Wednesday, August 06, 2008

هات الصابونة واقعد لاعبني

لا اوعدكم بمسك لساني في الكلام الي جاي , بس اوعدكم ان الحكومة هاتخلي رجالة مصر تمسك حاجة تانية

فبعد اتاوة مثلث المرور وشنطة الاسعاف والضرائب العقارية وضريبة الموتي و الملاهي

تهل علينا حكومتنا المبجلة بفرض اتاوة قانون الجواز الجديد الذي قتلتة بحثا و نخورة محاولا معرفة انهو جزمة في الدولة اللي اخترعة
ومين الصرم اللي مرروة في المجلس
باختصار ينص علي ان كل راغبي الزواج التقدم لعمل فحوصات طبية لتاكد من خلو الطرفين من اي امراض
توكد خلوهما من الأمراض المعدية كذلك سلامتهما من الأمراض المزمنة أو الأمراض الوراثية
كل دة كلام جميل وانا معاة بقلبي وروحي و عمري
مع عمل تحليل لسائل الرجل المنوي واشعة للمبايض و الرحم في المرأة
هوووب لينا هنا وقفة
احنا اللي نقف مش حاجة تانية


تحليل السائل المنوي للرجل لقياس مدي الخصوبة لة ثلاثة طرق علي حد علمي
واذا كان في دكتور يصححلي معلوماتي
وطبعا لا حياء في الدين او العلم او في سلطنة الجعانين

الطريقة الاولي: الاستمناء باختصار شديد الطريقة هي كوباية وحجرة مغلقة واضاءة هادية ويفضل اي مثير جنسي
افلام مجلات احلام يقظة لو كان خيالك واسع
في بعض المعامل يسمح بدخول الزوجة مع زوجها لمد يد العون
وفي النهاية بتدي الكوباية اللي فيها العينة للممرضة اللي واقفة مستنياك برة مش عارف اية الحكمة انها تكون دايما واحدة ست وبتبصلك باستخفاف وهي بتهز كوباية العينة

الطريقة التانية: يقوم الطبيب بواسطة حقنة بسحب عينة مباشرة من كيس الصفن وطبعا الالم هنا لا يوصف
لان الرجال في المعتاد المناطق دي محظور عندهم الضرب فيها فافكرة ان ابرة تدخل فيها دة امر لو تعلمون عظيم
وعيب الطريقة دي انك لو كنت بتخلف منظر دخول الحقنة لوحدة يقطع خلف التخين


الطريقة التالتة: ودي يقوم الطبيب بوضع مزفلط علي اصبعين ثم ادخالهم في مؤخرة المريض ثم الضغط علي البروستاتا
مما يؤدي الي حدوث قذف ومن ثم الحصول علي العينة
وعدد الاصابع يتوقف علي امكانياتك وجودة المزفلط (يفضل كية-واي جيل- او زيت البرافين)
عيبها الوحيد كسرة العين


فيا عزيزي المقبل علي الزواج فانت اصبحت مثل المستجير من النار بالرمضاء
فخياراتك محدودة فاطبعا التحاليل دي هاتكون في مستشفيات حكومية معتمدة من قبل وزارة الصحة
ونعلم جميعا حال هذة المستشفيات من ناحية النضافة والتعامل مع المواطنين لا يسر عدو ولا حتي حمار بلدي
واكيد الرائحة لن توصف فهي مزيج من المعقمات والامونيا وحاجات تانية احنا فاهمينها

وكما قالو في المثل
ابوك البصل و أمك التوم منين تجيك الريحة الحلوة يا مشئوم

فالصورة ستصبح كالتالي
فلنفترض ان اللي رايح يعمل التحاليل شاب ملتزم ملتحي ودقنة لحد صرتة ومش واخد خوانة
او شاب ازهري ممن يعتبرو الاستمناء بجميع اشكالة واهدافة حرام
وان انصاع ووقف صاغرا في طابور المستمنين منتظرا دورة ليدخل ليقدم العينة
حتما ولابد هايسمع من المستظرفين وخفيفي الدم و العقل تعليقات سمجة
زي بركاتك يا مولانا ادعيلنا ربنا يفك زنقتنا
يا اللي بيطلع موطي راسة بسبب عدم تمكنة من ارتكاب عملية الاستمناء وخارج الحجرة خمسين نفر عمالين يستعجلو الجدع
ويشغلولو اغنية منير خايف اوعدك موفيش اقولك في تلاقي مفيش
واحنا شعبنا مايتوصاش في التريقة علي نفسة قبل الاخريين

اذا فالحلول محدوة
يا تشلح وتخلص نفسك بنفسك وتديهم العينة
يا تقرفص وتاخد الحنقة وانت ونصيبك وتدعي ان ايد الدكتور تكون سابتة وميرشقش في حاجة تانية
يا تفلقس و الدكتور يحط صباعة وبرضة هاياخدو العينة
يا اما تمتنع عن عمل التحليل لاحساسك الشديد بالمهانة وتقعد جنب امك
وهاتستمني برضة من قلة جنس الحريم

واحد فلحوس يسألني مفيش حل غير دول ابوس ايدك

ارد علية واقولة

متقلقش لانك في بلد ديموقراطي فمن حق الحكومة تطلب اوراق معتمدة ان لامؤاخذة سيادتك دكر وبتعرف
مخالفا مقولة خالدة الذكر مروة اما نعيمة وانت مبتعرفش
فمن حقك انك تختار الجهة اللي تجيب منها الورق دة

فا كما اتوقع سيتم ضرب الشهادات دي وبتسعيرة معقولة بدأ من تلاتين الي خمسين جنية
بس دي هتكون مرحلة متأخرة جايز بعد شهر
لامؤاخذة يعني دة انا معرفش حد عمل كشف الباطنة او النظر بتاع رخصة السواقة كلة بيطلع بالفلوس
فاالناس هاتروح تشلح وتدلدل بكيفها في كوباية يا اخي
اية سفن اية

لكن في الاول هايتم مساعدة الاخوة المستمنيين بتوفير افلام ومقاطع قصيرة علي الموبايلات
وهايكون سعر المكالمة بتاعة العينة بدأ من 5 جنية
مع توفير مجلات لبنانية او امريكية وانت وفلوسك يا برنس
واحتمال يدخل الكمبيوتر المحمول لجودة الصورة وحجمها المناسب اكثر من الهاتف
ووجود لسماسرة السوق السودا لبيع عينات سابقة التجهيز
دة غير بقي الشحاتين والسريحة والجماعة اللي بيمشو بيبخرو العربيات و المحلات
سيتراصو اما المستشفيات دي لتبخير راس سيادتك مع استحداث ادعية لتناسب الموقف من نوعية
روح يا شيخ ربنا يوقفلك ولاد الحلال
الهي و انت جاهي ما ينيملك جتة ابدا
مع وجود باعة سريحة لبيع خلطات سريعة
علي غرار الصاروخ بتاع عبد المنعم ابراهيم
او الرهوان وحتي مطلع الفجر بتاع عادل امام
وربما يصطحب كل شاب صديق او اثنين من باب التشجيع

واقفين من خلف الباب تعلو اصواتهم بعبارات التشجيع والهاب الحماسة
عاش يا وحش, اديلة مترحموش و الامثلة كثيرة

كنت دايما اسمع الجواز نعمة الجواز نعمة اتجوز يا ابني
دلوقت عرفت فايدة الجواز بدري
اني نفدت من المسخرة دي
فاانا وزوجتي علاقتنا تمتد لعشر سنوات مضت
لربما اذا كان القانون دة موجود لكنت مازلت مقرفص في حجر امي

بعض الاسئلة تطرح نفسها حاولت استنتج اجاباتها وفشلت
ما هو مصير العينات المسحوبة من خيرة شباب مصر اللي قادرين انهم يجوزو
الذهاب لعمل العينة للنساء اية هو كيفيتة ما هو المفترض اللي رايحة لسة عذراء
فاقصي ما يمكن عملة اشعة علي الرحم و المبايض لكن لا يوجد مسحة لعنق الرحم وقناة فالوب اشياء اخري يمكن للمختصين افادتنا اكتر
فهناك اشياء كثيرة جدا قد تكون مانع للحمل لدي المرأة لا يمكن اكتشافها عن طريق الاشعة
هل من سبق لة الجواز وهايجوز تاني يحلل برضة ولا كفاية انة ياخدة المرة الاولانية
تحلف ميت يمين انة دكر وبيعرف و عندة من العيال اتنين
هل يتقدم السيد رئيس الوزراء بافتتاح حجرة الاستمناء ليحس الناس علي التقجم لتقديم العينة
هل يتم تسليم نتائج العينات للناجحين في اطار لوضعها فوق سرير غرفة النوم او في صدر الصالة
وهل ستتم اذاعة اسماء الناجحين والراسبين في الراديو اسوة بالثانوية العامة
فتح الباب مرسي 362 مليون حيوان منوي ناجح
وممكن نلاقي محافظة بحالها لم ينجح احد
هل يحصل المتفوقين علي منح من الدولة لاستكمال مصاريف الجواز
هل يتم ارسال اوائل المستمنين للخارج لاثبات تفوق الجنس المصري علي غيرة
هل يتصل وزير الصحة شخصيا باوائل المستمنين لتهنئتهم بنفسة علي انجازهم المشرف

للاسف الواقع اصبح مدعاة للسخرية اكثر من الخيال
ربما مستقبلا تقر حكومتنا الرشيدة دمج قانون المرور مع قانون الجواز في قانون واحد
واللي يروح يحلل لازم يبقي لابس المثلث في رقبتة علشان محدش يخبط فية وهو واقف
لكي الله يا مصر و احنا لينا صباع الدكتور



شكرا للعزيز اشرف حمدي علي اعارتي الصورة
لجودة اعلي اضغط الصورة

62 comments:

  1. هههههههههههههه
    :D

    تصحيح لمعلومات حضرتك بس
    على حسب ماقريت , موضوع الصباع ده تحليل للبروستاتا لكن تحليل السائل المنوي ملوش غير الطريقة الاولى بس
    وممنوع استخدام أي وسائل مساعدة لأنها بتأثر على نتيجة العينة

    ReplyDelete
  2. ههههههههههههههههههههههههههه
    يا باشا لا شكر على واجب
    المهم بس ياريت تاخد الصورة الأصلية من اللينك ده
    عشان دي صغيرة قوي :)
    تدوينة مبهرة كالعادة
    تحياتي
    http://http.cdnlayer.com/elmotaheda/uploads//602/32879/ta7aleel.jpg

    ReplyDelete
  3. انا برضه بعلق على موضوع التفرقة بين السائل المنوي وسائل البروستاتا :)
    التحليل بيكون للسائل المنوي بس يعني مافيص خوازيق ولا حاجة

    ReplyDelete
  4. نفس الفكرة بتاعت بوست اشرف حمدي

    الغريب يا عمنا انكم متجوزين على حد علمي
    يعني بتتكلموا بقلب جامد بقا و بتتريقوا على الغلابة اللي زي حلاتنا اللي هما مدخلوش دنيا ولا حتى مسكوا ايديها لسه
    احم

    فبالتالي انا هاقول حسبي الله و نعم الوكيل وعن نفسي بحضر ادوات الاثارة من دلوقتي استعداداً لليوم الاغبر دا

    و اظن ان وقتها البص بقا هيبقا حلال حلال حلال


    جايلك يا هيفااااااااااااااا

    ReplyDelete
  5. بالنسبة لحكاية البروستاتا
    و السائل المنوي
    انا شفت في فيلم اجنبي عبيط كدا

    اتنين صحاب كانوا بيتبرعوا بعينة السائل المنوي بتاعهم
    واحد كان بيستخدم طريقة المجلات
    و التاني كان بيطلب مساعدة الجمهور

    و هي الممرضة

    بصوباعين برضوا

    ReplyDelete
  6. والنبى يا بيه بلاش الصوابع انا هزل لوحدى اهو
    :)

    ReplyDelete
  7. لااااااااا المفروض كنت تكتب على البوست
    ممنوع للانسات والسيدات
    عيييييييب
    لا تعليق ههههههههههههههههههه

    ReplyDelete
  8. جميل جدا القانون ده
    انا شفت مرة في فيلم امريكاوي واحد بيتبرع بسائله المنوي
    لو الموضوع ده يتطبق عندنا يبقى قشطة قوي
    أهي العملية تجيب فلوس
    وبرضه هنتفرج على سكس ببلاش
    ومفيش اسهل من ضرب العشرات

    ReplyDelete
  9. لا يا معلم انا مش حتجوز
    خلااااااااااااااااااااص

    ReplyDelete
  10. انا اسافر اتجوز بره البلد اكرملي ياعم الحاج
    ايه القرف
    ده
    عاوزه يحط صباعو في مناخيرو وبعدين فال********
    احية
    وياخد بدل لعب في البروستاتا كمان
    الله يقرفهم
    jehad

    ReplyDelete
  11. هههههههههههههههه
    والله العظيم انت واشرف حكايه لوحدكوا
    بس زي ما قلت للاشرف رغم ان الموضوع محرج اني حتى اعلق بس عندكم حق
    دي قلة ادب

    ReplyDelete
  12. انا عارف الفيلم اللي بتتكلموا عليه
    TOM CATS
    ده فيلم مسخرررررررة
    بس لما اتزاع على الدش اتقطع منه ييجي 40 دقيقة بحالهم !!!

    ReplyDelete
  13. البوست جااامد.. بس المفروض نكتب (للكبار فقط)
    هههههههة

    ReplyDelete
  14. فنان مسلم
    تحليل بروستاتا اية اللي بالصباع دة يا طاهر
    عيب عليك يا راجل
    دة تدليك مش تحليل

    ReplyDelete
  15. أشرف حمدي
    تم يا باشا بس الصفحة هي اللي مش مكفية
    خلتها بالضغط

    ReplyDelete
  16. ketchup
    ما هي دي الحاجة الوحيدة
    اللي مخلياني بكلم بقلب ميت
    اني نفدت
    البركة فيكو بقي انتو شباب مصر المكافح
    اهم حاجة ترفعو راسنا لفوق
    في المحافل

    ReplyDelete
  17. بطوط حبوب
    يعجبني انك شاب متعاون
    ياريت كل الشباب ياخدك قدوة
    وكلة ينزل لوحدة

    ReplyDelete
  18. appy
    لية يا رحاب دة مؤدب خالص
    انتي بس اللي فاهماني غلط
    دايما ظالماني كدة

    ReplyDelete
  19. Che_wildwing
    علي رأيك
    لو طبقو نظام بنوك السائل المنوي
    هتلاقي الناس واقفة بالطوابير
    ولا طوابير العيش

    ReplyDelete
  20. مواطن مصرى نايم
    انت حر
    متجيش تكاكي بعد كدة
    ولما تعوز تجوز
    ميكونش في صحة تعمل التحليل

    ReplyDelete
  21. SnipER
    انت جيت يا رمضاااان
    يخرب عقلك
    انت ياض قاعد علي النت من ورايا
    من ساعة ما خرجوك من المعتقل
    وانت ضاربها صرمة
    شكلهم عملت التحليل عندهم

    ReplyDelete
  22. لماضة
    يا دكترة
    انتي دكتورة وفاهمة
    دكاترة اية يا اخواتي اللي بيكسفو دول
    انتي مبتديش حقن ولا اية

    ReplyDelete
  23. انا بقول نقضيها نت و كفاية اوي لحد كدة :(((
    بس احلى حاجة في البوست دة انة يدعووووو للتفاؤؤؤؤؤؤؤؤؤؤؤل كييييييك

    ReplyDelete
  24. ابعبع بايه بس يا عع بعد كده محدش هيقدر يبعبع خالص

    ReplyDelete
  25. يا أخى يخرب بيت شركات المحمول دلوقتى شموا خبر بالموضوع ده وبيقولك حصريا حول اتصالات وخد عينة مجانية ولا الزنقة فى الحمامات

    أتمنى ان الناس تعمل حاجة غير الكلام وبأقصد ملايين الناس
    لازم نتحرر من الخوف لانه بيأجل اى قرار وبالتأكيد القرار بيصنع مصير

    ReplyDelete
  26. على فكره انا كان ليا تعقيب بس
    ياريت تقبله منى كنصيحه مش اكتر
    انا قريت ليك كذا بوست وبعلق كتير عندك
    بس يعنى بلاقى دايما كلام ميصحش ابدا وخارج اوى
    ومش خارج وبس
    ده مهاجر كمان
    هههههههههه
    ولو كلامى ضايقك انا اسفه
    بس والله ده للنصيحه مش للنقد

    ReplyDelete
  27. تعمل الحكومة جاهدة على الحفاظ على ارواح الشعب المصري .
    و تخاف كالام الحنون على نسلنا من الامراض المستوطنة. و لكننا شعب غير بار بامه التي ليست فقط ام حنون
    و لكنها كذلك ام حلوب

    تحياتي

    ReplyDelete
  28. ههههههه
    علي النعمة إنتوا شباب زي العسل ،
    بس الكلام دة مينفعش يتقال في بلوجات ، دة آخره أوضة الكشف.
    وبعدين يا مان صباح الفل إنت في مصر ، يعني مفيش حاجة من دي ح تحصل، هما مية جنيه عمي وتاخد ورقتك إنت والمدام من غير كشف ولا يحزنون ، أل كشف أل ، علي أساس إننا في دولة محترمة!!!!

    ReplyDelete
  29. انا محرجة
    بس معترضة معاكم
    يارب على بال ما اجي اجوز ولادي يكون الموضوع دة اتفشكل
    وبعدين اهي طريقة ينظفوا بيها جيوب المصريين
    ولسة يا ما في الجراب يا حاوي
    الله يخليك خلي الكلام مستغطي شويتين
    تحياتي

    ReplyDelete
  30. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ReplyDelete
  31. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    ؟؟؟؟؟؟؟؟؟؟؟؟؟؟؟؟؟؟؟؟؟ظ
    ؟؟؟؟؟؟؟ظ
    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ReplyDelete
  32. انا جعان :

    قليل البخت يلاقى التحليل فى السكة

    انا لسة خاطب وربنا يستر اعراض الرجال

    موضوع شيق جدا وعلى فكرة

    لو حد جة يعمل التحليل وماعرفش هايكون بسببك علشان كل ماحد هايفتكر هايفطس ضحك هههههههههه

    كالعادة مبدع وساخر وبراحتك ما انت عديت بقى

    تحياتى ليك

    ReplyDelete
  33. التحليل في حد ذاته مفيش فيه مشكله
    هوه اه محرج بس ليه اصحاب مش قليلن راحوا عملوا التحليل دا وهما اصلا مخطبوش من باب التجريب و التاكد
    المشكله الاجبار.. و المشكله اني مش بثق في اي قرار نابع من الدوله بيكون خالص لوجه الله وعشان مصلحتنا
    ان شاالله يقولوا اللي هاتعملك التحليل برتني سبيرز نفسها برضه هايبقه الموضوع وراه إنا واخواتها
    ويارب يفضل الموضوع على قد تحليل عينات وميمتدش لاختبار قدرات
    ;)

    ReplyDelete
  34. This comment has been removed by the author.

    ReplyDelete
  35. ممممممممممممم

    لا تعليق ..

    بس سؤال بسيط .. لو النتيجه طلعت سلبيه مثلا مش هيتجوزوا يعني ؟؟

    بالظبط زي ما اللي سايق العربيه هيستفيد ايه من البتاعه بتاعة الإسعافات الأوليه دي في إيه لما يعمل حادثة ان شاء الله كده ؟؟؟!!!!


    انا فيه جمله بس عاوزه أقولها ..

    حسبي الله و نعم الوكيل

    ياسمين

    ReplyDelete
  36. أنا أخدت جوله كده في المدونه و عجبني إسلوبك ..

    تحياتي ليك و لمدونتك اللي بقت في مفضلتي :)
    و ان شاء الله دي مش الزياره الأخيره
    ياسمين

    نوته و قلم

    ReplyDelete
  37. بسم الله الرحمن الرحيم
    يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
    التفاصيل كلها هنا
    http://awraqwasrar.blogspot.com/
    يسعدنا انضمامكم

    ReplyDelete
  38. اسلام


    لا تعليق
    غير إنك فنان


    اثبت انك من رحم المأسأة ، تنزع الابتسام

    وياريت يا جماعة اللي راح جرب البتاع دا، يقول لنا إيه اللي حصل

    هوا دراعك بيوجعك قوي يا واد يا مرسي ؟

    ReplyDelete
  39. الشيخ محمود الأزهريWednesday, 13 August, 2008

    الشيخ محمود الأزهري (نظرا لإني مش عارف اليوزر نيم ولا الباسوورد)
    الحمد الي نجانا من مذبحة الاستمناء دي ..
    أصلي في الصعيد يا حاج النار ولا العار
    ياااااااااااه من زمان أوي وانا حاسس اني فقري
    يعني مثلا
    لما دخلت الاعدادي .. بدأوا يزينوا المدرسة الابتدائي..
    ولما دخلت الكلية زرعوا المعهد الاعدادي الثانوي بتاعنا جناين ..
    ولما خلصت جامعة .. عملوا اماكن انتظار ومظلات للطلبة ..
    ولما سافرت من مصر لغوا فترة الصلاحية بتاعة كروت الشحن وبقيت مدى الحياة ..
    لأول مرة أحس إني نفدت يا جدع
    الحمد لله


    تمام يا عم الجعان

    ReplyDelete
  40. صباح الصباح
    اما انا نوهت في الاول ان في فلتان لسان


    amr
    تقضيها نت تقضيها كيك
    هاتحلل يعني هاتحلل

    ReplyDelete
  41. Anonymous
    انت مين يااااااض


    maged stephen
    للاسف الشديد كلامنا كعرب لا يحرك شعرة في رأس حكوماتنا
    اقصي ما نستطيعة ان نعين بعضنا كافراد
    الي ان تنهض لنا قائمة
    احنا مستنين المهدي يا باشا

    ReplyDelete
  42. مدرسة الفشله بنات
    عارفة اظرف حاجة فيكي اية
    اني بتخيل ملك بنتي او فرح لما يكونو في سنك
    وينتقدو حاجة فيا
    بلخرزانة ووراهم لاخر الشارع


    كلبوزة لكن سمباتيك
    كلبوزة هانم الطهقانة
    فاكرة البقرة الضاحكة دة لقب مين في الدولة
    اهو هو دة اللي مش هايطلع الا لما يجيب درفها

    ReplyDelete
  43. علي فكره ليك واجب عندي ..

    أتمني مترفضوش

    :)

    ياسمين

    خالص إحترامي

    ReplyDelete
  44. This comment has been removed by the author.

    ReplyDelete
  45. ...
    طب سؤال
    و لنفترض ان النتيجة ان احد الطرفين معندوش القدرة علي الانجاب ...خلاص كده يسيبوا بعض ؟؟؟
    هو الزواج هدفه الوحيد هو الاولاد و لا الناس بترتبط ببعض عشان يلاقوا السكن في الطرف التاني و عشان يعف نفسه من الدنيا و يلاقي راحة في بيت يضمه مع الانسان اللي بيكمله ..
    لنفترض ان اتنين بيحبوا بعض و عايزين يكملوا حياتهم سوا
    و لاقوا ان بعد تكاليف الفرح و الشقة والشبكة و كل الكلام ده المفروض انهم لسه يدفعوا كام الف للماذون لانه قانون جديد و زاد عليهم الموضوع بتاع الكشف الطبي ده ...كله تمام و فوجؤا بان حد منهم مش هيقدر يجيب اطفال ..طب وبعدين ؟؟؟؟؟
    الاتنين موافقين و راضيين بقضاء ربنا ..تقدر تضمن رد فعل اهلهم ؟؟؟
    لو هما اتجوزوا منغير ما يعرفوا ممكن يكون الوضوع اسهل للاهل لان خلاص بقوا عيلة واحده بس لما يعرفوا مسبقا ده بيدمر بيت من قبل ما يتبني ...
    دي نقطة انا رافضاها جداااااااااااا..
    النقطة التانية ان الموضوع كله مهانة لاي واحد بيطبق الموضوع ده ..لانه بيقلل من شانه حتي لو كانت النتيجة في صالحة و ايجابية ....
    دي تاني مرة انهارده ااقول الكلمة دي بس فعلا ..هو ليه الناس دول بيتفننوا انهما يزلونا و يحسسونا قد ايه ان كرامة الناس هينة اوي
    حتي ابسط حق للانسان بيتفننوا ازاي ممكن يكره نفسه لمجرد انه فكر فيه بالطريقة الصح
    .........
    الي يفرس ان يقولوابعد كده
    "يا تري ليه زادت معدلات لانتحار و الاكتئاب في مصر؟؟؟؟؟؟"
    حد يرد عليهم بقي

    ...........
    مش عارفةااقول حاجة تانية
    بس حاجة فعلا تحرق الدم
    سلام
    مها

    ReplyDelete
  46. بعد كده الراجل مننا يجى يتقدم لوحده
    ابوها يقوله انا بنتى شبكتها مش اقل من 20 الف جنيه و 40 مليون حيوان منوى

    تحياتى
    النجم

    ReplyDelete
  47. السلام عليكم

    دى اول زيارة ليا واكيد مش الاخيرة
    مدونتك جميلة واسلوبك فى الكتابة ملوش حل
    انا شوفت الطريقة التالتة دى فى فيلم اجنبى
    بس الواحد يعيش عازب اهون عليه من كسرة العين دى
    وربنا يتولانا جميعا

    سلالالالالالالالالالالالالالالالالالالالالالالالالالام

    ReplyDelete
  48. السلام عليكم ورحمة الله وبركاته
    حملة كى يكونو حقا احياء
    لمساعدة اطفال الشوارع ستبدا هذا الاسبوع
    باقى التفاصيل هنا
    http://awraqwasrar.blogspot.com/
    للاشتراك يرسل الى
    quloobrhema@yahoo.com
    لنقم بالاتفاق على تحديد مكان وزمان
    اللقاء
    يسعدنا اشتراك الجميع

    ReplyDelete
  49. السلام عليكم
    اخى الكريم جعان باشا

    تم اضافة مدونتك فى … مدونة اعجبتنى ” دليل المدونات المفضلة للمدونين والقراء العرب ” بناءا على رغبة احد (المدونين / القراء)

    نرجوا ربط مدونتك معنا …..
    shofha.blogspot.com

    تشرفنا زيارتك ويهمنا رايك فى المدونات المفضلة لك …

    بالتوفيق دائما
    ادارة المدونة

    ReplyDelete
  50. أجمل حاجة في المصريين إنهم بيقدروا يتكيفوا مع الظروف ألي بترفضها عليهم الحكومة فدلوقتي بمبلغ رشوة صغير تقدر تاخد شهادة إنك تمام وزي الفل ومحدش كشف عليك ولا حاجة وده عن معلومات موثوقة يعني إنت عارف المجلات والصور دلوقتي بقت غالية ومش سهل تلاقيها برضه loooooooooooooooooooool

    مدونة جميلة

    ReplyDelete
  51. كلبوزة لكن سمباتيك
    شوفي يا ستنا
    احنا شعب عاق
    ونستاهل كل اللي بيجرالنا
    قعدي بالعافية

    The Führer
    عم النازية كلهم
    فين ايام هتلر
    حد كان يقدر يقولك حلل
    حل وسطهم

    ReplyDelete
  52. عاشــــــ النقاب ـقــــة"نونو
    يا فندم ما انا نوهت
    لا حياء في سلطنة الجعانين
    انا زي حصة الاحياء فصل التناسل كدة
    لازم تغيبي

    المنسى
    عيل تاية دة ولا اية

    ReplyDelete
  53. انا من اهوى ومن اهوى انا
    محمد باشا
    ان شاء الله تحليلك زي الفل
    سمك وجمبري
    وحلي بطحينة

    ولا دة بتاع الرضاعة...مش فاكر بقي هو انا عقلي دفتر


    دمعاتي
    علي رأيك
    مش بعيد يعملو اختبارات قدرات
    كدة الناس هاتروح بالزوفة
    ويروحو علي سمعة الممرضة بقي

    ReplyDelete
  54. Misrdream
    يا باشمهندس نورت
    وسعيد انك ضحكت
    كفاية غم الدنيا
    ومستنيك دايما



    عاقلة علي ارض الجنون
    شوفي يا ست ياسمين لو النتيجة طلعت سلبية
    الجكومة ملهاش دخل باللي يحصل بعد كدة
    هي فضحت الجدع خلاص
    وبعد كدة هم اهل بقي يصطفلو سوا
    ومنورة دايما

    ReplyDelete
  55. مصر يا موكوسه .....يا مزارع الكوسه
    ياحبيبتي يا بنتي يا امي
    يا ست البنات كلهم
    ان شاء الله تاخدي الاعدادية
    اعلانات الشحاتة دي
    مكانها مش هنا
    انا عارف ان نيتك خير
    بس الحاجات دي ليها قنوات شرعية
    وجمعيات خيرية واشهار
    وتصاريح وموافقة
    اي عمل خير في البلد دي بيعملة عدة افراد ويعمو دعاية لية
    بدون تصريح من امن الدولة
    بيتشد وسين وجيم
    وانتي داخلة علي شهادة ومش حمل كدة


    أُكتب بالرصاص
    سيبك بقي من البكش دة
    انت مختفي فين بقالك فترة
    ومدونتك تربت ابقي هويها

    ReplyDelete
  56. الشيخ محمود الأزهري
    سيدنا وتاج راسنا
    وعلشان اللي ميعرفكش
    استاذنا صاحب مدونة
    http://sayd.tadwen.com/
    واحد جهابزة الازهر المتنورين المتفتحين
    وان كان للازهر امام كمان عشرين سنة هايكون
    الشيخ محمود
    ان شاء الله

    نيجي للجد بقي يا مولانا
    بعد الامثلة اللي سقتها في احساسك بالحظ الدكر
    اعتقد تاخد بالك ومش معني انك نفدت من التحليل
    ان مفيش حاجة ممكن تجد

    ReplyDelete
  57. عاقلة علي ارض الجنون
    شفنا التاج يا فندم
    وجاري البت في طلبك
    وبما اننا داخلين علي رمضان وصيام
    والواحد بيتجنب المنكرات
    اصل لما برد في تاج بابعبع واجيب في سيرة الكل

    maha
    حقيقي مفيش حاجة اعلق بيها علي كلامك
    شكلك محروق دمك بجد
    عذرا
    كوباية لاموناتة للمزمزيل يا جااااااااااابر

    ReplyDelete
  58. Anonymous
    يا نجم
    40
    مليون حيوان منوي دول
    ميجبوش قلقاسة مش عيل


    حـــــدوتـــــة
    العزاب عمالين يكترو
    استني لما الورقة تنزل في العتبة ب عشرين جنية

    ReplyDelete
  59. الواحد يحمد ربنا انه اتجوز قبل البهدله دي
    ربنا يستر و ميطلعوش قانون بعد الجواز و الخلفة بتحديد النسل
    و انا بقول قانون لانهم بيجربوا الذوق و مش نافع و الواحد مع الناس دي ميعرفش مخهم ممكن يوديهم فين هههههههههههه

    ReplyDelete
  60. دمك شربات ياعمو

    واكتر حاجه فى الليله دى فيها مصداقيه
    لك الله يامصر

    ولنا صباع الدكتور

    ReplyDelete
  61. 情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

    麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

    情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

    借錢,黃金,黃金回收,黃金價格,黃金買賣,當舖

    A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    ReplyDelete
  62. 情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

    情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

    情趣用品,情趣用品,情趣,情趣,情趣商品

    ReplyDelete

بعبع وقول اللي في نفسك يا خويا