحس وما يبقاش الوضع يومين عياط وخلاص اللي مات مات الدور على اللي عايشين بقى
    مقال رائع وحقيقي
    تحياتي

    ReplyDelete
  37. انا كتبت رد على تعليقك عندي حالا
    أرجووووك انا مستني أشوف التدوينة على أحر من الجمر
    ياريت تشوف الرد وتحياتي لقلمك البارع

    ReplyDelete
  38. باشا
    ياريت تاخد الكاريكاتير بحجمه الأصلي من الوصلة دي

    http://main.mashy.com/index.pl/cartoon?wid=602&func=viewSubmission&sid=32879

    عشان اللي عندي في المدونة حجمها صغير

    ReplyDelete
  39. كلبوزة لكن سمباتيك
    و طهقانة اللي اسمها بستوكة
    هم مدونتين لشخصاية واحدة هي أنا

    عبير عبد الشافي
    تحياتي

    ReplyDelete

بعبع وقول اللي في نفسك يا خويا