Wednesday, October 08, 2008

رقبة قزازة و قلبي فيها انحشر معلش دي عالم اصلها بقر

قرأت لكثيرين و التهمت صفحات كعدد حبات شوال رز
لكن صلاح جاهين لطالما اثر في, رجل كتر الهموم اماتتة كمدا
شدة عشقة للبلد لدرجة اصبح كمن يمارس الجنس مع الارض المصرية
اطلع علي الغيب علم بحالنا قبل ان يري ما سنصبح علية
بالرغم من كل ما بة احسدة احسدة لانة ارتاح قبل ان يعيش حتي يومنا هذا

رقبه قزازة و قلبي فيها انحشر
شربت كاس و اتنين و خامس عشر
صاحبت ناس م
الخمرة ترجع وحوش
و صاحبت ناس م الخمرة ترجع بشر
عجبي !!!!

عرفت ناس كتير عدد فدادين درة وجرجير
وراجل زبيبة مهيبة في وسط خلقتة
تديلة ضهرك يلعن ابو اليوم اللي في شاف خلقتك
وباشا نضارة وعصاية وعربية شيفرولية
وحتي القرش بيتشحتف علية


إنسان أيا إنسان ما أجهلك
ما أتفهك في الكون و ما أضألك
شمس وقمر و
سدوم و ملايين نجوم
و فاكرها يا موهوم مخلوقه لك
عجبي !!



اصبح البني أدم رخيص, ارخص من التراب في بلاد االعجايب الكلاب اسعد من العربي الغلبان
جمعيات رفق للحيوان, متلقيش هناك كلب صايع و لا ماشي في الشارع جربان
ولا كلب ديوث مستحوذ علي عشرة من الكلبات
و لا كلب هبر هبرة و فكيك طيران
و لا كلب ريس و حوالية عشرة من الخدام خمسة يهوهو و خمسة يفسحوا المدام
الكلب هناك اذا مرض او كان علي مرض فكيلو لحمة علي الريق و حتة كبدة علي الغدا
و العشا سوتية لاجل خاطر البية
وناس علي باب الله علي ضهر مركب وسط ضلمة بحر لحد ماشاء الله
الف ماتو و شوية عاشو متعرفش مين صاحب البخت اللي عاش ولا اللي السمك لقاة
يا دي الغم لو عليا ارمي نص البلد في اليم




ياللي نصحت الناس بشــــــــــــــرب النبيت
مع بنت حلوه ..
وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟
... و الا يمكن نســـــــــــيت
عجبي !!



اعلانات مسابقات و نمر تلفونات و بنات صبايا زي الشربات
الواحدة منهم لو تضحك نص الكون يبات ولهان
و احلام دولارات, ناس غلابة عايشين علي الاحسان
و شباب شرقان لعروسة بيضة وشقة تداريهم عن عينين الحساد
مش عارف اطبطب علية و اقولة بكرة تفرج يا غلبان
و لا ازقة و كفاية قاعدة علي حجر امك يا ابن شفاعات



إخطفني ياللي تحبني ع الحصان
الدنيا قالت يوم في ماضي
الزمان
إخطفني ياللي تحبني ع الـــــفرس
الدنيا قالت .. قام خطفها
الشيطان
عجبي !!!!


و بنات حيارا زي البداري مستنين فارس علي حصان حديد
جمال ودلال وبضاعة علي عينك يا تاجر وشيل
فارس عندة مطرح فية الفرس يمرح كما رهوان سبق شديد
و ابوها راجل جد عايز تلفزيون الف بوصة الجديد
وماما ست اميرة مش عايز غيرة بوتجازعشرين شعلة زي اللي عند سميرة



حدوته عن جعران و عن خنفســــــــــه
اتقابلوا حبوا بعض ساعة
مســـــــــــــــا
و لا قال لهم حد اختشوا عيب حـــــرام
و لا حد قال دي
علاقة متدنســــــــــــــة
عجبي !!!!


يا عالم لا الحب كان حرام و لا معصية
دي قلوب بشر بين ايدين الرحمن متقلبة
قلوب زي الفجر لما يشقشق ريحة خضرة علي شط مية
دة الحيوانات بتعشق, مستكترين علي ابن ادم يحب انسية


ياللي انت بيتك قش مفروش بريش
تقوي عليه الريح .. يصبح ما
فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!


اسمة مصري و ابوة مصري وجدة مصري
حتي نانسي شهدت انة مصري
يا ابني عايش من ايام الفراعنة لحد عصر كفاية و لية
لا يوم اشتكي و ضهرة اتحني و اخرة الحكاية بيوت ورق
وصخر دبش فوق دماغة صبح وليل


إيديا في جيوبي وقلبي طــــــــرب
سارح في غربة بس مش
مغترب
و حدي لكين ونسان و ماشي كده
وبابتعد ما اعرف .. أو
باقـــــترب
عجبي !!



اصرخ يا ملك و غني و احكيلي علي ابني
ملقاش في بلدة حضن راح للغريب وهجرني
شباب زي الورد اسمر زي الرغيف
عايز يعيش عفيف لكن يا ويلة ان عارض
و قال انا عايز اعيش نضيف


كيف شفت قلبي و النبي يا طبيــــــــــــب
همد و مات و الا سامع له
دبيـــــــــــــب
قاللي لقيته مختنق بالدمـــــــــــــــــــــوع
و ما لوش
دوا غير لمسه من إيد حبيب
عجبي !!!!


بكيت ندمان علي قلبي اللي بين ضلوعي لسة بيدق
امتي الغمة تزاح والشمس في الضلمة تشق
تور مربوط في ساقية ولازم افك
سامحني وبايدك اسقيني لما اجي ساعة الطابور
و متقوليش ارجع منك انا محسور



حقرا و فوق كوكب حقير محتقـــــــر
في الكون تكون دنياكو إيه يا
بــــــقر
رملايه من صحرا ؟ لكين إيش تقول
و الكون بحاله جوه عقل
البشــــــر
عجبي !!


كورة لحست نافوخ البشر عيال رجالة, ستات فلقة القمر
وبيت بيضة علي راسها طرحة زي الغجر راسمة علم علي خد حرير معتبر
شافتهم امي قالت قيامة قامت و الدم هايصبح للركب



الدنيا صندوق دنيا .. دور بعــــد دور
الدكة هي .. و هي كل
الديكـــــــــور
يمشي اللي شاف ويسيب لغيره مكان
كان عربجي أو كان
امبراطــــــــور
عجبي

مخنوق يا عالم
ناس اكلها السمك و ناس تاكلها الفلوس
ناس تجري ورا الكورة بالسبق و ناس حتي الرزق لن تحوش



محاولة قديمة غاية في الفشل في التعبير العامي الرجاء الحفاظ علي مشاعري المرفهة في التعليق
دة اذا حد نفسة جابتة يعلق

36 comments:

  1. بكيت ندمان علي قلبي اللي بين ضلوعي لسة بيدق
    امتي الغمة تزاح والشمس في الضلمة تشق


    دى عدوى حب الوطن ولا ايه
    بس حلو اوى ده عليك وحاسس بكتير حوليك
    مد ايدك امسح دمعه من جوا قلبك بكره هتطلع الشمس وهتلاقى بلدك بالحضن بتاخدك

    حلو اوى اوى بجد
    مش مجامله انت عارف انا مبعرفش
    انا قولت من امبارح اليوم ده هيقلب يبقى كله خضار غامق
    هههههههههههههههههه

    ReplyDelete
  2. يا بلدى يا حتة سكرة
    كفايه انك فى القراءن منورة
    ومهما عملوا فيكى عمرك ما تبقى مسخرة
    الرحمن شرفك وانا عبد له
    الف الف واجى ليكى ابات فى حضنك يا منورة

    تحياتى

    ReplyDelete
  3. جاهين
    طبعا احنا اتربينا علي كلامه
    واشعاره
    من ايام اغاني الثوره وعبد الحليم
    والفوازير
    والافلام
    الله يرحمه

    ReplyDelete
  4. جاهين
    طبعا احنا اتربينا علي كلامه
    واشعاره
    من ايام اغاني الثوره وعبد الحليم
    والفوازير
    والافلام
    الله يرحمه

    ReplyDelete
  5. هو عالم اصلها بقر دى فى الزجل بتاع جاهين هههههه
    اصلى شاكه برضك انها تهزيق بصيغه غير مباشره لحد ؟؟
    اجتهادات جميله طبعا تسلم ايدك
    وربنا يرحم صلاح جاهين كان راجل عنده رؤى مبعديه وسبحان الله كلامه ماشى على دلوقت لكانه كاتبه لينا

    ReplyDelete
  6. طبعاً كل احترامي اولاً لمشاعرك المرهفه وبجد بأحسك من الناس اللي فاهمين الحياه صح وكلامك بيعجبني جداً وبجد انا من المجانين بصلاح جاهين وبموت في رباعياته وعندي كل نصوص مسرحيات والكاريكاتير واشعاره ورباعيته وصوره الخاصه وخطاباته الشخصيه والفوازير اللي كاتبها بخط ايده وكل حاجه عنه انا محتفظه بيها وبجد البوست يجنن
    تحياتي ليك

    ReplyDelete
  7. السلام عليكم

    انا اول مرة اقرا شعر لجاهين مع اني سمت عنو كتير... بس واضح انو يستحق الشهرة اللي عندو

    الشعر اللي انت كاتبو كتير حلو كمان

    تجربة ناجحة برأيي وان شاء الله الى تقدم

    تحياتي

    ReplyDelete
  8. انا مش عارف اللي علقوا علقوا إزاي ؟
    انا مش عارف اعلق على ايه و لا ايه ؟
    بس بجد تسلم ايدك
    :)

    ReplyDelete
  9. يعنى انا اولا كده دخلت على التعليقات وكانت لسه تعليقين ولسه هقول الكلمتين اليى فى لوزى راحت الكهربا تك فاصله ما علينا رجعت وعودا حميدا لسه بفتح فى مدونتك عشان اكتب التعليق ابدا ابدا ابدا لا تفتح ابدا ولسه لما اشفقت عليا وفتحت لقيت بقينا التعليق السابع ما علينا عشان بوستات مدونتك اركبلها الاسانسير والهوا كمان...
    اما بقه دماغك دى تستاهل تحط مناهج التعليم فى مصر...
    يعنى صلاح جاهين وبشير عياد وافلام تسجيليه وقصيره لا لا انا كل مدى بحترم هذه الراس ايها السيد المحترم...
    وكل ده على جنب وخفة دمك الساخره على جنب تانى خالص فعلا يا اسلام ده شرف ليا انى ادخل البلوج تبعك وانى ااقرالك حاجه
    والله قمة الشرف والسعاده...

    ReplyDelete
  10. يعنى انا اولا كده دخلت على التعليقات وكانت لسه تعليقين ولسه هقول الكلمتين اليى فى لوزى راحت الكهربا تك فاصله ما علينا رجعت وعودا حميدا لسه بفتح فى مدونتك عشان اكتب التعليق ابدا ابدا ابدا لا تفتح ابدا ولسه لما اشفقت عليا وفتحت لقيت بقينا التعليق السابع ما علينا عشان بوستات مدونتك اركبلها الاسانسير والهوا كمان...
    اما بقه دماغك دى تستاهل تحط مناهج التعليم فى مصر...
    يعنى صلاح جاهين وبشير عياد وافلام تسجيليه وقصيره لا لا انا كل مدى بحترم هذه الراس ايها السيد المحترم...
    وكل ده على جنب وخفة دمك الساخره على جنب تانى خالص فعلا يا اسلام ده شرف ليا انى ادخل البلوج تبعك وانى ااقرالك حاجه
    والله قمة الشرف والسعاده...

    ReplyDelete
  11. بمووووووووووووووووت في صلاح جاهين بجد

    وخد عندك:

    مع ان كل الخلق من اصل طين
    وكلهم بينزلوا مغمضين
    بعد الدقايق والشهور والسنين
    تلاقي ناس اشرار وناس طيبين

    وعجبي !!!يااااااه

    تحياااااااااتى

    ReplyDelete
  12. تجربه موفقه ورؤيه توافقت مع مانشعر به
    نرجو المزيد منها
    وياريت ماتكونش دى اخر مره
    تحياتى

    ReplyDelete
  13. اولا بعتذر عن التأخير بس بجد لظروف خارجة عن ارادتي وحاسة ان فاتني كتير ورد حضرتك السابق لو كنت قريتة في وقتها كان زمنا لسه بنتناقش لحد دلوقتي
    بس ان شاء الله تتعوض

    علي فكرة انا بحب صلاح جاهين جدا جدا وربعياته من الكتب اللي بتفضل جنبي دايما

    اما بخصوص محاولات حضرتك فهي تجربة من حظنا اننا نقراها صعب جدا اننا نقول في سطر اللي ممكن ينكتب في صفحات

    استمتعت جدا بقرائة البوست

    تحياتي

    ReplyDelete
  14. حدوته عن جعران و عن خنفســــــــــه
    اتقابلوا حبوا بعض ساعة
    مســـــــــــــــا
    و لا قال لهم حد اختشوا عيب حـــــرام
    و لا حد قال دي
    علاقة متدنســــــــــــــة
    عجبي


    :)))))))))))))))


    كل عام وانتي بخير

    ReplyDelete
  15. وجعت قلبى و فكرتنى بالذى مضى و اللى جاى ..........
    تحياتى

    ReplyDelete
  16. الله على عمنا جاهين وكلامة

    رمانا جوة فى بحر ألامه

    بحب اوى الرباعية دى
    أقلع غماك يا طور وأرفض تلف , أكسر تروس الساقيه وأشتم وتف , قال: بس خطوة كمان.. وخطوة كمان , يا أوصل نهاية السكة يا البير يجف .. عجبى

    تحياتى ليك

    هو لية حب الوطن دايما بيقلب حزاينى كدة ؟؟؟

    حكايتك اية انت والأخت appy

    قلب الوطن مجروح لا يحتمل اكتر
    نهرب وفين هانروح لما الهموم تكتر

    نحمى غصون الورد لو دمع سال عالخد

    اة يا حبيبه الروح قلب الوطن مجروح

    تحياتى

    ReplyDelete
  17. قلبت علييا المواجع

    ReplyDelete
  18. الحقيقه انا اول مره اتشرف بدخول المدونه دى بس انشاء الله متكونش اخر مره
    سعيد بمعرفتك وادعوك للزياره
    http://nisr-elsharq.blogspot.com/

    ReplyDelete
  19. تعرف انا بحب جاهين ده جدا
    و بحبله أوي

    كروان جريح مضروب شعاع م القمر
    سقط من السموات فؤاده انكسر
    جريت عليه قطه عشان تبلعه
    أتاريه خيال شعرا و مالهوش أثر

    عجبي !!

    بحييك علي البوست الرائع

    ReplyDelete
  20. صراحه...!
    هايل... إسلوب ساخر... منتقد... ومعارض...وبنفس الوقت لايخلو من الحزن... وهذا شئ طبيعي فكل المقاطع الخاصه بك كانت تتحدث عن مشكله ما...!!!

    برأيي كقارئه متواضعه للشعر بأنواعه... كلمات مرهفة الحس...

    ReplyDelete
  21. محاكاة طريفة لكتابات جاهين
    يجي منك في الزجل يا جعان يا اخويا
    المهم تسيب ابن شفاعات قاعد على حجر امه حيقوم يروح فين؟
    خليه متلقح



    تحياتي

    ReplyDelete
  22. هقول ايه



    مين ما يحبش جاهين ؟؟

    ReplyDelete
  23. على اسم مصر التاريخ يقدر يقول ما شاء


    أنا مصر عندي أحب وأجمل الأشياء


    بحبها وهي مالكة الأرض شرق وغرب


    وبحبها وهي مرمية جريحة حرب


    بحبها بعنف وبرقة وعلى استحياء


    واكرهها وألعن أبوها بعشق زي الداء


    واسيبها واطفش في درب وتبقى هي ف درب


    وتلتفت تلاقيني جنبها في الكرب


    والنبض ينفض عروقي بألف نغمة وضرب


    دي اجمل حاجه حبيتها لصلاح جاهين بجد

    اما كلامك والله بدون مجامله عايز الصراحة

    من غير زعل

    والله جميل

    ReplyDelete
  24. ميزه الكلام انوا بسيط
    بس شايل كتير
    مش ينطبق على زمنا بس
    هتلقيه فى كل وقت بس باختلاف الرموز
    مدونتك جميله
    دى اول زياره ليا
    وان شاء الله تتكرر

    ReplyDelete
  25. ابو ليله وشومهMonday, 13 October, 2008

    طب طلاقين على طلاقك اطخك فيها
    شوف دى
    http://www.youtube.com/watch?v=tNQ1Y6ndkqg

    و حسنين ومحمدين ومراتع عبله وزييييين قالوم كفايه تنبن..........

    ReplyDelete
  26. ¨¨¨°~*§¦§ Appyplanet §¦§*~°¨¨¨
    علطول رافعة من حالتي المعدنية والغازية كدة يا رحاب


    ABOALI
    صلاح جاهين دة فعلا عبقري الكلام

    ReplyDelete
  27. شمس النهار
    الله يرحمنا كلنا
    سعيد دائما بمرورك

    سومه...مجنونه فى بلد عاقل
    متدقيش بقي
    متهيألي لو جاهين شاف اللي انا كاتبة كان مات بحسرتة تاني

    ReplyDelete
  28. نيجار
    سيادة اللواء الحكمدار وكيل اول نيابة حموم القاهرة
    انا عندي فعلا محموعة لجاهين برضة بس صغيرة اوي
    لازم يحصل تبادل تجاري بينا


    شهيدة
    ازاي مقرتيش حاجة لجاهين قبل كدة
    علي اي حال لسة في وقت
    مجرد بحثك في جوجل لكلمة صلاح جاهين هاتلاقي كتير

    ReplyDelete
  29. مهندس مصري
    يا هندسة الكداب بيروح النار
    الله يخليك


    mahasen saber
    ويا فندم هذة الراس قد اصلعت من كتر التفكير
    لو عندك شامبو للمسائل دي
    يبقي وفيتي وكفيتي

    ReplyDelete
  30. saso
    وهو كمان بيموت فيك
    جاهين لا خلاف علية

    الدفاع
    يا استاذ
    مزيد اية بس
    الله يرضي عليك
    كدة هاجيب ضرف المدونة

    ReplyDelete
  31. وومن
    ولا يهمك الجايات اكتر من الرايحات
    والحمدلله انها عجبتك
    بس لا اعد بتكرار المحاولة

    عاشقه الفردوس
    وانتي طيبة

    eldoctor
    دكترة
    سلامة قلبك يا ريس
    لمون للباشا هنا

    ReplyDelete
  32. حلو قوي قوي قوي يااا جعان أفندي

    تسلم إيدك بجد

    عرفت ناس كتير عدد فدادين درة وجرجير
    وراجل زبيبة مهيبة في وسط خلقتة
    تديلة ضهرك يلعن ابو اليوم اللي في شاف خلقتك
    وباشا نضارة وعصاية وعربية شيفرولية
    وحتي القرش بيتشحتف علية

    ReplyDelete
  33. الله على كل شىء حلو

    ReplyDelete

بعبع وقول اللي في نفسك يا خويا