Sunday, March 04, 2012

مصر فرشحت في الارض

هل كره الاحزاب جريمه, او يغضب الله؟؟ هل مشكلتي ان الاحزاب دي ربطت اسمها بالدين ؟؟؟

يعني انا لما انتقد حزب يبقي بنتقد الدين؟؟ اعملهم ايه اذا كان افعالهم دنيئه ورخيصه.
واحمد الله اني قاطعت مهزله انتخابات مجلس الشعب اللي ادت بناس عوضا عن اعاده المنهوب و المسلوب و حق المقتول بتدور ورا مواقع السكس و حق الظابط في تربيه لحيته و الانجليزي يتدرس من 2 ابتدائي ولا اولي حضانه.
السخريه منهم هي طريقتي الوحيده وربما اخر حقوقي المتاحه ضد كل من لا يعحبني مواقفه مستكترين علي حتي دي مستكترين علي اني شايف الحقيقه وعارف ان دخول التيارات الحاليه هو نتيجه اتفاقيه مع المجلس العسكري وان غض البصر عن كل ما هو جلي وواضح للعيان و الميت كمان مستكتر علي اسخر من مجلس لم يقف فيهم رجل ويقول نعم المجلس العسكري من النظام البائد ويجب ان يرحل ويحاكم لم يقف رجل يقول لماذا لا يعامل من في طره كما كان يعامل الاخوان في محبسهم امام القضاء العسكري مكبلين كل اتنين في كلبش؟؟ متستكترين علي اقل حقوقي الادميه من الصراخ,
مستكترين علي اكره كل ظالم منافق وحصرتني اني بكرهم لكونهم اسلاميين وكاني يا اخي من مله تانيه.راجعوا نظرتكم للاخرين ولا ترفعو احد لمصاف اعلي من حقه وابحثوا عن الحقيقه ولا تاخذوها علي طبق من دهب اذا كنت معتقد ان وجودك وسط من يتبعو نفس فكرك ان كده هي دي الصحبه الصالحه فانصحك تنغلق وتتعامل مع فقط من يوافقو تفكيرك وتريح نفسك من عناء سماع اراء تخالف ما تؤمن به

الانصاف انك تحاسب من معه المسؤليه ان التيارات التي جلست علي الكراسي المفترض هم دلوقت اللي معاهم السلطه فين بقي الفعل. مفيش مفيش, قرارات تمرر وقوانين تغير وهم كما خيالات المأته.

خرج علينا اشاوس المجلس بان مصر لن تركع ولن تنحني وفي الاخر خرج امريكان قضايا التمويل من صاله كبار الزوار وشربو قصب وتمر هندي ومصر ركعت بل مصر فرشحت في الارض ده حتي اعضاء حزب كنبه بلا حدود معجبهومش اللي حصل ده العيل حماده زبايدر نفسه اتنحرر وقالك احنا اتوكسنا. .

انا رفضت امشي ورا شيخ مريديه بالملايين عايز يلم فلوس من الشعب علشان يديها للجيش يلم فلوس من العرايا والجهله واللي بيكملو عشاهم نوم علشان يديها للعسكر بياخد من المحتاج ويدي للشبعان اراجوزات السلطان مسلحين بعده النصب حجاب رجالي وجلبيه قصيره ودقن للصره وورع كاذب وتقوي مسمومه وكله مباح حتي نريح ونستراح.

انا مااخترتش اقعد في جامع احضر دروس بس انا اخترت ادور في كل مكان مش اقعد واربع واللي يتقالي يبقي هو ده الصحوده اللي اتعلمناه من النبي عليه الصلاه و السلام وده اللي اتعلمته من شيوخي و اللي رفضو يطلعو في التلفزيون ورفضو يدخلو البرطمان ورفضو عروض بمئات الالاف علشان بس يطلعو في برنامج علي القنوات اللي بتبيع دين وسن الخرتيت في بروجرام واحد.وشلح وصلي علي رسول الله يا مؤمن لزقه البركه تشقلب الحال وتزود الحركه

4 comments:

  1. Replies
    1. والله الذى لا اله الا هو .....نطقت صوابا ....وما ظلمت احدا .....ويؤلمنى ان تعيش هذه المرحلة من عمر الوطن ....ولكننى اثق فى الله الذى لا يظلم احدا ......انه يمهل ولا يهمل

      Delete
  2. والله انت قولت الخلاصة
    المشيخة والمتاجرة بالدين أربح وأسهل من أى شغل...تربى ذقنك وتتمشيخ تاخد منصب كويس ....الظاهر قدرنا الصبر على الابتلاء

    ReplyDelete

بعبع وقول اللي في نفسك يا خويا