Monday, August 18, 2008

كرباج ورا يا اسطي

يعرف المصريون تمام المعرفة من هو العربجي
التعريف القادم للاخوة العرب
ينشأ العربجي وتظهر علامات العربجة علية منذ نعومة اظافرة
بدأ من زحفة علي بطنة الي رفسة للمقربين
نظرا لانها مهنة متوارثة فيشب يري اباة واخوتة واعمامة واخوالة في السلك دة
فيشب بريئا لا يري في الدنيا الا ديل الحمار المربوط امامة
فيكون مداد لمهنة عريقة
ادواتة:
شوية خشب تشكل علي هيئة مربعة او مستطيلة حسب فكر المهندس
اربع عجلات من اشكال مختلفة لكي تسمح للمربع الخشبي السالف الذكر بالدحرجة
كرباج سوداني اصيل
شركائة في العمل:
حمار بلدي اصيل لا يقل عن عامين
يفضل ان يكون من اسرة ذات خبرة في البيزنس دة من عدة اجيال
حمول ذكي لماح سريع الحركة في المنعطفات
يونيفورم الشغل:
في الماضي كان جلباب ذو لون هبابي يلف حول الوسط ويرفع طرفة بيدة معبرا عن سيطرتة علي الاوضاع
الان اي حاجة من فوق واي حاجة من تحت
شبشب بصباع ولا يتنازل ابدا عن لبسة ويعتبر لبس الجزم نوع من ضعف الشخصية

مهارات العمل:
انتقاء الزبالة المناسبة من الشوارع وترك الغير ملائم لشركات الزبالة الاجنبية
قادر علي التطويح بالكرباج يمنة ويسارا مع قدرتة علي التصويب علي المراد الاطاحة بة
وضربات الكرباج متنوعة ما بين اللسوعة الخفيفة و الطرح ارضا

اذا اجتمعت كل الصفات والمهارات السابقة في شخص فهو مرشح مثالي لان يتولي مهنة العربجي
والحذر كل الحذر اذا التقيت باحدهم في مشكلة او اختلاف في وجهات النظر
فكرباج واحد كفيل باعادة الصواب لقيس ابن الملوح
ولسعة من الطرف قادرة علي اعادة الكافر لرشدة

ولكن في النهاية هو بشر ربما اقول ربما يقتنع بما تقول مدافعا عن نفسك
لكن الطامة الكبري في الاختلاف مع شريكة
فاذا زرجن الحمار و حرن ورفض التحرك امام سيارتك
فلن تفلح شفاعات الدنيا والاخرة في تحريكة عن موقفة
فالصبر خير معين الي ان يلين ويقرر التحرك
فرفسة الحمار بقدرة قادر تطيح بعجل صغير متربي علي العز او الاطاحة بعز نفسة
كل ماسبق كان لايضاح وضع العربجي وحمارة ومدي سطوتهم وخصوصا عربجية وحمير نزلة السمان بالهرم
ولكي يحذر كل نفسة قبل ان تسول لة التفكير ولو مجرد التفكير في الاختلاف مع عربجي مصري
فابن البلد يعلم عواقب الاختلاف مع العربجي فالمصري ممكن يمسك في خناق حرامي ظابط عضو في مجلس الشعب
لكن نادرا نادرا جدا لما نسمع ان حد اتخانق مع عربجي
لان اذا انتهت الخناقة بانتقالك لترب الغفير ودخولة السجن فقد انتقل من السعير لجنة رضوان
اكل وشرب ونومة حاجة اخر منجهة
الخوف علي الاخوة العرب اللي يجب عليهم ان يعلمو ان احترام العربجي المصري لهو اهم من احترام القانون
نشوف بقي اية لازمة المقدمة الطويلة

29 comments:

  1. بص بقى يا صديقى الاتنين العربجيه سواء بتاع العربيه الشروكى ولا بتاع الحمار زي بعض
    اولا نووووواي ان يكون العربجي غلط اصلا لان المنطقه دي فيها ظباط كتير وفعلا بتبقى شويه واقفه
    بس بتمشى بما انى بروح هناك كتير اصلا
    هتلاقى العربجي وانت فاهم طبعا اللى فى الشروكى حب يتنطط والبتاعه اللى معاه اكيد كدابه وبكره تعرف
    هما بيجوا اساسا يقرفونا هنا ويتعاملوا على انهم حاجه

    غير كده بقى الكلام اللى قولته انا هحلله من ناحيه تانيه جت على مزاجي اوي
    ان فيه يعض الناس يعنى يعنى اللى الواحد لما يختلف معاهم فى الراي
    بيبقوا عاملين زي العربجيه دول فعلا

    ههههههههههههههههه الناس نيات وانت عارف نيتى رايحه فى شجره

    ReplyDelete
  2. الا قولي صحيح كل الناس اللى كانت معاهم دول مين
    والله تلاقيهم موتوا الراجل من الضرب وفى الاخر هيقولك تعويض وتحريات مين اللى اثبتت ايه مش فاهمه
    ما هو لازم هيجوا على الغلبان ولازم يحطوا كلمه اميره علشان يعملوا حساب والناس تتخض انا عاوزة بس اقولهم امبره دي عندكم هناك ههههههه

    على الهامش الناس العربجيه التانيه ممكن تكون هى دي بيئتعم فعلا فاعذرهم يمكن مش بيعرفوا يتناقشوا اساسا

    ReplyDelete
  3. سؤال بسيط
    هما العرب دول كان (سائحين) فعلا؟؟؟
    لا كده تختلف الحكاية
    و انت عارف العرب بقى مش انا اللى حقولك
    بس انا مش حقول حاجة غير انا بفرح فيهم جداااااااااااا و بالذات الامراء دول

    و عاوز اهدى لهم اغنية
    الحنطور

    و اركب الحنطور درجن درجن و اتحنطر درجن درجن

    تحياتى يا باشا
    بس عجبنى جدا الوصف الدقيق للعربجى على فكره جامد جدا


    اسلام

    ReplyDelete
  4. معتقدش ان بتاع الحنطور هيغلط الاول
    السيناريو ممكن يبقا كدا

    الحنطور سد الطريق فالبشوات بعربياتهم نزلوا شتموه او قالوله كلام مش كويس على شاكلة ياعربجي يا اللي مش لاقي تاكل يابتاع الفول و الكشري ياي ياي عليك و على بلدك د انتوا بتشتغلوا عندنا الخ الخ الخ

    بتاع الحنطور اخدته الجلالة وكأنه يوسف وهبي في زمانه و نزل فيهم رفس


    و الله اعلم


    و اذا كان المصري بيتهان من اهل بلده و من ابناء الحج العدلي وشركاه و بيترفس له في اقسام البوليس فطبيعي انه يتهان من بلاد الشيروكي و الهامر و السي كلاس مرسيدي
    الخ الخ الخ

    ReplyDelete
  5. جعان :

    ياراجل مش تقول ان معاهم واحد من عيلة العتيبى

    العتيبية دول معروفين اوى اوى اوى سعوديين وطبعا عارفين احنا السعودى لما ينزل مصر بيتعامل معانا كلنا على إننا عبـــــــــيد

    والله برغم ان العربجى دا عربجى وانا قاصد المعنى الللى بنقولة كلنا كمصريين لما نحب نشتم حد بنقول يا عربجى إختصارا لجملة ياللى مابتفهمش يا همجى

    الا انى بجد فرحت للخبر وياريت يكون لسوع الناس دى بالكرباج بجد علشان يتلموا شويتين ويعرفوا ان الله حق اصل دى مش بلدهم واحنا موش عبيد

    وكلنا عارفين بيحصل اية فى المصريين فى الخليج من مهانة وقلة ادب

    هم يضحك وعم يبكى :

    سواق ميكروباص حاطط على عربيتة من ورا جملة حلوة اوى بتقول ...

    ماتبصليش بعين رضية ... دا انا طلع ميتين امى فى السعودية

    ههههههههههه تحياتى ليك وكرباج ورا يا اسطى

    شوف على عوض وكرامتة نقحت علية لما اتهان

    ReplyDelete
  6. موضوع الساعة باين انهم مفترين عالعربجي
    -
    تصحيح للمدون ان من اهوى, و اهوى من انا

    انا عارف السعوديين بيجوا عندكم ويهبووا ايه ويعلموا ايه

    بس العتيبية دي قبيلة العتيبة
    في سعوديين و من الخليج كلة واردن وسوريا (:

    ReplyDelete
  7. بص
    مش عارفه ليه كلبى يحدثنى ان فيه حاجه غلط
    حاسة ان العربجى مظلوم
    اصل انا من اشد المتيمين بالعربجيه

    ReplyDelete
  8. هههههههههههههههه
    فى حد فى مصر خد حقه
    وزياده كمان

    الحكمه بتقول اوعى تتخناق مع حد معندوش حاجه يخسرها

    ReplyDelete
  9. لا حول الله
    طبعا الغلبان لازم يشيل الليلة
    امال هيطلعوهم هما غلطانين يعني
    ولو ان ممكن يكونوا تطاولوا عليه بالقوي برضه
    انما هنقول ايه بس

    ReplyDelete
  10. wlahy ana mesh 3rfa meen belzabt el 3'ltan w mesh hafty
    bas el akeed en el 3arbagy el 3'lban da haytbhdl 3al a5r.
    w bgad mawdoo3 el sa3a da 2lsh menhom awyyyyyyy.
    w belnsba lel moroor el bayez bta3na...ana 3gbny el post da,ya reet tshofoh http://www.facebook.com/group.php?gid=5817381740.
    bsbb el mroor da ana lya zmeely etwafa fe 7adset el me7war law sm3to 3nha w kan ma3ah 2 2dna..ya3ny 3 shabab 3ndohom 19 sana..sa7e7 en el walad kan mashy bsor3a bas law kan fe qanoon bgad ymn3o men el sor3a de....
    ana 3rfa en da qda2 rbna w ana mesh ba3trd 3aleeh..ana bas sa3ban 3lya zmeely ely mat fe 7adsa bash3a zy de..ed3olhom belra7ma w ya rab m7dsh mena abadan yt7t fe mawkef ahlohom,w rabna ysbrhom w ysbrna.
    am sorry eny 5rgt 3n el mawdoo3 bas mesh zanby enta ely 2olt ba3ba3 w 2ool ely fe nefsak ya5ooya.

    ReplyDelete
  11. da el post ely 3gbny ok.

    ......EL MOUT 3ALA AL ASFALT .............


    .......2allak qanoun el murour el gideed !!!!!!!....walahy el3azeem el nas di bet.... betharrag !!!!!!....shantet eh we mosalas eh ?!!!! bala 2arraf!!!!...homa 3ashan yesalla7o el murour, mish lazim el awel yesala7o el toro2 elly zay el.... el zeft !!!!!? , mish lazim el awel yenazamo 7araket el shaware3,mish lazim el awel yesala7o el 2asas we ba3deen yeb2o yesala7o el far3eyat, howa yenfa3 abny 3emarah 2abl marmy el 2asas beta3ha ?!!!...wala hia el 2ayah et2alabet ?!!!! wala homa 3ayzeen yeganeenoona wala eh ?!!!!!!!!..ya3ni ana arou7 zay el shater ashtery el mosalas , we sawa2 el microbus mashy fil share3 3aks wala hamo we mafeesh ameen shortah beikalemo ?!!!! la2eno mish mawgoud asasan ,akeed tab3an mish fadyeen, akeed 3andohom 7agah aham.....mawkeb masalan!!!!!!...el mafroud yeghayaro 2esm edaret el murour yekhalouha edaret el mukhalfat wel mawakeb !!!!....la2enohom fi3lan mish bei3melo 7agah fi 7aythom gheer enohm yellebo el nas mokhalfat we ye2felo kol el shaware3 we ye3atalo el nas lama yekoun fi mwkeb me3ady ....ana mish fahim ba2a ya3ni eh bita3 2000 3askary we zabet wa2feen tabour 3ala koubry octobar , we 2afleen el matale3 we mewa2afen el nas , 3ashan fi basha me3ady !!!!!!...leeh ya3ni ?!!!!, we eh ahemeyeto asasan ?!!!! we a7san menny fi eh howa 3ashan ye3melolo tashreefah we heesah ?!!!....2alel nesbet el nas elly ta7t khat el fa2r fi masr wala raye7 yegeeb el deeb min deelo howa ya3ni wala eh mish fahim ?!!!!!....dah esmo ta..... tahreeg !!!!!! zanby eh ana ya3ni at2akhar 3ala shoghly wala koleity , 3ashan fi wa7ed mahma kan howa meen raye7 wala gy min 7etah ?!!!!!! , dana raye7 ashtaghal aw at3alim , ya3ni anfa3 balady , ya3ni ba7awel azo2 el balad le2odam . elly me3ady dah law 7arees 3ala masla7et el balad wala yestahel asasan el manseb elly howa feeh makansh 3atal el nas we hia mish na2sa za7mah !!!!.....law el basha warah ma3ad mohim lidaragah , aw fi khatar 3ala 7ayat sa3adtoh law meshy ganb el nas el we7sheen elly fil share3 ,.....yeb2a fi ekhtera3 esmo helicopter !!!!!!!......( 2odah kedah fou2eha marwa7ah we bitteer ) !!!!! beistakhdemouha fi 2orobah wal dowal al motakademah !!!!......3ashan 7ata mayemsheesh fi nafs el taree2 elly beimshy meno el nas el 3adyah we 3amet el sah3b , we 3ashan yeraya7na min el 2araf dah ,...... we 3ashan kaman el helicopter fi e7timal kebeer enaha to2a3 !!!!!!!!....we teb2a el moshkila et7alit : ))
    el murour fi kol dowal el 3alam wazeftoh eno yesahil 7araket murour 3arabeyat el mowateneen fil shaware3 3ashan maye7salsh traffic jams aw ay moshkilah , el murour hena ba2a leeh wazeefah taniah , : ta3teel 7araket murour el nas litasheel 7araket murour nas tanyah . we ba3d ma el nas el tanyah di te3ady , tela2y geesh el 3asaker wel zobaat doul ekhtafah wesabo el nas temshy fou2 ba3daha .........badal maye3melo qawaneen gedeedah khaleehom yetaba2o el qawaneen el 2adeeamh el awel !!!!
    ya3ni ento ya gama3ah mesada2een enohom 3amleen el qawaneen di we kol el 7agat di 3ashan khayfeen 3aleenah ?!!!!!!.....i dont think so ..i think eno 7ewar felous ....leeh ?!!!!.....3ashan law kano khayfeen 3aleena , kano 3amalo kabary moshah 3al toro2 el saree3ah ely ganb el qorah elly beidas feeha kol youm kam banyadam , we 3ady gidan ka2enohom kherfan . law kano khayfeen 3ala salamet el nas , kano mahedo el toro2 we rasafo el shaware3 benadafah . kano wa2afo zobat we 3asaker el murour fi kol 7etah we bishakl kafy 3ashan yezboto el nas el mokhalfah ( ana fi ta7t beety taqato3 shar3een , bas ma3moul bitaree2ah ghabeyah , bi7ees en elly gy min share3 mayshofsh elly gy min el share3 el tany ela ba3d mayelbeso el etneen fi ba3d , el taqato3 dah 7asal feeh like 15 7adsah dis month bass !!!! we 3ady gidan , ma3a en el mawdou3 kolo mish me7tag aktar min 3askary we korsy yo3od 3aleeh zay el basha 3ashan yeb2a shayef el shar3een , bass te2oul limeen . lazim el awel 7ad yemout 3ashan yakhdo balhom )..law kano khayfeen 3aleena kano 7ato 3asaker 3ala esharat el murour bileel ( aghlab esharat el murour bileel mabeyeb2ash wa2ef 3aleeha 7ad khales, we sa3at keteer el esharah betkoun bayza asasan , fa el nas bet3ady bemazagha )...law kano khayfeen 3ala 7ayat el nas fe3lan , kano 7ato 7ata tayara helicopter wa7dah bass fi kol taree2 saree3 , hatkalefhom kam ya3ni ?!!!!....we 7ata law ghalyah ...yeegy eh tamanha ganb 7ayat banyadam ?!!!!......kano nawaro el toro2 wel kabary el dalmah ...doul law ba3o wensh wa7ed , momkin betamanoh yegeebo lomad tenawar el ma3ady kolaha ....kano shafo eh el moshkilah elly fil autostrad wel da2ery wel me7war betkhaly ye7sal feehom 7awades daily , we 7alouha ...maheyash mo3dilah ya3ni !!!!!!....we ma7adesh ye2oli en ay taree2 saree3 bei7sal feeh kedah .....sa7 tabee3y , bass mish bilrate dah khales maho bara fi toro2 aktar we akbar we asra3 min ely hena , we mish bei7sal kedah ....leeh ?!!...3ashan fi nezam ...system
    we mafeesh 7agah esmaha qadaa2 we qadar !!!!!....ya3ni ana masalan law gebt sekeenah we 2atalt wa7ed...maho da hayeb2a qada2 rabinah we qadar el ragel we 3omroh we kan maktoubla 2abl mayetweled eno haymout kedah, bass ma3na kedah eny mat7asebsh?!! ....kol 7agah bete7sal fil doniah qada2 we kadar . lama el 7awades te7sal bilrate el kebeer dah , yeb2a akeed fi 7agah ghalat we fi 7ad ghaltan ...ya3ni el nas elly beimoto 3altoro2 kol youm doul DAMMOHOM FI RA2ABET MEEEN ???????????????????????????????

    ReplyDelete
  12. اللينك مش شغال عندي بيطلب باس وورد و يوزر نيم


    في السعودية في جدة -حيث اعيش- لما يحب واحد يشتم مصري يقوله: يا علي عوض يا عربجي


    والرد بيكون تيييييييت

    اوروفوار

    ReplyDelete
  13. الشيخ محمود الزهريWednesday, 20 August, 2008

    السلام عليكم يا عمنا ..
    كنا زمان ساكنين في حي شعبي في محافظة قنا .. والحياء الشعبية غالبا ما بتبقى فيها عربجية كتير ..
    كان لي الشرف زمان وانا في تانية ثانوي تقريبا إني اتخانق مع عربجي ..
    ومش أي عربجي .. ده كان الفتوة اسم الله عليه ..
    وطبعا على بال ما قدرت استعيد توازني عشان ابادله اللكمات والرفسات كان تقريبا عمل وشي (جَزّامة) على رأي اللمبي ..
    بس الحمد لله .. استعدت وعيي بعدها وفقت من الصدمة..
    تقريبا اتصدمت لأني كنت اول مرة حد يعمل فيا موضوع الجزامة ده (أصلي كنت مفتري)
    والحمد لله طلع من الخناقة متخرشم وبقى عبرة بعدها لكل من تسول له نفسه الهجوم على العبد لله بأي طريقة .. كانت مرسومة على وشه خريطة مصر باللون الاحمر ..
    هتقوللي يا مولانا ليه كده؟
    هقوله يعني أسيبه هو يرسم الخريطة على وشي..
    لازم الشيخ يكون جاهز في أي لحظة ..
    وبعدين جولات الاشتباك الحر دي بتنفع كتير والله في المظاهرات ومع عساكر امن الدولة والأمن المركزي ..
    ولازم التدريب يكون (لايف) وحقيقي .. مش واحد بيدربك ويحسس عليك ..



















    طبعا مقدمة عربجية إرهابية كبيرة قوي عشان محدش يدخل المدونة عندي ويعترض على حاجة أقولها ...!!
    لكن بجد العربجي أحيانا بيكون مظلوم..
    أصل العربجية اتطوروا البومين دول..
    مش لازم يكون سايق كاور ولا حنطور .. مكن يكون سايق كاوركي أوميتسوحنطور عادي يعني
    او ساعات بيكون لابس بداة ميري عليها نجوم ونسور وحاجات من دي..

    ReplyDelete
  14. am sorry ya tah2ana...bas ana 7atet el post ba3d kda 3la tool ok.
    (el moot 3la el asflt)

    ReplyDelete
  15. ممممممممممم

    ممكن يكون العربجي مش بس اللي بتشوفه في الشارع

    كتير من الناس عربجيه و مش بنفس الوصف اللي انت قلته
    مدير في الشغل .. اب مستبد .. زوج سيء الخلق ..
    و برضه بيبقي إتقاء شرهم أحسن شيء .. و تتبع معاهم و إذا خاطبهم الجاهلون قالوا سلاما

    أما لو علي الخبر ممكن زي ما آبي بتقول .. تكون اميره محطوطه عشان يخوفوا الناس

    أحب احييك علي ابوست الجامد ده ..

    و بحييك علي الوصف الدقيق
    تقبل مروري،،،
    ياسمين

    ReplyDelete
  16. السلام عليكم ورحمة الله وبركاته
    الله اعلم مين الغلطان...
    بس فلبي معاك ياعربجي...
    والله حرام اللي بيحصل ده.

    ReplyDelete
  17. اخى الكريم
    الكريم مرورى الاول
    معذرة سأدخل فى الموضوع مباشرة كنت قرأت مساجلات وردودك فى مدونة قطة الصحراء وتعليقها عليك فعملت بوست فى الموضوع ويهمنى جدا رأيك لانك شاهد على ما افترته يداه على النقاب والمنتقبات
    تحياتى لك
    نور الدين محمود

    ReplyDelete
  18. الواحد مش عارف مين العربجي بالظبط ....
    هو من الطبيعي جدا طبعا ان واحد عربجي ممكن يوقف الطريق و اذا كان عاجبك ....
    لو مش عاجبك اخبط دماغك فى الحيط .....
    لكن الغير طبيعي ان سائح حتى و لو كان عربي تسول له نفسة ليتخيل و لو للحظة ان لغة العنف ستكون حلا مع واحد عربجي من اصحاب تلك المواصفات التى تفضلت بذكر اهمها....

    خصوصا انهم من ركاب الشيروكي و اعمار الزهور و اصحاب الاعمال من قبل ان يكونوا رجال اى منذ نعومة الاظفار .....كويس انها جت على قد الخاتم و ربنا يجعله عامر .....

    جميل كعادتك يا جعان...
    تليفزيون ملون

    ReplyDelete
  19. اخويا الجعان..مش العربجى ده غلبان واحنا فى بلدنا اى غلبان لازم يتبهدل ويتظلم ويبقا حيطه مايله وملطشه لكل من هب ودب ..فاكيد اكيد العربجى مظلوم ..ولو غلط غلطه بسيطه هيتعامل على انه اجرم جرم فاحش ...وبخلاف العربجى وموضوعه اليى مزعلنى بصراحه اكتر ما انا زعلانه ..انتا نورت مدونتى وانا حاسه انى اكتشفت كنز لان مدونتك ممتازه بكل المقاييس وتجنن من الجمال يعنى ....رائع رائع رائع وخليك جعان كده لان لو شبعت بيتهيئلى مش هتطلع الابداع ده ..ممتاز فى رعاية الله وامنه..

    ReplyDelete
  20. زياترى الاولى
    والله انا اتبسطت بالموضوع دة واحسن ومية مية
    حتى لو العربجى هو اللى غلطان دى ثورة الجياع يا صديقى الجائع
    ....
    بالمناسبة اعجبنى تعليقك جدا على احدى المدونات كانت بتهاجم النقاب
    انت شخص اكثر من رائع
    تحياتى لك
    .............
    نور الدين محمود

    ReplyDelete
  21. appy
    التلميذة النجيبة ابي هانم علي سن ورمح
    عجبني تحليلك التاني جدا
    فعلا يتاخد بعين الاعتبار
    مش كل الناس قدرت تشوف اللي بين السطور
    حقيقي منبهر

    ReplyDelete
  22. مواطن مصرى نايم
    الجدع اللي مش عارفلة اسم حقيقي لحد دلوقت
    شوف يا سلم
    احنا في عصر العربجية
    وان اختلفت اشكالهم
    الخوف من عربجية السيارات الفارهة
    اكتر من عربيات الكارو


    ketchup
    ابو صلصة السكرة
    مش عربجي بيغلط في حد الاول
    لان مفيش حد بيفكر يجر شكل عربجي
    قول يا باسط

    ReplyDelete
  23. انا من اهوى ومن اهوى انا
    محمد باشا
    انا مقولتش حاجة
    لا عتيبي ولا عنابي
    انا مليش في السياسة
    ومهانة اية اللي بتحصل في الخليج للمصرين يا عمنا
    يا عم احنا عايشين ملوك عصرنا
    ربنا يتولاكم انتو برحمتة
    اللي ميعرفش يقول عدس


    يعقووبوو
    ياريت المسائل العائلية دي
    تحلوها ودي كدة انتو برضة اهل

    ReplyDelete
  24. مصر يا موكوسه .....يا مزارع الكوسه
    كلبك بيحدثني انا كمان ان في حاجة غلط

    بطوط حبوب
    تمام كدة

    ReplyDelete
  25. عاشــــــ النقاب ـقــــة"نونو
    هانعمل اية بقي حكم العربجي


    Anonymous
    الانسة بتاعة الموت علي الاسفلت
    انا مليش خلق علي قراية الفرانكو اراب دة
    ياريت يا خوانا حد ينزل بالترجمة

    ReplyDelete
  26. bastokka طهقانة

    ست الكل
    علي عوض دي ميعرفهاش غير الرعيل الاول
    انتي عندك كام سنة


    الشيخ محمود الزهري
    سيد الناس يا حنانا ننا
    طول عمرك ارهابي

    ReplyDelete
  27. عاقلة علي ارض الجنون
    ياسمين هانم
    اتفق معاكي تماما
    وكان دة غرضي الاساسي من البوست
    ليس العربجي كل من صادق حمار وركب كارو
    بل هناك من العربجية في مصر اكتر من الحمير


    أكون او لا أكون
    قلوبنا معاة كلنا

    ReplyDelete
  28. نور الدين
    هاشوف كدة


    تليفزيون ملون
    يا فنان متوجعش قلبك
    ولا دماغك بصراحة مابقتش مستاهلة
    اجيبلك لموناتة

    ReplyDelete
  29. عايزه اتطلق و
    يا ستي الله يخليكي علي مجاملتك الرقيقة دي
    سعدت بمرورك
    بالمناسبة في خلع دلوقت
    اسهل من الطلاق
    بس معرفناش معني عايزة تطلقي و
    حرف العطف دة مقصود بية اية


    نور الدين
    يا اخي فعلا في ناس بتكتب
    في المدونات اقرب للزبالة الفكرية
    وهي كانت واحدة من الصفايح دي
    وكما توقع ردودها المنقولة والمحفوظة من مدارس الجهلة
    فارغي القلوب قبل العقول
    انا جايلك عندك

    ReplyDelete

بعبع وقول اللي في نفسك يا خويا